Ֆրեդի Մերկուրի

Վիքիպեդիայից՝ ազատ հանրագիտարանից
Picto infobox music.png
Ֆրեդի Մերկուրի
Հիմնական տվյալներ
Ի ծնե անուն Ֆարուք Բուլսարա
Ծնվել է 5 սեպտեմբերի, 1946
Flag of Zanzibar.svg Սթուն Թաուն, Զանզիբար
Երկիր Մեծ Բրիտանիա Լոնդոն, Միացյալ Թագավորություն
Մահացել է 24 նոյեմբերի, 1991 (45 տարեկանում)
Մեծ Բրիտանիա Քենսինգթոն, Լոնդոն, Միացյալ Թագավորություն
Ժանրեր Ռոք, ծանր ռոք, գլամ ռոք
Մասնագիտություն Երաժիշտ, երգիչ-երգերի հեղինակ, երաժշտական պրոդյուսեր
Գործունեություն 1969–1991
Լեյբլ Columbia Records, Polydor Records, EMI Records, Parlophone, Hollywood Records
Կապված Քուին, Wreckage/Ibex, Montserrat Caballé Freddie Mercury signature 2.svg
Ստորագրությունը

Ֆրեդդի Մերկուրի (անգլ. Freddie Mercury, իրական անունը՝ Ֆարրուխ Բուլսարա (ફારોખ બલ્સારા); 5 սեպտեմբերի 1946, Քարային քաղաք, Զանզիբար24 նոյեմբերի 1991, Լոնդոն, Մեծ Բրիտանիա) բրիտանական երգիչ փարսական ծագմամբ, երգերի հեղինակ, Queen ռոք-խմբի վոկալիստ։ Այնպիսի հիթային երգերի հեղինակ է, ինչպիսիք են «Seven Seas of Rhye», «Killer Queen», «Bohemian Rhapsody», «Somebody to Love», «We Are the Champions», «Crazy Little Thing Called Love» և այլ երգերը։ Երածիշտը նաև սոլո կարիերա ուներ։ Ֆրեդդի Մերկուրին մահացել է 1991 թվականի նոյեմբերի 24-ին բրոնխային պնեվմոնիայից, որն առաջացել էր ՁԻԱՀից։

Ծնվել է 1946 թվականի սեպտեմբերի 5-ին։ Եղել է լեգենդար «Քուին» ռոք խմբի վոկալիստը։ Փաստեր կան որ նրա ձայնը 4-6 օկտավա էր. նա համարվում է բոլոր ժամանակների լավագույն վոկալիստներից մեկը և ամբողջ երաժշտական աշխարհի ամենամեծ կորուստներից մեկը։ Նրա մասին նկարահանվում է ֆիլմ, որը պատրաստ կլինի 2014 թվականին։[1] 2005 թվականին Blender ամսագիրը հարցում անց կացրեց, որի արդյունքում Ֆրեդդին 2-րդ տեղը զբաղեցրեց վոկալիստների ցանկում (առաջինը տղամարդկանց մեջ)։ Allmusic -ը բնութագրեց նրան, որպես «մեկը ամենանշանավոր ռոք-երաժիշտներից և երաժշտության պատմության մեջ լավագույն ձայներից մեկի սեփականատեր»։ Չլինելով բրիտանացի ըստ Բի-բի-սի-ի` 2002 թ. անցկացրած հարցման` Մերկուրին 100 մեծագույն բրիտանացիների շարքում 58-րդն է։[2]

«Rolling Stone» ամսագիրը նրան ներառել է բոլոր ժամանակների 100 մեծագույն երգիչների ցանկում 18-րդ տեղում։[3]

Կյանքը[խմբագրել]

Մանկություն և պատանեկություն (1946–1964)[խմբագրել]

Ֆրեդի Մերկուրին Queen-ի հետ 1984 թվականին

Ֆրեդին 5 տարեկան հասակում մեկնում է Հնդկաստան` կրթություն ստանալու։ 10 տարեկանում դառնում է դպրոցի սեղանի թենիսի չեմպիոն։ 12 տարեկանում նա պարգևատրվում է դպրոցի հաղթանշանով որպես բազմակողմանի զարգացած երիտասարդ։ Ֆրեդին նաև երաժշտության մոլի երկրպագու էր։ 1958թ-ին Սբ. Պետրոսի( որտեղ սովորում էր) իր հինգ ընկերների հետ ձևավորում են դպրոցի "The Hectics" ռոք խումբը , որտեղ Ֆրեդին դաշնակահար էր։ 1962-ին ավարտելով դպրոցը' Ֆրեդին վերադառնում է Զանզիբար, իսկ 1964 թվականի Զանզիբարի քաղաքական թոհուբոհերի հետևանքով Բուլսարաները գաղթում են Անգլիա։[4] Անգլիա գալով Բուլսարաների ընտանիքը սկզբում բնակվում էր ազգականների տանը, որոնք ապրում էին Ֆելտհեմում, Միդլսեքս կոմսությունում։ Հետագայում նրանք սեփական բնակարան գնեցին։ Ֆրեդդին, որն այդ ժամանակ 18 տարեկան էր, ընդունվեց Այլսվորտ պոլիտեխնիկական դպրոց, որտեղ հիմնականում սովորում էր գեղանկարչություն, քանի որ ցանկանում էր ընդունվել նկարչական քոլեջ։ Ընտանիքը ֆինանսական խնդիրներ ուներ։ Այդ պատճառով Ֆրեդդին ստիպված էր աշխատել ու փող վաստակել արձակուրդների ժամանակ։ Սկզբում նա աշխատում էր Լոնդոնի Հիտրոու օդանավակայանի մատակարարման բաժնում, հետո Ֆելտհեմի առևտրական պահեստում, որպես բեռնիչ։ Կոլեգաները միշտ ուշադրություն էին դարձնում նրա նուրբ ձեռքերին, որոնք բոլորովին համապատասխան չէին այդ աշխատանքի համար։ Նրանց հարցերին Ֆրեդդին պատասխանում էր, որ ինքը երաժիշտ է և այդտեղ աշխատում է միայն ազատ ժամանակ։ Ֆրեդդիի հմայքի շնորհիվ մյուս բանվորներն իրենց վրա էին վերցնում աշխատանքի առյուծի բաժինը։1966 թվականի մայիսի 6-ին գեղանկարչությունից բարձր գնահատականներով ավարտելով Այսվոլտի դպրոցը, Ֆրեդդին մասնակցեց Լոնդոնի Իլինգ գեղարվեստական քոլեջի ընդունելության հարցազրույցին, որտեղ սկսեց սովորել գրաֆիկական լուսաբանման բաժնում հենց նույն տարվա աշնանից։

Հաջողության ակնկալիքներով (1964—1970)[խմբագրել]

Ավարտում է Իլինգի արվեստի քոլեջը, ուսանում է վերոնշյալ քոլեջի գրաֆիկական նկարազարդման կուրսում։ Շուտով, դրանից հետո, Ֆրեդդին լքեց հայրական տունը և բնակություն հաստատեց Կենսինգտոնի վարձու բնակարանում իր ընկեր Քրիս Սմիթի հետ։ Կենսինգտոնն այդ ժամանակ Լոնդոնի բոհեմյայի ու արվեստի կենտրոնն էր։ Ֆրեդդին շատ էր նկարում։ Նրա նկարների մեծ մասը զբաղեցնում էր իր երաժշտական կուռքի՝ Ջիմի Հենդրիքսի դիմապատկերները։ Իլինգում Ֆրեդդին ծանոթացավ և մտերմացավ Թիմ Ստաֆֆելի հետ։ Վերջինս մասնագիտությամբ վոկալիստ ու բաս-կիթառահար էր, Smile խմբի հիմնադիրը։ Որոշ ժամանակ անց նա Ֆրեդդիին հրավիրեց իրենց խմբի փորձերին։ Ֆրեդդին գնահատում էր Smile խմբի պոտենցիալը, հատկապես կիթառահար Բրայան Մեյի և հարվածային գործիքներ նվագող Ռոջեր Թեյլորի խաղը։ Ֆրեդդին ծանոթացավ նաև այլ սկսնակ երաժիշտների հետ, այնպիսիք, ինչպիսիք են Թիմ և Նայջել Ֆոստերները։ Քրիս Սմիթը, նրա սենյակային հարևանը, ևս հետաքրքրվում էր երաժշտությամբ։ Ֆրեդդին ու Քրիսը նվագում էին միասին, փորձելով միահյուսել մի քանի ժանրեր, սակայն բեմում ելույթ չէին ունենում։ 1969թվականին նա ընդգրկվում է Ibex –ի խմբի կազմի մեջ, ապա սկսում է երգել, Sour Milk Sea խմբում, իսկ 1969 թվականի վերջին Ֆրեդին դառնում է "Sour Milk Sea" խմբի մեներգիչը։[5]

Իսկ երբ 1970 թվականին Թիմ Շտաֆելը որոշում է հեռանալ Smile-ից, և Ֆրեդին միանում է նրանց որպես գլխավոր երգիչ։ Ֆրեդին խումբը վերանվանում է Queen, ինչպես նաև փոխում է իր ազգանունը' դարձնելով այն Մերկուրի։ Ֆրեդին եղել է Queen խմբի առաջին երգի հեղինակը "Seven Seas of Rhye", որը ներխուժում է բրիտանական փոփ երաժշտության հիթ շքերթներ։ Առաջին մեծ հիթը եղել է "Killer Queen" երգը, իսկ Queen խմբի ամենահայտնի երգը "Bohemian Rhapsody" 9 շաբաթ շարունակ գլխավորում էր հիթ շքերթները։

1987 թվականին նա հանդիպում է Մոնսերատ Կաբալյեի հետ' երգչուհուն հանձնելով 2 կամ 4 երգերից բաղկացած ձայնապնակ։ Իսպանական օպերայի դիվան հավանում է այդ երգերը և նույնիսկ դրանցից մեկը կատարում Լոնդոնի "Covent Garden" օպերայում։ Հոկտեմբերի 8-ին Ֆրեդի Մերկուրին վերջին անգամ է բեմ բարձրանում։ Այդ ժամանակ նա արդեն վարակվել էր ՁԻԱՀ-ով' չնայած չէր ցանկանում, որ մարդիկ իմանային այդ մասին։ Նա հայտարարում է հիվանդության մասին իր մահվանից մեկ օր առաջ։ Հիվանդ լինելով հանդերձ' Ֆրեդին շարունակում էր երգեր գրել և ձայնագրել և նույնիսկ մասնակցել տեսահոլովակների նկարահանումներին։ Շատերի կարծիքով «Ես կարծես թե խելագարվում եմ» "I'm Going Slightly Mad" տեսահոլովակը նրա գլուխգործոցն է։ Ֆրեդդիին հանդես է եկել նաև անհատական կարիերայով` թողարկելով երկու ձայնասկավառակ և մի քանի սինգլ։

1991 թվականի նոյեմբերի 24-ին Ֆրեդին մահացավ Լոնդոնում գտնվող իր տանը' 45 տարեկան հասակում` ՁԻԱՀ-ից առաջացած բրոնխիալ թոքաբորբից։[6]

Ֆրեդիի Մասին[խմբագրել]

Ֆրեդի Մերկուրի-ի արձանը Մոնտրեքսում
  • "Նա բեմից սիրով է զբաղվում հանդիսատեսի հետ", այսպես են ներկայացրել երաժշտին, ով բեմից դուրս ամաչկոտ ու փակ անձնավորություն է եղել։ "Երբ ելույթ եմ ունենում, էքստրավերտ եմ, բայց ներքուստ ես այլ մարդ եմ",-ասել է Մերկուրին։
  • "Իմ անձնական կյանքի գաղտնիությունը շատ եմ կարեւորել։ Ես հայտնի եմ նաեւ նրանով, որ շատ քիչ եմ հարցազրույցներ ունեցել",-նշել է Ֆրեդին մահվանից առաջ արված հայտարարության ընթացքում։
  • "Ես ռոմանտիկ եմ, բայց մշտապես պատ եմ կառուցել իմ շուրջը։ Այնպես որ, մարդկանց համար դժվար է ներս մտնել ու հասկանալ իմ իրական եսը", այս խոսքերը ևս պատկանում են ռոք-լեգենդին։

Սկավառակագրություն[խմբագրել]

  • Mr. Bad Guy (1985)
  • Barcelona (Մոնսերատ Կաբալյեի հետ, 1988)

Ծանոթագրություններ[խմբագրել]

Արտաքին հղումներ[խմբագրել]