Մասնակցի քննարկում:Hayk.arabaget

Արխիվ

Ուրբաթ 26 Ապրիլի 2024

Բարի վերադարձ

Բարի վերադարձ, Հայկ ջան: Այս տարի լիքը-լիքը համագոործակցություններ ենք անելու միասին ^__^:--Գարիկ (Խաչատրյան) 13:21, 1 Հունվարի 2016 (UTC)

Բարև Գարիկ ջան: Անպայման, անցյալիս սխալները ուղղեմ ու անցնենք Հորդանան-Լիբանան երկար սպասված միամսյակին--Հայկ (արաբագետ) 13:23, 1 Հունվարի 2016 (UTC)

Քննարկման հրավեր

Հայկ ջան բարև, շնորհավոր Նոր տարի: Այս քննարկումը քեզ երևի կհետաքրքրի:--Գարդմանահայ (քննարկում) 14:07, 1 Հունվարի 2016 (UTC)

Բարև Գարդմանահայ ջան, քոնն էլ շնորհավոր--Հայկ (արաբագետ) 14:34, 1 Հունվարի 2016 (UTC)

Բագրատունիներ

Հայկ ջան, երբեմն հանդիպում եմ այն տեսակետի հետ, որ հայկական թագավորական դինաստիա հանդիսացող Բագրատունիները հրեական ծագում ունեն: Վրացական որոշակի շրջանակներ ևս ներկայացնում են Բագրատունիներին որպես հրեաների հետևորդներ և նշում, որ վրաց Բագրատունիները ոչ թե հայ Բագրատունիներից առանձնացած մի ճյուղ են, այլ առանձնացել և վրացականացվել են անմիջապես «սկզբնական» Բագրատունիներից: Ի՞նչ կապ ունեն Բագրատունիները հրեաների հետ: Քո տեսաետը կուզենայի իմանալ, եթե դժվար չի: --Գարդմանահայ (քննարկում) 19:04, 2 Հունվարի 2016 (UTC)

Ողջույն, Գարդմանահայ ջան: Այո, ծագումը Բագրատունիների երկու տարբերակ ունի` հայկական ու հրեական: Ընդ որում, հրեականի տարբերակը առաջ է քաշել Մովսես Խորենացին, ով բոլոր ազնվականներին ներկայացնում էր այլ ծագման: Նա նշում էր, որ Բագրատունիները ծագում են հրեա Շամբատից (Սմբատից): Մեկ այլ վարկած կա, որ ասում է` հայկական Բագարան գավառի ու քաղաքի անունից, բագիններից: Ես կողմնակից եմ հրեական ծագմանը, որի համաձայն մ.թ.ա. 6-րդ դարում նրանց ընտանիքը Հայաստան է տեղափոխվել, բայց դարերի ընթացքում հայացել: Դե վրացիների տարբերակն էլ նույն տրամաբանությամբ, ուղղակի մի բայցով. Սպեր գավառը` Բագրատունյաց նախնական ոստանը, վրացիներն իրենցն են համարում (Տաո-Կլարջեթի կամ Տայք-Կղարջք), և իրենց ծագումը, նույն տրամաբանությամբ, կապում ոչ թե հայերի, այլ հենց հրեաների հետ, քանի որ Սպերը արդեն իսկ վրացական է: Բագրատիոնիները ծագում են Սպերի Բագրատունիներից` սա բոլորն են ընդունում, ուղղակի մենք Սպերի Բագրատունիներին արդեն հայ ենք համարում, վրացիները` դեռ հրեա: Իսկ առաջին Բագրատիոնիները իրենց թագավորական տոհմի` Գուարամիների վերջին կին ներկայացուցչի ու Վասակ Բագրատունու ամուսնությունից են ճյուղավորվել--Հայկ (արաբագետ) 22:07, 2 Հունվարի 2016 (UTC)

Մինչև քո պատասխանելը մոտավորապես մի 250 էջ կարդացի այս թեմայով` տարբեր տեսակետներ, կարծիքներ և այլն, յուրաքանչյուր առաջ քաշված տեսակետի մեջի անուններն ու տեղանունները նորից կամ առաջին անգամ ուսումնասիրեցի, կարճ ասած գլուխս ԳՄՓԱՑ արդեն: --Գարդմանահայ (քննարկում) 00:16, 3 Հունվարի 2016 (UTC)

Հարց. եթե առկա են տարբեր տեսակետներ, ապա ինչի՞ պետք է Բագրատունիներ հոդվածում շեշտը դրվի նրանց հրեա լինելու վրա: Հոդվածը կարդաիս այլ տարբերակ կա'մ չկա, կա'մ էլ գրեթե չկա: Բագրատունիների ծագմանը բազմաթիվ պատմիչներ ու պատմաբաններ են անդրադարձել, որոնց մի զգալի մասը նրանց տալիս է հայկական ծագում (այդ թվում` այսպես ասած ուրարտական): Կան նաև պարսկական ծագման կողմնակիցներ: Մի խոսքով շիլա-շփոթ: Արդյո՞ք ճիշտ է բոլորի կարծիքը մի կողմ դնել ու որպես էտալոն ընդունել Մովսես Խորենացու ասածը: Մեծ մարդ է եղել, բա որ «սխալված» լինի կամ էլ «հրեա» գրած լինի որոշակի իրավիճակների ազդեցության տակ: Ի՞նչ ես կարծում, Բագրատունիների մասին հոդվածները վերանայման կարիք չունե՞ն:--Գարդմանահայ (քննարկում) 00:16, 3 Հունվարի 2016 (UTC)

Հայկ ջան, մի առիթով ասել էիր, որ դու Բագրատունի ես, այսինքն` հրեա ե՞ս --Գարդմանահայ (քննարկում)

Իհարկե կարող ես ներառել այլ տեսակետները՝ հղելով դրանց վրա, մասնավորապես ուրարտականի մասին ես չէի էլ լսել: Հենց Բագրատունիներ հոդվածում էլ կարելի է դնել այդ ամեն ինչը: Այո, իմ նախնիները ծագում են Բագրատունիների ազնվական տոհմից, և նախքան Հոկտեմբերյան հեղափոխությունը իշխանական տիտղոս ու կալվածքներ են ունեցել: Բայց հրեական արմատը ունի 2600 տարվա հնություն, ու ես հաստատ հրեա չեմ կարող լինել :ԴԴԴ: Նույնիսկ մարդիկ, ում պապը կամ տատը ռուս են, իրենք իրենց ամբողջովին հայ են համարում, իսկ այստեղ 2600 տարի: Նույն տրամաբանությամբ, Տիգրան Մեծը 25 տոկոսով ալան՝ օս է, քանի որ տատը՝ Արտաշես Բարեպաշտի կինը, ալանաց արքայադուստր Սաթենիկն էր --Հայկ (արաբագետ) 13:07, 3 Հունվարի 2016 (UTC)

Հայկ ջան, դու որ իշխանական տոհմի ներկայացուցիչ ես, ուրեմն ինչ-որ տեղ ոսկի-մոսկի պահած կունենաս, հը՞ :))): Իմ ունեցած տվյալները նույնպես կավելացնեմ աղբյուրները նշելով իհարկե: Հետաքրքիր է, թե ինչի՞ էր Մովսես Խորենացին բազմաթիվ հայկական իշխանական տոհմերի ծագումը կապում օտարների հետ: Մեկ-մեկ որ Խորենացուն մենակ լսենք, ապա կարելի է ենթադրել, որ հայերը ոչխարի հոտ էին. ով մտքին դնում էր դրսից գալիս իշխում էր: --Գարդմանահայ (քննարկում) 13:40, 3 Հունվարի 2016 (UTC)

Հիմա արդեն չէ, կուլակաթափությունից հետո, Գարդմանահայ ջան: Դու կատակով հարցնում ես, ես՝ լուրջ պատասխանում :ԴԴ : Մովսես Խորենացու նման դիրքորշման հարցրի մի աչքի ընկնող պատմաբան ասպիրանտի (սովետաշունչ պրոֆեսորներին չդիմեցի): Ասաց, որ նա դրանով ավելի էր բարձրացնում թագավորի ազնվական-հայկական ծագումը: Ուրեմն, հարցրի ես, Արշակունիները ուղղակի պարսիկ էին, նաև՝ կաթողիկոս Գրիգոր Լուսավորիչը, դա հայկական չէ: Դրան արդեն նա չպատասխանեց: Գերմանիայում էր սովորել...--Հայկ (արաբագետ) 13:50, 3 Հունվարի 2016 (UTC)

Տեսնու՞մ ես, դա էլ քո Գերմանական դպրոցի խերը:)) Բայց եթե լուրջ, ապա հնարավոր է. վրացի որոշ պատմաբաններ վրաց Բագրատունիների ծագումնաբանությունը տանում հասցնում էին/են Մարիամ Աստվածածնին` իբր տեսեք-տեսեք Աստվածամոր ազգակիցներն են մեր թագավորները: Նաև չպետք է մոռանալ, որ պատմիչները և ոչ միայն նրանք, հատկապես հին դարերում, իրենց աշխատությունները ստեղծում էին Աստվածաշնչից ներշնչված, այսինքն` Աստվածաշնչի ազդեցության տակ էին:--Գարդմանահայ (քննարկում) 14:59, 3 Հունվարի 2016 (UTC)

Համաձայն եմ: Հետո չմոռանանք, որ պսևդո-ազգագրագետներն ու պատմաբանները ոչ միայն հայերի, այլև վրացիների մեջ կան: Մի վրացահայ կար, որ ԱՄՆ-ում թե Կանադայում էր ապրում՝ Սայրիլ Թումանոֆ (Cyrill Tumanoff` Կիրակոս Թումանյան, այսպես ասած), ով իրեն Բագրատունիների շառավիղ էր համարում: Նա բավական ադեկվատ վերլուծություններ է արել, ֆրանսերենով ու անգլերենով տպագրել, Կամսարականների, Արծրունիների, Մամիկոնյանների, Բագրատունիների ու այլոց գենեոլոգիան:--Հայկ (արաբագետ) 19:19, 3 Հունվարի 2016 (UTC)

Իրինա Ալլեգրովա

Նկարները հեռացնել պետք է, իսկ ավելորդ նկարներ պետք չեն: Հոդվածը Իրինա Ալեգրովայի մասին է, և նպատակահարմար չէ ուղղակի սիրունության համար ամեն պատահած նկար դնել: Ոչ մի Վիքիպեդիայում նման կերպ չի դրվում ամեն պատահած նկար:--Voskanyan (քննարկում) 16:29, 16 Հունվարի 2016 (UTC)

Ընդհանրապես կապ չունեցող նկարներ են: Ռինատ Ահմեդովի ու Ելցինի մասին անգամ մի բառ չկա: Քյոսայանի մասին մի անգամ է հիշատակվում: Նկարահանել է ու վերջ: Իսկ Ալլա Պուգաչովայի՝ մեդալ է թե ինչ ստանալու նկարը դնել միայն նրա համար, որ Ալեգրովայի խումբը մասնակցել է նրա երեկույթին, կապ րկա ընդհանրապես:--Voskanyan (քննարկում) 16:33, 16 Հունվարի 2016 (UTC)

Ղեկավարության ներքո աշխատող նվագախմբում աշխատանքի անցնելը նույնպես նկարը դնելու հիմք չէ:--Voskanyan (քննարկում) 16:34, 16 Հունվարի 2016 (UTC)

Արաբական Q-ները

Ողջույն Հայկ ջան, ոնց ես։ Խնդրում եմ հայաֆիկացնես միքիչ Q-ները. 1, 2, 3, 4, 5, 6, 7, 8, 9, 10, 11, 12, 14, 15, 16, 17, 18, 19, 20 - Kareyac (քննարկում) 09:37, 18 Հունվարի 2016 (UTC)

Ողջույն, Kareyac ջան, Արված է--Հայկ (արաբագետ) 10:19, 18 Հունվարի 2016 (UTC)

Շնորհակալություն Հայկ ջան, շատ լավ ստացվեց։ - Kareyac (քննարկում) 10:25, 18 Հունվարի 2016 (UTC)

Օրվա հոդված. «Քրիստոնեության ընդունումը Հայաստանում»

Հարգելի՛ Hayk.arabaget, շնորհավորում եմ՝ Ձեր խմբագրած «Քրիստոնեության ընդունումը Հայաստանում» հոդվածն ընտրվել է 2016 թվականի հունվարի 25-ին Գլխավոր էջում ներկայացվելու համար։ Շնորհակալություն Ձեր ներդրման համար։ --Արամ 23:03, 21 Հունվարի 2016 (UTC)

Օրվա հոդված. «Արցախի ազատագրական պայքար (1724-1731)»

Հարգելի՛ Hayk.arabaget, շնորհավորում եմ՝ Ձեր խմբագրած «Արցախի ազատագրական պայքար (1724-1731)» հոդվածն ընտրվել է 2016 թվականի հունվարի 28-ին Գլխավոր էջում ներկայացվելու համար։ Շնորհակալություն Ձեր ներդրման համար։ --Արամ 02:55, 27 Հունվարի 2016 (UTC)

Խնդրանք

Հայկ ջան կխնդրեի հայերենով թարգմանեիր հետևյալ երկու անունները.

• Mujahid al-Siqlabi - Մուջահիդ ալ-Սիկլաբի
• Ali Iqbal al-Dawla - Ալի Իկբալ ալ-Դաուլա

նախապես շնորհակալություն--Սամվել (քննարկում) 13:07, 27 Հունվարի 2016 (UTC)

Արված է--Հայկ (արաբագետ) 13:13, 27 Հունվարի 2016 (UTC)

Սամվել, ես քեզ հաղորդագրություն էի թողել--Հայկ (արաբագետ) 13:15, 27 Հունվարի 2016 (UTC)

Շնորհակալ եմ Հայկ ջան:--Սամվել (քննարկում) 16:27, 27 Հունվարի 2016 (UTC)

Հարգելի Հայկ, ես սկզբում հոգնակի թվով գրեցի վերնագիրը, բայց Ձեր կազմած ցանկերի մեջ տրված էր եզակիով ձևը: Եզակիով ձևը իր ծավալով ավելի մեծ է, քան մյուսը: Եթե ձուլում եք, խնդրում եմ` դա նկատի ունենաք, թե չէ, բովանդակության մի մասը կկորցնենք: Շնորհակալություն:--Անահիտ Բաղդասարյան (քննարկում) 11:50, 1 Փետրվարի 2016 (UTC)

Անահիտ Բաղդասարյան, ես չեմ ձուլում, քանի որ ամբողջ աշխատանքը Դուք եք կատարել, ճիշտ չի լինի, որ ես ձուլեմ: Ճիշտը հոգնակին է, կարող եք ամբողջ տեղեկությունը այնտեղ տեղափոխել: Շնորհակալություն--Հայկ (արաբագետ) 11:59, 1 Փետրվարի 2016 (UTC)

Դատարկ ու հետո լցվող կատեգորիաներ

Հայկ ջան, մի հարց, ինչո՞ւ ես կատեգորիան դատարկ ստեղծում ու հաջորդ քայլով մեջ նյութ ավելացնում, երբ բնական ձևով միանգամից է դա պահանջում։ --Beko^{Քննարկում} 07:04, 28 Հունվարի 2016 (UTC)

Հոթքաթով եմ անում, դրանից է: Հոթքաթով պլյուսների վրա սեղմում եմ և մի քանի կատեգորիա միանգամից ավելացնում, այդքանը ձեռքով չեմ ուզում հավաքել: Ուրիշ եղանակ կա՞--Հայկ (արաբագետ) 07:07, 28 Հունվարի 2016 (UTC)

Շքանշաններ, 2016 փետրվար

		Կապիտան
		Հարգելի՛ Hayk.arabaget, այս շքանշանը ձեզ, Հայերեն Վիքիպեդիայում 500 միավորին համարժեք առավել կարևոր հոդվածներ բարելավելու և վերջնական տեսքի բերելու համար։--Արման Մուսիկյան (քննարկում) 09:42, 4 Փետրվարի 2016 (UTC)

Շնորհակալություն, Արման ջան--Հայկ (արաբագետ) 18:57, 4 Փետրվարի 2016 (UTC)

Քեզ էլ շնորհակալություն քո ներդրումների համար, Հայկ ջան:--Արման Մուսիկյան (քննարկում) 19:09, 4 Փետրվարի 2016 (UTC)

Օրվա հոդված. «Պաուլո Դիբալա»

Հարգելի՛ Hayk.arabaget, շնորհավորում եմ՝ Ձեր խմբագրած «Պաուլո Դիբալա» հոդվածն ընտրվել է 2016 թվականի փետրվարի 7-ին Գլխավոր էջում ներկայացվելու համար։ Շնորհակալություն Ձեր ներդրման համար։ --Արամ 13:49, 6 Փետրվարի 2016 (UTC)

Շնորհակալություն, Արամ ջան--Հայկ (արաբագետ) 15:46, 6 Փետրվարի 2016 (UTC)

Խաչակիրներ

Ողջույն Հայկ ջան, հոդվածը պետք է վերջացնեմ, նոր տեղափոխեմ հոդվածներ բաժին? Երկրորդ հարցը, միավորները ով է հաշվում?--Սամվել (քննարկում) 13:40, 8 Փետրվարի 2016 (UTC)

Ողջույն Սամվել ջան: Այո, միայն վերջացնելուց հետո: Տե՛ս սա:Միավորները շնորհում է Հայկը՝ նախագծի համակարգողը: Կներեք միջամտության համար...--Գարիկ (Խաչատրյան) 13:44, 8 Փետրվարի 2016 (UTC)

Ողջույն, Սամվել ջան: Այո, ցանկալի է հոդվածը ստեղծել, թեկուզ մի քանի նախադասությամբ, ու սկսել այն բարելավել, որպեսզի այլ մասնակիցներ չաշխատեն դրա վրա: Գարիկը քո հարցերին պատասխանեց --Հայկ (արաբագետ) 13:49, 8 Փետրվարի 2016 (UTC)

Լավ, շնորհակալ եմ:--Սամվել (քննարկում) 13:55, 8 Փետրվարի 2016 (UTC)

Արագ ջնջելու կաղապար

Հայկ ջան, ողջույն։ Մի խնդրանք։ Արագ ջնջելու կաղապարը միշտ դիր հիմնական տեքստից առաջ։ Դա հատկապես վերաբերում է վերահղման էջերին։ Երբ տակն ես դնում, վերահղումն աշխատում է, և ջնջվող էջը բացելիս հայտնվում ենք հիմնական էջում։ Մեկ էլ տեսար սխալմամբ հիմնական հոդվածը ջնջենք ։ --23artashes (քննարկում) 08:45, 10 Փետրվարի 2016 (UTC)

Շատ լավ, Արտաշես ջան: Ես էլ վերահղումների պարագայում հատուկ էի տակից դնում, որովհետև երբ դնում էի վերևից՝ հոդվածների թիվը մեկով ավելանում էր, վերահղվող սխալ էջը ընկալվում էր որպես հոդված: Մյուս անգամ քո ասած ձևով կանեմ--Հայկ (արաբագետ) 09:39, 10 Փետրվարի 2016 (UTC)

Այդ էջը, միևնույն է, արագ ջնջվելու է։ Մի քանի րոպե կամ թեկուզ ժամ որ քանակը մեկով ավելանա, ոչինչ չի պատահի ։ --23artashes (քննարկում) 09:54, 10 Փետրվարի 2016 (UTC)

Հետ շրջում

Հայկ, սրանից հետո հետ շրջելուց ներկայացրու կոնկրետ հիմքեր, քանի որ ես ո՛չ Ջնջման կանոնակարգում, ոչ Ջնջման ենթակա հոդվածների էջում ժամկետների մասին, իսկ կոնկրետ 7 օրվա մասին, ոչինչ չգտա, բացի սրանից.

Այստեղ ընդգրկված հոդվածների քննարկումը կարող է տևել 1-30 օր, որից հետո՝ կա՛մ հոդվածից հեռացվում է {{ջնջել}} կաղապարը (եթե որոշվում է հոդվածը պահել), կա՛մ այն փոխարինվում է {{արագ ջնջել}} կաղապարով, կա՛մ ուղղակի ջնջվում է (եթե որոշվում է հոդվածը ջնջել)։ Քվեարկելու ժամանակ ցանկալի է օգտագործել {{Ջ}} (ջնջել) և {{Թ}} (թողնել) կաղապարները՝ կողմ կամ դեմ արտահայտվելու համար։

: Հետևաբար գտնում եմ, որ 7-օրյա ժամկետը պարտադիր չէ, եթե չկան վիճելի պայմաններ, մանավանդ Ալա Խառատյան հոդվածի պարագայում, երբ ամեն ինչ հստակ է:--Արամ 16:04, 12 Փետրվարի 2016 (UTC)

Շատ լավ, Լիլիթն ինձ այդ մասին մեկ անգամ չէ, որ ասել է: Ես ուղղակի կատարել եմ իր ասածը ու միշտ սպասել յոթ օրվա: Հույս ունեմ՝ ժամանակ ու ցանկություն ունենալու դեպքում նա կպատասխանի, թե ինչու 7 օր, ու ինչքանով է դա անհրաժեշտ--Հայկ (արաբագետ) 16:09, 12 Փետրվարի 2016 (UTC)

«Իսլամական պետություն» հոդվածի մասին

«Իսլամական պետություն» հոդվածի մասին 1. Հոդվածը բաղկացած է ընդամենը մի երկու նախադասությունից: 2. Ընդ որում, վերջին նախադասությունը, կարծում եմ, անհասկանալի է: Ահա այն. «Մուսուլմանները առաջին տարիներից ի վեր, բազմաթիվ պետություններ հիմնվել են որպես "մուսուլման", սկզբում Մուհամմադ մարգարեի հիմնած Խալիֆայություն և հաջորդած պետությունները, որ ղեկավարվում էին խալիֆայի կողմից (Մարգարեի "հետևորդ")»։ Հարգանքով՝--Գնդապետ Մնացական Ռ. Խաչատրեան (քննարկում) 15:33, 16 Փետրվարի 2016 (UTC)

Քաղկեդոնի թերակղզի

Հայկ ջան, ինձ թվում ա, որ պիտի վերանվանվեր Քաղկեդոնյան թերակղզի, որպեսզի հենց հին Քաղկեդոն քաղաքի/Քադիքոյ թաղամասի թերակղզիանման ելուստը ի նկատի չունենանք։ Կարո՞ղ եմ հանգիստ անվանափոխել։ — Vahe ^քնն. 19:06, 16 Փետրվարի 2016 (UTC)

Վահե ջան, ես էլ չէի ստուգել քո գրածը, ուղղակի վստահելով քեզ՝ գրել էի: Փաստորեն՝ Քաղկեդոնն ու այդ թերակղզին միանգամայն այլ տեղերում են գտնվում--Հայկ (արաբագետ) 19:08, 16 Փետրվարի 2016 (UTC)

Պատմական Քաղկեդոն քաղաքի տարածքը գտնվում է այժյամ Ստամբուլի Քադիքոյ թողամասի սահմաններում, իսկ Քաղկեդոնյան թերակղզին ներկայիս Հունաստանում է, կազմված է երեք ավելի փոքր թերակղզիներից․ ի դեպ այդտեղ է գտնվում Աթոս/Աֆոն լեռը։ — Vahe ^քնն. 19:15, 16 Փետրվարի 2016 (UTC)

Իսկ պատմական Քաղկեդոն քաղաքի մոտ Քաղկեդոնի թերակղզի կա?--Հայկ (արաբագետ) 19:27, 16 Փետրվարի 2016 (UTC)

Կղզի չէ, ելուստ է փոքր։ Իմաստը Քաղկեդոնյան դարձնելը նրանում է, որ «Քաղկեդոն» քաղաքի անվան հետ հնարավորինս քիչ շաշափվի։ Պատմականորեն էլ հայալեզու գրքերում Քաղկեդոնյան թերակղզի է գրված։ — Vahe ^քնն. 19:29, 16 Փետրվարի 2016 (UTC)

Ի դեպ, մի որոշ ժամանակ հետո քեզ առաջարկելու եմ նախաձեռնել ու մշակել ԱՐԱԲԵՐԵՆ-ՀԱՅԵՐԵՆ ԳՈՐԾՆԱԿԱՆ ՏԱՌԱԴԱՐՁՈՒԹՅՈՒՆ էջ/հոդված/ձեռնարկ։ — Vahe ^քնն. 19:30, 16 Փետրվարի 2016 (UTC)

Ընդհանրապես ես այդ ՅԱՆ վերջավորությանը դեմ եմ, ու դա միայն իմ կարծիքը չէ: Բայց եթե գրքերում գրված է այդպես, ուրեմն արմատացել է, իսկ Վիքիպեդիան ընտրում է տարածված, թեկուզև սխալ տարբերակը: Իհարկե, խոսք չկա, կարող ես անվանափոխել: Իսկ տառադարձության հետ կապված կարող ես միշտ դիմել--Հայկ (արաբագետ) 19:34, 16 Փետրվարի 2016 (UTC)

Օրվա հոդված. «Հասան-Ջալալյաններ»

Հարգելի՛ Hayk.arabaget, շնորհավորում եմ՝ Ձեր խմբագրած «Հասան-Ջալալյաններ» հոդվածն ընտրվել է 2016 թվականի փետրվարի 21-ին Գլխավոր էջում ներկայացվելու համար։ Շնորհակալություն Ձեր ներդրման համար։ --Արամ 19:31, 20 Փետրվարի 2016 (UTC)

Շնորհակալություն--Հայկ (արաբագետ) 04:11, 21 Փետրվարի 2016 (UTC)

«ա»-ն կատեգորիայում

Հայկ ջան «ա»-ն ի՞նչ է գործառույթ է իրականացնում:--Գարդմանահայ (քննարկում) 20:05, 21 Փետրվարի 2016 (UTC)

Բարև, Գարդմանահայ ջան: Եթե նայես՝ քո կատեգորիայում բոլորը սկսում են «հայկական» բառով: Այսինքն՝ մայր կատեգորիայում բոլորը լինելու են Հ տառի տակ: Որպեսզի ադրբեջանականը, վրացականը ու հայկակականն առանձնացվեն, դրա համար էլ դրվում է դա: Այդ տրամաբանությամբ դրվել է օրինակ այս մայր կատեգորիան՝ Կատեգորիա:Ամերիկյան ֆիլմեր ըստ ժանրի, որտեղ դրված ենթակատեգորիաները ամեն մեկը մի տառով են, իսկ եթե այդ ա-ն կամ բ-ն չանեի, բոլորը կլինեին ամերիկյան՝ ա տառի տակ--Հայկ (արաբագետ) 20:12, 21 Փետրվարի 2016 (UTC)

Այսինքն այս ընդհանրական կատեգորիայում գտնվող այսպես ասած ենթակատեգորիաների մեջ պետք է ավելացվեն ա, բ, գ, դ տառե՞րը
► Հայ առաքելական եկեղեցու Արարատյան թեմի վանքեր և եկեղեցիներ‎
► Հայ առաքելական եկեղեցու Արցախի թեմի վանքեր և եկեղեցիներ‎
► Հայ առաքելական եկեղեցու Վիրահայոց թեմի վանքեր և եկեղեցիներ‎:--Գարդմանահայ (քննարկում) 20:17, 21 Փետրվարի 2016 (UTC)

Ոչ: Արարատյանը ա-ն է, Արցախինը էլի ա-ն է, բայց Վիրահայոցը՝ Վ:--Հայկ (արաբագետ) 20:19, 21 Փետրվարի 2016 (UTC)

Թե բան հասկացա թող իմ գրած բոլոր հոդվածները ջնջվեն :))) Հիմա էտ Վ-ն որտե՞ղ պետք է դնեմ:--Գարդմանահայ (քննարկում) 20:22, 21 Փետրվարի 2016 (UTC)

[1], [2], [3]: Սրա շնորհիվ [4] այստեղ վիճակն այլ է--Հայկ (արաբագետ) 20:40, 21 Փետրվարի 2016 (UTC)

Խաչակիրների միամսյակ

Ողջու'յն, Հա'յկ, եթե շատ դժվար չէ իմ ստեղծած հոդվածներն էլ նայի'ր, եթե հնարավոր է, խնդրում եմ, ստուգիր։ Շնորհակալություն։--Անահիտ Բաղդասարյան (քննարկում) 11:08, 23 Փետրվարի 2016 (UTC)

Շատ լավ, Անահիտ ջան--Հայկ (արաբագետ) 22:45, 23 Փետրվարի 2016 (UTC)

Շքանշաններ, 2016 փետրվար

		Պատմական շքանշան
		Հայկ ջան, էսօր քո քննարկման արխիվն էի նայում։ Զարմանքով պարզեցի, որ այս շքանշանից չունես։ Կարճ ասած՝ Հարգելի՛ Hayk.arabaget, այս շքանշանը Ձեզ՝ Վիքիպեդիայի պատմության բնագավառում ունեցած Ձեր զգալի ներդրման համար:--ԱշոտՏՆՂ (քննարկում) 07:20, 24 Փետրվարի 2016 (UTC)

Շատ շնորհակալ եմ, Աշոտ ջա՛ն: Շատ հաճելի անակնկալ էր--Հայկ (արաբագետ) 14:23, 24 Փետրվարի 2016 (UTC)

Օրվա հոդված. «Արցախի բռնակցումը Խորհրդային Ադրբեջանին»

Հարգելի՛ Hayk.arabaget, շնորհավորում եմ՝ Ձեր խմբագրած «Արցախի բռնակցումը Խորհրդային Ադրբեջանին» հոդվածն ընտրվել է 2016 թվականի փետրվարի 27-ին Գլխավոր էջում ներկայացվելու համար։ Շնորհակալություն Ձեր ներդրման համար։ --Արամ 20:40, 26 Փետրվարի 2016 (UTC)

Շնորհակալություն Արամ ջան--Հայկ (արաբագետ) 20:44, 26 Փետրվարի 2016 (UTC)

Խաչակրաց երկրորդ արշավանք

Հայկ ջան նայել ե՞ս Խաչակրաց երկրորդ արշավանք հոդվածը, եթե նայել ես կարող ե՞մ նշանը դնել, որ արված է:--Սամվել (քննարկում) 13:22, 29 Փետրվարի 2016 (UTC)

Ողջույն, Սամվել ջան: Դեռ չեմ նայել, այսօր կնայեմ--Հայկ (արաբագետ) 13:29, 29 Փետրվարի 2016 (UTC)

Օրվա հոդված. «Եդեսիայի կոմսություն»

Հարգելի՛ Hayk.arabaget, շնորհավորում եմ՝ Ձեր խմբագրած «Եդեսիայի կոմսություն» հոդվածն ընտրվել է 2016 թվականի մարտի 6-ին Գլխավոր էջում ներկայացվելու համար։ Շնորհակալություն Ձեր ներդրման համար։ --Արամ 21:49, 5 Մարտի 2016 (UTC)

Շնորհակալություն, Արամ ջան, բայց հոդվածը Էդվարդինն է--Հայկ (արաբագետ) 22:13, 5 Մարտի 2016 (UTC)

Էդվարդը երկուսիդ անունն էլ նշել էր, իսկ դու ոչինչ չէիր ասել: Ոչինչ, դու էլ քո ներդրումն ունես, որը պակաս կարևոր չէ: --Արամ 22:14, 5 Մարտի 2016 (UTC)

--Հայկ (արաբագետ) 22:15, 5 Մարտի 2016 (UTC)

Զգուշացում՝ քաղաքավարություն

Հարգելի Hayk.arabaget Ձեր այս գրառումը պարունակում է, ոչ քաղաքավարի/վիրավորական տարրեր։ Խնդրում եմ լինել քաղաքավարի և պահպանել էթիկետը ցանկացած իրավիճակում։ Հարգանքներով --Ալեքսեյ a.k.a. Xelgen (քննարկում) 02:30, 8 Մարտի 2016 (UTC)

Շնորհակալություն, Ալեքսեյ:--Հայկ (արաբագետ) 05:17, 8 Մարտի 2016 (UTC)

Շքանշաններ, 2016 մարտ

		Մայոր
		Հարգելի՛ Hayk.arabaget, այս շքանշանը ձեզ, Խաչակիրներին նվիրված նախագիծ կազմելու և այն ըստ արժանվույն հետևելու համար։--Արման Մուսիկյան (քննարկում) 05:30, 9 Մարտի 2016 (UTC)

Շատ շնորհակալ եմ, Արման ջան--Հայկ (արաբագետ) 09:29, 9 Մարտի 2016 (UTC)

Քեզ էլ շնորհակալություն քո աշխատանքի համար, Հայկ ջան: --Արման Մուսիկյան (քննարկում) 09:42, 9 Մարտի 2016 (UTC)

Դատարկ կատեգորիա

Հայկ ջան, ողջույն: Այս կատեգորիան անհրաժե՞շտ է, թե կարող եմ ջնջել. դատարկ է, գուցե կատեգորիզացիան ճիշտ չի կատարվել:--Արամ 22:10, 9 Մարտի 2016 (UTC)

Բարի լույս, Արամ ջան: Քարթլի-Կախեթի (18-րդ դար) արքաները երկուսն են եղել [5], [6]: Մեզ մոտ սխալմամբ նշված էին Վրաց արքաներ, ովքեր իրականում միասնական Վրաց թագավորության (11-15-րդ դարեր) արքաներն էին: Շնորհակալություն, որ ուշադիր եղար ու սխալը նկատեցինք--Հայկ (արաբագետ) 06:48, 10 Մարտի 2016 (UTC)

Խնդիր չկա, լավ է, որ ուղղվեց:--Արամ 09:13, 10 Մարտի 2016 (UTC)

Իսկ ա՞յս մեկը:--Արամ 09:34, 10 Մարտի 2016 (UTC)

Չկա, դատարկ է, Արամ ջան--Հայկ (արաբագետ) 11:56, 10 Մարտի 2016 (UTC)

Հայկ ջան, սրանք էլ նայիր, պե՞տք են՝

• Կատեգորիա:Վրաց իշխաններ
• Կատեգորիա:Վրաց հոգևորական տոհմեր
• Կատեգորիա:Վրաց մտավորական ընտանիքներ
• Կատեգորիա:Վրացական տարազ
• Կատեգորիա:Վրացի մանրանկարիչներ:--Արամ 20:36, 10 Մարտի 2016 (UTC)

Բացի տարազը բոլորը դատարկ են: Պետք էին միամսյակի ժամանակ, բայց հոդվածները չգրվեցին, դրա համար կատեգորիաները դատարկ են: Չգիտեմ՝ եթե ճիշտը գտնում ես, որ դատարկ չպետք է մնան, կարող ես ջնջել, Արամ ջան:--Հայկ (արաբագետ) 21:06, 10 Մարտի 2016 (UTC)

Իսկ դու ո՞րն ես ճիշտ համարում:--Արամ 21:12, 10 Մարտի 2016 (UTC)

Ինձ տենց բարդ հարցեր մի տուր --Հայկ (արաբագետ) 21:13, 10 Մարտի 2016 (UTC)

Մխարե

Հայկ ջան, քո էջում եմ հարցս առաջ քաշում, որովհետև նման հարցերով զբաղվող մասնակիցներից ես։ Վրացական, այսպես կոչված, «մարզերը» (մխարե), իրականում հանդիսանում են «երկրամաս» եզրույթի վրացական տարբերակը՝ վիքիդատայի հղում։ Եվ ըստ վարչական բաժանման սկզբունքի, իրոք, դրանք երկրամսեր են, ոչ թե մարզեր։ Բացի այդ, Վրաստանի մունիցիպալիտետները որպես շրջաններ չպետք է ներկայացվեն, որովհետև որպես տեղական ինքնակառավարման մարմին դրանք հանդիսանում են հենց մունիցիպալիտետներ։ Ինչ կարծիքի ես, չարժե՞ քննարկում սկսել դրանց վերանվանման վերաբերյալ։ — Vahe ^քնն. 20:33, 11 Մարտի 2016 (UTC)

Ոչ, քանի որ մխարեն որքան էլ երկրամաս թարգմանեն վրացիները, դա հենց մարզն է` իրավական, վարչական և բոլոր տեսանկյուններից: Այն ոչնչով չի տարբերվում Հայաստանի մարզերից, իսկ երկրամասը` край, լրիվ այլ հասկացություն է, որը իր մեջ ներառում է մարզեր ու նահանգներ, իսկ իրենց մխարեն մարզեր չի ներառում, քանի որ ինքը հենց մարզ է: Բացի այդ, երկրամասն ունի վարչաքաղաքական լայն իրավունքներ, սեփական զորքի, ոստիկանության, նույնիսկ դատարանի ու խորհրդարանի մանդատներ, ու գերակա է բոլոր միավորներին, ինչը Վրաստանի պես երկրում անհնար է, քանի որ երկրամասեր ունեն ԱՄՆ-ը, ՌԴ-ը և այլ պետություններ: Ինչ վերաբերում է մունիցիպալիտետին, ապա իրենց մունիցիպալիտետները դարձյալ, որևէ բանով չեն տարբերվում Հայաստանի շրջաններից: Օրինակները ու փաստերը էլի շատ են--Հայկ (արաբագետ) 21:23, 11 Մարտի 2016 (UTC)

Երկրամաս/կրայ/մխարե եզրույթը զուտ խորհրդային շրջանի հասկացություն է։ Օրինակ եմ բերում ՌԴ մարզերն ու երկրամսերը, որոնք ունեն բացարձակապես նույն կարգավիճակը երկրի դաշնային կառուցվածքում։ Միթե ՀՀ մարզերը նման են ՌԴ կամ թեկուզ Ուկրաինայի մարզերին․ պատասխանը՝ ոչ, սակայն ՄԱՐԶ եզրույթից հետ քաշվել չենք կարող։ Նմանապես մխարեն երկրամաս է։ Քո մոտ մի «լավ» կամ «վատ», չեմ կարող օբյեկտիվ բնորոշեմ, ընդհանրացման սինդրոմ կա աշխարհի երկրների վարչական բաժանման հարցերում։ — Vahe ^քնն. 21:33, 11 Մարտի 2016 (UTC)

Հայաստանի մարզերը, այո, մյուս մարզերին չեն համապատասխանում, ես դրա մասին մի քանի անգամ ասել եմ: Բայց Վրաստանի մխարեն երբեք Ալթայի, Կրասնոդարի երկրամասերի, կամ թեկուզ Բրազիլիայի ու Ավստրալիայի երկրամասերի հետ որևէ ծայրով չես համեմատի: Իսկ ընդհանրացման սինդրոմը, այո, կա, ու պետք է: Անգլերեն, ռուսերեն ու բոլոր մյուս վիքիներում իրենք իրենց բառերն են օգտագործում, իրենցը դնում հիմնական, իսկ բնօրինակը դնում հոդվածի մեջ: Նույն սկզբունքը հանգիստ կարող ենք օգտագործել և մեզ մոտ, ինչու ոչ, լեզու՞ն է աղքատ, թե՞ մենք գիտելիք չունենք--Հայկ (արաբագետ) 22:14, 11 Մարտի 2016 (UTC)

Հայկ ջան, Բրազիլիան և Ավստրալիան երկրամասեր չունեն։ Դրանք կոչվում են վիճակագրական ռեգիոններ, իսկ ռեգիոնը հայերեն բառացի տարածաշրջանն է։ Ի միջ այլոց, Երկրամաս էջը վերահղվում է Տարածաշրջաններ էջին, իսկ Տարածաշրջան էջը՝ Մարզ։ Միթե սա անփութություն չէ։ Հեչ էլ թե Լոռու մարզը անգլերեն Lori Region են թարգմանել։ Նույնիսկ անգլերեն Region հոդվածում շոշափված են «տարածաշրջան» եզրույթի բազմաթիվ կողմերը, նշվում է լայն հասկացության օգտագործումը։ — Vahe ^քնն. 07:17, 12 Մարտի 2016 (UTC)

Օրվա հոդված. «Սյունիքի ազատագրական պայքար (1722-1730)»

Հարգելի՛ Hayk.arabaget, շնորհավորում եմ՝ Ձեր խմբագրած «Սյունիքի ազատագրական պայքար (1722-1730)» հոդվածն ընտրվել է 2016 թվականի մարտի 14-ին Գլխավոր էջում ներկայացվելու համար։ Շնորհակալություն Ձեր ներդրման համար։ --Արամ 19:59, 13 Մարտի 2016 (UTC)

Շնորհակալ եմ, Արամ ջան--Հայկ (արաբագետ) 05:45, 14 Մարտի 2016 (UTC)

Ես նույնպես:--Արամ 06:01, 14 Մարտի 2016 (UTC)

Օրվա հոդված. «Յուվենտուս»

Հարգելի՛ Hayk.arabaget, շնորհավորում եմ՝ Ձեր խմբագրած «Յուվենտուս» հոդվածն ընտրվել է 2016 թվականի մարտի 16-ին Գլխավոր էջում ներկայացվելու համար։ Շնորհակալություն Ձեր ներդրման համար։ --Արամ 21:47, 14 Մարտի 2016 (UTC)

Գնահատում

Հարգելի՛ Hayk.arabaget, որքան հասկացա, Յուվենտուս հոդվածը ներկայացրեցիք գնահատման, իսկ գնահատումը քվեարկություն չէ, ուստի Խորհրդարանում խնդրում եմ շտկել Ձեր գրառումը: Վիքիողջույններով:--Արամ 23:33, 16 Մարտի 2016 (UTC)

Այսինքն՝ «ընտրյալ» բա՞ռը հանեմ. լավ չհասկացա; կարո՞ղ ես դու ուղղել:– Այս անստորագիր գրառման հեղինակն է Hayk.arabaget (քննարկում|ներդրումներ) մասնակիցը։

Չէ Հայկ ջան, սա գնահատման փուլն է, ոչ թե քվեարկման:--Garik^📞📧 11:27, 31 Մարտի 2016 (UTC)

Ջնջված խմբագրումներ

Բարև, Հայկ, ուզում եմ հասկանալ, թե ինչու եք հեռացրել իմ խմբագրումները ,,Փետրվարյան ապստամբություն հոդվածից: Իմ խմբագրումները գրքեր էին, որոնք անմիջապես վերաբերում էին 1921 թ. Փետրվարյան ապստամբությանը: Ես անձամբ այդ թեմայով զբաղվել եմ` գրելով ռեֆերատ և ավարտական աշխատանք:– Այս անստորագիր գրառման հեղինակն է Կարապետ Հակոբյան (քննարկում|ներդրումներ) մասնակիցը։

Ողջույն, Կարապետ: Ձեր գրքերը արևելահայերե՞ն են, թե՞ արևմտահայերեն: Եվ մի հարց էլ, եթե նշում եք «աղբյուրներ» վերնագրի տակ` նշանակում է, որ հոդվածը գրելիս ես օգտվել եմ դրանցից, ինչն իրականում այդպես չէ--Հայկ (արաբագետ) 23:00, 2 Ապրիլի 2016 (UTC)

Ողջույն, Հայկ: Աղբյուրների պահով իրար հասկացանք: Ուղղակի գրելով` աղբյուրներ, ես նկատի եմ ունեցել, որ ասենք ՀՅ Դաշնակցությունը և Խորհրդային իշխանությունը կամ մի քանի այլ բաներ սկզբնաղբյուրներ են: Ինչ վերաբերում է արևմտահայերեն ու արևելահայերեն գրքերին: Դա արդեն` նայած գիրք: Իմ տրված ցուցակում կան և' արևմտահայ հրատարակության, և' արևելահայ հրատարակության գրքեր, ինչը շատ նորմալ երևույթ է հայ պատմագրության մեջ: ԿԱՐԱՊԵՏ ՀԱԿՈԲՅԱՆ

Հարցը նորմալ երևույթին չէր վերաբերում, այլ նրան, որ աղբյուրների կողքին նշեիր՝ փակագծերում, թե որ լեզվով են: Մի խորհուրդ էլ, Վիքիպեդիայում ստորագրելիս կարող ես անել դա այսպես, դա ավելի հեշտ է ու ճիշտ: Խնդրում եմ նորից ավելացնես գրականությունը՝ արդեն հաշվի առնելով այս խոսակցությունը: Հաճելի խմբագրումներ:--Հայկ (արաբագետ) 09:56, 3 Ապրիլի 2016 (UTC)

Օրվա հոդված. «Արմենականների կուսակցություն»

Հարգելի՛ Hayk.arabaget, շնորհավորում եմ՝ Ձեր խմբագրած «Արմենականների կուսակցություն» հոդվածն ընտրվել է 2016 թվականի ապրիլի 7-ին Գլխավոր էջում ներկայացվելու համար։ Շնորհակալություն Ձեր ներդրման համար։ --Արամ Ս. 18:42, 6 Ապրիլի 2016 (UTC)

Շնորհակալություն, Արամ ջան:--Հայկ (արաբագետ) 20:31, 6 Ապրիլի 2016 (UTC)

Չօգտագործվող պատկերներ

Հայկ ջան, ողջույն։ Խնդրում եմ ասես՝ քո բեռնած հետևյալ նկարները պե՞տք են, թե՞ կարող ենք ջնջել։ Չորսն էլ չօգտագործվող են. Տրանսիլվանիա շոգենավը մտնում է Բաթում.jpg, Արաբական թերակղզի.jpg, Հայ-Բագրատունիների-տերությունը-9-րդ-դարի-վերջին-և10-րդ-դարի-սկզբին-600x415.jpg, Հայաստանը 527-591-թթ.jpg։ Շնորհակալություն։ --23artashes (քննարկում) 13:13, 11 Ապրիլի 2016 (UTC)

Շնորհակալություն ուշադիր լինելու համար, ջան: Դրանք բոլորն այժմ օգտագործվում են, դրեցի հոդվածներում--Հայկ (արաբագետ) 22:54, 11 Ապրիլի 2016 (UTC)

Հայկ ջան, այդ դեպքում Արաբական թերակղզի.jpg պատկերի չափսերը պետք է համապատասխանեցնել կանոնակարգին։ Շատ մեծ է։ --23artashes (քննարկում) 07:52, 12 Ապրիլի 2016 (UTC)

Այդ պատկերը ես չեմ հեղինակել, բայց հայերեն բառերը, որ վրան կան՝ դա թույլ տալի՞ս է որ պատկերը իմը լինի: Եթե այո, ուրեմն բեռնենք պահեստ, եթե ոչ՝ կարճացնեմ--Հայկ (արաբագետ) 07:56, 12 Ապրիլի 2016 (UTC)

Հայկ ջան, ողջույն։ Այս նկարն էլ կնայե՞ս. Անդրկովկասը 1840-1859թթ.jpg։ --23artashes (քննարկում) 16:34, 21 Ապրիլի 2016 (UTC)

Ողջույն, Արտաշես ջան: Արդեն արեցի, շնորհակալություն ուշադիր լինելու համար--Հայկ (արաբագետ) 16:38, 21 Ապրիլի 2016 (UTC)

Արագ ջնջման կաղապար-2

Հայկ ջան,մի խնդրանք։ Արագ ջնջելու կաղապարը դիր հիմնական տեքստից առաջ։ Դա հատկապես վերաբերում է վերահղման էջերին։ Երբ տակն ես դնում, վերահղումն աշխատում է, և ջնջվող էջը բացելիս հայտնվում ենք հիմնական էջում։ Մեկ էլ տեսար սխալմամբ հիմնական հոդվածը ջնջենք , բացի այդ արագ ջնջման կաղապարում անպայման նշիր պատճառը: Հաճելի վիքիխմբագրումներ եմ մաղթում:--Արամ Ս. 19:22, 12 Ապրիլի 2016 (UTC)

Լավ, Արամ ջան, մերսի: Կոնկրետ այս մեկի պատճառը տառասխալն էր, մյուս անգամներն էլ կնշեմ--Հայկ (արաբագետ) 20:35, 12 Ապրիլի 2016 (UTC)

Օրվա հոդված. «Տրիպոլիի կոմսություն»

Հարգելի՛ Hayk.arabaget, շնորհավորում եմ՝ Ձեր խմբագրած «Տրիպոլիի կոմսություն» հոդվածն ընտրվել է 2016 թվականի ապրիլի 21-ին Գլխավոր էջում ներկայացվելու համար: Շնորհակալություն Ձեր ներդրման համար: --Արամ Ս. 19:44, 20 Ապրիլի 2016 (UTC)

Շնորհակալություն, Արամ ջան: Բայց հոդվածը Էդվարդի աշխատանքն է եղել--Հայկ (արաբագետ) 19:46, 20 Ապրիլի 2016 (UTC)

Մեջբերում առաջադրման էջից. «Եվս մեկ հոդված խաչակիրների միամսյակից: Հոդվածը բարելավվել և շտկվել է իմ և Հայկի կողմից:»: Առարկման 7 օրն էլ անցել է :) --Արամ Ս. 19:49, 20 Ապրիլի 2016 (UTC)

--Հայկ (արաբագետ) 19:50, 20 Ապրիլի 2016 (UTC)

ق տառի մասին

Ողջույն, Hayk.arabaget։ Նկատեցի, որ հետ էիք շրջել կ->ղ փոփոխությունը։ Երբ կ-ն տեսա, մտածեցի, որ գուցե Հայաստանում «կ» ձայնով է դասավանդվում, և հավանական է, որ դա ազդված է Ռուսաստանում արաբերենի դասավանդումից, ում համար հաստատ ավելի հեշտ կլինի ق-ն նմանացնել կ ձայնին, քանի որ ղ չունեն։ Նաև համաձայն եմ, որ արաբերենի և պարսկերենի ق-ն նույնը չէ, պարսկերենում հենց «ղ» է՝ հայերեն հնչյունի նման, սակայն արաբերենում մենք դրան նմանացնում ենք ավելի «կոկորդային ղ»-ի, բայց երբևէ կ-ի չենք նմանացրել։ Ես էլի կասկածելով իմ տեղեկությունների մասին, փորձեցի առցանց ստուգեմ արտասանությունը․ այստեղ լսելով تقلید բառի արտասանությունը, իմ ականջին հաստատ կոկորդային ղ-ի նման է և ոչ կ-ի։ Նաև ստուգեցի միջազգային հնչյունական այբուբենով․ այնտեղ արաբերեն ق-ն ցուցադրվում է q-ով, հայերեն ղ-ն ʁ-ով, իսկ հայերեն կ-ն k-ով, ընդ որում հաստատ կ չէ ձայնը։ Կարծում եմ եթե մեզ մոտ որպես կ է դասավանդվում, հավանական է, որ դա գալիս է ռուսական դասավանդման փորձից, բայց հնչյունի իրական ձայնը շատ ավելի մոտ է ղ-ի քան կ-ի։ Chaojoker (քննարկում) 10:05, 23 Ապրիլի 2016 (UTC)