Զալցբուրգի օդանավակայան
Վ.Ա.Մոցարտի անվան Զալցբուրգի օդանավակայան
| |||
|---|---|---|---|
| |||
| IATA: SZG – ԻԿԱՕ: LOWS | |||
| Ամփոփում | |||
| Օդակայանի տեսակ | Քաղաքացիական | ||
| Սեփականատեր | Զալցբուրգ շրջանի իշխանություններ (75 %) Զալցբուրգ քաղաքի իշխանություններ (25 %) | ||
| Ծառայում է | Զալցբուրգ | ||
| Տեղագրություն |  Ավստրիա, Զալցբուրգ
| ||
| Բարձրացում ԲԾՄ | 1,411 ֆտ / 430 մ | ||
| Կոորդինատներ | |||
| Կոորդինատներ | 47°47′36″ հս․ լ. 13°00′16″ ավ. ե.HGЯO | ||
| Կայք | |||
| Թռիչքի ուղի | |||
| Ուղղություն | Երկարություն | Ծածկ | |
| մ | ֆտ | ||
| 15/33 | 2,750 | 9,022 | Բետոն |
| Վիճակագրություն (2016) | |||
| Ճամփորդների թիվը | 1,739,288  4.9%
| ||
| Sources: EUROCONTROL[1] passenger and Movement Statistics from Salzburg Airport[2] | |||
Վ.Ա.Մոցարտի անվան Զալցբուրգի օդանավակայան կամ հակիրճ Զալցբուրգի օդանավակայան (գերմ.՝ Salzburg Airport W. A. Mozart) (IATA: SZG, ICAO: LOWS), օդանավակայան Ավստրիայի Զալցբուրգ քաղաքում։ Հանդիսանում է երկրի չափսերով երկրորդ օդանավակայանը[3]։
Զալցբուրգի օդանավակայանը իրենից ներկայացնում է ժամանակակից օդային հաղորդակցության կարևոր օբյեկտ, որը զգալի դերակատարություն ունի շրջանի զբոսաշրջային ոլորտում և ընդհանուր տնտեսությունում։ Օդանավակայանը կրում է Զալցբուրգում ծնված աշխարհահռչակ կոմպոզիտոր Վոլֆգանգ Ամադեուս Մոցարտի անունը և գտնվում է Զալցբուրգ քաղաքի կենտրոնից 4 կմ և ավստրո-գերմանական սահմանից 2 կմ հեռավորության վրա[3]։
Օդանավակայանը հանդիսանում է օդային դարպաս դեպի Ավստրիայի բազմաթիվ լեռնադահուկային հանգստավայրեր, այդ թվում՝ Սկի-Ամադե շրջանում, որը համարվում է Եվրոպայի խոշորագույն լեռնադահուկային հանգստավայրերի ցանց։
Օդանավակայանի 75 % բաժնեմասը պատկանում է Զալցբուրգ շրջանի իշխանություններին, իսկ 25 %-ը՝ Զալցբուրգ քաղաքի քաղաքային իշխանություններին։ 2001 թվականին օդանավակայանը գնահատվել է 22.000.000 €[3]:
Զալցբուրգ քաղաքի թիվ 2 տրոլեյբուսային գիծը օդանավակայանը կապում է Զալցբուրգի հասարակական տրանսպորտային ցանցին։ Օդանավակայանից մինչև հին քաղաք տրոլեբուսը հասնում է 30 րոպեում և մեկնում է յուրաքանչյուր 10 րոպեն մեկ։
Պատմություն[խմբագրել | խմբագրել կոդը]
1910 թվականին Զալցբուրգ-Օիհեն ճանապարհին առաջին անգամ վայրէջք է կատարում օդանավ։ 1926 թվականին Lufthansa ավիաընկերության ինքնաթիռը առաջին անգամ կատարում է չվերթ Մյունխեն - Զալցբուրգ - Բադ Ռայխենհալ օդային երթուղով։ 1927 թվականին ÖLAG-ը (Austrian Aviation AG) բացում է Վիենա-Զալցբուրգ-Ինսբրուք չվերթը։ 1938 թվականին Lufthansa ավիաընկերության ինքնաթիռը, որը SABENA-ի հետ համատեղ կատարում էր Լոնդոն-Բրյուսել-Մայնի Ֆրանկֆուրտ-Մյունխեն-Վիեննա չվերթը, Զալցբուրգում կատարում է հարկադիր վայրէջք։ 1939 թվականին բացվում են Բեռլին-Պրահա-Զալցբուրգ-Վենեցիա և Մյունխեն-Զալցբուրգ-Կլագենֆուրտ-Լյուբլյանա-Ռիեկա ուղղություններով չվերթները[4][5]։
Պատերազմական տարիներ[խմբագրել | խմբագրել կոդը]
1939 թվականի սեպտեմբերի 1-ին Զալցբուրգի օդանավակայանը գրավվում է և 1943 թվականին օդանավակայանի ղեկավարումը անցնում է «Luftgaukommando VII»-ին։ 1944 թվականի աշնանը այստեղ է կայանում նոր ստեղծված Me-262 կործանիչը։ 1944 թվականի հոկտեմբերի 16-ին ԱՄՆ ռազմաօդային ուժերի կողմից Զալցբուրգ քաղաքի առաջին և հետագա ևս 15 ռմբակոծումներից հետո օդանավակայանը չի վնասվում։ Պատերազմից հետո Զալցբուրգի օդանավակայանը դարձավ ավստրիական առաջին օդանավակայանը, որը վերսկսեց կանոնավոր օդային հաողրդակցությունը[4]։
1958 թվականի օգոստոսի 1-ին 15-ամսյա շինարարությունից հետո շահագործման հանձնվեց հրամանատարական վերահսկողական աշտարակը։ 1966 թվականին բացվեց տերմինալի նոր շենքը։ 1978 թվականին օդանավակայանում առաջին անգամ վայրէջք կատարեց DC-10 ինքնաթիռը։ 1984 թվականին առաջին անգամ օդանավակայանում վայրէջք կատարեցին նորվեգական Braathens ավիաընկերության Բոինգ 767 և Air France ավիաընկերության Կոնկորդ ինքնաթիռները։
2000 թվականին Զալցբուրգի օդանավակայանը մեկ տարվա ընթացքում ունեցել է 1.265.000 ուղևոր։ 2001 թվականին օդանավակայանը ընդունեց Ryanair ընկերության առաջին չվերթը դեպի Ավստրիա։ Այն առաջին դեպքն էր, երբ ավստրիական օդանավակայանը օգտագործվում է բյուջետային ավիաընկերության կողմից։ 2001 թվականին այն սպասարկել է մոտ 100.000 ուղևոր։ 2005 թվականին Aer Lingus ավիաընկերությունը սկսում է իրականացնել ձմեռային չվերթներ Դուբլինից[4]։
2005 թվականին օդանավակայանի ուղևորափոխադրումները կազմել են 1.7 միլիոն ուղևոր, ինչը 2004 թվականի համեմատ աճել է 19,2 %-ով[4]։
2006 թվականին Ryanair ավիաընկերությունը սկսում է իրականացնել չվերթներ Դուբլին և Բրյուսել՝ հայտարարելով, որ բացում է դեպի Հռոմ և Ստամբուլ չվերթներ։ Սակայն 2007 թվականին Ryanair-ը դադարեցնում է չվերթները դեպի Բրյուսել[4]։
| Զալցբուրգի օդանավակայան | ||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Կլիմայի աղյուսակ (բացատրություն) | ||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||
Զարգացում[խմբագրել | խմբագրել կոդը]
Բացվել է օդանավակայանի նոր տերմինալը (Տերմինալ 2), որը պետք է ընդունի ձմեռային չարտերային չվերթները։ Այն գործում է միայն շաբաթ օրերին։ Ներդրվել է բեռների ընդունման և ստուգման նոր համակարգ:Զարգացման հիմնական ուղղությունը հանդիսանում է ենթակառուցվածքների կատարելագործումը՝ ներառյալ ավտոկայանատեղիի ընդլայնումը, որը արդեն կարող է տեղավորել1900 ավտոմեքենա։
Ավիաընկերություններ և ուղղություններ[խմբագրել | խմբագրել կոդը]
Զալցբուրգի օդանավակայանը յուրաքանչյուր օր իրականացնում է բազմաթիվ չվերթներ դեպի Եվրոպայի տարբեր քաղաքներ[6]։
- Ավստրիական ավիաուղիներ
- Austrian Arrows օպերատոր (Դյուսելդորֆ, Ֆրանկֆուրտ, Լինց, Վիեննա)
- Austrojet (Բանյա Լուկա, Շտուտգարտ, Տիվատ)
- Բրիտանական Ավիաուղիներ (Գեթվիք օդանավակայան)
- Cirrus Airlines (Ցյուրիխ)
- Niki (Գերակլիոն, Հուրգադա, Իբիցա, Կոս, Լամեցիա Տերմե, Լաս Պալմաս դե Գրան Կանարիա, Պալմա դե Մալյորկա, Ռոդի, Սալոնիկ)
- Ryanair (Դուբլին, Ստանսթեդ օդանավակայան)
- Thomsonfly (Մանչեստր)
- TUIfly (Բեռլին Տեգել օդանավակայան, Քյոլն/Բոն օդանավակայան, Համբուրգ, Հաննովեր)
- S7 Airlines (Դոմոդեդովո օդանավակայան, սեզոնային)
Չարտերային ավիաընկերություններ[խմբագրել | խմբագրել կոդը]
- Aegean Airlines
- Air Europa
- Ավստրիական ավիաուղիներ, օպերատոր՝ Austrian Arrows
- bmi
- Bulgarian Air Charter
- Eurocypria Airlines
- First Choice Airways
- Futura International Airways
- Karthago Airlines
- Koral Blue Airlines
- Niki
- Nouvelair
- Պեգասուս ավիաուղիներ
- SunExpress
- Thomsonfly
- Tunisair
- Աերոֆլոտ
- Vim Airlines
Վիճակագրություն[խմբագրել | խմբագրել կոդը]
| Տարի | Ուղևորների ընդհանուր թվաքանակ | % Փոփոխություն |
|---|---|---|
| 2005 | 1,695,430 | |
| 2006 | 1,878,266 |  10.8%
|
| 2007 | 1,946,422 | 3.6%
|
| 2008 | 1,809,601 | 7.1%
|
| 2009 | 1,552,154 | 14.3%
|
| 2010 | 1,625,842 | 4.8%
|
| 2011 | 1,700,989 | 4.6%
|
| 2012 | 1,666,487 | 3.0%
|
| 2013 | 1,662,834 | 0.2%
|
| 2014 | 1,819,520 | 9.4%
|
Ծանոթագրություններ[խմբագրել | խմբագրել կոդը]
- ↑ «EUROCONTROL basic». Արխիվացված է օրիգինալից 2008 թ․ հոկտեմբերի 17-ին. Վերցված է 2017 թ․ նոյեմբերի 1-ին.
- ↑ «Traffic Results 2015». Salzburg Airport W. A. Mozart. 2016 թ․ հունվարի 15. Վերցված է 2017 թ․ հունվարի 13-ին.
- ↑ 3,0 3,1 3,2 Salzburg Airport - A look at Austria's second busiest airport.(չաշխատող հղում)(անգլ.)
- ↑ 4,0 4,1 4,2 4,3 4,4 Salzburg airport - 90 years of service.(անգլ.)
- ↑ Salzburg Airport W. A. Mozart (SZG) History, Facts and Overview.(անգլ.)
- ↑ Զալցբուրգ օդանավակայանի գործունեության հիմնական տվյալները:(անգլ.)
- ↑ Զալցբուրգի օդանավակայանի վիճակագրական տվյալներ:(անգլ.)
- ↑ Passenger Statistics for Salzburg Airport. Արխիվացված 2010-10-27 Wayback Machine(անգլ.)
Արտաքին հղումներ[խմբագրել | խմբագրել կոդը]
- Զալցբուրգի օդանավակայանի պաշտոնական կայք:(անգլ.)
- Զալցբուրգ օդանավակայանի մասին տեղեկատվություն:(անգլ.)
 | Վիքիպահեստն ունի նյութեր, որոնք վերաբերում են «Զալցբուրգի օդանավակայան» հոդվածին։ |
| ||||||
