Դոմոդեդովո օդանավակայան
Դոմոդեդովո օդանավակայան
| |||
|---|---|---|---|
| |||
| IATA: УУДД (UUDD) – ԻԿԱՕ: DME | |||
| Ամփոփում | |||
| Օդակայանի տեսակ | Քաղաքացիական, Միջազգային | ||
| Սեփականատեր | ОАО «Միջազգային օդանավակայան «Դոմոդեդովո» | ||
| Ծառայում է | Մոսկվա | ||
| Տեղագրություն |  Մոսկվա, Ռուսաստան
| ||
| Մակերես | 167 մ | ||
| Տեղական ժամանակ | UTC +3 | ||
| Աշխատանքի ժամերը | շուրջօրյա | ||
| Կայք | |||
| Թռիչքի ուղի | |||
| Ուղղություն | Երկարություն | Ծածկ | |
| ֆտ | մ | ||
| 14/32 | 3794х53 | Բետոն | |
| 14/32 | 3500x60 | Բետոն | |
| Վիճակագրություն (2014) | |||
| Ուղևորներ- Տարեթիվ |
 33 400 000
| ||
| Վիճակագրություն[1][2]։ | |||
Դոմոդեդովո (ռուս.՝ Домоде́дово (IATA: DME, ICAO: UUDD))՝ միջազգային օդանավակայան, Մոսկվայի և Մոսկվայի մարզի երեք հիմնական օդանավակայաններից մեկը։ Գտնվում է Դոմոդեդովո քաղաքային օկրուգի և Մոսկվայի մարզի Ռամենսկի շրջանի սահմանին, Մոսկվայի կենտրոնից 45 կմ դեպի հարավ-արևելք, Մոսկվայի օղակաձև ավտոմոբիլային ճանապարհից 22 կմ հեռավորության վրա։ Պաշտոնական անվանումն է՝ «Մոսկվա (Դոմոդեդովո)»[3]։
2014 թվականի տվյալներով ուղևորափոխադրումների ծավալով համարվում է ռուսական օդանավակայաններից ամենախոշորը, ինչպես նաև մտնում է Եվրոպայի խոշորագույն 20 օդանավակայանների մեջ[4]։
Օդանավակայանը ներառում է երկու իրարից անկախ զուգահեռ թռիչքուղիներ։ Դրանք իրարից գտնվում են երկու կիլոմետր հեռավորության վրա, ինչը Դոմոդեդովո օդանավակայանը դարձնում է Մոսկովյան ավիացիոն հանգույցի միակ օդանավակայանը, որը կարող է իր երկու թռիչքուղիների վրա իրականացնել երկու գործողություն միաժամանակ՝ և՛ թռիչք, և՛ վայրէջք։ Երկու թռիչքուղիները սերտիֆիկացված են ICAO CAT IIIА կատեգորիայով։ Առաջին թռիչքուղու վերակառուցումը Դոմոդեդովո օդանավակայանը դարձրել է առաջինը, որը հնարավորություն ունի ընդունել ուղևորատար Airbus A380 ինքնաթիռը[5]։
Դոմոդեդովո օդանավակայանի ուղևորատար տերմինալը ունի «С» IATA սերտիֆիկատը և համարվում է առաջինը Ռուսաստանում, որը անցել է սերտիֆիկացում ISO 9001:2000 որակի միջազգային ստանդարտներով[6]։
Մոսկվայի ընդհանուր ուղևորահոսքի մեջ օդանավակայանի բաժինը կազմում է 46%։ Դոմոդեդովոյից չվերթները իրականացնում են 82 ավիաընկերություններ աշխարհի 247 ուղղություններով, որոնցից 83-ը եզակի են մոսկովյան ավիացիոն հանգույցի համար[7]։ Օդանավակայանի գործընկերների կազմում կան 48 արտասահմանյան (նրանցից 12-ը ներկայացնում են ԱՊՀ երկրները) և 28 ռուսական ավիաընկերություններ։ 2014 թվականին Դոմոդեդովո օդանավակայանը սպասարկել է 33,4 միլիոն ուղևոր[8]։
Օդանավակայանի սեփականատերը համարվում է «Իսթ Լայն» ընկերությունը։ Փաստացի օդանավակայանը պատկանում է կիպրական East Line ընկերությանը, որը իր հերթին պատկանում է Մեն կղզում գրանցված FML ընկերությանը[9][10]։
Պատմություն
[խմբագրել | խմբագրել կոդը]
Օդանավակայանի պատմությունը սկսվել է 1954 թվականի նոյեմբերի 13-ին, երբ ԽՍՀՄ Մինիստրների խորհուրդը որոշում է կայացրել կառուցել մոսկովյան երկրորդ քաղաքացիական օդանավակայանը, որը պետք է գտնվեր Մոսկվայի մարզի Պոդոլսկի շրջանում։ Դոմոդեդովո օդանավակայանի «ծննդյան օրն» է համարվում 1962 թվականի ապրիլի 7-ը։
1964 թվականի մարտի 25-ին Ту-104 ինքնաթիռով իրականացվել է առաջին ուղևորատար Մոսկվա-Սվերդլովսկ չվերթը։ 1964 թվականի մայիսի 20-ին տեղի է ունեցել օդակայանի համալիրի բացումը։ Կանոնավոր ուղևորատար չվերթները սկսեցին իրականացվել 1966 թվականին։ 2011 թվականին «World Airport Awards» մրցանակաբաշխության շրջանակներում օդանավակայանը ճանաչվել է լավագույնը Արևելյան Եվրոպայում[11]։
Վիճակագրություն
[խմբագրել | խմբագրել կոդը]| Տարեթիվ | 1990 | 2008 | 2009 | 2010 | 2011 | 2012 | 2013 | 2014 |
| Ուղևորներ, մլն ուղևոր. | 16,6[12] | 20,4[13] | 18,7[14] | 22,3[15] | 25,7 | 28,2[16] | 30,7 | 33,4 |
Ծանոթագրություններ
[խմբագրել | խմբագրել կոդը]- ↑ «Аэропорт Домодедово подвел итоги работы в 2013 году». 2014 թ․ հունվարի 14. Արխիվացված է օրիգինալից 2016 թ․ մարտի 3-ին. Վերցված է 2014 թ․ սեպտեմբերի 1-ին.
- ↑ World Aero Data Արխիվացված 2015-05-04 Wayback Machine (անգլ.)
- ↑ Сборник аэронавигационной информации № 11. Европейская часть России. ЦАИ ГА, 2013.
- ↑ European Airport Traffic Trends | anna.aero
- ↑ Итоговый отчёт о проведённых исследованиях: Существующее состояние аэропортов МАУ и перспективы их развития до 2030 года Արխիվացված 2010-11-05 Wayback Machine, Группа компаний «Прогресстех».
- ↑ Домодедово подтвердил сертификацию пассажирского терминала по стандарту ISO 9001:2000 Արխիվացված 2011-12-25 Wayback Machine, сайт аэропорта Домодедово.
- ↑ Аэропорт сегодня (официальный сайт аэропорта Домодедово)
- ↑ «Московский аэропорт Домодедово подвёл итоги деятельности за 2012 год - Московский аэропорт Домодедово». Արխիվացված է օրիգինալից 2013 թ․ փետրվարի 26-ին. Վերցված է 2013 թ․ փետրվարի 24-ին.
- ↑ «Ответственные за авиаколлапс прячутся за хитрыми схемами». // news.mail.ru со ссылкой на «Вести.Ru». Արխիվացված է օրիգինալից 2011 թ․ օգոստոսի 22-ին. Վերցված է 2011 թ․ ապրիլի 28-ին.
- ↑ ФСБ разрешат выяснить владельцев Домодедово — Газета Труд
- ↑ ««Skytrax World Airport Awards», «Best Airport Eastern Europe»». Արխիվացված է օրիգինալից 2011 թ․ հուլիսի 18-ին. Վերցված է 2015 թ․ հունիսի 1-ին.
- ↑ «Существующие состояние аэропортов московского авиационного узла и перспективы их развития до 2030 года». Արխիվացված է օրիգինալից 2013 թ․ հուլիսի 7-ին. Վերցված է 2013 թ․ հուլիսի 7-ին.
- ↑ 30 крупнейших аэропортов России 2008
- ↑ 30 крупнейших аэропортов России 2009
- ↑ 30 крупнейших аэропортов России 2010
- ↑ «Домодедово подвёл итоги деятельности за 2012 год». Արխիվացված է օրիգինալից 2013 թ․ փետրվարի 26-ին. Վերցված է 2015 թ․ հունիսի 1-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Դոմոդեդովո օդանավակայան» հոդվածին։ |
| ||||||||||
