Love Me Two Times-ը ամերիկյան լեգենդար ռոք խումբ The Doors-ի երգն է։ Երգը գրվել է խմբի բոլոր անդամների կողմից և ընդգրկվել է նրանց 1967 թվականին թողարկված երկրորդ ստուդիական ալբոմում՝ Strange Days անվանմամբ։ Երգը ձայնագրվել է որպես ալբոմի երկրորդ սինգլը ("People Are Strange"-ից հետո), և զբաղեցրել է 25-րդ հորիզոնականը Ամերիկայում[1]։
Ռեյ Մանզարեկը երգի վերջնական տարբերակում նվագում է կլավեսին և ոչ թե կլավիկորդ, ինչպես ինքը՝ Մանզարեկը նշում է իր Light My Fire գրքի 258-րդ էջում։
Երգի բառերը գրվել են Ռոբի Կրիգերի կողմից։ Ինչպես նշում են խմբի անդամները երգը մի զինվորի մասին է, որը իր վերջին հրաժեշտն է տալիս իր ընկերուհուն, մինչև նավով պատերազմին՝ Վիետնամ մեկնելը։
