Օսկար լավագույն անիմացիոն լիամետրաժ ֆիլմի համար
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
«Օսկար» լավագույն անիմացիոն լիամետրաժ ֆիլմի համար տրվում է ամեն տարի 2001 թվականից ի վեր։ Առաջին անգամ լավագույն անիմացիոն լիամետրաժ ֆիլմ ճանաչվել է Շրեկ մուլտֆիլմը։ Մինչ այս՝ 1991 թվականին լավագույն ֆիլմ առաջադրվել էր Գեղեցկուհին և հրեշը։ Իսկ 1938 թվականին Սպիտակաձյունիկը և յոթ թզուկները, 1988 թվականին Ով է դավել Ռոջեր ճագարին և 1995 թվականին Խաղալիքների պատմությունը մուլտֆիլմերը արժանացել են հատուկ «Օսկար»-ի։
Մրցանակը հանձնվում է միայն այն դեպքում, եթե նախորդ տարի լույս են տեսել ամենաքիչը 8 լիամետրաժ անիմացիոն մուլտֆիլմեր, և նրանց ցուցադրվել են Լոս Անջելեսի կինոթատրոններում։ Լիամետրաժ անիմացիոն ֆիլմ է ճանաչվում այն մուլտֆիլմը, որի տևողությունը 70 րոպեից ավել է։ «Օսկար»-ին կարող են առաջադրվել 3-5 ֆիլմ։ Եթե տարվա ընթացքում լույս են տեսել 8-ից մինչև 15 մուլտֆիլմ, ապա առաջադրվողների քանակը կսահմանափակվի 3-ով, իսկ եթե լույս են տեսել 16 և ավելի ֆիլմ, ապա առաջադրվողների քանակը կարող է հասնել 5-ի։