Քադըքյոյ (թուրքերեն՝ Kadıköy կամ Քաղկեդոնհուն․՝ Χαλκηδόνος), Ստամբուլի ամենահին շրջանը։ Քադըքյոյը գտնվում է Ստամբուլի ասիական հատվածում[4]։ Բնակության առաջին հետքերը այս վայրում պատկանում են մ.թ.ա. 680 թվականին։ Մեգարայի դորիացիները Բոսֆորի ափին կառուցեցին Քաղկեդոն քաղաքը, որը հայտնի է իր տիեզերական եկեղեցական ժողովներով։ Շրջանի ափերը ողողվում են Բոսֆորի և Մարմարա ծովի ջրերով։ Թաղամասում կողք կողքի բնակվում են թուրքերը, հայերը, հույները, հրեաները։ Հյուսիսարևմտյան մասում սահմանակից է Յուսքյուդար թաղամասին։ Ստամբուլի մետրոպոլիտենի մի քանի կայարաններ գտնվում են Քադըքյոյում։ Քադըքյոյը Ստամբուլի ասիական հատվածի ամենազարգացած և առաջադեմ թաղամասն է։ Այստեղ կան բազմաթիվ հյուրանոցներ, առանձնատներ, ակումբներ, փաբեր, բարձրաճաշակ ռեստորաններ և սրճարաններ։
Անվանումը թուրքերենից թարգմանվում է որպես «Քադըյա գյուղ»։ Համարվում է, որ անվանումը կապված է Ստամբուլի առաջին կադիյի (դատախազ) հետ, որին տրվեց այս տարածքը որպես կալվածք։ Հնարավոր է, որ Քադըքյոյը բյուզանդական Քաղկեդոնի թուրքականացված տարբերակն է։
Թաղամասի տարածքում գործում է Կոստանդնուպոլսի պատրիարքության Քաղկեդոնի մետրոպոլիտությունը, որի կազմում մտնում են մի շարք գործող ուղղափառ եկեղեցիներ։ Հենց այստեղ է 451 թվականին տեղի ունեցել հայտնի Քաղկեդոնի ժողովը։
2009 թվականի մարդահամարի տվյալներով քաղաքի բնակչությունը կազմում էր 529 191 մարդ, իսկ թաղամասի տարածքը կազմում է 41 քառ. կմ։ Ստամբուլիհայերի մի մասը ապրում է Քադըքյոյ թաղամասում։
Թուրքիա
