Քաղաքի հիմնադրման հստակ ամսաթիվն անհայտ է, սակայն աղբյուրները և քարտեզները արդեն 1850- ական թվականներից օգտագործում էին Արնավութքյոյ տեղանունը, այն հատվածին, որտեղ ներկայումս գտնվում է քաղաքը։ Քաղաքի անվանումը ծագել է արնավութների անունից և նշանակում է «Արնավութների գյուղեր»։ Արնավութները ալբանական ծագում ունեցող էթնիկ խմբեր են։ Մինչ 1922 թվականը տեղանքը բնակեցված է եղել հույներով, սակայն թուրք֊ հունական բնակչության փոխանակման արդյունքում հույները տարհանվել են, իսկ նրանց տներում բնակեցվել են Հունաստանից ներգաղթած թուրքերը։ Շրջանում եղել է խոշոր հայկական համայնք։ Ամեն տուն ունեցել է իր ուրույն անվանումը։ Գյուղում եղել է դպրոց, խանութ և սրճարան։ Արնավութքյոյը գտնվել է ՍտամբուլըԵվրոպային կապող ցամաքային ճանապարհի վրա (Էդիրնեի միջով), և ուղևորները ստիպված են եղել բազմիցս կանգ առնել այստեղ՝ տրանսպորտի բացակայության պատճառով։
1951 թվականին կառուցվել են 350 նոր տներ, և բնակավայրը սկսել է տարածաշրջանային կենտրոն դառնալ։ Քաղաքի աճի տեմպերը արագորեն աճել է Անատոլիայի գյուղաբնակների գաղթի արդյուքնում և 2008 թվականին Արնավութքյոյը դարձել է Ստամբուլի մարզի շրջաններից մեկի կենտրոնը։ Նորաստեղծ շրջանը կազմավորվել է Գազիօսմանփաշա շրջանից տարածքներից, ինչպես նաև որոշ այլ մարզերի տարածքներից։
Թուրքիա
