Վահան Հովհաննեսյան

Վիքիպեդիայից՝ ազատ հանրագիտարանից
Անվան այլ կիրառումների համար տե՛ս՝ Վահան Հովհաննիսյան (այլ կիրառումներ)
Վահան Էդուարդի Հովհաննեսյան
Դիմանկար
Ծնվել էօգոստոսի 16, 1956(1956-08-16)
ԾննդավայրԵրևան, Հայկական ԽՍՀ, ԽՍՀՄ
Մահացել էդեկտեմբերի 28, 2014(2014-12-28) (58 տարեկան)
Մահվան վայրԲեռլին, Գերմանիա
Քաղաքացիություն ԽՍՀՄ և  Հայաստան
ԿրթությունՄոսկվայի պետական մանկավարժական համալսարան (1978)
Մասնագիտությունքաղաքական գործիչ
Զբաղեցրած պաշտոններՀայաստանի Ազգային ժողովի պատգամավոր
ԿուսակցությունՀՅԴ
Պարգևներ և
մրցանակներ
Հայրենիքին մատուցած ծառայությունների համար մեդալ
 Vahan Hovhannisyan Վիքիպահեստում

Վահան Էդուարդի Հովհաննեսյան (օգոստոսի 16, 1956(1956-08-16), Երևան, Հայկական ԽՍՀ, ԽՍՀՄ - դեկտեմբերի 28, 2014(2014-12-28), Բեռլին, Գերմանիա[1]), հայ քաղաքական գործիչ, Հայ Հեղափոխական Դաշնակցության անդամ։ Ազգային ժողովի պատգամավոր (1999-2013), 2008 թվականի ՀՀ նախագահական ընտրությունների թեկնածու։

Կենսագրություն[խմբագրել | խմբագրել կոդը]

Վահան Հովհաննեսյանը 1978 թվականին ավարտել է Մոսկվայի մանկավարժական համալսարանը գիտական կոչումներով պատմության և հնագիտության մեջ։ 1978-1980 թթ. ծառայել է խորհրդային բանակում։ Հաջորդ ինը տարիները «Էրեբունի» թանգարանում եղել է գիտաշխատող և գիտահետազոտական բաժնի վարիչ։ 1989 թ. Հովհաննեսյանը գիտաշխատող է եղել ՀՀ ԳԱԱ հնագիտության և ազգագրության ինստիտուտում։

Քաղաքական գործունեություն[խմբագրել | խմբագրել կոդը]

1990-1992 թթ. Վահան Հովհաննեսյանը մասնակցել է Արցախի ազատագրական պայքարին։ Նաև անդամագրվել է ՀՅԴ Հայաստանի Կենտրոնական կոմիտեին և 1992-1995, անդամ է եղել ՀՅԴ-ի բյուրոյին։ 1995-1998 թթ. բանտարկված է եղել՝ քաղաքական դրդապատճառներով (հետագայում չհաստատված մեղադրանքներով)։ 1998-1999 թթ. աշխատել է ՀՀ Նախագահի խորհրդական, տեղական ինքնակառավարման հարցերով հանձնաժողովի նախագահ։ 1999-2003 թթ.՝ ԱԺ պատգամավոր է եղել (թիվ 17 ընտրատարածք)։ Ընտրվել է ՀՀ ԱԺ պաշտպանության, ազգային անվտանգության և ներքին գործերի մշտական հանձնաժողովի նախագահ։

2003, 2007, 2012 թվականներին ԱԺ պատգամավոր է ընտրվել ՀՅԴ համամասնական ընտրացուցակով։ Հունիսի 12, 2003 թվականին և 2007 թ. հունիսի 7-ին ընտրվել է ԱԺ նախագահի տեղակալ[2], հրաժարական է ներկայացրել 2008 թ.։ Հովհաննիսյանը ՀՅԴ-ի թեկնածուն էր 2008 թվականի Հայաստանի նախագահական ընտրություններին։

2013 թ. դեկտեմբերի 28-ին ՀՀ Նախագահի հրամանագրով նշանակվել էր Գերմանիայի Դաշնային հանրապետությունում ՀՀ արտակարգ և լիազոր դեսպան[3]։

Մահացել է 2014 թվականի դեկտեմբերի 28-ին շագանակագեղձի քաղցկեղ հիվանդության բարդությունից[4][5]։

Երկեր[խմբագրել | խմբագրել կոդը]

  • «Մանդիլիոն» վեպ (ռուսերեն, հայերեն[6], անգլերեն[7]), 2013

Ծանոթագրություններ[խմբագրել | խմբագրել կոդը]

  1. «Tert.am. Մահացել է Գերմանիայում ՀՀ դեսպան Վահան Հովհաննիսյանը». Արխիվացված է օրիգինալից 2014 թ․ դեկտեմբերի 28-ին. Վերցված է 2014 թ․ դեկտեմբերի 28-ին.
  2. ՀՈՎՀԱՆՆԻՍՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՆԱԽԱԳԱՀԻ ՏԵՂԱԿԱԼ ԸՆՏՐԵԼՈՒ ՄԱՍԻՆ
  3. Վ. ՀՈՎՀԱՆՆԵՍՅԱՆԻՆ ԳԵՐՄԱՆԻԱՅԻ ԴԱՇՆԱՅԻՆ ՀԱՆՐԱՊԵՏՈՒԹՅՈՒՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ՆՇԱՆԱԿԵԼՈՒ ՄԱՍԻՆ
  4. Բեռլինում մահացել է Վահան Հովհաննեսյանը
  5. «Ծանր հիվանդությունից հետո մահացել է Գերմանիայում Հայաստանի դեսպան Վահան Հովհաննիսյանը»: ՄեդիաՄաքս։ Վերցված՝ 10 Հունվարի 2014։
  6. Լինել Վահան Հովհաննիսյան
  7. «Vahan Hovanessian's Novel 'The Mandylion' Released in English». Արխիվացված է օրիգինալից 2014 թ․ դեկտեմբերի 28-ին. Վերցված է 2014 թ․ դեկտեմբերի 28-ին.

Արտաքին հղումներ[խմբագրել | խմբագրել կոդը]

Վիքիքաղվածքն ունի քաղվածքների հավաքածու, որոնք վերաբերում են
Նախորդող
Ռազմիկ Մարտիրոսյան
ՀՀ Ազգային ժողովի պաշտպանության, ազգային անվտանգության և ներքին գործերի մշտական հանձնաժողովի նախագահ
Վահան Հովհաննեսյան

17 հունիսի 1999-12 հունիսի 2003
Հաջորդող
Մհեր Շահգելդյան
Նախորդող
Գագիկ Ասլանյան
ՀՀ Ազգային ժողովի նախագահի տեղակալ
Վահան Հովհաննեսյան

12 հունիսի 2003-28 փետրվարի 2008
Հաջորդող
Հրայր Կարապետյան
Նախորդող
Հրայր Կարապետյան
ՀՀ Ազգային ժողովի ՀՅԴ խմբակցության ղեկավար
Վահան Հովհաննեսյան

2 մարտի 2008-31 մայիսի 2012
Հաջորդող
Արմեն Ռուստամյան
Նախորդող
Արմեն Մարտիրոսյան
Գերմանիայի Դաշնային Հանրապետությունում ՀՀ Արտակարգ և լիազոր դեսպան
Վահան Հովհաննեսյան

28 դեկտեմբերի 2013 - 28 դեկտեմբերի 2014
Հաջորդող
Աշոտ Սմբատյան