Աշոտ Ափոյան

Վիքիպեդիայից՝ ազատ հանրագիտարանից
Jump to navigation Jump to search
Աշոտ Ափոյան
Ծնվել էհունիսի 11, 1950(1950-06-11) (72 տարեկան)
ԾննդավայրԼենինական, Հայկական ԽՍՀ, ԽՍՀՄ
ՔաղաքացիությունFlag of Armenia.svg Հայաստան
Մասնագիտությունքաղաքական գործիչ
Զբաղեցրած պաշտոններՀայաստանի Ազգային ժողովի պատգամավոր
ԿուսակցությունՀայ Յեղափոխական Դաշնակցութիւն
Պարգևներ և
մրցանակներ
Անանիա Շիրակացու մեդալ

Աշոտ Հովհաննեսի Ափոյան (հունիսի 11, 1950(1950-06-11), Լենինական, Հայկական ԽՍՀ, ԽՍՀՄ), Հայաստանի Հանրապետության Ազգային ժողովի նախկին պատգամավոր։

Կենսագրություն[խմբագրել | խմբագրել կոդը]

Աշոտ Ափոյան ծնվել է 1950 թվականի հուլիսի 11-ին Լենինականում (այժմ՝ Գյումրի)։

1975 թվականին ավարտել է Երևանի անասնաբուծական-անասնաբուժական ինստիտուտը, ստացել է ճարտարագետ-տեխնոլոգի որակավորում։

1974-1975 թվականներին աշխատել է Թումանյանի շրջանի գլխամասային պանրագործարանում՝ որպես ճարտարագետ-տեխնոլոգ։ 1975-1976 թվականներին ծառայել է խորհրդային բանակում։ 1977 թվականին եղել է Հայաստանի կարագագործության և պանրագործության ՀԳՀԻ Հայաստանի բաժանմունքի ավագ ճարտարագետ, 1977-1988 թվականներին՝ Երևանի կաթի կոմբինատում հերթափոխի վարպետ, ավագ ճարտարագետ-տեխնոլոգ, արտադրամասի պետ։ 1988-1989 թվականներին նույն հիմնարկում եղել է պաղպաղակի ֆաբրիկայի տնօրեն, 1989-1995 թվականներին՝ Աշտարակի պանրագործարանի տնօրեն, 1995-2002 թվականներին «Աշտարակ-կաթ» փակ բաժնետրիական ընկերությունում եղել է տնօրենների խորհրդի նախագահ, գործադիր տնօրեն, 2002-2005 թվականներին՝ «Աշտարակ-կաթ» և «Երևանի քաղաքային կաթի գործարան» փակ բաժնետրիական ընկերությունում տնօրենների խորհուրդների նախագահ[1]։

2003-2007 թվականներին եղել է Ազգային ժողովի պատգամավոր (համամասնական ընտրակարգ, ՀՅԴ)։ Ազգային ժողովի ֆինանսավարկային, բյուջետային և տնտեսական հարցերի մշտական հանձնաժողովի անդամ։ ՀՅԴ խմբակցության անդամ։

2007 թվականի մայիսի 12-ին Ազգային ժողովի պատգամավոր է ընտրվել համամասնական ընտրակարգով ՀՅԴ կուսակցությունից։

2001 թվականին պարգևատրվել է Անանիա Շիրակացու մեդալով[2]։

Ամուսնացած է, ունի երկու երեխա։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]