Աշոտ Սմբատյան

Աշոտ Սմբատյան;
Ծնվել է	ապրիլի 30, 1969 (55 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Կրթություն	Երևանի պետական համալսարան (1991), Դրեզդենի տեխնիկական համալսարան (1991), Լայպցիգի համալսարան (1993) և HU Berlin (1997)
Մասնագիտություն	մաթեմատիկոս և դիվանագետ
Պարգևներ և ; մրցանակներ
	Ashot Smbatyan Վիքիպահեստում

Վիքիպեդիայում կան հոդվածներ Սմբատյան ազգանունով այլ մարդկանց մասին։

Աշոտ Գվիդոնի Սմբատյան (ապրիլի 30, 1969(1969-04-30), Երևան, Հայկական ԽՍՀ, ԽՍՀՄ), հայ մաթեմատիկոս, դիվանագետ։ Գերմանիայի Դաշնային Հանրապետությունում Հայաստանի Հանրապետության արտակարգ և լիազոր դեսպան (2015-2021)։

Սմբատյանի պաշտոնավարման առաջին տարում Բունդեսթագը ճանաչել է Հայոց ցեղասպանությունը^[1]։

Կենսագրություն

վ1985-1991 թվականներին սովորել և ավարտել է Երևանի պետական համալսարանի մաթեմատիկայի ֆակուլտետը, 1990-1991 թվականներին՝ Դրեզդենի տեխնիկական համալսարանի մաթեմատիկայի ֆակուլտետը, 1991-1993 թվականներին՝ Լայպցիգի համալսարան (ասպիրանտուրա), 1993-1997 թվականներին՝ Բեռլինի համալսարանի տնտեսագիտական ֆակուլտետը։ Ծառայել է խորհրդային բանակում^[2]։

1991-1993 թվականներին աշխատել է Գերմանական AVX/SIEMENS ընկերության գիտահետազոտական բաժնում, 1994-1996 թվականներին եղել Բեռլինի Հումբոլդտի անվան համալսարանի մաթեմատիկայի ֆակուլտետի գիտաշխատող, 1996-1997 թվականներին դասավանդել է Բեռլինի գիտության և կրթության սենատին առընթեր համալսարանի մաթեմատիկական քոլեջում։ 1997-2008 թվականներին եղել է Գերմանիայում Հայաստանի Հանրապետության դեսպանության գրասենյակի վարիչ, 2005-2009 թվականներին՝ Գիտության և կրթության սենատին կից արտերկրի ավարտական վկայականների գնահատման և ատեստավորման փորձագիտական խորհրդի անդամ, 2009 թվականին՝ Հայաստանի Հանրապետության արտաքին գործերի նախարարության խորհրդատու, փորձագետ։ 2010-2011 թվականներին զբաղվել է դասախոսական և խորհրդատվական գործունեությամբ։ 2011–2013 թվականներին եղել է Հայաստանի Հանրապետության արտաքին գործերի նախարարության Եվրոպայի վարչության առաջին քարտուղար, 2014–2015 թվականներին՝ Գերմանիայում ՀՀ դեսպանության խորհրդական, փոխդեսպան։ 2015 թվականին ՀՀ նախագահի հրամանագրով նշանակվել է Գերմանիայի Դաշնային Հանրապետությունում Հայաստանի Հանրապետության արտակարգ և լիազոր դեսպան (նստավայրը` Բեռլին)^[3]։ 2022 թվականին նշանակվել է Վրաստանում Հայաստանի Հանրապետության արտակարգ և լիազոր դեսպան (նստավայրը՝ Թբիլիսի)^[4]։ 2023 թվականի մայիսի 19, համատեղության կարգով, նշանակվել է Հունգարիայում Հայաստանի Հանրապետության արտակարգ և լիազոր դեսպան (նստավայրը՝ Թբիլիսի)^[5]։

Գիտական աշխատությունների և հոդվածների հեղինակ է։

Գերմանիայում հայկական մաֆիայի հետ առնչության մեղադրանքներ

2008 թվականին Գերմանիայի դաշնային հետախուզությունը կասկածներ է ունեցել, որ Սմբատյանը առնչություն ունի հայկական մաֆիայի հետ, սակայն քրեական ոստիկանությունը դրանք չի հաստատել^[6]։ 2018 թվականի նոյեմբերին Սմբատյանի փաստաբանների միջնորդությամբ Բեռլինի շրջանային դատարանը արգելել է «Mitteldeutscher Rundfunk» հեռուստաընկերությանը հեռարձակել փաստագրական ֆիլմ՝ Գերմանիայում հայկական մաֆիայի վերաբերյալ^[7]։

Պարգևներ

Մխիթար Գոշի մեդալ^[8]

Դիվանագիտական աստիճան

Ունի արտակարգ դեսպանորդ և լիազոր նախարարի դիվանագիտական աստիճան։

Ծանոթագրություններ

↑ «ԱՇՈՏ ՍՄԲԱՏՅԱՆ. «ԱՌԱՋ ԵՆՔ ՇԱՐԺՎՈՒՄ «ՓՈՔՐ ՔԱՅԼԵՐԻ ԱՐՎԵՍՏԸ» ՀԱՅՏՆԻ ՍԿԶԲՈՒՆՔՈՎ»». Արխիվացված է օրիգինալից 2018 թ․ փետրվարի 25-ին. Վերցված է 2018 թ․ մարտի 7-ին.
↑ Աշոտ Գվիդոնի Սմբատյան(չաշխատող հղում)
↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2018 թ․ մարտի 7-ին.
↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». www.president.am. Վերցված է 2022 թ․ նոյեմբերի 21-ին.
↑ «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». www.president.am. Վերցված է 2023 թ․ հուլիսի 1-ին.
↑ «Գերմանիայում հայերի եւ ՀՀ դեսպանի մասին սկանդալային հրապարակում է եղել. ԱԳՆ-ն արձագանքել է». «Հետք». Վերցված է 2018 թ․ նոյեմբերի 3-ին.
↑ «Mafia-Film des MDR kann nicht gesendet werden (Մաֆիայի մասին ԿԳՀ֊ի ֆիլմը չի կարող ցուցադրվել)». Mitteldeutscher Rundfunk (Կենտրոնագերմանական հեռարձակող). Վերցված է 2018 թ․ նոյեմբերի 8-ին.
↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2018 թ․ մարտի 7-ին.

Արտաքին հղումներ

Զրույց դեսպանի հետ. Աշոտ Սմբատյան

Նախորդող
Վահան Հովհաննեսյան

Գերմանիայի Դաշնային Հանրապետությունում ՀՀ Արտակարգ և լիազոր դեսպան
Աշոտ Սմբատյան
2015 - 2021

Հաջորդող
Վիկտոր Ենգիբարյան

[1] «ԱՇՈՏ ՍՄԲԱՏՅԱՆ. «ԱՌԱՋ ԵՆՔ ՇԱՐԺՎՈՒՄ «ՓՈՔՐ ՔԱՅԼԵՐԻ ԱՐՎԵՍՏԸ» ՀԱՅՏՆԻ ՍԿԶԲՈՒՆՔՈՎ»». Արխիվացված է օրիգինալից 2018 թ․ փետրվարի 25-ին. Վերցված է 2018 թ․ մարտի 7-ին.

[2] Աշոտ Գվիդոնի Սմբատյան(չաշխատող հղում)

[3] «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2018 թ․ մարտի 7-ին.

[4] «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». www.president.am. Վերցված է 2022 թ․ նոյեմբերի 21-ին.

[5] «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ». www.president.am. Վերցված է 2023 թ․ հուլիսի 1-ին.

[հետք-6] «Գերմանիայում հայերի եւ ՀՀ դեսպանի մասին սկանդալային հրապարակում է եղել. ԱԳՆ-ն արձագանքել է». «Հետք». Վերցված է 2018 թ․ նոյեմբերի 3-ին.

[7] «Mafia-Film des MDR kann nicht gesendet werden (Մաֆիայի մասին ԿԳՀ֊ի ֆիլմը չի կարող ցուցադրվել)». Mitteldeutscher Rundfunk (Կենտրոնագերմանական հեռարձակող). Վերցված է 2018 թ․ նոյեմբերի 8-ին.

[8] «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2018 թ․ մարտի 7-ին.

[1]

[2]

[3]

[4]

[5]

[6]

[7]

[8]