Սյուզաննա Փիրումյան
| Սյուզաննա Փիրումյան | |
|---|---|
 | |
| Ծնվել է | հուլիսի 24, 1983 |
| Ծննդավայր | Երևան, Հայաստան |
| Քաղաքացիություն | Հայաստան |
| Ազգություն | հայ |
| Մասնագիտություն | բալետի պարուհի |
| Պարգևներ և մրցանակներ | Հայաստանի Հանրապետության վաստակավոր արտիստ |
Սյուզաննա Փիրումյան (հուլիսի 24, 1983, Երևան, Հայաստան), բալետի պարուհի, առաջատար մենապարուհի, Հայաստանի վաստակավոր արտիստ (2017):
Բովանդակություն
Կենսագրություն[խմբագրել | խմբագրել կոդը]
Սյուզաննա Փիրումյանը ծնվել է 1983 թվականի հուլիսի 24-ին, Երևանում: Նա սերում է հայ նշանավոր ռազմական գործիչ, Սարդարապատի ճակատամարտի գլխավոր հրամանատար, ազգային հերոս, ռուսական բանակի գնդապետ Դանիել Բեկ-Փիրումյանի և ռազմական գործիչ, գնդապետ Պողոս Բեկ-Փիրումյանի տոհմից[1]:
Սյուզաննա Փիրումյանը 1992-2001 թվականներին սովորել է Երևանի պարարվեստի պետական ուսումնարանում: 2001 թվականին ընդունվել է Երևանի Ա.Սպենդիարյանի անվան օպերայի և բալետի ազգային ակադեմիական թատրոն` որպես բալետի արտիստ: 2017 թվականին ավարտել է Երևանի թատրոնի և կինոյի պետական ինստիտուտի պարարվեստի ռեժիսուրա բաժինը: Որպես դիպլոմային աշխատանք համակուրսեցի Սևակ Ավետիսյանի հետ մեկտեղ ներկայացրել են Էդգար Հովհաննիսյանի «Մարմար» սյուիտի և Տերտերյանի 6-րդ սիմֆոնիայից մի հատվածի համադրությամբ «Անահիտ» բեմադրությունը՝ ըստ Ղազարոս Աղայանի համանուն հեքիաթի: Հյուրախաղերով հանդես է եկել Ռուսաստանում, Եգիպտոսում, Թուրքիայում, Սիրիայում, Բահրեյնում, Քաթարում, Արաբական Միացյալ Էմիրություններում, Մալազիայում և այլն[2]:
Բազմաթիվ պատվոգրերի և շնորհակալագրերի դափնեկիր է, իսկ 2016 թվականին ստացել է տարվա լավագույն բալետի պարուհի պատվոգիրը: 2017 թվականին թվականին Երևանի քաղաքապետարանի կողմից նրան բնակարան է շնորհվել[3]:
Օժտված լինելով կատարողական բարձր վարպետությամբ՝ վերջինս հանդես է եկել Հայաստանի, ինչպես նաև միջազգային լավագույն բեմերում: Մշտապես պահանջված լինելով հանդիսատեսի կողմից՝ արտերկրից համագործակցության բազմաթիվ հրավերներ է ստացել:
Ամուսնացած է, ունի երկու երեխա:
Մրցանակներ[խմբագրել | խմբագրել կոդը]
Պարարվեստի բնագավառում ունեցած վաստակի համար 2017 թվականի մայիսի 28-ին Սյուզաննա Փիրումյանին շնորհվել է Հայաստանի Հանրապետության վաստակավոր արտիստի կոչում[4]:
Խաղացանկ[խմբագրել | խմբագրել կոդը]
- Նինա - Արամ Խաչատրյան «Դիմակահանդես»,
- Գայանե - Արամ Խաչատրյան «Գայանե»,
- Ժիզել - Ադոլֆ Ադան «Ժիզել»,
- Ֆրիգիա - Արամ Խաչատրյան «Սպարտակ»,
- 2-րդ ջութակ- «Հավերժություն»,
- Մազուրկա - Ֆրեդերիկ Շոպեն «Շոպենիանա»,
- Հավերժահարս, փողոցային պարուհի - Լյուդվիգ Մինկուս, Էդուարդ Նապրավնիկ «Դոն Կիխոտ»,
- Հռիփսիմե - Մելիք Մավիսակալյան, Լորիս Ճգնավորյան «Սուրբ Հռիփսիմե և Տրդատ»,
- Կորսարի Պադեդե - Ցեզար Պունի «Կորսար»,
- Ջուլիետ - Ս. Պրոկոֆևի «Ռոմեո և Ջուլիետ»,
- Շուշանիկ - Է. Հովհաննիսյանի «Վարդանանք»,
- Կիտրի - Լյուդվիգ Մինկուս, Էդուարդ Նապրավնիկ «Դոն Կիխոտ»,
- Կարմեն - Ժորժ Բիզե, Ռոդիոն Շչեդրին «Կարմեն Սյուիտ»,
- Արքայադուստր Մաշա - Պյոտր Չայկովսկի «Մարդուկ-Ջարդուկը»,
- Հանդես է եկել նաև Աստոր Պիացոլայի «Տանգո»-ում ինչպես նաև Հարո Ստեփանյանի «Սասունցի Դավիթ» օպերայում:
Ծանոթագրություններ[խմբագրել | խմբագրել կոդը]
- ↑ (hy-AM) Մերոնք. Սյուզաննա Փիրումյան, https://www.youtube.com/watch?v=gNN6HjNtTKE, վերցված է 2019-12-02
- ↑ «AV Production - Սյուզաննա Փիրումյան»։ avproduction.am։ Վերցված է 2019-12-02
- ↑ «Ավագանու որոշմամբ բալետի վաստակավոր արտիստուհի Սյուզաննա Փիրումյանը բնակարան կստանա»։ www.iravunk.com։ Վերցված է 2019-12-02
- ↑ «Yerevan.Today | ՀՀ վաստակավորներն ու ժողովրդականները»։ yerevan.today (hy-am)։ Վերցված է 2019-12-02
