Մելիք Մավիսակալյան
| Մելիք Մավիսակալյան | |
|---|---|
 | |
| Ծնվել է | 1937, սեպտեմբերի 23 Երևան |
| Երկիր |  Հայաստան |
| Մասնագիտություն | դիրիժոր և կոմպոզիտոր |
| Կրթություն | Երևանի Կոմիտասի անվան պետական կոնսերվատորիա |
| Պարգևներ | |
 Melik Mavisakalyan Վիքիպահեստում | |
Մելիք Բաբկենի Մավիսակալյան (Մելիք-Մավիսակալյան), (սեպտեմբերի 23, 1937, Երևան, Հայկական ԽՍՀ, ԽՍՀՄ), հայ դիրիժոր, կոմպոզիտոր, ՀԽՍՀ արվեստի վաստակավոր գործիչ (1982), Հայաստանի ժողովրդական արտիստ (2012)[1]։
Հեռուստալրագրող, հրապարակախոս Ռոբերտ Մավիսակալյանի եղբայրն է։
Կենսագրություն[խմբագրել | խմբագրել կոդը]
1961-1967 թվականներին սովորել է Երևանի Կոմիտասի անվան պետական կոնսերվատորիայի ջութակի և ստեղծագործական բաժիններում, ավարտել է Էդվարդ Միրզոյանի կուրսը։
- 1957-1960 թվականներին՝ Հայաստանի Ռադիոյի երաժշտական գործիքային կվինտետի մենակատար
- 1960-1962 թվականներին՝ Երևանի «Մոսկվա» կինոթատրոնի էստրադային նվագախմբի գեղարվեստական ղեկավար
- 1964-1965 թվականներին՝ Հայաստանի պետական էստրադային նվագախմբի տնօրեն
- 1970-1972 թվականներին՝ Հայաստանի կոմպոզիտորների միության պատասխանատու քարտուղար
- 1972-1986 թվականներին՝ Հայաստանի հեռուստառադիոյի էստրադային սիմֆոնիկ նվագախմբի գեղարվեստական ղեկավար և դիրիժոր
- 1985-2005 թվականներին՝ Երևանի Չայկովսկու անվան երաժշտական դպրոցի դասատու
- 1991-1997 թվականներին՝ Թաթուլ Ալթունյանի անվան հայկական ժողովրդական երգի-պարի անսամբլի գեղարվեստական ղեկավար[2]
Ստեղծագործություններ[խմբագրել | խմբագրել կոդը]
Գրել է 4 կանտատ. օրատորիա, «Ռեքվիեմ»՝ Մեծ եղեռնի զոհերի հիշատակին, կոնցերտներ՝ շեփորի և նվագախմբի, ջութակի և նվագախմբի համար, լարային կվարտետներ, սոնատներ, խմբերգեր, մանկական և էստրադային երգեր, կինոերաժշտություն («Մեծ նվեր» օպերետը (1971), «Սիմֆոնիկ պարեր» (1975), «Կոնցերտ-ֆանտազիա» (1968), «Ախթամար», 1969, «Բաղդասարը բաժանվում է կնոջից», 1976, Առնո Բաբաջանյանի հետ, երկուսն էլ՝ գեղարվեստական ֆիլմ, Հայֆիլմ)[3]։
1981 թվականին դերակատարում է ունեցել «Համեստ մարդը» ֆիլմում։
Պարգևներ և մրցանակներ[խմբագրել | խմբագրել կոդը]
- Երիտասարդ կոմպոզիտորների համամիութենական մրցույթների (1969, 1971, Մոսկվա) դափնեկիր[4]
- ՀԽՍՀ արվեստի վաստակավոր գործիչ, 1982
- Հայաստանի ժողովրդական արտիստ, 2012
- Երևանի քաղաքապետի ոսկե մեդալ, 2015[5]
Ծանոթագրություններ[խմբագրել | խմբագրել կոդը]
- ↑ Հայաստանի Հանրապետության պատվավոր կոչումներ շնորհելու մասին
- ↑ «Մավիսակալյան Մելիք | armeniaculture.am». www.armeniaculture.am. Արխիվացված է օրիգինալից 2019 թ․ մարտի 9-ին. Վերցված է 2018-12-04T18:18:51Z-ին.
- ↑ Մելիք Մավիսակալյան - Հայաստանի կոմպոզիտորների միություն
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ Ստեփան Շաքարյանն ու Մելիք Մավիսակալյանը պարգևատրվել են քաղաքապետի Ոսկե մեդալով
 | Վիքիպահեստն ունի նյութեր, որոնք վերաբերում են «Մելիք Մավիսակալյան» հոդվածին։ |
|
