Լաուրից Մելխիոր

Լաուրից Մելխիոր; դան․՝ Lauritz Melchior
Ծնվել է	մարտի 20, 1890[…]
Ծննդավայր	Կոպենհագեն, Դանիա
Մահացել է	մարտի 18, 1973[…] (82 տարեկան)
Մահվան վայր	Սանտա Մոնիկա, Լոս Անջելես շրջան, Կալիֆոռնիա, ԱՄՆ
Գերեզման	Ասիստենս գերեզմանատուն
Քաղաքացիություն	Դանիա
Մասնագիտություն	օպերային երգիչ և դերասան
Ամուսին	Inger Melchior?
Ծնողներ	հայր՝ Jørgen Melchior?
Պարգևներ և ; մրցանակներ	և Հոլիվուդյան փառքի ծառուղու աստղ
Երեխաներ	Իբ Մելխիոր և Birte Melchior?
	Lauritz Melchior Վիքիպահեստում

Լաուրից Մելխիոր (ամբողջական անունը` Լաուրից Լեբրեխթ Հոմել Մելխիոր, դան․՝ Lauritz Lebrecht Hommel Melchior, մարտի 20, 1890(1890-03-20)^[1]^[2]^[3]^[…], Կոպենհագեն, Դանիա^[4] - մարտի 18, 1973(1973-03-18)^[1]^[2]^[3]^[…], Սանտա Մոնիկա, Լոս Անջելես շրջան, Կալիֆոռնիա, ԱՄՆ^[4]), դանիացի օպերային երգիչ, (տենոր)։ 20-րդ դարի առավել հայտնի Վագներական հերոսական տենորներից («հելդենտենոր» (գերմ.՝ Heldentenor)) մեկը։

Կենսագրություն

Ծնվել է դպրոցի տնօրենի ընտանիքում։ Մանկուց երգել է եկեղեցական երգչախմբում։ Սովորել է Կոպենհագենի թագավորական օպերային դպրոցում։ 1913 թվականին տեղի է ունեցել նրա օպերային դեբյուտը որպես բարիտոն. նա կատարել է Սիլվիոյի դերերգը Ռուջերո Լեոնկավալոյի «Պայացներ» օպերայում։ Շարունակելով ուսումը` հետագայում մասնագիտացել է որպես տենոր։ 1918 թ. Մելխիորը կատարել է իր առաջին մեծ վագներական դերերգը` Տանհոյզերը համանուն օպերայում։ Մինչև 1921 թվականը մնացել է Կոպենհագենի թագավորական օպերային թատրոնի թատերախմբի կազմում, հետագայում էլ հաճախ հանդես է եկել թատրոնի բեմի վրա։ 1921-23 թվականներին ուսանել է Լոնդոնում, Բեռլինում և Մյունխենում` Աննա Բառ–Միլդենբուրգի մոտ^[6]։ 1926 թվականին տեղի է ունեցել երգչի դեբյուտը Նյու Յորքի «Մետրոպոլիտեն օպերա» թատրոնում։

Երգիչը կանոնավոր հանդես է եկել Լոնդոնի «Կովենտ-Գարդեն» թատրոնում (1924-39 թվականներ) և Բայրոյթի փառատոնում։ 1925 թվականին առաջին անգամ հանդես է եկել Վիեննայի օպերային թատրոնում։ 1925—1939 թվականներին մշտապես հրավիրվել է Բեռլինի պետական օպերային թատրոն։ 1926-1950 թվականներին մեծ հաջողությամբ երգել է «Մետրոպոլիտեն օպերայում»։ Բաց դրանից, Մելխիորը հանդես է եկել Փարիզի, Բրյուսելի, Չիկագոյի, Սան Ֆրանցիսկոյի, Բուենոս–Այրեսի և այլ քաղաքների օպերային թատրոններում։ Նրա հաճախակի խաղակիցներից էր Կիրսթեն Ֆլագսթադը։ Մելխիորը թողել է բեմը 1950 թվականին։ Հետագայում նկարահանվել է Հլիվուդում, մինչև պատկառելի տարիք հանդես է եկել համերգներում, կատարել ձայնագրություններ։

Հուղարկավորված է Կոպենհագենի Ասիսթենս գերեզմանատանը^[7]։

Ստեղծագործություն

Լաուրից Մելխիորը ուժեղ, բարիտոնալ երանգավորմամբ և ամուր վերին ռեգիստրով ձայնի տեր էր, որը թույլ էր տալիս նրան մեծ հաջողությամբ կատարել վագներական հերոսական տենորային դերերգերը (Լոհենգրին, Տրիստան («Տրիստան և Իզոլդա»), Զիգմունդ («Վալկիրիա»), Զիգֆրիդ («Զիգֆրիդ», «Աստվածների մայրամուտը») և այլն)։ Բացի դրանից` նա կատարել է Օթելոյի դերերգը Վերդիի համանուն օպերայում, Ռադամեսի դերերգը (Վերդի, «Աիդա») և Ֆլորեստանի դերերգը Բեթհովենի «Ֆիդելիո» օպերայում։

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Encyclopædia Britannica
↑ ^3,0 ^3,1 ^3,2 ^3,3 ^3,4 Discogs — 2000.
↑ ^4,0 ^4,1 ^4,2 ^4,3 ^4,4 ^4,5 Deutsche Nationalbibliothek Record #118937774 // Gemeinsame Normdatei (գերմ.) — 2012—2016.
↑ Lauritz Melchior
↑ Hart-Davis, Rupert (1985). Hugh Walpole. Hamish Hamilton. էջեր 197, 207, 218, 232, 264. ISBN 978-0-241-11406-3.
↑ Wilson, Scott. Resting Places: The Burial Sites of More Than 14,000 Famous Persons, 3d ed.: 2 (Kindle Location 31996). McFarland & Company, Inc., Publishers. Kindle Edition.

Գրականություն

H. Hansen: «Lauritz Melchior» (Kopenhagen, 1965);
S. Emmons: «Tristanissimo» (New York, 1990);
E. Arnosi: «Lauritz Melchior: El Coloso Wagneriano» (Buenos Aires, 1994);
A. Heckner: «Lauritz Melchior» (Bayreuth, 1995).

Արտաքին հղումներ

Վիքիպահեստն ունի նյութեր, որոնք վերաբերում են «Լաուրից Մելխիոր» հոդվածին։

[_fb54dfaa084a2b23-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_2e952f1248cd0d3d-2] 2,0 ^2,1 ^2,2 ^2,3 ^2,4 Encyclopædia Britannica

[_e7c01071bc909dcd-3] 3,0 ^3,1 ^3,2 ^3,3 ^3,4 Discogs — 2000.

[_b9618298eb6c6943-4] 4,0 ^4,1 ^4,2 ^4,3 ^4,4 ^4,5 Deutsche Nationalbibliothek Record #118937774 // Gemeinsame Normdatei (գերմ.) — 2012—2016.

[_7c78d1ba4bec1e47-5] Lauritz Melchior

[Walpole-6] Hart-Davis, Rupert (1985). Hugh Walpole. Hamish Hamilton. էջեր 197, 207, 218, 232, 264. ISBN 978-0-241-11406-3.

[7] Wilson, Scott. Resting Places: The Burial Sites of More Than 14,000 Famous Persons, 3d ed.: 2 (Kindle Location 31996). McFarland & Company, Inc., Publishers. Kindle Edition.

[1]

[2]

[3]

[4]

[5]

[6]

[7]