Երկան (Երզնկայի գավառ)
Գյուղ | ||
---|---|---|
Երկան | ||
Վարչական տարածք | Արևմտյան Հայաստան | |
Վիլայեթ | Էրզրումի վիլայեթ | |
Գավառ | Երզնկայի գավառ | |
Այլ անվանումներ | Երկայն, Էրքան, Էրէան | |
Պաշտոնական լեզու | Հայերեն | |
Ազգային կազմ | Հայեր (մինչև Մեծ եղեռնը) | |
Կրոնական կազմ | Քրիստոնյա (մինչև Մեծ եղեռնը) | |
Ժամային գոտի | UTC+3 | |
|
Երկան, գյուղ Արևմտյան Հայաստանում, Էրզրումի վիլայեթի Երզնկայի գավառում[1]։ Գտնվում էր Մնձուր լեռների արևելյան ծայրամասի բարձր սարալանջի վրա, Երզնկա քաղաքից փոքր հարավ։
Անվան ստուգաբանություն[խմբագրել | խմբագրել կոդը]
Գյուղի անվանումը առաջացել է Էրկան` բարձրահասակ բառից։ Ըստ ավանդության գյուղը հիմնադրել է Ակնի շրջանի Փշատիկ (Փշատուկ) գյուղից եկած Սամվել անունով հաղթանդամ ու բարձրահասակ մի տղամարդ։ Նրա պատվին գյուղը կոչվել է Էրկան։
Պատմություն[խմբագրել | խմբագրել կոդը]
Բնակչությունը կոտորվել ու բռնությամբ տեղահանվել է 1915 թվականի Մեծ եղեռնի ժամանակ։ Երկանը գրեթե հավասարվել է հողին։
Բնակչություն[խմբագրել | խմբագրել կոդը]
1872-1873 թվականներին ուներ 50, իսկ 1914 թվականին 150 տուն հայ բնակիչ։ Բնակիչները քաջ էին և հայրենասեր։
Տնտեսություն[խմբագրել | խմբագրել կոդը]
Բնակչության հիմնական զբաղմունքը երկրագործություն, բանջարաբուծություն, պտղաբուծություն, խաղողագործություն և կտավագործությունն էր։ Երկանն հայտնի էր իր որակյալ կտավով և ընտիր գինիներով։
Պատմամշակութային կառույցներ[խմբագրել | խմբագրել կոդը]
Երկանն ուներ Ս. Աստվածածին անունով եկեղեցի, որը կառուցվել էր 1244 թվականին, և Ս. Գեորգ վանք։ Բնակավայրի մոտակայքում էր գտնվում Ս. Եղիայի վանքը։
Կրթություն[խմբագրել | խմբագրել կոդը]
Գյուղում գործում էր վարժարան, որը մինչև 1915 թվականն ուներ 200 աշակերտ[2]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Կարինի նահանգի Երզնկայի գավառ». Վերցված է 2015 ապրիլի 14-ին.
- ↑ «Հայաստանի և հարակից շրջանների տեղանունների բառարան», հտ 2, էջ 242-243
Աղբյուրներ[խմբագրել | խմբագրել կոդը]
- «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
- Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 599)։ |