Մեղուցիկ

Մեղուցիկ, գյուղ Արևմտյան Հայաստանում, Էրզրումի վիլայեթի Երզնկայի գավառում։ Գտնվում էր Եփրատ գետի ձախ կողմում, Երզնկա քաղաքից հարավ-արևելք, Տուժիկ լեռան ստորոտում։ Մեղուցիկը գավառի ամենամեծ հայաբնակ գյուղն էր։

Գյուղը պատկանել է Չարչարանաց վանքի թեմին։

Պատմություն

Մեղուցիկի հայերը բռնությամբ տեղահանվել են 1915 թվականին, Մեծ եղեռնի ժամանակ։ Նրանց մեծ մասը զոհվել է գաղթի ճանապարհին, Կամախի կիրճում։ Փրկվածները բնակություն են հաստատել տարբեր երկրներում։

Բնակչություն

1872-1873 թվականներին ուներ 51 տուն հայ, 1895 թվականին՝ 300 տուն հայ և 50 տուն այլազգի, 1909 թվականին ուներ 185 ընտանիք հայ և 35 տուն այլազգի բնակիչ։

Տնտեսություն

Զբաղվում էին երկրագործությամբ, անասնապահությամբ և արհեստներով։

Պատմամշակութային կառույցներ

Մեղուցիկն ուներ մատուռ և Ս. Ստեփանոս անունով եկեղեցի։

Կրթություն

Գյուղն ուներ դպրոց և գրադարան։

Տես նաև

• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 453)։