Ծաթ (Երզնկայի գավառ)

Ծաթ, գյուղ Արևմտյան Հայաստանում, Էրզրումի վիլայեթի Երզնկայի գավառում։ Գտնվում էր Երզնկայի դաշտի հարավային մասում, Եփրատ գետի ափին։

Պատմություն

Հայ բնակիչները տեղահանվել և բնաջնջվել են 1915 թվականի Մեծ եղեռնի ժամանակ։

Բնակչություն

1872-1873 թվականներին ուներ 43 տուն հայ և 70 տուն թուրք բնակիչ, իսկ 1907 թվականին՝ 52 տուն հայ և 10 տուն այլազգի բնակիչ։ Մեծ եղեռնի նախօրեին ուներ 130-150 տուն բնակիչ։

Տնտեսություն

Զբաղվում էին հողագործությամբ, բանջարաբուծությամբ, անասնապահությամբ և արհեստներով։

Պատմամշակութային կառույցներ

Ծաթն ուներ Ս. Աստվածածին անունով եկեղեցի։

Կրթություն

Գյուղն ուներ վարժարան։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 104)։