Դվնիկ (Երզնկայի գավառ)

Անվան այլ կիրառումների համար տե՛ս՝ Դվնիկ (այլ կիրառումներ)

Դվնիկ, գյուղ Արևմտյան Հայաստանում, Էրզրումի վիլայեթի Երզնկայի գավառում։ Գտնվում էր Սեպուհ լեռան արևմտյան ստորոտում։

Պատմություն

Գյուղն ավերվել, իսկ բնակչությունը թուրքերի կողմից բռնությամբ տեղահանվել կամ կոտորվել են 1915 թվականի Մեծ եղեռնի ժամանակ։

Բնակչություն

XIX դարի վերջին և XX դարի սկզբին ուներ 60-80 տուն` 450-610 հայ բնակչով։

Տնտեսություն

Բնակչության հիմնական զբաղմունքը երկրագործությունն էր, մասսամբ նաև անասնապահությունը։

Պատմամշակութային կառույցներ

Դվնիկն ուներ Ս. Աստվածածին (կամ Ս. Սարգիս) անունով եկեղեցի։ Գյուղի մոտ է գտնվում Ս. Սերովբեի և Ս. Քերովբեի վանքերը։ Դվնիկում Հովհաննես անունով մի վարդապետ գետնի տակ գտել է մի հինավուրց մատուռ, որի պատերը գրեթե անվնաս էին մնացել։ Բնակավայրից հյուսիս-արևմուտք կար գերեզմանոց` արձանագրություններ ունեցող խաչքարերով։

Կրթություն

Ս. Աստվածածին եկեղեցուն կից գործում էր երկսեռ վարժարան, որը սկզբում ունեցել է 20-30 աշակերտ, իսկ XX դարի սկզբին` մոտ 100 աշակերտ։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 446)։