Տաճրակ

Տաճրակ, գյուղ Արևմտյան Հայաստանում, Էրզրումի վիլայեթի Երզնկայի գավառում։ Գտնվում էր Եփրատի ձախ կողմի վտակներից մեկի հովտում, Երզնկա քաղաքից 6 կմ հարավ, Մնձուրի լեռնաշղթայի հյուսիսային փեշին։ Հնում մտել է Բարձր Հայք աշխարհի Եկեղյաց գավառի մեջ։

Անվան ստուգաբանություն

Անվանումն առաջացել է Տիրաշեն վանքի ավանդատան` Տաճարիկի անունից։

Պատմություն

Բնակչությունը թուրքերի կողմի զանգվածաբար կոտորվել է 1916 թվականի կոտորածի ժամանակ։

Բնակչություն

1872-1873 թվականներին ուներ 13 տուն հայ և 6 տուն քուրդ, իսկ 1915 թվականի նախօրյակին` մոտ 50 տուն բնակիչ, որի մեծամասնությունը հայեր էին։

Տնտեսություն

Գյուղը գնտվում էր այգեվետ և պտղաշատ վայրում։ Բնակչության հիմնական զբաղմունքը այգեգործություն, հողագործություն և արհեստներն էին։

Պատմամշակութային կառույցներ

Տաճրակն ուներ Ս. Աստվածածին եկեղեցի` կառուցված 1235 թվականին։ Գյուղի մոտ էին գտնվում նաև Գառնիկ Ճգնավորի և Տիրաշեն վանքերը։

Կրթություն

Գյուղն ուներ XIX դարի կեսերին կառուցված դպրոց, որտեղ սովորում էին 50 աշակերտ։

Տես նաև

• Էրզրումի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն