Էնթոնի Դեյվիս

Վիքիպեդիայից՝ ազատ հանրագիտարանից
Էնթոնի Դեյվիս
Anthony Davis

Ակումբ Ամերիկայի Միացյալ Նահանգներ Լոս Անջելես Լեյքերս
Դիրքը Ծանր հարձակվող/ կենտրոնական
Համար № 21
Ի ծնե տրված անունը Էնթոնի Դեյվիս կրտսեր
Anthony Davis, Jr.
Ծննդյան ամսաթիվ մարտի 11, 1993 (31 տարեկան)
Ծննդավայր Ամերիկայի Միացյալ Նահանգներ Չիկագո, Իլինոյս ԱՄՆ
Ազգություն Ամերիկացի
Հասակ 208 սմ
Քաշ 102 կգ
Դպրոց Հեռանկարների չարտերային դպրոց (Չիկագո, Իլինոյս)
համալսարան Կենտուկի (2011-2012)
Դրաֆթի տարի 2012 / ռաունդ` 1 / ընտր.` 1-ին
Դրաֆթ ակումբ Նյու Օռլեանս Հորնեթս
Կարիերայի պատմություն
Ամերիկայի Միացյալ ՆահանգներՆյու Օռլեանս Պելիկանս (2012–2019)
Ամերիկայի Միացյալ ՆահանգներԼոս Անջելես Լեյքերս (2019–այժմ)
Մրցանակներ

  • 6× NBA աստղ (2014–2019)
  • NBA բոլոր աստղերի խաղի MVP (2017)
  • 3× All-NBA առաջին թիմ (2015, 2017, 2018)
  • NBA All-Defensive առաջին թիմ (2018)
  • 2× NBA All-Defensive երկրորդ թիմ (2015, 2017)
  • 3× NBA-ի առաջատար բլոկշոտերի ասպարեզում (2014, 2015, 2018)
  • NCAA չեմպիոն (2012)
  • NCAA եզրափակիչ քառյակի լավագույն բասկետբոլիստ (2012)
  • Կոնսենսուս All-American առաջին թիմ (2012)
  • Կոնսենսուս տարվա ազգային մարզիկ (2012)
  • NABC տարվա պաշտպան (2012)
  • USBWA տարվա ազգային առաջինկուրսեցի (2012)
  • SEC տարվա բասկետբոլիստ (2012)
Մեդալներ

Էնթոնի Դեյվիս կրտսեր (անգլ.` Anthony Davis, Jr. ծնվ.` մարտի 11, 1993 թ.), ամերիկացի պրոֆեսիոնալ բասկետբոլիստ։ Հանդես է գալիս Բասկետբոլի ազգային ասոցիացիայի (NBA) «Լոս Անջելես Լեյքերս» ակումբում։ Դեյվիսը խաղում էր Կետուկիի համալսարանի կազմում, երբ 2012 թ. NBA դրաֆթի առաջին համարով ընտրվում է «Հորնեթսի» («Պելիկանս») կողմից։ Խաղում է ծանր հարձակվողի և կենտրոնականի դիրքերում։ Հասակը կազմում է 208 սմ, իսկ քաշը՝ 102 կգ։ Դեյվիսն ունեցել է բավականին հաջող կարիերա թե ավագ դպրոցում, և թե համալսարանում։

2012 թվականի մայիսին, երբ պարզ է դառնում, որ Լոնդոնի ամառային օլիմպիական խաղեր մեկնելու համար նշանակված ԱՄՆ բասկետբոլի ազգային հավաքականի մի քանի մարզիկներ վնասվածքի պատճառով չեն մասնակցի խաղերին (հատկապես՝ Դուայթ Հովարդը), առաջադրվում է Դեյվիսի և Գրեգ Մոնրոյի («Դետրոյթ Փիստոնս») թեկնածությունը՝ զբաղեցնելու մեկնարկային կենտրոնականի թափուր տեղը։ Ի վերջո, նախապատվությունը տրվում է Դեյվիսին, ով Էմեկա Օկաֆորից հետո (Աթենք 2004) դառնում է երկրորդ բասկետբոլիստը NBA-ի պատմության մեջ, ով NBA-ում դեռ ոչ մի խաղ չանցկացնելով ներկայացրել է Միացյալ Նահանգները օլիմպիական խաղերում։ Հավաքականի կազմում Դեյվիսը դառնում է ոսկե մեդալակիր։

Անձնական կյանքը[խմբագրել | խմբագրել կոդը]

Դեյվիսի հոր՝ Էնթոնի Դեյվիս ավագի հասակը կազմում է 191 սմ, իսկ մոր՝ Էրեյներ Դեյվիսի հասակը՝ 185 սմ։ Ունի երկվորյակ քույր՝ Անտոնետ անունով, իսկ ավագ քույր Լեշան հանդես է գալիս Դեյլիի քոլեջի բասկետբոլային թիմում։

Հոնքերը[խմբագրել | խմբագրել կոդը]

Դեյվիսն ունի կիպ հոնքեր, որոնք բրենդ է դարձրել։ NBA-ում իր նորամուտից առաջ Դեյվիսը պաշտոնապես գրանցել է «Վախեցիր հոնքերից» և «Հոնքդ բարձր» բրենդները։ Իր այդ քայլը նա մեկնաբանել էր հետևյալ կերպ. «Ես չեմ ցանկանում, որ ինչ-որ մեկը նայի ինձ վրա, իմ հոնքերի պես հոնքեր աճեցնի և դրանով միլիոններ վաստակի։ Մենք ընտանիքով որոշեցինք ինքներս անել այդ բանը, քանի որ դա շատ յուրահատուկ է»[1][2]։

Օլիմպիական խաղերի ավարտից հետո, Քոբի Բրայանտը իր ֆեյսբուքյան էջում տեղադրում է Դեյվիսի և հայազգի հունահռոմեկան ըմբիշ Հովհաննես Վարդերեսյանի հետ միասին կատարած լուսանկարը։ Քանի որ Վարդերեսյանը նույնպես աչքի էր ընկնում իրար կպած հոնքերով, Բրայանտը լուսանկարի մեկնաբանության մասում կատակով գրել էր «Ունքերի պայքար, ո՞վ կհաղթի» (Battle of the unibrow!!! Who wins???)[3]։

Արտաքին հղումներ[խմբագրել | խմբագրել կոդը]

Դեյվիսը ազգային հավաքականի թիմակիցների հետ Առլինգթոնի ազգային գերեզմանոցում

Ծանոթագրություններ[խմբագրել | խմբագրել կոդը]

  1. Ռովել, Դարեն (2012 թ․ հունիսի 25). «Էնթոնի Դեյվիսն իր հոնքերը բրենդ է դարձրել». ՍիԷնԲիՍի. Վերցված է 2012 թ․ Հունիսի 26-ին.
  2. Մեսոտ, Քևին (Հունիսի 25, 2012 թ.). «Էնթոնի Դեյվիսը չի պատրաստվում սափրել հոնքերը». «ԱՄՆ այսօր». Վերցված է 2012 թ․ Հունիսի 26 թ.-ին.
  3. «Կատակասեր Բրայանտը՝ Հովհաննես Վարդերեսյանի հոնքերի մասին». «Սպորտ Արմենիա». Օգոստոսի 13, 2012 թ.