Ալեն Այվերսոն

	Ալեն Այվերսոն; Allen Iverson
	; Այվերսոնը 2008 թվականին
Դիրքը	Խաղարկող / հարձակվող պաշտպան
Համար	№ 3, 1
Ի ծնե տրված անունը	Ալեն Իզեյլ Այվերսոն; Allen Ezail Iverson
Ծննդյան ամսաթիվ	հունիսի 7, 1975 (49 տարեկան)
Ծննդավայր	Հեմփթոն, Վիրջինիա ԱՄՆ
Ազգություն	Ամերիկացի
Հասակ	183 սմ
Քաշ	75 կգ
Դրաֆթի տարի	1996 / ռաունդ` 1 / ռնտր.` 1-ին
Դրաֆթ ակումբ	Ֆիլադելֆիա Սեվնթի Սիքսերս
Կարիերայի պատմություն
	Ֆիլադելֆիա Սեվնթի Սիքսերս (1996-2006); Դենվեր Նագեթս (2006-2008); Դետրոյթ Փիստոնս (2008-2009); Մեմֆիս Գրիզլիս (2009); Ֆիլադելֆիա Սեվնթի Սիքսերս (2009-2010); Բեշիկթաշ (Թուրքիա)(2010-2011)
Մրցանակներ
	NBA ամենաարժեքավոր խաղացող (2001); 11× NBA աստղ (2000–2010); 2× բոլոր աստղերի խաղի MVP (2001, 2005); 3× All-NBA առաջին թիմ (1999, 2001, 2005); 3× All-NBA երկրորդ թիմ (2000, 2002, 2003); All-NBA երրորդ թիմ (2006); NBA տարվա նորեկ (1997); NBA All-Rookie առաջին թիմ (1997); 4× NBA-ի առաջատար միավորների ասպարեզում (1999, 2001, 2002, 2005); 3× NBA-ի առաջատար խլումների ասպարեզում (2001–2003); №3 խաղաշապկի հավերժացում «Ֆիլադելֆիա Սեվնթի Սիքսերս» կողմից; Կոնսենսուս All-American առաջին թիմ (1996); All-Big East առաջին թիմ (1996); All-Big East երկրորդ թիմ (1995); 2× Big East տարվա պաշտպան (1995, 1996); Big East տարվա նորեկ (1995); Parade All-American առաջին թիմ (1993);

Ալեն Իզեյլ Այվերսոն (անգլ.՝ Allen Ezail Iverson, հունիսի 7, 1975(1975-06-07)^[1]^[2], Հեմփթոն, Վիրջինիա, ԱՄՆ^[1]^[3]), ամերիկացի նախկին բասկետբոլիստ, պաշտպան։ Մինչև Բասկետբոլի ազգային ասոցիացիայում (NBA) հանդես գալը՝ Այվերսոնը հաճախել է Բեթելի ավագ դպրոց, որտեղ ունեցել է երկսպորտային կարիերա՝ խաղալով և՛ բասկետբոլ, և՛ ամերիկյան ֆուտբոլ։ Ընդ որում երկու սպորտաձևում էլ հաղթել է այսպես կոչված «Ասոշիեդ պրեսի վարկածով տարվա ավագ դպրոցի լավագույն խաղացող» (The Associated Press High School Player of the Year) մրցանակը և Վիրջինիա նահանգի 1-ին դիվիզիայի առաջնությունները։

Ավագ դպրոցից հետո ընդունվել է Ջորջթաունի համալսարան, որտեղ անցկացրել է երկու տարի և գրանցել համալսարանային առաջնության ռեկորդ՝ միջին միավորների քանակով (22,9 մ/խ)։ Համալսարանային առաջնության ընթացքում երկու անգամ արժանացել է տարվա պաշտպանի մրցանակին^[4]։

Հաջող համալսարանային կարիերայից հետո մուտք է գործել 1996 թվականի NBA դրաֆթ, որի առաջին իսկ համարի ներքո ընտրվել է «Ֆիլադելֆիա Սեվնթի Սիքսերսի» կողմից^[5]։ Մեկնարկային՝ 1996–97 խաղաշրջանում ճանաչվել է տարվա նորեկ։ Մասնագիտական կարիերայի ողջ ընթացքում 11 անգամ ճանաչվել է աստղ, ընդ որում՝ 2001 և 2005 թվականներին հաղթել է Բոլոր աստղերի խաղի ամենաարժեքավոր խաղացողի մրցանակը (All-Star MVP award)։

Չնայած բասկետբոլիստի համար կարճ հասակին՝ Այվերոնը կանոնավոր առաջնությունների խաղերում միջինում բերում էր 26,7 միավոր, իսկ փլեյօֆֆների ժամանակ՝ 29,7 միավոր։ 2000–01 խաղաշրջանում ճանաչվել է կանոնավոր առաջնության ամենաարժեքավոր խաղացող, ինչպես նաև նույն տարի թիմն առաջնորդել է դեպի 2001 թվականի NBA-ի գերեզրափակիչ։

Ակումբային կարիերայից զատ, ներկայացրել է Միացյալ Նահանգները 2004 թվականի Աթենքի ամառային օլիմպիական խաղերում` նվաճելով բրոնզե մեդալ։ Խաղացել է նաև Դետրոյթ Փիստոնսի, «Մեմֆիս Գրիզլիսի» և «Դենվեր Նագեթսի» կազմում։

2008 թվականին Ալեն Այվերսոնը «ESPN»-ի կողմից ճանաչվել է որպես NBA-ի պատմության 5-րդ մեծագույն պաշտպանը^[6]։

Ծանոթագրություններ

↑ ^1,0 ^1,1 ^1,2 http://espn.go.com/nba/player/splits/_/id/366/allen-iverson
↑ Encyclopædia Britannica
↑ ^3,0 ^3,1 http://espn.go.com/nba/player/stats/_/id/366/allen-iverson
↑ «Ալեն Այվերսոն». Ջորթաունի համալսարանի բասկետբոլային արխիվ. Դեկտեմբերի 3, 2010 թ. Արխիվացված է օրիգինալից 2012 թ․ փետրվարի 14-ին. Վերցված է Նոյեմբերի 19, 2011 թ.-ին. {{cite web}}: External link in |work= (օգնություն)
↑ «Այվերսոնը վերադարձել է». ESPN. Վերցված է 2010 թ․ դեկտեմբերի 29–ին-ին.
↑ «Դեյլի թայմ` Special Edition – Բոլոր ժամանակների մեծագույն պաշտպանները». ESPN. Վերցված է 2008 թ․ մարտի 11-ին.

Արտաքին հղումներ

Պաշտոնական կայք Արխիվացված 2011-01-28 Wayback Machine(անգլ.)
Ալեն Այվերսոնի էջը NBA.com կայքում
Եվրագավաթի առաջնության էջը

Վիքիպահեստն ունի նյութեր, որոնք վերաբերում են «Ալեն Այվերսոն» հոդվածին։

[_d8fe51006238d0eb-1] 1,0 ^1,1 ^1,2 http://espn.go.com/nba/player/splits/_/id/366/allen-iverson

[_f69dc4fc6424809b-2] Encyclopædia Britannica

[_5cf292b0c26a326d-3] 3,0 ^3,1 http://espn.go.com/nba/player/stats/_/id/366/allen-iverson

[4] «Ալեն Այվերսոն». Ջորթաունի համալսարանի բասկետբոլային արխիվ. Դեկտեմբերի 3, 2010 թ. Արխիվացված է օրիգինալից 2012 թ․ փետրվարի 14-ին. Վերցված է Նոյեմբերի 19, 2011 թ.-ին. {{cite web}}: External link in |work= (օգնություն)

[5] «Այվերսոնը վերադարձել է». ESPN. Վերցված է 2010 թ․ դեկտեմբերի 29–ին-ին.

[greatestsg-6] «Դեյլի թայմ` Special Edition – Բոլոր ժամանակների մեծագույն պաշտպանները». ESPN. Վերցված է 2008 թ․ մարտի 11-ին.

[1]

[2]

[3]

[4]

[5]

[6]