Էնդրյու Ուիգինս
 Andrew Wiggins | ||
 | ||
| Ակումբ |  Գոլդեն Սթեյթ Ուորիորս
| |
|---|---|---|
| Դիրքը | Թեթև հարձակվող | |
| Համար | № 22 | |
| Ի ծնե տրված անունը | Էնդրյու Քրիստիան Ուիգինս Andrew Christian Wiggins | |
| Ծննդյան ամսաթիվ | փետրվարի 23, 1995 (29 տարեկան) | |
| Ծննդավայր |  Տորոնտո, Օնտարիո, Կանադա
| |
| Ազգություն | Կանադացի
| |
| Հասակ | 2,03 մ | |
| Քաշ | 91 կգ | |
| Դպրոց | Վոնի ավագ դպրոց (Վոն, Օնտարիո) Հանթինթոնի նախապատրաստական դպրոց (Հանթինգթոն, Արևմտյան Վիրջինիա) | |
| համալսարան | Կանզասի համալսարան (2013–2014) | |
| Դրաֆթի տարի | 2014 / ռաունդ` 1 /ընտ.` 1-ին | |
| Դրաֆթ ակումբ | Կլիվլենդ Կավալիերս | |
Կարիերայի պատմություն
| ||
| Մինեսոտա Թիմբերվուլվզ (2014-2020) Գոլդեն Սթեյթ Ուորիորս (2020-այժմ)
| ||
Մրցանակներ
| ||
Կարիերայի ցուցանիշներ
| ||
ՖԻԲԱ Մ-17 աշխարհի առաջնություն Բրոնզ — Գերմանիա 2010ՖԻԲԱ-ի Մ-18 Ամերիկայի առաջնություն Բրոնզ — Բրազիլիա 2012
| ||
Էնդրյու Քրիստիան Ուիգինս (անգլ.` Andrew Christian Wiggins, ծնվ.` փետրվարի 23, 1995 թ.), կանադացի պրոֆեսիոնալ բասկետբոլիստ։ Ներկա պահին հանդես է գալիս Բասկետբոլի ազգային ասոցիացիայի (NBA) «Գոլդեն Սթյեթ Ուորիորս» ակումբում, որպես թեթև հարձակվող և հարձակվող պաշտպան։
Ծնվել է Տորոնտոյում։ Երկու տարի հաճախել է Վոն (Օնտարիո նահանգ, Կանադա) քաղաքի համանուն ավագ դպրոցը, իսկ այնուհետև տեղափոխվել Հանթինգթոնի նախապատրաստական դպրոց (Արևմտյան Վիրջինիա նահանգ, ԱՄՆ)։ Դպրոցական կարիերայից հետո ընդունել է Կանզասի համալսարանի կրթաթոշակային ծրագիրը և 2013-14 մրցաշրջանն անցկացրել համալսարանի բասկետբոլային թիմում։ Անցկացրած մրցաշրջանից հետո Ուիգինսի միջին ցուցանիշներն էին 17,1 միավոր (մ/խ), 5,9 անդրադարձ (ա/խ), ինչպես նաև երեքմիավորանոց նետումների 34,1% արդյունավետություն[1]։ 2013 թվականին համարվել է համալսարանային առաջնությունում հանդես եկող լավագույն սիրողական բասկետբոլիստը։
Ընտրվել է NBA-ի 2014 թվականի դրաֆթի[2][3] առաջին ընտրությամբ՝ դառնալով երկրորդ անընդմեջ կանադացին, ով ընտրվում է դրաֆթի 1-ին համարով։ 2014 թվականի օգոստոսի 23-ին «Կլիվլենդ Կավալիերսի», «Մինեսոտա Թիմբերվուլվզի» և «Ֆիլադելֆիա Սևնթի Սիքսերսի» միջև տեղի ունեցած եռակողմ փոխանակման շրջանակներում Ուիգինսը և թիմակից Էնթոնի Բենեթը, «Ֆիլադելֆիայի» բասկետբոլիստ Թադեուս Յանգի հետ տեղ են գտնում «Մինեսոտայում», Քևին Լավը տեղը է գտնում «Կլիվլենդում», իսկ «Ֆիլադելֆիան» իր հերթին ձեռք է բերում Ալեքսեյ Շվեդին, Լյուկ Ռիչարդ Մ՛Բահ ա Մուտեին և հաջորդ տարվա դարֆթի առաջին ռաունդի ընտրության իրավունք[4]։ ABA-ի և NBA-ի միավորումից ի վեր Ուիգինսը Քրիս Ուեբերից հետո դառնում է երկրորդ բասկետբոլիստը, ով ընտրվելով դրաֆթի առաջին ընտրությամբ և ընդհանրապես հանդիպում չանցկացնելով ընտրող թիմի կազմում տեղափոխվում է մեկ այլ թիմ[5]։
Մասնակցել է նաև ՖԻԲԱ-ի մինչև 17 (2010) և մինչև 18 (2012) տարեկանների աշխարհի առաջնություններին՝ ներկայացնելով Կանադայի երիտասարդական հավաքականը և յուրաքանչյուր առաջնության ժամանակ նվաճելով բրոնզե մեդալ։ 2010 թվականի առաջնության ժամանակ թիմակցել է նախորդ տարվա դրավթի առաջին ընտրություն Էնթոնի Բենեթի հետ[6]։
Ծանոթագրություններ[խմբագրել | խմբագրել կոդը]
- ↑ «Խաղացողի էջ։ Էնդրյու Ուիգինս». «ESPN.com». Վերցված է 2014 թ․ փետրվարի 19-ին.
- ↑ Էրիկ Պրիսբել, Սկոտ Գլիսոն (Մարտի, 2014). «Կանզասի աստղ Էնդրյու Ուիգինսն հայտարարում է NBA-ի դրաֆթում մասնակցության մասին». «Յու Էս Էյ թըդեյ». Վերցված է 2014 թ․ մարտի 31-ին.
- ↑ Ջոնաթան Ջիվոնի (2014 թ․ մարտի 31). «Էնդրյու Ուիգինս մոք դրաֆթ». «Դրաֆթ էքսպրես». Վերցված է 2014 թ․ մարտի 31-ին.
- ↑ ««Թիմբերվուլվզը» եռակողմանի փոխանակման շրջանակներում ձեռք է բերում Էնդրյու Ուիգինսին, Էնթոնի Բենեթին և Թադեուս Յանգին». NBA.com. «Թըրներս սպորտս ինտերակտիվ». 2014 թ․ օգոստոսի 23. Վերցված է 2014 թ․ օգոստոսի 23-ին.
- ↑ «Էնդրյու Ուիգինս-Քևին Լավ փոխանակումը տեղի կունենա»
- ↑ «Էնդրյու Ուիգինս». «Կանադա Բասկետբոլ». Արխիվացված է օրիգինալից 2014 թ․ հունվարի 4-ին. Վերցված է 2013 թ․ հուլիսի 5-ին.