Զոուի Դեշանել

Վիքիպեդիայից՝ ազատ հանրագիտարանից
Զոուի Դեշանել
Ծննդյան թիվ՝հունվարի 17, 1980(1980-01-17)[1][2] (43 տարեկան)
Ծննդավայր՝Լոս Անջելես, Կալիֆոռնիա, ԱՄՆ
Քաղաքացիություն՝ ԱՄՆ
Մասնագիտություն՝դերասանուհի, հեղինակ-կատարող, երաժիշտ, ձայնային դերասանուհի, երգչուհի, հեռուստատեսային դերասանուհի, կինոդերասանուհի և ստուդիական երաժիշտ
Պարգևներ՝
IMDb։ID 0221046
zooey-deschanel.com

Զոուի Քլեր Դեշանել (անգլ.՝ Zooey Claire Deschanel, հունվարի 17, 1980(1980-01-17)[1][2], Լոս Անջելես, Կալիֆոռնիա, ԱՄՆ), ամերիկացի դերասանուհի և երգչուհի։ Դեշանելը կինոյում դեբյուտ է ունեցել 1999 թվականին «Բժիշկ Մամֆորդ» ֆիլմում խաղացած դերով, որին հաջորդել է Քեմերոն Քրոուի «Գրեթե հայտնի» (2000) կիսաինքնակենսագրական երաժշտական դրամայում խաղացած Անիտա Միլերի դերը։ Շուտով Զոուին հայտնի է դարձել իր երկրորդական պլանի դերերով այնպիսի ֆիլմերում, ինչպիսիք են «Լավ աղջիկ» (2002), «Էլֆ» (2003), «Սեր և այլ անախորժություններ» (2006), «Կամուրջ դեպի Տերաբիթիա»(2007), «Երևույթ» (2008) ֆիլմերը։ Այս ֆիլմերից հետո նա սկսել է ստանալ գլխավոր դերեր, այդ թվում «Միշտ ասա «Այո»» (2008) և «Ամռան 500 օր» (2009) ֆիլմերում[3][4][5]։ 2011-2015 թվականներին Fox հեռուստաալիքի «Նորեկ» հեռուստասերիալում Դեշանելը խաղացել է Ջեսիկա Դեյի դերը։

2001 թվականից սկսած մի քանի տարի Դեշանելը իր դերասանուհի ընկերուհու՝ Սամանտա Շելթոնի հետ կատարել է ջազ-կաբարեի «If All the Stars Were Pretty Babies» համարը[6]։ Նա նվագում է ստեղնաշարային և հարվածային գործիքներ, բանջո և ուկուլելե[7]։ 2006 թվականին She & Him կեղծանվամբ Դեշանելն ու Մեթ Ուորդը դուետով ձայնագրել են իրենց դեբյուտային Volume One ալբոմը, որը թողարկվել է 2008 թվականի մարտին։ Նրանց երկրորդ Volume Two ալբոմը թողարկվել է 2010 թվականի մարտին։ 2011 թվականին նրանք թողարկել են A Very She & Him Christmas ամանորյա ալբոմը, իսկ 2013 թվականին՝ Volume 3 ալբոմը։ Բացի դրանից, Դեշանելը հաճախ է երգում իր ֆիլմերում։

Վաղ տարիներ[խմբագրել | խմբագրել կոդը]

Զոուի Դեշանելը ծնվել է 1980 թվականին Լոս Անջելեսում՝ «Օսկար» մրցանակի առաջադրված օպերատոր և ռեժիսոր Քալեբ Դեշանելի և դերասանուհի Մերի Ջո Դեշանելի ընտանիքում (նկարահանվել է «Թվին Փիքս» հեռուստասերիալում)։ Նրա հորական պապը եղել է Ուլենի ֆրանսիացի․ նա ունի նաև շվեցարական, հոլանդական, անգլիական, իռլանդական և այլ արմատներ[8][9]։ Զոուին դաստիարակվել է որպես կաթոլիկ[10]։ Նրան անվանել են ի պատիվ Ջերոմ Դեյվիդ Սելինջերի «Ֆրենի և Զոուի» (1961) պատմվածքի հերոսուհու[11]։ Զոուիի ավագ քույրը՝ Էմիլի Դեշանելը, նույնպես դերասանուհի է և նկարահանվել է «Ոսկորներ» հեռուստասերիալում։

Դեշանելն ապրել է Լոս Անջելեսում, բայց մանկության մեծ մասն անցկացրել է ուղևորությունների մեջ, քանի որ նրա հայրը ֆիլմեր էր նկարահանում բնության գրկում։ Ավելի ուշ նա ասել է, որ «ատել է բոլոր ուղևորությունները․․․ Ես հիմա շատ ուրախ եմ, որ ունեմ փորձ, բայց այդ ժամանակ ես ինձ դժբախտ էի զգում Լոս Անջելեսի ընկերների հետ բաժանման և այնպիսի վայրեր տեղափոխվելու համար, որտեղ չկար իմ սիրած սնունդը և սովորական իրեր»[12]։ Նա սովորել է Սանտա Մոնիկայի (Կալիֆոռնիա) մասնավոր նախապատրաստական դպրոցում, որտեղ ծաոթացել է ապագա գործընկերների՝ Ջեյք Ջիլենհոլի և Քեյթ Հադսոնի հետ[11][13]։ Դպրոցում զբաղվել է երգեցողությամբ՝ պլանավորելով շաունակել կարիերան երաժշտական թատրոնում[9]։ Զոուին ընդունվել է Հյուսիսարևմտյան համալսարան, բայց ինը ամիս անց լքել է այն հանուն կինոկարիերայի[12]։

Կարիերա[խմբագրել | խմբագրել կոդը]

Կինո[խմբագրել | խմբագրել կոդը]

Դեշանելը հյուրային դեր է խաղացել «Վերոնիկայի սալոնը» (1998) հեռուստասերիալում, ինչից հետո 1999 թվականին դեբյուտ է ունեցել կինոյում՝ Լոուրենս Կեզդանի «Բժիշկ Մամֆորդ» կատակերգությունում։ Ավելի ուշ միևնույն տարում նա նկարահանվել է (չի երգել) The Offspring խմբի «She’s Got Issues» տեսահոլովակում։ Իր երկրորդ ֆիլմում՝ Քեմերոն Քրոուի «Գրեթե հայտնի» (2000) կիսաինքնակենսագրական երաժշտական դրամայում, Դեշանելը խաղացել է Անիտա Միլերի՝ գլխավոր հերոսի պրոբլեմատիկ ավագ քրոջ դերը։ Ֆիլմն արժանացել է քննադատների հավանությանը[14], բայց չի ունեցել դրամարկղային հաջողություն։ Նա նաև կատարել է Ջիմի Ֆելոնի ընկերուհու դերը վերջինիս «Idiot Boyfriend» տեսահոլովակում։

Դեշանելը խաղացել է երկրորդական դերեր այնպիսի ֆիլմերում, ինչպիսիք են «Մոլագար» (2001) (Դոն Չիդլի և Ջոզեֆ Գորդոն-Լևիթի հետ), «Լավ աղջիկ» (2002) (Ջենիֆեր Էնիսթոնի և Ջեյք Ջիլենհոլի հետ), «Լքվածը» (2002) (Քեյթի Հոլմսի և Բենջամին Բրեթի հետ), «Մեծ անախորժություններ» (2002) (Թիմ Ալենի և Ռենե Ռուսսոյի հետ) ֆիլմերը։ 2002 թվականին վերջին The New York Times հրատարակչությունը գրել է Դեշանելի մասին որպես «ամենապահանջված երիտասարդ հոլիվուդյան աստղերից մեկի»[11], իսկ Los Angeles Times հրատարակչությունը 2003 թվականի սկզբին գրել է, որ Դեշանելը հայտնի է դարձել գլխավոր հերոսի լավագույն ընկերուհու իր «անվրդով, խոցող և առանձնացող խաղի» շնորհիվ[9]։

2002 թվականին Դեշանելը նկարահանվել է «Ֆրեյզեր» սիթքոմում՝ խաղալով Ջենի՝ Ռոզի անենթակա զարմուհու դերը 10-րդ եթերաշրջանի «Kissing Cousin» էպիզոդում։ Միևնույն տարում հայտնվել է «Նոր տղա» ֆիլմում՝ խաղալով գլխավոր հերոսի խմբի կիթառահարի՝ Նորայի դերը։

Մի քանի երկրորդական դերերից հրաժարվելուց հետո Դեշանելը խաղացել է իր առաջին գլխավոր դերը «Բոլոր իսկական աղջիկները» ֆիլմում (2003)։ Սեքսուալ 18-ամյա կույսի՝ Նոելի դերի կատարումն արժանացել է քննադատների հավանությանը[9], և նա առաջադրվել է «Անկախ ոգի» մրցանակին լավագույն կանացի դերի համար[15]։ Ավելի ուշ՝ 2003 թվականին, Դեշանելը նկարահանվել է «Էլֆ» կատակերգությունում՝ խաղալով ունիվերմագի անվրդով աշխատակցուհու դերը[16]։

2004 թվականին Դեշանելը նկարահանվել է «Խելագար հուղարկավորություն» ֆիլմում, իսկ 2005 թվականին խաղացել է Թրիլանի դերը Դուգլաս Ադամսի գիտաֆանտաստիկ վեպի էկրանավորման մեջ։ Նաև 2005 թվականին «Ապրելով ձմեռ» ֆիլմում խաղացել է գլխավոր հերոսուհու՝ Ռիզ Հոլդենի դերը։ 2006 թվականին Դեշանելը «Սեր և այլ անախորժություններ» ֆիլմում (2006) խաղացել է նևրոզային հարևանուհու՝ Սառա Ջեսիկա Փարքերի դերը։ 2006-2007 թվականներին նա հայտնվել է «Հաշիշ» հեռուստասերիալի չորս էպիզոդներում՝ կատարելով Քեթի՝ Էնդի Բոտվինայի նախկին ընկերուհու դերը։ 2006 թվականի սեպտեմբերին հայտնի է դարձել, որ Դեշանելը Պենելոպա Սֆիրսի «Ջուլիսի ավետարանը» ֆիլմում խաղալու է 1960-ական թվականների երգչուհի Ջենիս Ջոպլինի դերը[17]։ Ֆիլմի նկարահանումների սկիզբը նշանակված էր 2006 թվականին, բայց այն անորոշ ժամանակով հետաձգվել է[18]․ ավելի ուշ ֆիլմի թողարկումը նշանակվել է 2012 թվականին[19], սակայն 2011 թվականին հրաժարվել են նախագծից։ Դեշանելն արտահայտել է իր հիասթափությունն այդ առիթով՝ նշելով, որ երեք տարի աշխատել է Ջոպլինի երգեցողական ձայնի նմանակման վրա[20]։

2007 թվականին Դեշանելը հայտնվել է երկու մանկական ֆիլմերում՝ «Կամուրջ դեպի Տերաբիթիա», որում խաղացել է Ջեսիի՝ արտասովոր երաժշտության ուսուցչուհու դերը և «Բռնիր ալիքը» անիմացիոն ֆիլմում, որում հնչյունավորել է պինգվին Լենի Ալիկաիին։ Միևնույն տարում խաղացել է Դի Ջիի «Կախարդված թագավորություն» մինի սերիալի գլխավոր հերոսուհու դերը։ Դեշանելը նաև հնչյունավորել է «Players in Pigtails» մանկական գիրքը[21]։ 2008 թվականի ապրիլին նա հնչյունավորել է «Սիմփսոնները» մուլտսերիալի Կլետուսի դստեր՝ Մերիի կերպարը[22], իսկ հունիսին Մարկ Ուոլբերգի հետ նկարահանվել է Մ․ Նայթա Շյամալանի «Երևույթ» էկոլոգիական թրիլերում։ 2008 թվականին նկարահանվել է «Գիգանտիկ» և «Միշտ ասա «Այո»» (Ջիմ Քերրիի հետ) ֆիլմերում[23]։

2009 թվականին Դեշանելը Ջոզեֆ Գորդոն-Լևիթի հետ միասին նկարահանվել է «Ամռան 500 օր» կատակերգական մելոդրամայում։ Հարաբերությունների զարգացման ու ավարտի մասին այս ֆիլմն արժանացել է լայն գովասանքի[24] և առաջադրվել է «Ոսկե գլոբուս» մրցանակի որպես լավագույն ֆիլմ[25]։ Միևնույն թվականին Դեշանելը կատարել է հյուրային խաղ «Ոսկորներ» սերիալի ամանորյա էպիզոդում[26]։ Առաջին անգամ քրոջ՝ Էմիլիի հետ նկարահանվելով, Զոուին կատարել է Մարգարետ Ուայթսելի՝ բժիշկ Թեմպերանս Բրենանի (Էմիլի) հեռավոր բարեկամուհու դերը։

2011 թվականին Դեշանելը կատարել է Բելլադոննայի դերը «Ձերդ մեծություն» ֆանտաստիկ կատակերգությունում՝ նկարահանվելով Նատալի Փորտմանի և Ջեյմս Ֆրանկոյի հետ[27]։ 2011 թվականի սեպտեմբերից սկսած նկարահանվել է «Նորեկ» սերիալում, որում խաղացած դերի համար առաջադրվել է «Էմմի» և «Ոսկե գլոբուս» մրցանակների։ 2012 թվականի փետրվարի 11-ին եղել է «Շաբաթ երեկոյան ուղիղ եթերում» հեռուստաշոուի հաղորդավարը[28]։

Ֆիլմերի երաժշտություն[խմբագրել | խմբագրել կոդը]

«Նոր տղա» ֆիլմն առաջինն էր, որում Դեշանելը երգ է կատարել։ «Էլֆ» ֆիլմում նա Ուիլ Ֆերրելի հետ միասին ցնցուղի տակ երգել է «Baby, It’s Cold Outside» երգը, ինչպես նաև Լեն Ռեդբոունի հետ երգել է ֆիլմի սաունդթրեքը։ Նրա դաշնամուրային «Bittersuite» ստեղծագործությունը օգտագործվել է «Ապրելով ձմեռ» (2004) ֆիլմում, որում նկարահանվել է Ուիլ Ֆերրելի և Էդ Հարիսի հետ միասին։ Ֆիլմում Դեշանելը նաև կատարել է «My Bonnie Lies over the Ocean» երգը։

«Մի անգամ ներքնակի վրա» (2005) հեռուստամյուզիքլում Դեշանելը կատարել է «An Opening for a Princess», «In a Little While», «Normandy» և «Yesterday I Loved You» երգերը, «Ինչպես վախկոտ Ռոբերտ Ֆորդը սպանեց Ջեսսի Ջեյմսին» (2007) ֆիլմում՝ «A Bird in a Gilded Cage» հին կաբարե երգը։ «Կամուրջ դեպի Տերաբիթիա» ֆիլմում (2007) Դեշանելը դպրոցականների հետ միասին կատարել է «Someday» և «Why Can’t We Be Friends?» երգերը։

«Միշտ ասա «Այո»» ֆիլմում (2008) Դեշանելը ֆիլմում և ֆիլմի սաունդթրեքում կատարել է մի քանի երգ, ինչպես նաև «Munchausen by Proxy» հորինված երաժշտական խմբի երգչուհու դերում Von Iva էլեկտրո-սոուլ-փանկ խմբի հետ միասին կատարել է «Uh-Huh» և «Sweet Ballad» երգերը։

«Ամռան 500 օր» ֆիլմում (2009) Դեշանելը She & Him դուետով երգել է The Smiths խմբի «Please, Please, Please Let Me Get What I Want» երգի քավեր տարբերակը, որը նաև ներառվել է ֆիլմի սաունդթրեքի մեջ։ Նաև կատարել է Նենսի Սինատրայի «Sugar Town» երգի քավեր տարբերակը։ Բացի այդ, «Ամռան 500 օր» ֆիլմի ռեժիսոր Մարկ Ուեբը զբաղվել է She & Him դուետի «Why Do You Let Me Stay Here?» երգի տեսահոլովակի ռեժիսորությամբ։

Դեշանելը Ջեյմս Ֆրանկոյի հետ միասին «Ձերդ մեծություն» ֆիլմում (2011) երգել է «The Greatest Most Beautiful Love Song in All the Land» երգը։ Նա նաև կատարել է մի շարք երգեր Մեթ Ուորդի հետ միասին «Վինի Թուխը և իր ընկերները» մուլտֆիլմի (2011) սաունդթրեքի համար[29]։

Առանձին երաժշտություն[խմբագրել | խմբագրել կոդը]

Զոուի Դեշանելը և Մեթ Ուորդը հանդես են գալիս որպես She & Him

2001 թվականին Դեշանելը դերասանուհի Սամանտա Շելթոնի հետ միասին կազմակերպել է «If All the Stars Were Pretty Babies» ջազ-կաբարե համարը[11]։ Զույգը հանդես է եկել Լոս Անջելեսում[30]։ 2007 թվականի մարտին Դեշանելը մասնակցել է Ջեյսոն Շվարցմանայի Coconut Records խմբի Nighttiming ալբոմի «Slowly» և «Ask Her to Dance» երգերի ձայնագրմանը։ 2007 թվականի մայիսին Մեթ Ուորդը, որն ավելի վաղ բեմում հանդես էր գալիս Դեշանելի հետ, հայտնել է, որ արդեն ավարտում է աշխատանքը նրա դեբյուտային ալբոմի վրա[31], որում ներկայացվելու էին Դեշանելի կողմից գրված երգերը և որտեղ նա հանդես էր գալու որպես համապրոդյուսեր[32]։ Fox-ը հայտնել է, որ Դեշանելը և Ուորդը ձայնագրվում են «She & Him» կեղծանվան տակ։ Նրանց առաջին ալբոմը, որը կոչվում է Volume One, թողարկվել է Merge Records-ում 2008 թվականի մարտի 18-ին[33][34]։

2010 թվականի մարտի 23-ին թողարկվել է նրանց Volume Two երկրորդ ալբոմը[35]։ 2010 թվականի գարնանը She & Him դուետը շրջագայել է ԱՄՆ-ով և Եվրոպայով մեկ[36]։ Դեշանելը մասնակցել է «Get On the Road» և «Point Me at Lost Islands» երգերի ձայնագրմանը, իսկ Ուորդը՝ «Held in the Arms of Your Words» և «That Silver Necklace»։

2009 թվականին Դեշանելը ձայնագրել է «The Fabric of My Life» երգը Cotton Incorporated գովազդային գործակալության համար[37]։ Նաև ձայնագրել է Բադդի Հոլլիի «It’s So Easy» երգի քավեր տարբերակը Listen to Me: Buddy Holly ալբոմի համար, որը թողարկվել է 2011 թվականի սեպտեմբերի 6-ին։ Մինչ այդ She & Him դուետը ձայնագրել է «Oh Boy» երգը Rave On Buddy Holly ալբոմ-հավաքածուի համար, որը թողարկվել է 2011 թվականի հունիսին։

2011 թվականի հոկտեմբերի 25-ին Merge Records-ը թողարկել է She & Him դուետի 12 երգից կազմված ամանորյա A Very She & Him Christmas ալբոմը[38]։

Անձնական կյանք[խմբագրել | խմբագրել կոդը]

2009-2012 թվականներին Դեշանելն ամուսնացած է եղել երաժիշտ, «Death Cab for Cutie» և «The Postal Service» խմբերի վոկալիստ Բեն Հիբարդի հետ[39]։

2015 թվականի հունիսի 21-ից Դեշանելն ամուսնացած է պրոդյուսեր Ջեյքոբ Պեչենիկի հետ[40], որի հետ ամուսնությունից առաջ հանդիպել է 10 ամիս[41]։ Ամուսիններն ունեն երկու երեխա՝ Էլսի Օտտեր Պեչենիկն[42] ու Չարլի Վուլֆ Պեչենիկը։ 2019 թվականի սեպտեմբերի 6-ին հայտնի է դարձել, որ Դեշանելն ու Պեչենիկը չորս տարվա ամուսնական կյանքից հետո բաժանվել են[43]։ 2019 թվականի հոկտեմբերի 15-ին նրանք բաժանման հայտ են ներկայացրել դատարան՝ բաժանման պատճառ նշելով «անհաշտելի տարաձայնությունները»։ Բաժանման տարեթիվը 2019 թվականի հունվարի 9-ն է[44]։

Դեշանելն ալերգիա ունի ձվից, կաթնամթերքից և ցորենի սնձանից[45] և նախկինում հետևել է վեգանական դիետայի[46]։ Սակայն 2010 թվականին «Health» ամսագրին տված հարցազրույցում նա ասել է, որ ստիպված է եղել հրաժարվել դիետայից բժշկական ցուցումների պատճառով[47]։ Վեգանական դիետայից հրաժարվելուց մեկ տարի առաջ Զոուին մասնակցել է «Top Chef Masters» հեռուստաշոուի առաջին եթերաշրջանի ութերորդ էպիզոդին, որում շեֆ խորահարները մրցում էին նրա ընտանիքի և ընկերների համար առանց ձվի, կաթնամթերքի, սոյայի և սնձանի օգտագործման վեգանական լանչի պատրաստման մեջ[48]։

Ֆիլմագրություն[խմբագրել | խմբագրել կոդը]

Տարի Հայերեն անվանում Բնօրինակ անվանում Դեր
1998 ս Վերոնիկայի սալոնը Veronica's Closet Ելենա
1999 ֆ Բժիշկ Մամֆորդ Mumford Նեսա Ուոթկինս
2000 ֆ Գրեթե հայտնի Almost Famous Անիտա Միլեր
2001 ֆ Մոլագար Manic Թրեյսի
2002 ֆ Լավ աղջիկ The Good Girl Շերիլ
2002 ֆ Լքվածը Abandon Սամանտա Հարփեր
2002 ֆ Մեծ անախորժություններ Big Trouble Ջենի Հերկ
2002 ֆ Նոր տղա The New Guy Նորա
2002 ս Ֆրեյզեր Frasier Ջեն
2003 ֆ Այն ամենն, ինչ մենք անում ենք Whatever We Do Նիկի
2003 ֆ Բոլոր իսկական աղջիկները All the Real Girls Նոել
2003 ֆ Ավելի լավ է պետք լինել սպանության համար, քան ընդհանրապես պետք չլինել It’s Better to be Wanted for Murder Than Not to be Wanted at All բենզալցակայիանի աղջիկ
2003 ֆ Տան փնտրտուքներ House Hunting Քրիստի
2003 ֆ Էլֆ Elf Ջովի
2004 ս Գովերգում Cracking Up Հեյդի
2004 ֆ Խելագար հուղարկավորություն Eulogy Քեյթ Քոլինզ
2005 մֆ Ամերիկացի հայրիկ American Dad! Стриптизерша Конфетка / Ֆրանսուհի սպասուհի (հնչյունավորում)
2005 ֆ Ապրելով ձմեռ Winter Passing Ռիզ Հոլդեն
2005 ֆ Մի անգամ ներքնակի վրա Once Upon a Mattress Լեդի Լարկին
2006 ֆ Սեր և այլ անախորժություններ Failure to Launch Կիտ
2006 ֆ Ապրիր ազատ, կամ մահացիր Live Free or Die Շերիլ
2007 ֆ Լավ կյանք The Good Life Ֆրենսիս
2007 ֆ Հաջողության հետևից The Go-Getter Քեյթ
2007 ֆ Կամուրջ դեպի Տերաբիթիա Bridge to Terabithia օրիօրդ Էդմոնս
2007 մֆ Բռնիր ալիքը Surf’s Up Լենի Ալիկաի (հնչյունավորում)
2007 ֆ Ինչպես վախկոտ Ռոբերտ Ֆորդը սպանեց Ջեսսի Ջեյմսին The Assassination of Jesse James by the Coward Robert Ford Դորոտի Էվանս
2007 ս Կախարդված թագավորություն Tin Man Դի Ջի
2008 ֆ Գիգանտիկ Gigantic Հարիեթ
2008-2013 մս Սիմփսոնները The Simpsons Մերի (հնչյունավորում)
2008 ֆ Երևույթ The Happening Ալմա Մուր
2008 ֆ Միշտ ասա «Այո» Yes Man Էլիսոն
2009 ֆ Ամռան 500 օր (500) Days of Summer Սամեր Ֆին
2009 ս Ոսկորներ Bones Մարգարետ Ույթսել
2011 ֆ Ձերդ մեծություն Your Highness Բելլադոննա
2011-2017 ս Նորեկ New Girl Ջեսիկա Դեյ
2015 ֆ Ռոքն արևելքում Rock the Kasbah Ռոնի
2016 ս Բրուքլին 9-9 Brooklyn 9-9 Ջեսիկա դեյ

Սկավառակագրություն[խմբագրել | խմբագրել կոդը]

Սաունդթրեքեր[խմբագրել | խմբագրել կոդը]

  • 2003: «Baby, It’s Cold Outside» Լեոն Բեդբոունի հետ միասին «Էլֆ» ֆիլմի համար
  • 2005: «In a Little While» с Մեթյու Մորիսոնի հետ միասին «Մի անգամ ներքնակի վրա» ֆիլմի համար
  • 2008: չորս երգ «Von Iva» խմբի հետ «Միշտ ասա «Այո»» ֆիլմի համար հորինված «Munchausen By Proxy» խմբի կատարմամբ[49][50]
  • 2009: «Sugar Town» «Ամռան 500 օր» ֆիլմի համար
  • 2011: հինգ երգ «Վինի Թուխը և իր ընկերները» ֆիլմի համար
  • 2011: «The Greatest Most Beautiful Love Song in All the Land» Ջեյմս Ֆրանկոյի հետ «Ձերդ մեծություն» ֆիլմի համար

Մասնակցություն այն ալբոմներում[խմբագրել | խմբագրել կոդը]

  • 2008: Acid Tongue
  • 2009: Hold Time
  • 2010: The Place We Ran From
  • 2011: Listen to Me: Buddy Holly

She & Him[խմբագրել | խմբագրել կոդը]

Հիմնական հոդված՝ She & Him
Студийные альбомы
  • 2008: Volume One[51]
  • 2010: Volume Two
  • 2011: A Very She and Him Christmas
  • 2013: Volume 3
Սինգլներ
Սաունդթրեքեր
  • 2009: «I Put A Spell On You» в «Sweetheart» (Starbucks' CD)
  • 2007: «When I Get To The Border»
  • 2009: «Please, Please, Please, Let Me Get What I Want»

Ծանոթագրություններ[խմբագրել | խմբագրել կոդը]

  1. ↑ 1,0 1,1 Discogs — 2000.
  2. ↑ 2,0 2,1 GeneaStar
  3. ↑ Douthat, Ross (August 24, 2009). «True Love» in National Review, 61 (15):50.
  4. ↑ Shafrir Doree (July 20, 2009)։ «Indie Dream Girls»։ The Daily Beast։ Վերցված է February 10, 2012 
  5. ↑ Alter Ethan (September 19, 1011)։ «New Girl: Zooey Deschanel Talks Music, Motivation, and Manic Pixie Dream Girls»։ Television Without Pity։ Արխիվացված է օրիգինալից 2012-03-19-ին։ Վերցված է February 10, 2012 
  6. ↑ DiCrescenzo Brent (May 5, 2010)։ «That's What She Said»։ TimeOut Chicago։ Վերցված է October 14, 2010 
  7. ↑ «What Are You Doing New Years Eve?»։ YouTube։ December 28, 2011։ Վերցված է February 10, 2012 
  8. ↑ Powell Kimberly։ «Interesting Ancestors of Emily & Zooey Deschanel»։ Genealogy.about.com։ Արխիվացված է օրիգինալից 2013-05-10-ին։ Վերցված է October 28, 2012 
  9. ↑ 9,0 9,1 9,2 9,3 Olsen Mark (February 16, 2003)։ «A scene stealer steps off the sidelines»։ Los Angeles Times։ Վերցված է December 10, 2010 
  10. ↑ «Q&A: Emily Deschanel on Playing a ‘Perfect’ Catholic Lesbian | NextMovie»։ Արխիվացված է օրիգինալից 2013-09-21-ին։ Վերցված է 2013-05-02 
  11. ↑ 11,0 11,1 11,2 11,3 De Vries Hilary (September 15, 2002)։ «A Night Out With Zooey Deschanel; Now, Life Is a Cabaret»։ The New York Times։ Վերցված է December 1, 2007 
  12. ↑ 12,0 12,1 O'Hearn Amber (February 23, 2003)։ «From A to Zooey»։ Boston Globe։ Վերցված է December 1, 2007 
  13. ↑ «Nerdist Podcast 97: Zooey Daschanel»։ Nerdist։ 2011։ Արխիվացված է օրիգինալից 2012-06-25-ին։ Վերցված է February 10, 2012 
  14. ↑ «Almost Famous — Movie Reviews, Trailers, Pictures — Rotten Tomatoes»։ Rotten Tomatoes<!։ Վերցված է July 17, 2009 
  15. ↑ «Awards for Zooey Deschanel»։ Internet Movie Database։ Վերցված է February 10, 2012 
  16. ↑ Schwartz Missy (2006-08-18)։ «Talledega Nights is a return to the top for Will Ferrell1 | Will Ferrell | Movie News | Movies | Entertainment Weekly»։ Entertainment Weekly։ Արխիվացված է օրիգինալից 2012-06-01-ին։ Վերցված է 2009-07-17 
  17. ↑ Fleming, Michael (September 18, 2006)։ «Wheels turning on Spheeris' Joplin bio: Deschanel takes 'Janis' role»։ Variety։ Արխիվացված է օրիգինալից 2012-06-01-ին։ Վերցված է 2007-12-01 
  18. ↑ Adler, Shawn։ «Zooey Deschanel Says Janis Joplin Biopic Is 'On Hold' — For Now»։ MTV News։ Արխիվացված է օրիգինալից 2012-06-01-ին։ Վերցված է 2007-03-20 
  19. ↑ «Gospel According to Janis (2012) – Synopsis»։ Արխիվացված է օրիգինալից 2012-06-01-ին 
  20. ↑ «Zooey Deschanel's Dreams Of Playing Janis Joplin Are Over»։ StarPulse.com։ 2011-10-10։ Արխիվացված է օրիգինալից 2013-05-10-ին 
  21. ↑ “”։ «Players in Pigtails – Weston Woods»։ YouTube։ Վերցված է October 14, 2010 
  22. ↑ «Fox Flash»։ Fox Flash։ May 15, 2009։ Արխիվացված է օրիգինալից 2012-06-25-ին։ Վերցված է July 17, 2009 
  23. ↑ «Von Iva: Yes Women»։ SuicideGirls.com։ December 8, 2008։ Վերցված է December 9, 2008 
  24. ↑ «Zooey Deschanel Is... Hooked On A Feeling»։ Moving Pictures magazine։ Summer 2009։ Արխիվացված է օրիգինալից 2009-08-30-ին։ Վերցված է June 27, 2009 
  25. ↑ «2009 Golden Globe Awards»։ Արխիվացված է օրիգինալից 2012-05-06-ին։ Վերցված է February 19, 2010 
  26. ↑ «Bones:Zooey Deschanel Spoiler»։ Searchingbones։ October 25, 2009։ Արխիվացված է օրիգինալից 2012-06-01-ին։ Վերցված է September 25, 2009 
  27. ↑ «Zooey Deschanel set for 'Highness'(չաշխատող հղում) [[Կատեգորիա:Չաշխատող արտաքին հղում պարունակող հոդվածներ]]»։ Արխիվացված է օրիգինալից 2009-07-14-ին։ Վերցված է 2009-08-23 
  28. ↑ «Fox picks up comedy pilot New Girl to series»։ Արխիվացված է օրիգինալից 2012-06-01-ին։ Վերցված է 2011-05-11 
  29. ↑ «Zooey Deschanel Pens Theme Song for Her Fox Sitcom»։ Billboard.com։ Վերցված է 2012-10-28 
  30. ↑ «STYLE; The Standard-Bearers»։ The New York Times։ 2003։ Արխիվացված է օրիգինալից 2012-06-01-ին։ Վերցված է 2007-12-01 
  31. ↑ «Interview: M. Ward»։ The Onion A. V. Club։ Արխիվացված է օրիգինալից 2012-06-01-ին։ Վերցված է 2007-12-01 
  32. ↑ «AOL Music Interview, July 2008»։ Music.aol.ca։ March 24, 2009։ Արխիվացված է օրիգինալից 2012-06-01-ին։ Վերցված է July 17, 2009 
  33. ↑ «Rock & Roll Daily: Eminem Was Hospitalized With Pneumonia, Britney Spears: Possibly Schizophrenic, Bun B and Black Keys Join SXSW Lineup and More»։ Rolling Stone։ 2008-01-08։ Արխիվացված է օրիգինալից 2008-03-06-ին։ Վերցված է 2008-01-15 
  34. ↑ Volume One։ «Volume One: She & Him,M. Ward,Zooey Deschanel: Music»։ Amazon.com։ Արխիվացված է օրիգինալից 2013-05-10-ին։ Վերցված է 2012-10-28 
  35. ↑ «She & Him Announce Volume Two»։ Pitchfork։ Արխիվացված է օրիգինալից 2009-12-12-ին։ Վերցված է April 14, 2010 
  36. ↑ She & Him
  37. ↑ Cotton Incorporated (2009-04-07)։ «Straight Up Nostalgia With A Twist, "The Fabric of My Life" Campaign Blends Familiar Music with Modern Fashion»։ Cottoninc.com։ Արխիվացված է օրիգինալից 2012-06-01-ին։ Վերցված է September 15, 2011 
  38. ↑ Fitzmaurice Larry (2011-09-08)։ «She & Him Reveal Christmas Album | News»։ Pitchfork։ Արխիվացված է օրիգինալից 2011-11-30-ին։ Վերցված է September 15, 2011 
  39. ↑ «Zooey Deschanel gets married»։ 2009-09-20։ Արխիվացված է օրիգինալից 2012-02-09-ին։ Վերցված է 2009-10-24 
  40. ↑ Allison Corneau, Sierra Marquina (August 3, 2015)։ «New Girl's New Baby! Zooey Deschanel Gives Birth, Plus Secretly Weds!»։ Us Weekly։ Վերցված է 2016-07-15 
  41. ↑ Зоуи Дешанель и Джейкоб Печеник помолвлены
  42. ↑ «Зои Дешанель родила ребенка и тайно вышла замуж» 
  43. ↑ Zooey Deschanel and Jacob Pechenik Split After 4 Years of Marriage: We're 'Better Off as Friends'
  44. ↑ Zooey Deschanel's Estranged Husband Jacob Pechenik Files for Divorce
  45. ↑ «Zooey Deschanel – Time Out New York»։ Newyork.timeout.com։ 2007-12-05։ Արխիվացված է օրիգինալից 2012-06-25-ին։ Վերցված է 2010-04-14 
  46. ↑ «Zooey Deschanel Veganizes Top Chef Masters Next Week " Crushable»։ Bravofan.com։ 2009-07-31։ Արխիվացված է օրիգինալից 2012-06-01-ին։ Վերցված է 2010-04-14 
  47. ↑ «Zooey Deschanel: Making the Healthy Life Rock — Healthy Living — Health.com»։ Living.health.com։ Արխիվացված է օրիգինալից 2012-06-01-ին։ Վերցված է 2010-04-14 
  48. ↑ «Top Chef Masters – Videos – A Few Dietary Restrictions | Bravo TV Official Site»։ Bravotv.com։ Արխիվացված է օրիգինալից 2012-06-01-ին։ Վերցված է 2010-04-14 
  49. ↑ «:: The Playlist ::: Zooey Deschanel Forms Fictional Band, Munchausen By Proxy For Jim Carrey's 'Yes Man'»։ Theplaylist.blogspot.com։ August 22, 2008։ Արխիվացված է օրիգինալից 2012-06-01-ին։ Վերցված է April 14, 2010 
  50. ↑ «Zooey Deschanel Does Synth Pop For The New Jim Carrey Flick»։ Stereogum։ December 10, 2008։ Արխիվացված է օրիգինալից 2012-06-01-ին։ Վերցված է April 14, 2010 
  51. ↑ Hasty, Katie (January 31, 2008)։ «Ward Helps Deschanel Find Her Voice»։ Billboard 
  52. ↑ «Merge Records»։ Merge Records։ December 8, 2009։ Արխիվացված է օրիգինալից 2012-06-01-ին։ Վերցված է April 14, 2010 

Արտաքին հղումներ[խմբագրել | խմբագրել կոդը]

Category:Zooey Deschanel Վիքիպահեստում
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Զոուի_Դեշանել&oldid=8692178» էջից