Եվա Մարտոն

Եվա Մարտոն
Բնօրինակ անուն	հունգ.՝ Marton Éva
Ի ծնե անուն	Եվա Հենրիխ
Ծնվել է	հունիսի 18, 1943 (81 տարեկան); Բուդապեշտ, Հունգարիայի թագավորություն
Երկիր	Հունգարիա
Ժանրեր	օպերա
Մասնագիտություն	օպերային երգչուհի, համալսարանի դասախոս և երաժշտական մանկավարժ
Երգչաձայն	սոպրանո
Գործիքներ	վոկալ
Աշխատավայր	Ֆերենց Լիստի երաժշտական ակադեմիա
Կրթություն	Ֆերենց Լիստի երաժշտական ակադեմիա (1968)
Անդամակցություն	Halhatatlanok sétánya? և Hungarian Art Academy?
Պարգևներ	Կոշութի մրցանակ «Իմ երկիր» Պրիմա Պրիմիսիմա մրցանակ honorary doctor of University of Szeged? և Բուդապեշտի պատվավոր քաղաքացի
Կայք	martoneva.hu

Եվա Մարտոն (հունգ.՝ Marton Éva, ի ծնե՝ Եվա Հենրիխ, 18 հունիսի, 1943, Բուդապեշտ), հունգարացի օպերային երգչուհի, սոպրանո։

Կենսագրություն

Եվա Հենրիխը ծնվել է 1943 թվականի (այլ տվյալներով՝ 1939 թվականին) հունիսի 18-ին^[3]^[4]։ Եվա Մարտոնը սովորել է Բուդապեշտի Ֆերենց Լիստի երաժշտական ակադեմիայում^[5]՝ Էնդրե Ռյոսլերի ու Ենյո Սիպոսի մոտ։ Նրա առաջին դերերգը եղել է Քեյթ Պինկերտոնի պարտիան «Մադամ Բատերֆլայ» օպերայում, որ Մարգիտ կղզում ներկայացվել է ամառային փառատոնի ժամանակ։ Պաշտոնական օպերային դեբյուտը տեղի է ունեցել 1968 թվականին Բուդապեշտի պետական օպերայում, որտեղ նա կատարել է Շամախիի թագուհու դերերգը «Ոսկի աքլորիկը» օպերայում։ Ավելի ուշ Բուդապեշտի օպերայում կատարել է Բաբելոնի թագուհու դերերգը Օտտորինո Ռեսպիգիի «Շամիրամ» օպերայում։

1972-1977 թվականներին Եվա Մարտոնն աշխատել է Մայնի Ֆրանկֆուրտի օպերայում։ Նա համերգային շրջագայություններ է ունեցել տարբեր երկրներում՝ ելույթ ունենալով այնպիսի քաղաքների օպերային թատրոնների բեմերում, ինչպիսիք են Փարիզը, Լոնդոնը, Բեռլինը, Նյու Յորքը, Միլանը, Վիեննան, Մյունխենը, Շտուտգարտը, Բուենոս Այրեսը, Չիկագոն, Սան Ֆրանցիսկոն, Ցյուրիխը, Համբուրգը և այլն։

Ելույթ է ունենում ինչպես լիրիկական երգացանկով (Վոլֆգանգ Ամադեուս Մոցարտի, Ջակոմո Պուչինիի, Ումբերտո Ջորդանոյի ստեղծագործություններ), այնպես էլ դրամատիկական օպերաներում (Ռիխարդ Վագներ, Ռիխարդ Շտրաուս)։ Եվա Մարտոնի ձայնի դիպազոնը ներառում է բելկանտեից մինչև դրամատիկական բարձր սոպրանո։ 1977-1978 թվականներին նա երգել է Բայրոյթում անցկացվող Վագներյան փառատոնում՝ կատարելով Վեներայի դերերգը «Տանհեյզեր» օպերայում։ 1986 թվականին՝ Նյու Յորքի Մետրոպոլիտեն օպերայում «Տոսկա (օպերա)» օպերայի բեմադրության ժամանակ, Եվա Մարտոնն ստացել է ծնոտի վնասվածք, սակայն շարունակել է ելույթը։ 1986 թվականին Եվա Մարտոնը Դոնեցկի Ա. Սոլովյանենկոյի անվան օպերայի և բալետի ազգային ակադեմիական թատրոնի մեներգչուհի Լյուդմիլա Շեմչուկի հետ երգել է Ամիլկարե Պոնկիելլիի «Ջոկոնդա» օպերայում, որ բեմադրվել էր Վիեննայի պետական օպերայում։

2005 թվականից Եվա Մարտոնը Ֆերենց Լիստի երաժշտական ակադեմիայի երգեցողության ֆակուլտետի վարիչն է, իսկ 2006 թվականից՝ նույն ֆակուլտետի պրոֆեսոր։

Մրցանակներ

1980 - Տարվա երգչուհի, Միլանում պարգևատրվել է «Արծաթե վարդով»,
1997 - Կոշութի մրցանակ, շնորհվել է Վիեննայի պետական օպերայի պատվավոր անդամի կոչում։

Դերերգերը օպերաներում (ընտրյալ)

Տոսկա (1980)
Մանոն Լեսկո (1978)
Ֆիդելիո (1983)
Անդրեա Շենյե (1986)
Լոհենգրին
Շամիրամ (1990)
Սալոմեա (1990)
Տուրանդոտ^[5]

Ծանոթագրություններ

↑ Munzinger Personen (գերմ.)
↑ https://m.nemzetisport.hu/egyeb_egyeni/dijazas-varga-zoltan-posztumusz-diszpolgari-cimet-kapott-2410549
↑ Éva Marton (ռուս.)
↑ Եվա Մարտոնը ԿինոՊոիսկ կայքում (ռուս.)
↑ ^5,0 ^5,1 Եվա Մարտոնի կենսագրությունը Արխիվացված 2016-01-12 Wayback Machine (անգլ.)

Արտաքին հղումներ

MARTON ÉVA Արխիվացված 2008-01-12 Wayback Machine
Donal Henahan, MET OPERA: EVA MARTON, The New York Times, December 1, 1982.

[_b288d21111d490ff-1] Munzinger Personen (գերմ.)

[_5694976d81877447-2] ttps://m.nemzetisport.hu/egyeb_egyeni/dijazas-varga-zoltan-posztumusz-diszpolgari-cimet-kapott-2410549

[3] Éva Marton (ռուս.)

[4] Եվա Մարտոնը ԿինոՊոիսկ կայքում (ռուս.)

[MARTON_ÉVA-5] 5,0 ^5,1 Եվա Մարտոնի կենսագրությունը Արխիվացված 2016-01-12 Wayback Machine (անգլ.)

[1]

[2]

[3]

[4]

[5]