Գերմանիայի դաշնային բանկ

Գերմանիայի դաշնային բանկ
Տեսակ	կենտրոնական բանկ և Oberste Bundesbehörde?
Երկիր	Գերմանիա
Մասն է	European System of Central Banks?
Հիմնադրված է	հուլիսի 26, 1957 և 1957
Պաշտոնական կայք

Գերմանիայի դաշնային բանկ (գերմ.՝ Deutsche Bundesbank, հայտնի է նաև Բունդեսբանկ և Դոյչե Բունդեսբանկ), Գերմանիայի կենտրոնական բանկը։

Պատմություն[խմբագրել | խմբագրել կոդը]

1875-1945՝ Գերմանիայի գլխավոր էմիսիոն բանկը Ռեյխսբանկն էր։
1946-1948՝ Արևմտյան Գերմանիայում Ռեյխսբանկի մասնաճյուղերի հիմքի վրա 11 նահանգներից յուրաքանչյուրի սահմաններում ստեղծվել է կենտրոնական բանկը։
1948-1957՝ էմիսիոն բանկերի համակարգը գլխավորում էր Գերմանական նահանգների բանկը, որն իր գործառնություններն իրականացնում էր նահանգների կենտրոնական բանկերի միջոցով։
1957-1990՝ Գերմանական նահանգների բանկի և նահանգների կենտրոնական բանկերի միաձուլման արդյունքում ստեղծվել է Գերմանիայի դաշնային բանկը։
1990-1993՝ Բեռլինի պատի փլուզումից և Գերմանիայի միավորումից հետո գերմանական մարկը դարձել է միավորված Գերմանիայի միակ վճարային միջոցը։
1993-2001՝ Մաաստրիխտի պայմանագրի համաձայն՝ որոշում է կայացվել եվրոն ներդնել որպես համաեվրոպական արժույթ և ստեղծել Կենտրոնական բանկերի եվրոպական համակարգը (ESCB)։
2001-մեր օրեր՝ եվրոյի էմիսիայի հետ կապված գործառույթները փոխանցվել են Եվրոպական կենտրոնական բանկին (ECB)։

Գործառույթներ[խմբագրել | խմբագրել կոդը]

Ըստ բանկային գործունեության մասին Գերմանիայի դաշնային հանրապետության օրենքի և այլ հատուկ օրենքների՝ Բունդեսբանկն իրականացնում է դրամաշրջանառության և վարկային կարգավորման գործառույթները․

սեփական գործառնություններով տոկոսային և զեղչային տոկոսադրույքների սահմանում,
վարկային և բաց շուկաներում սեփական գործառնությունների քաղաքականության մշակում,
վարկային ինստիտուտների նկատմամբ պահուստային պահանջների սահմանում,
դաշնային և նահանգային կառավարությանը որպես ֆինանսական գործակալ ծառայությունների մատուցում։

Գերմանիայի դաշնային բանկը և Գերմանիայի ֆինանսական վերահսկողության դաշնային կառավարման կառույցը համարվում են երկրի ֆինանսական կարգավորման կառույցները։

Բունդեսբանկի գլխավոր գրասենյակը գտնվում է Մայնի Ֆրանկֆուրտում։

2016 թվականի դեկտեմբերին Բունդեսբանկը հայտարարել է արտասահմանից Մայնի Ֆրանկֆուրտ գերմանական ոսկու վերադարձի գործընթացի արագացման մասին^[3]։

Ղեկավարություն[խմբագրել | խմբագրել կոդը]

Գերմանիայի դաշնային բանկի ղեկավարումն իրականացնում է վարչական մարմինը (Vorstand), որը բաղկացած է նախագահից (Präsident), փոխնախագահից (Vizepräsident) և 4 անդամից (Mitgliedern des Vorstands)։ Նախագահին, փոխնախագահին և անդամներից մեկին նշանակում է դաշնային ղեկավարությունը, իսկ մյուս երեք անդամներին՝ դաշնային խորհուրդը՝ դաշնային ղեկավարության հետ համաձայնությամբ^[4]։

Նախագահների ցանկ[խմբագրել | խմբագրել կոդը]

2004-2011՝ Ակսել Վեբեր
2011-2021՝ Յենս Վեյդման

Տարածքային ստորաբաժանումներ[խմբագրել | խմբագրել կոդը]

Բանկի գլխավոր վարչությունները և մասնաճյուղերը․

Գլխավոր վարչություն Բադեն-Վյուրթեմբերգում (Hauptverwaltung in Baden-Württemberg)
- Մասնաճյուղ Ֆրայբուրգում (Filiale Freiburg)
- Մասնաճյուղ Կարլսռուեում (Filiale Karlsruhe)
- Մասնաճյուղ Ռոյտլինգենում (Filiale Reutlingen)
- Մասնաճյուղ Շտուտգարտում (Filiale Stuttgart)
- Մասնաճյուղ Ուլմում (Filiale Ulm)
- Մասնաճյուղ Ֆիլինգեն-Շվենինգենում (Filiale Villingen-Schwenningen)
Գլխավոր վարչություն Բավարիայում (Hauptverwaltung in Bayern)
- Մասնաճյուղ Աուգսբուրգում (Filiale Augsburg)
- Մասնաճյուղ Մյունխենում (Filiale München)
- Մասնաճյուղ Նյուրնբերգում (Filiale Nürnberg)
- Մասնաճյուղ Ռեգենսբուրգում (Filiale Regensburg)
- Մասնաճյուղ Վյուրցբուրգում (Filiale Würzburg)
Գլխավոր վարչություն Բեռլինում և Բրանդենբուրգում (Hauptverwaltung in Berlin und Brandenburg)
- Մասնաճյուղ Բեռլինում (Filiale Berlin)
Գլխավոր վարչություն Բրեմենում, Ստորին Սաքսոնիայում և Սաքսոնիա-Անհալթում (Hauptverwaltung in Bremen, Niedersachsen und Sachsen-Anhalt)
- Մասնաճյուղ Գյոթինգենում (Filiale Göttingen)
- Մասնաճյուղ Հաննովերում (Filiale Hannover)
- Մասնաճյուղ Մագդեբուրգում (Filiale Magdeburg)
- Մասնաճյուղ Օլդենբուրգում (Filiale Oldenburg)
- Մասնաճյուղ Օսնաբրյուկում (Filiale Osnabrück)
Գլխավոր վարչություն Համբուրգում, Մեկլենբուրգ-Առջևի Պոմերանիայում և Շլեզվիգ-Հոլշտայնում (Hauptverwaltung in Hamburg, Mecklenburg-Vorpommern und Schleswig-Holstein)
- Մասնաճյուղ Համբուրգում (Filiale Hamburg)
- Մասնաճյուղ Նոյբրանդենբուրգում (Filiale Neubrandenburg)
- Մասնաճյուղ Ռոստոկում (Filiale Rostock)
Գլխավոր վարչություն Հեսսենում (Hauptverwaltung in Hessen)
- Մասնաճյուղ Մայնի Ֆրանկֆուրտում (Filiale Frankfurt am Main)
Գլխավոր վարչություն Հյուսիսային Հռենոս-Վեսթֆալիայում (Hauptverwaltung in Nordrhein-Westfalen)
- Մասնաճյուղ Բիլեֆելդում (Filiale Bielefeld)
- Մասնաճյուղ Բոխումում (Filiale Bochum)
- Մասնաճյուղ Դորտմունդում (Filiale Dortmund)
- Մասնաճյուղ Դյուսելդորֆում (Filiale Düsseldorf)
- Մասնաճյուղ Էսսենում (Filiale Essen)
- Մասնաճյուղ Հագենում (Filiale Hagen)
- Մասնաճյուղ Քյոլնում (Filiale Köln)
Գլխավոր վարչություն Ռայնլանդ-Պֆալցում և Սաարում (Hauptverwaltung in Rheinland-Pfalz und dem Saarland)
- Մասնաճյուղ Կոբլենցում (Filiale Koblenz)
- Մասնաճյուղ Լյուդվիգսհաֆենում (Filiale Ludwigshafen)
- Մասնաճյուղ Մայնցում (Filiale Mainz)
- Մասնաճյուղ Զաարբրյուքենում (Filiale Saarbrücken)
Գլխավոր վարչություն Սաքսոնիայում և Թյուրինգիայում (Hauptverwaltung in Sachsen und Thüringen)
- Մասնաճյուղ Խեմնիցում (Filiale Chemnitz)
- Մասնաճյուղ Էրֆուրտում (Filiale Erfurt)
- Մասնաճյուղ Լայպցիգում (Filiale Leipzig)^[5]