Ռեգենսբուրգ

Վիքիպեդիայից՝ ազատ հանրագիտարանից
HS Disambig.svg Անվան այլ կիրառումների համար տես՝ Ռեգենսբուրգ (այլ կիրառումներ)
Քաղաք
Ռեգենսբուրգ
Regensburg
Դրոշ Զինանշան
Flag of Regensburg.png Wappen Regensburg.svg

Регенсбург.Дунай.jpg
Կոորդինատներ: 49°1′0″ հս․ լ. 12°5′0″ ավ. ե. / 49.01667° հս․. լ. 12.08333° ավ. ե. / 49.01667; 12.08333
Երկիր Գերմանիա Գերմանիա
Հող Բավարիա
Ներքին բաժանում Stadtamhof, Steinweg-Pfaffenstein, Sallern-Gallingkofen, Konradsiedlung-Wutzlhofen, Brandlberg-Keilberg, Reinhausen, Q2554913?, Schwabelweis, Q2034993?, Q1734935?, Galgenberg, Kumpfmühl-Ziegetsdorf-Neuprüll, Großprüfening-Dechbetten-Königswiesen, Q2564662?, Q2008795?, Oberisling-Leoprechting-Graß և Burgweinting-Harting
Օբեր-բուրգոմիստր Հանս Շայդինգեր
Հիմնադրված է 1245 թ.
Մակերես 80,76 կմ²
ԲԾՄ 326—471 մ
Բնակչություն 157 234 մարդ
Ժամային գոտի UTC+1, ամառը UTC+2
Հեռախոսային կոդ +49 941
Փոստային ինդեքս 93001-93059
Փոստային ինդեքսներ 93047, 93049, 93051, 93053, 93055 և 93057
Ավտոմոբիլային կոդ R
Պաշտոնական կոդ 09 3 62 000
Պաշտոնական կայք regensburg.de
##Ռեգենսբուրգ (Գերմանիա)
Red pog.png
##Ռեգենսբուրգ (Բավարիա)
Red pog.png

Ռեգենսբուրգ (գերմ.՝ Regensburg, բավ․՝ Rengschburg, լատ.՝ Castra Regina, Ratisbona, չեխ․՝ Řezno), քաղաք Գերմանիայում։ Գտնվում է Բավարիա հողում։ Տեղակայված է Դանուբ և Ռեգեն (գերմ.՝ Regen) գետերի ափին։ Քաղաքի արևելքում գտնվում է Բավարական անտառը։ Ռեգենսբուրգը Վերին Պֆալցի վարչական կենտրոնն է, նաև՝ հռոմեական կաթոլիկ եպիսկոպոսների նստավայր։ Բնակչությունը կազմում է 157 234 մարդ 2004 թվականի տվյալների համաձայն։ Բնակչության թվով չորրորդն է Բավարիայի քաղաքների ցանկում՝ Մյունխենից, Նյուրնբերգից և Աուգսբուրգից հետո։ Քաղաքի հին հատվածն ընդգրկված է ՅՈՒՆԵՍԿՕ-ի համաշխարհային արժեքների ցանկում։

Պատմություն[խմբագրել | խմբագրել կոդը]

Ռեգենսբուրգը Գերմանիայի հնագույն քաղաքներից է, որն ունի տարբեր անվանումներ։ Դրանցից ամենահինը կելտական անվանումն է՝ «Radasbona» (նաև՝ «Ratasbona» կամ «Ratisbona»), որն անվանում են ժամանակակից քաղաքին մոտ գտնվող տարածքը։ Բացի այս անվանումներից կան այլք՝ Quadrata, Germanisheim, Hyatospolis, Ymbripolis, Reginopolis և Tyberina։

Հռոմեական ճամբար (ք.ա. 500 թվական)[խմբագրել | խմբագրել կոդը]

Ռեգենսբուրգի հռոմեական պատմությունն սկսվում է մ.թ.ա. 79 թվականին կառուցված ամրությունով, որը տեղակայված է Կումպֆյուլ (Kastell Kumpfmühl) ժամանակակից շրջանում։ Այդ ամրությունը ծառայել է որպես դիտակետ և գտնվել է Նաբ և Ռեգեն գետերի ափին։ Այնտեղ տեղավորվում էին 500 տղամարդկանցից բաղկացած հեծելազորը կամ 1000 անձից կազմված կրկնակի հզորությամբ հետևակային զորքը։

Հռոմեական կայսր Մարկոս Ավրելիոսի հրամանով մարկոմանի դուրս վռնդելուց հետո, Castra Regina ճամբարը սպառազինվում է (Castra Regina՝ ամրոց Ռեգեն գետի ափին)։ Ճամբարում է տեղակայված Երրորդ Իտալիկա (III Italica) լեգեոնը՝ կազմված մոտ 6000 զինվորներից։ Այն Raetia պրովինցիայի հիմնական զինվորական կետն է, որի գլխամասը տեղակայված է Աուգսբուրգում։ Ճամբարը շրջափակված է 10 մ բարձրությամբ պատով, ունի 4 դարպաս և մի քանի դիտակետեր։

Բավարական հերցոգների և հոգևորականների նստավայր
(500-1200 թվականներ)
[խմբագրել | խմբագրել կոդը]

Քարե կամուրջ
Քարե կամրջի տեսքը քաղաքի պատմական կենտրոնում

Մոտավորապես 500-788 թվականներին Ռեգենսբուրգը եղել է Բավարական Ագիլֆինգ տոհմի հերցոգների նստավայր։ 788 թվականին նրանցից վերջինը՝ Տասիլին 3-րդը գերևարվում է Կառլոս Մեծի կողմից։ 19-րդ դարում Ռեգենսբուրգը եղել է Կարոլինգների արևելաֆրանկյան կայսրության ամենակարևոր քաղաքներից։ Էմմա Բավարացին († 876)՝ Լյուդվիգ 2-րդ Գերմանացի թագավորի կինը, ինչպես նաև կայսրեր Արնուլդ Կարինտացին և նրա որդին՝ Լյուդվիգ 4-րդ Փոքրիկը († 911), թաղված են Սուրբ Էմերամայի աբբայության գերեզմանատանը, որը գտնվում է Ռեգենսբուրգի հարավում։