Հոնիարա

Քաղաք
Հոնիարա
Honiara
Դրոշ
Երկիր	Սողոմոնյան Կղզիներ
Ենթարկում	Մայրաքաղաք
Հիմնադրված է	1940 թ.
Մակերես	21,16 կմ²
ԲԾՄ	29 մ
Բնակչություն	81,117 մարդ
Խտություն	3,833 մարդ/կմ²
Կրոնական կազմ	Քրիստոնեություն
Ժամային գոտի	UTC+11, ամառը UTC+12
Հեռախոսային կոդ	00 677
Պաշտոնական կայք	sibconline.com.sb
Հոնիարա (Սողոմոնյան կղզիներ)
Հոնիարա Վիքիպահեստում

Հոնիարա, անվանումն առաջացել է (nagho ni ara) արևելյան քամու վայր արտահայտությունից։ Հոնիարան Սողոմոնյան Կղզիների մայրաքաղաքն է, ամենամեծ քաղաքը, գլխավոր նավահանգիստը և առևտրական կենտրոնը։

Աշխարհագրություն

Գտնվում է Գուադալկանալ կղզու հյուսիսարևմտյան մասում, նեղ մերձափնյա հարթավայրում, Մատանիկաու գետի վրա, Սողոմոնի ծովի Այրոնբոթոմ Սաունդ ծոցի ափին։

Պատմություն

Տարածքը բնակեցված է եղել մ. թ. ա. 4-րդ հազարամյակում։ Եվրոպացիներից առաջինը, ով 1569 թվականին հայտնաբերել է այս վայրերը, եղել է իսպանացի ծովագնաց Ալվարո դե Մենդանյա դե Նեյրան։ Հետագա դարերում իսպանացիներին չհաջողվեց գաղութացնել տարածքը և միայն 1885 թվականին գերմանացիներն այն գրավեցին։ 1893 թվականին տարածքն անցավ բրիտանացիների հսկողության տակ։ Երկրորդ Համաշխարհային պատերազմի ժամանակ 1942 թվականին այն գրավվեց ճապոնական զորքերի կողմից և ազատագրվեց 1943 թվականի փետրվարին։ Պատերազմից հետո ամերիկացիները կառուցեցին այստեղ ռազմական բազա, որի տեղում 1952 թվականին բրիտանացիները հիմնեցին այժմյան բնակավայրը և հռչակեցին բրիտանական Սողոմոնի Կղզիների պրոտեկտորատի վարչական կենտրոն։ 1978 թվականի հուլիսի 7-ից անկախ Սողոմոնյան կղզիների մայրաքաղաքն է։

Տնտեսություն

Զարգացած են առևտուրը, գյուղատնտեսությունը, ձկնորոսությունը, ֆինանսական և սպասարկման ոլորտը, զբոսաշրջությունը։

Քույր քաղաքներ

• – Լուգանվիլ, Վանուատու.