Լեսթեր Սիթի (անգլ.՝ Leicester City), անգլիական պրոֆեսիոնալ ֆուտբոլային ակումբ Լեսթեր քաղաքից, որը հանդես է գալիս Պրեմիեր Լիգայում։
Երկար տարիներ ակումբի տնային մարզադաշտը եղել է «Ֆիլբերտ Սթրիթը», որտեղ խաղացել է մոտ 111 տարի։ 2002 թվականից «Լեսթերի» տնային մարզադաշտը «Քինգ Փաուերն» է, որը կարող է տեղավորել 32,315 հանդիսական։ Ակումբի մականունն է «աղվեսներ»։
Ակումբի ամենամեծ ձեռքբերումը եղել է չեմպիոնությունը Պրեմիեր Լիգայի2015-16 մրցաշրջանում։
«Լեսթերը» հիմնադրվել է 1884 թվականին՝ սկզբնական «Լեսթեր Ֆոսսի» անունով։ Երկար ժամանակ ակումբը միայն ընկերական խաղերի էր մասնակցում։ 1891 թվականից սկսեց հանդես գալ Կենտրոնական լիգայի առաջնությունում, իսկ 3 տարի հետո՝ 1894 թվականին ակումբը տեղափոխվեց երկրորդ դիվիզիոն։ Այդ ժամանակ էլ «աղվեսներն» ունեցան պատմության մեջ իրենց ամենախոշոր հաշվով հաղթանակը՝ Անգլիայի գավաթի ընտրական փուլում 13:0 հաշվով հաղթեցին «Նոթս Օլիմպիկին»։
«Լեսթերը» 1 անգամ հաղթել է Առաջին լիգայում՝ Անգլիայի երրորդ դիվիզիոնում (2008/09), 3 անգամ նվաճել է Լիգայի գավաթը (1963/64, 1996/97, 1999/00) և 1 անգամ դարձել է Անգլիայի սուպերգավաթակիր (1971)։ Չեմպիոնշիպի 2013/14 մրցաշրջանի արդյունքում «Լեսթերը» զբաղեցրեց առաջին հորիզոնականը և Պրեմիեր Լիգայի 2014/15 մրցաշրջանում հանդես գալու հնարավորություն ստացավ։ 2015/16 մրցաշրջանում թիմը զբաղեցրեց 1-ին հորիզոնականը Պրեմիեր Լիգայում։
Նշում. Դրոշները ցույց են տալիս ազգային հավաքականը ինչպես սահմանված է ՖԻՖԱ-ի իրավասության կանոններում: Խաղացողները կարող են ունենալ 1-ից ավելի ոչ-ՖԻՖԱ-ի քաղաքացիություն:
.svg){kind=small}
Միացյալ Թագավորություն
King Power International Group
Կրեյգ Շեքսպիր
