2022 թվականի մայիսին Շվեդիան և Ֆինլանդիան դիմել են ՆԱՏՕ-ին անդամակցելու համար[1][2]։ Երկու երկրների համար էլ սա նշանավորել է ռազմական չեզոքության քաղաքականությունից հրաժարվելը, որին նրանք հավատարիմ ենմնացել երկար տասնամյակներ[2][3]։ Այս պետությունների արտաքին քաղաքականության նման շրջադարձը արձագանք էր Ուկրաինա ռուսական ներխուժմանը, որը սկսվեց 2022 թվականի փետրվարի 24-ին[2][3]։ Շվեդիան և Ֆինլանդիան գտել են, որ Ռուսաստանի գործողությունները արմատապես փոխել են իրենց ազգային անվտանգության մարտահրավերներն ու ռիսկերը[2]։ Այս պետությունների քաղաքացիների կարծիքով՝ չեզոքությունն այլևս ի վիճակի չէր չհարձակվելու երաշխիք լինել[4]։ Շվեդիան և Ֆինլանդիան ունեն հզոր ռազմական ուժեր, որոնք երկար տարիներ ակտիվորեն համագործակցում են ՆԱՏՕ-ի հետ[5]։ 1995 թվականին Շվեդիան և Ֆինլանդիան դարձան Եվրամիության անդամներ[6]։ Սպասվում է, որ նրանց մուտքը ՆԱՏՕ կտրուկ կուժեղացնի Դաշինքի դիրքերը Բալթիկ ծովում[5][6], ինչը կլինի Ուկրաինա ռուսական ներխուժման ամենամեծ աշխարհաքաղաքական հետևանքներից մեկը[7]։