Վրացա
| Բնակավայր | |||
|---|---|---|---|
| բուլղար․՝ Враца | |||
| |||
 | |||
| Երկիր |  Բուլղարիա | ||
| Մակերես | 212 կմ² | ||
| ԲԾՄ | 344±1 մետր | ||
| Բնակչություն | ▼56 852 մարդ (սեպտեմբերի 15, 2022)[1] | ||
| Ժամային գոտի | UTC+2 և UTC+3 | ||
| Հեռախոսային կոդ | 092 | ||
| Փոստային ինդեքսներ | 3000 | ||
| Պաշտոնական կայք | vratza.com | ||
| |||
Վրացա (բուլղար․՝ Враца), քաղաք Բուլղարիայի հյուսիս-արևմուտքում` Ստարա Պլանինա լեռնազանգվածի մոտ։ Վրաչայի մարզի վարչական կենտրոնն է։
Գտնվում է մայրաքաղաք Սոֆիայից 112 կմ հեռավորության վրա։ Քաղաքի նշանաբանն է «Վրացա քաղաք` հին և երիտասարդ»։
Պատմություն[խմբագրել | խմբագրել կոդը]
Ավանդաբար ընդունված է համարել, որ քաղաքը միջնադարում հիմնադրել են թրակիացիները։ Այն սկզբնական շրջանում եղել է ընդամենը ամրոց` շրջապատված աշտարակներով։
1794-1797 թվականներին քաղաքի եպիսկոպոսը եղել է Սոֆրոն Վրացացին։ 1876 թվականին քաղաքից 18 կմ հեռավորության վրա թուրքական զորքերի դեմ կռվի ժամանակ մահացել է բուլղար բանաստեղծ, հեղափոխական գործիչ Խրիստո Բոտևը։
1877 թվականին` Պլևենի պաշարումից հետո, Նիկոլայ Լեոնովի գլխավորությամբ հյուսիսարևմտյան Բուլղարիա է ուղարկվում հեծելագունդ, որը բաղկացած էր լեյբ-դրագուններից և լեյբ-ուլաններից։ 1877 թվականի նոյեմբերի 8-ին`կարճ հրաձգությունից հետո, քաղաքն ազատագրվում է։ Մի քանի օր անց դրագունյան ոչ մեծ հեծելազոր և երկու ջոկատներ են ուղարկվում Օրխանիե։ Ռավնա տեղանքում ջոկատն ընկնում է շրջափակման մեջ, իսկ երեք պրապորշչիկները` Միխայիլ Դանիլևսկին, Նիկոլայ Վելինսկին և Դիմիտրի Մազիմովը, մահանում են։ Հեծյալները ստիպված հանձնում են զենքերը, որպեսզի դուրս բերեն զոհված ընկերների դիակները։
Պրապորշչիկները հանդիսավոր հուղարկավորվում են եկեղեցու բակում։ Դա առանձնահատուկ պատիվ էր, քանի որ եկեղեցու բակում կարող էին թաղվել միայն հոգևոր և աշխարհիկ այն մարդիկ, ովքեր բացառիկ ծառայություններ էին մատուցել։
Ներկայումս, ի նշանավորումն Բուլղարիայի ազատագրման, բազմաթիվ փողոցներ, հրապարակներ, տարբեր հաստատություններ կրում են Նիկոլայ Ավագի, բանակի հրամանատար իշխան Վլադիմիր Չերկասկու, գեներալներ Գուրկոյի և Սկոբելևի, Վրացայի ազատագրողներ Նիկոլայ Լեոնովի և Միխայիլ Լուկաշովի, ռուս Ալեքսանդր II արքայի անունները։
Բնակչություն[խմբագրել | խմբագրել կոդը]
Բնակչության քանակ[խմբագրել | խմբագրել կոդը]
1990-91 թվականներին քաղաքի բնակչությունը կազմել է 85.000 մարդ[2]։ 2011 թվականի տվյալներով այն 60.692 բնակիչ ունի[3]։
|
Բնակչության կազմ[խմբագրել | խմբագրել կոդը]
2011 թվականիտվյալներով քաղաքի բնակչության կազմն ունի հետևյալ պատկերը.
- Բուլղարացիներ - 53,275 (97.3%)
- Գնչուներ - 1,045 (1.9%)
- Թուրքեր - 54 (0.1%)
- Այլ ազգություններ - 185 (0.3%)
- Անորոշ - 216 (0.4%)
- Գրանցում չունեցող - 5.937 (9.8%)
- Ընդամենը - 60.692
Տեսարժան վայրեր[խմբագրել | խմբագրել կոդը]
Քաղաքի կենտրոնում տեղադրված է Խրիստո Բոտևի արձանը։ Այնտեղ են գտնվում նաև Կուրպաշովի և Մեժչիևի պաշտպանական աշտարակները։
Բուլղարական ազգային վերածնունդն են խորհրդանշում Խաջիտոշևների, Իվան Զամբինի,Նիկոլա Վոեվոդայի Գրիգորի Նայդենովի, Վրաչանսկու տները և Հարության եկեղեցին (ХVІІІ դար)։
Քաղաքում գործում է գեղարվեստական պատկերասրահ։
Կալե բարձունքին գտնվում է Խրիստո Բոտևի անվան` 1926-1931 թվականներին կառուցված տունը և Ազատության ավետաբերի արձանը։ Որոշ հեռավորության վրա կա կոթող, որի վրա գրված են Վրացան ազատագրողների անունները[4]։
Պատմության քաղաքային թանգարան[խմբագրել | խմբագրել կոդը]
Առանձնահատուկ հետաքրքրություն են ներկայացնում թանգարանում ցուցադրված թրակիական գտածոները և տեղի ոսկերչական դպրոցի կողմից ստեղծված ցուցանմուշները։
Թանգարանում երկայացված են նաև Խրիստո Բոտևին վերաբերող տեղեկատվություն և ցուցանմուշներ։
Բնություն[խմբագրել | խմբագրել կոդը]
Քաղաքը գտնվում է լեռների ստորոտին. որոշ տեղերում ժայռերն ուղղակի կախված են տների վրա։ Քաղաքի միջով հոսում է Լևա գետը։
Քաղաքից 16 կմ հեռու գտնվում է Բուլղարիայում ամենից շատ այցելություններ ունեցող քարանձաներից մեկը` Լեդենիկան։
Կլիմա[խմբագրել | խմբագրել կոդը]
Վրացայի կլիման չափավոր ցամաքային է։
| Վրացայի կլիմայական տվյալները | |||||||||||||
|---|---|---|---|---|---|---|---|---|---|---|---|---|---|
| Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | Տարի |
| Միջին բարձր °C (°F) | 3.2 (37.8) |
5.8 (42.4) |
11.0 (51.8) |
17.5 (63.5) |
23.1 (73.6) |
26.8 (80.2) |
29.5 (85.1) |
29.7 (85.5) |
25.3 (77.5) |
18.4 (65.1) |
11.6 (52.9) |
5.3 (41.5) |
17.3 (63.1) |
| Միջին օրական °C (°F) | −0.6 (30.9) |
1.6 (34.9) |
6.4 (43.5) |
12.5 (54.5) |
18.1 (64.6) |
21.8 (71.2) |
24.1 (75.4) |
24.1 (75.4) |
20.0 (68) |
13.5 (56.3) |
7.9 (46.2) |
1.8 (35.2) |
12.6 (54.7) |
| Միջին ցածր °C (°F) | −4.3 (24.3) |
−2.7 (27.1) |
1.8 (35.2) |
7.5 (45.5) |
12.1 (53.8) |
15.8 (60.4) |
17.7 (63.9) |
17.5 (63.5) |
13.6 (56.5) |
8.5 (47.3) |
3.7 (38.7) |
−1.4 (29.5) |
7.5 (45.5) |
| Տեղումներ մմ (դյույմ) | 48 (1.89) |
41 (1.61) |
52 (2.05) |
71 (2.8) |
112 (4.41) |
106 (4.17) |
78 (3.07) |
61 (2.4) |
59 (2.32) |
65 (2.56) |
62 (2.44) |
54 (2.13) |
809 (31.85) |
| աղբյուր: Stringmeteo.org | |||||||||||||
Քաղաքական իրավիճակ[խմբագրել | խմբագրել կոդը]
Վրացա քաղաքի քաղաքապետը Նիկոլայ Իվանովն է։
Քույր քաղաքներ[խմբագրել | խմբագրել կոդը]
Վրացայի քույր քաղաքներն են[5].
Նշանավոր անձինք[խմբագրել | խմբագրել կոդը]
- Անաստաս Յովանովիչ (1817—1899) - սերբ լուսանկարիչ
- Միտո Օրոզով (1859—1923) - բուլղարացի ձեռնարկատեր, քաղաքական գործիչ
- Անդրեյ Նիկոլով (1878—1959) - քանդակագործ, ստեղծել է Բուլղարիայի արվեստի գործիչների դիմանկարներ։
- Դիմիտր Սավով (1887—1951) - բուլղարացի ձեռնարկատեր, քաղաքական գործիչ
Պատկերասրահ[խմբագրել | խմբագրել կոդը]
Լեդենիկա քարանձավը
Վրացան գիշերով
Վրացայի շրջակա ժայռեր
Վրացայի փողոցներից մեկը
Ազգագրական համալիր
Թատրոն
Աշտարակ Վրացայում
Աշտարակ Վրացայում
Զբոսաշրջիկների կենտրոն
Դպրոց
Փողոցներից մեկը
Ձմեռային տեսարան
.JPG)
Ծանոթագրություններ[խմբագրել | խմբագրել կոդը]
- ↑ https://www.grao.bg/tna/t41nm-15-09-2022_2.txt
- ↑ (Bulgarian)National Statistical Institute - Towns population 1956-1992
- ↑ (Bulgarian)National Statistical Institute - Main Towns Census 2011
- ↑ Освобождението на Враца — 28 октомври 1877 г. Весела Пелова, гл. експерт при Териториална дирекция на архивите — гр. Враца(չաշխատող հղում)
- ↑ «Официален сайт на Община Враца»։ www.vratza.bg։ Վերցված է 2016-03-21
Տես նաև[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
| |||||||||||||||||||||||||||||||||
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Վրացա կատեգորիայում։ |
| ||||||||||
