Ռոման Յարեմչուկ
 | |||
|---|---|---|---|
 | |||
| Քաղաքացիությունը |
 Ուկրաինա | ||
| Ծննդյան ամսաթիվ | նոյեմբերի 27, 1995[1] (28 տարեկան) | ||
| Ծննդավայր | Լվով, Ուկրաինա | ||
| Հասակ | 186 սանտիմետր | ||
| Քաշ | 78 կիլոգրամ | ||
| Դիրք | հարձակվող | ||
|
| |||
|
| |||
|
| |||
|
| |||
|
| |||
Ռոման Յարեմչուկ (ուկրաիներեն՝ Роман Олегович Яремчук, նոյեմբերի 27, 1995[1], Լվով, Ուկրաինա), ուկրաինացի ֆուտբոլիստ, բելգիական «Բրյուգե» ակումբի և Ուկրաինայի ֆուտբոլի ազգային հավաքականի հարձակվող։ Նա վարձավճարով խաղում է «Վալենսիա» ակումբում։
Ծնվել է 1995 թվականի նոյեմբերի 27-ին Լվովում։ Վեց տարեկանից ֆուտբոլ է պարապվել «Կարպատների» դպրոցում։ Մարզիչ Նիկոլայ Դուդարենկոյի առաջարկությամբ նա խաղացել է որպես հարձակվող։ 2007 թվականին ուսումը շարունակել է Կիևի «Դինամոյի» ակադեմիայում։ Ավարտելուց առաջ վերջին երեք տարին սովորել եմ Ալեքսեյ Դրոցենկոյի ղեկավարությամբ։ Ուկրաինայի մանկապատանեկան ֆուտբոլի լիգայում մարզվելու տարիներին իր նորամուտը նշել է «Դինամոյի» կազմում 2008 թվականի սեպտեմբերի 6-ին՝ Չեռնիգովի «Յունոստի» դեմ խաղում։ Այդ խաղում Յարեմչուկը դուբլի հեղինակ է դարձել։ Նա գոլի հեղինակ է դաևձել հաջորդ երկու խաղերում։ Այդ մրցաշրջանում նա 10 գոլ է խփել «Դինամոյի» մրցակիցների դեմ անցկացրած 21 խաղում։ Հաջորդ մրցաշրջանում նա կրկնել է այդ ցուցանիշը՝ կրկին 10 գոլ 21 խաղում, իսկ 2010/11 մրցաշրջանում նա բարելավել է իր ելույթը՝ արդեն 17 խաղում խփելով 12 գոլ։ Նույն մրցաշրջանում Յարեմչուկը դարձավ երկու հեթ-տրիկի հեղինակ։
2011/12 մրցաշրջանում Յարեմչուկը միջինը մեկ խաղում մեկ գոլ է խփել։ Նա անցկացնել է 21 հանդիպում «Դինամոյի» կազմում և խփել է 21 գոլ։ Ռոմանի հաջող մրցաշրջանի ավարտը «Դինամոյի» մինչև 17 տարեկանների թիմի խաղն էր Մոսկվայի «Սպարտակի» հասակակիցների դեմ, որն անցկացվել է կիևյան ակումբի 85-ամյակի տոնակատարության շրջանակներում։ Այդ խաղում դինամոյականներն հաղթել են 4։1, առաջին գոլը խփել է Յարեմչուկը։
Մանկապատանեկան ֆուտբոլի լիգայում իր խաղով Յարեմչուկը գրավեԼ Է «Դինամոյի» մարզչական շտաբի ուշադրությունը։ Դեռևս չավարտելով ակադեմիան, նա և Մաքսիմ Տիշչենկոն, որի հետ Ռոմանը միշտ միասին խաղում էր Մանկապատանեկան ֆուտբոլի լիգայում, գլխավոր թիմի հետ հրավիրվել է Ավստրիա՝ ուսումնամարզական հավաքի։
Ակումբային կարիերա[խմբագրել | խմբագրել կոդը]
«Դինամո» (Կիև)[խմբագրել | խմբագրել կոդը]
2012 թվականի ամռանը ուսումն ավարտելուց հետո Յարեմչուկը պայմանագիր է կնքել Դինամո ֆուտբոլային ակումբի հետ։ Ուկրաինայի մինչև 19 տարեկանների առաջնությունում հարձակվողը նորամուտը նշել է նույն թվականի հուլիսի 25-ին՝ Վորսկլայի դեմ խաղում։ Մեկ շաբաթ անց՝ օգոստոսի 2-ին, Յարեմչուկի դեբյուտը տեղի է ունեցել ,մարզիչ Ալեքսանդր Խացկևիչի մինչև 21 տարեկանների թիմի կազմում երիտասարդական առաջնությունում։ Դինամոն հանդիպում է ունեցել «Կրիվբաս» ֆուտբոլային ակումբի երիտասարդական թիմի հետ։ Յարեմչուկը մեկնարկային կազմում է եղել և գոլային փոխանցում է կատարել Դմիտրո Խլյոբասին։ Երիտասարդական թիմի կազմում մի քանի հանդիպում անցկացնելուց հետո Ռոմանը 18 խաղում դարձել է 16 գոլի հեղինակ։ Յարեմչուկը կիևցիների կազմում դարձել Է Ուկրաինայի պատանեկան առաջին առաջնության հաղթողը, ինչպես նաեւ 14 գոլով դարձել է այդ մրցաշարի եզրափակիչ փուլի լավագույն ռմբարկուն։
2013 թվականի ամռանը երիտասարդական թիմի մարզիչ Ալեքսանդր Խացկևիչը գլխավորել է Դինամոյի երկրորդ թիմը, որը խաղում էր Առաջին լիգայում։ Նա իր հետ տարել է մի շարք խաղացողների, այդ թվում՝ Ռոմանին։ Պրոֆեսիոնալ մրցումներում Յարեմչուկը նորամուտը նշել է 2013 թվականի հուլիսի 14-ին Չեռնիհիվի «Դեսնա» ֆուտբոլային ակումբի դեմ խաղում, որն ավարտվել է ոչ-ոքի՝ 0:0 հաշվով, իսկ Յարեմչուկը մասնակցել է ամբողջ երկրորդ խաղակեսին՝ ընդմիջմանը խաղադաշտ դուրս գալով Սերգեյ Մյակուշկոյի փոխարեն։ Յարեմչուկը «Դինամո-2» ակումբի կազմում իր առաջին գոլը խփել է 2013 թվականի սեպտեմբերի 29-ին՝ 89-րդ րոպեին գրավելով Դոնեցկի Օլիմպիկ ակումբի դարպասը։
2016 թվականի մարտի 1-ին Յարեմչուկը նորամուտը նշել է «Դինամոյի» առաջին թիմում՝ հիմնական կազմում մասնակցելով «Ալեքսանդրիայի» դեմ Ուկրաինայի գավաթի խաղարկության 1/4 եզրափակչի խաղին (1:1)։ Ընդմիջման ժամանակ նրան փոխարինել է Լուկաշ Տեոդորչիկը[2]։
«Ալեքսանդրիա»[խմբագրել | խմբագրել կոդը]
2016 թվականի հուլիսի 21-ին հայտնի է դարձել, որ Յարեմչուկը խաղալու է «Ալեքսանդրիա» ֆուտբոլային ակումբում[3]։ Արդեն հուլիսի 31-ին կայացել է հարձակվողի նորամուտը Պրեմիեր Լիգայում։ Վորսկլայի դեմ տնային խաղում Յարեմչուկը 77-րդ րոպեին փոխարինել է Վիտալի Պոնոմարին։ Նույն թվականի հոկտեմբերի 1-ին Ռոմանն «Ալեքսանդրիայի» մեկնարկային կազմում էր «Դնեպր» ֆուտբոլային ակումբի դեմ խաղում։ Խաղի 16-րդ րոպեին Յարեմչուկը բացել է Ուկրաինայի Պրեմիեր Լիգայում իր գոլերի հաշիվը, իսկ 61-րդ րոպեին ձևակերպել է առաջին դուբլը՝ իր թիմի կազմում խփելով համապատասխանաբար 2-րդ և 4-րդ գոլերը մրցակցի դարպասին։ 85-րդ րոպեին «Դնեպրը» կարողացել է խփել պատասխան գնդակը, բայց արդյունքում Յարեմչուկի դուբլի շնորհիվ հանդիպումն ավարտվել է «Դնեպրի» սեփական դաշտում 1:4 հաշվով պարտությամբ[4]։
«Գենտ»[խմբագրել | խմբագրել կոդը]
2017 թվականի օգոստոսի 16-ին չորս տարվա պայմանագիր է կնքել բելգիական «Գենտ» ակումբի հետ[5]։ Նոր թիմում իր նորամուտը նշել է 2017 թվականի օգոստոսի 27-ին՝ Անդերլեխտ ֆուտբոլային ակումբի դեմ խաղում, 86-րդ րոպեին փոխարինման դուրս գալով Մամադու Սիլայի փոխարեն[6]։ Նույն թվականի նոյեմբերին Յարեմչուկի գոլը «Ստանդարտ» ֆուտբոլային ակումբի դարպասին օգնել է «Գենտին» հաղթել 1:0 հաշվով։ Ռոմանի համար սա դարձել է Բելգիայի Սուպերլիգայում խփած առաջին գնդակը։ Դեբյուտային մրցաշրջանում ուկրաինացին անցկացրել է 34 հանդիպում, որտեղ խփել է 9 գոլ[7]։
2018/19 մրցաշրջանում Յարեմչուկը դարձել է հիմնական խաղացող ՝ բոլոր մրցաշարերում անցկացնելով 45 հանդիպում և աչքի է ընկել 12 անգամ։ 2019 թվականի հոկտեմբերի 24-ին ՈՒԵՖԱ Եվրոպայի Լիգայի խմբային փուլի 3-րդ տուրի շրջանակներում Վոլֆսբուրգ ակումբի դեմ խաղում աչքի է ընկել դուբլով (2:2)[8]։ 2020 թվականի սկզբին նա ստացել է վնասվածք և մի քանի ամիս դուրս է մնացել։ Չնայած Բելգիայի առաջնությունում անցկացրել է ընդամենը 18 հանդիպում, նա դարձել է 10 գոլի հեղինակ։
2020 թվականի նոյեմբերի 1-ին «Վասլանդ-Բևերենի» ակումբի դեմ խաղում ձևակերպել է իր կարիերայի առաջին հեթ-տրիկը[9]։ 2000 թվականի դեկտեմբերի 17-ին Յարեմչուկը «Վասլանդ-Բևերենի» դեմ դարձել է գոլի հեղինակ։ Այս խաղը դարձավ Բելգիայի առաջնությունում դարձել է 100-րդը խաղացողի համար, իսկ խփած գոլը թույլ տվեց Յարեմչուկին ընդգրկվել «Գենտի» պատմության լավագույն ռմբարկուների թոփ 5-ում[10]։ Բելգիայի առաջնության 2020/21 մրցաշրջանում Ռոմանը 34 խաղում դարձել է 20 գոլի հեղինակ։ Այս արդյունքով նա երրորդ տեղն է զբաղեցրել Սուպերլիգայի ռմբարկուների շարքում։ 2021 թվականի փետրվարին Յարեմչուկը կարիերայում երկրորդ անգամ երեք գոլ է խփել «Մուսկրոն» ակումբի դեմ խաղում։ Նույն հանդիպման ժամանակ ուկրաինացին գոլային փոխանցում է կատարել, իսկ «Գենտը» արդյունքում հաղթել է 4:0 հաշվով[11]։
Բենֆիկա[խմբագրել | խմբագրել կոդը]
2021 թվականի հուլիսի 31-ին պորտուգալական Բենֆիկա ակումբը հայտարարել է Յարեմչուկի տեղափոխության մասին 17 միլիոն եվրոյով, որը մտել է ակումբի պատմության մեջ ամենաթանկ գնումների թոփ տասնյակում[12]։ Պայմանագիրը կնքվել է մինչև 2026 թվականը[13]։
Բենֆիկայի կազմում Յարեմչուկն առաջին հանդիպումն անցկացրել է 2021 թվականի օգոստոսի 10-ին՝ ՈՒԵՖԱ Չեմպիոնների Լիգայի որակավորման փուլի Սպարտակ ակումբի դեմ խաղում, մասնակցելով գոլային գրոհի (2:0)[14]։ 2021 թվականի օգոստոսի 14-ին Պորտուգալիայի ֆուտբոլի առաջնությունում նորամուտը նշել է «Արոկա» ակումբի դեմ խաղում (2:0)՝ դուրս գալով մեկնարկային կազմում, աչքի է ընկելով գոլով և գոլային փոխանցմամբ[15]։ 2021 թվականի սեպտեմբերի 25-ին Յարեմչուկը դուբլի հեղինակ է դարձել «Վիտորիա Գիմարայնշ» ակումբի դեմ խաղում (1:3)[16]։ Դեկտեմբերի 8-ին Բենֆիկայի կազմում խփել է իր առաջին գնդակը Չեմպիոնների Լիգայում Դինամո ակումբի դեմ խաղում[17]։ 2022 թվականի ապրիլի 13-ին Էնֆիլդ մարզադաշտում Չեմպիոնների Լիգայի 1/4 եզրափակչի ժամանակ Լիվերպուլի հետ խաղում աչքի է ընկել գոլով (3:3)։ Ընդհանուր առմամբ Չեմպիոնների Լիգայի 2021/22 խաղարկությունում իր հաշվին գրանցել է երեք գոլ[18]։
Բրյուգգե[խմբագրել | խմբագրել կոդը]
2022 թվականի օգոստոսի 29-ին Բրյուգգեն իր պաշտոնական կայքում հայտարարել է ուկրաինացու տրանսֆերի մասին, պայմանագիրը կնքվել է մինչև 2026 թվականը։ Տրանսֆերի գումարը կազմել է 16 միլիոն եվրո (ևս 3 միլիոն նախատեսված է եղել բոնուսների տեսքով), ինչը ակումբի համար դարձել է տրանսֆերային ռեկորդ[19]։ Սեպտեմբերի 3-ին ակումբում պաշտոնապես նորամուտը նշել է «Սերկլ Բրյուգգե» ակումբի դեմ խաղի ժամանակ, որտեղ աչքի է ընկել գոլով։ Սեպտեմբերի 11-ին «Սերեն» ակումբի դեմ Բելգիայի առաջնության 8-րդ տուրի խաղում աչքի է ընկել երկու գոլային փոխանցումով (2:0)[20]։ 2023 թվականի օգոստոսի 17-ին հեթ-տրիկ է ձևակերպել իսլանդական «Ակյուրեյրի» ակումբի դեմ կոնֆերենցիաների լիգայի որակավորման երրորդ փուլի խաղում[21]։
Վալենսիա[խմբագրել | խմբագրել կոդը]
2023 թվականի սեպտեմբերի 1-ին մեկ տարվա վարձավճարով տեղափոխվել է իսպանական Վալենսիա ֆուտբոլային ակումբ[22]։ Սեպտեմբերի 28-ին Յարեմչուկը Վալենսիայի կազմում իր նորամուտը նշել է Ռեալ Սոսիեդադի դեմ խաղում։ 2023 թվականի դեկտեմբերի 6-ին Իսպանիայի գավաթի 2-րդ փուլի «Արոսա» ակումբի դեմ խաղում աչքի է ընկել իր նորամուտի գոլով ակումբի կազմում, որը նույնպես որոշել է խաղի ելքը (0:1)[23]։ 2024 թվականի հունվարի 2-ին Վիլյառեալի դեմ խաղում աչքի է ընկել Լա Լիգայում նորամուտի գոլով[24]։
Կարիերան հավաքականում[խմբագրել | խմբագրել կոդը]
2012 թվականից ներգրավվել է Ուկրաինայի բոլոր տարիքային խմբերի պատանեկան հավաքականների խաղերին։ Մասնակցել է Եվրո 2014-ի պատանեկան և 2015-ի աշխարհի երիտասարդական առաջնություններին, որտեղ դարձել է 1 գոլի հեղինակ։
2018 թվականի սեպտեմբերի 6-ին Չեխիայի հավաքականի դեմ խաղում նորամուտը նշել է ազգային հավաքականում։ Գլխավոր թիմի կազմում առաջին գոլը խփել է 2019 թվականի հունիսի 7-ին Սերբիայի հավաքականի դեմ խաղում, որը տեղի է ունեցել հայրենի Լվովում։
Եվրոպայի 2020 թվականի առաջնության ընտրական փուլի շրջանակներում մասնակցել է 7 հանդիպման, որոնցում դարձել է 4 գոլի հեղինակ։
2021 թվականի հունիսի 1-ին Ուկրաինայի հավաքականի պաշտոնական հայտացուցակում ընդգրկվել է գլխավոր մարզիչ Անդրեյ Շևչենկոյի կողմից 2020 թվականի Եվրոպայի առաջնության խաղերին մասնակցելու համար[25]։ Եվրոպայի առաջնության եզրափակիչ հատվածում Յարեմչուկը խփել է 2 գոլ՝ Նիդերլանդների (2:3) և Հյուսիսային Մակեդոնիայի (2:1) դարպասին և կատարել մեկ գոլային փոխանցում։
2022 թվականի Աշխարհի առաջնության ընտրական փուլի D Ֆրանսիայի, Ֆինլանդիայի, Բոսնիա և Հերցեգովինայի և Ղազախստանի հավաքականների հետ խաղում դարձել է 3 գոլի հեղինակ։
2024 թվականի մարտի 21-ին Բոսնիա և Հերցեգովինայի հավաքականի դեմ Եվրո 2024-ին դուրս գալու անցումային առաջին խաղում փոխարինման է դուրս եկել երկրորդ խաղակեսում, դարձել է գոլի և գոլային փոխանցման հեղինակ, ինչով օգնել է հավաքականին հաղթանակի հասնել 1:2 հաշվով[26]։
Հայտնվել է հավաքականի հայտացուցակում 2024 թվականի Եվրոպայի առաջնության համար։ 2024 թվականի հունիսի 21-ին խմբային փուլի երկրորդ տուրում փոխարինման է դուրս եկել և հաղթական գնդակը խփել Սլովակիայի հավաքականի դեմ խաղում, Ուկրաինան հաղթել է 2:1 հաշվով։ Այսպիսով, Յարեմչուկը 3 գոլով (2 գոլ խփել է 2020 թվականի Եվրոպայի առաջնությունում) դարձել է Ուկրաինայի հավաքականի պատմության մեջ Եվրոպայի առաջնությունների եզրափակիչ փուլի լավագույն ռմբարկուն։
Խաղեր հավաքականում[խմբագրել | խմբագրել կոդը]
- 2022 հունիսի 8-ի դրությամբ
| Ռոման Յարեմչուկի խաղերն ու գոլերը Ուկրաինայի հավաքականում | |||||
|---|---|---|---|---|---|
| № | Ամսաթիվ | Մրցակից | Հաշիվ | Յարեմչուկի գոլերը | Մրցույթ |
| 1 | 6 սեպտեմբերի 2018 |  Չեխիա
|
2:1 | — | ՈՒԵՖԱ Ազգերի Լիգա 2018-19 |
| 2 | 9 սեպտեմբերի 2018 |  Սլովակիա
|
1:0 | — | ՈՒԵՖԱ Ազգերի Լիգա 2018-19 |
| 3 | 10 հոկտեմբերի 2018 |  Իտալիա
|
1:1 | — | Ընկերական խաղ |
| 4 | 16 հոկտեմբերի 2018 | Չեխիա
|
1:0 | — | ՈՒԵՖԱ Ազգերի Լիգա 2018-19 |
| 5 | 22 մարտի 2019 |  Պորտուգալիա
|
0:0 | — | ՈՒԵՖԱ-ի Եվրո-2020-ի ընտրական մրցաշար |
| 6 | 25 մարտի 2019 |  Լյուքսեմբուրգ
|
2:1 | — | ՈՒԵՖԱ-ի Եվրո-2020-ի ընտրական մրցաշար |
| 7 | 7 հունիսի 2019 |  Սերբիա
|
5:0 | 
|
ՈՒԵՖԱ-ի Եվրո-2020-ի ընտրական մրցաշար |
| 8 | 10 հունիսի 2019 | Լյուքսեմբուրգ
|
1:0 |
|
ՈՒԵՖԱ-ի Եվրո-2020-ի ընտրական մրցաշար |
| 9 | 7 սեպտեմբերի 2019 |  Լիտվա
|
2:0 | — | ՈՒԵՖԱ-ի Եվրո-2020-ի ընտրական մրցաշար |
| 10 | 10 սեպտեմբերի 2019 |  Նիգերիա
|
2:2 |
|
Ընկերական խաղ |
| 11 | 14 հոկտեմբերի 2019 | Պորտուգալիա
|
2:1 |
|
ՈՒԵՖԱ-ի Եվրո-2020-ի ընտրական մրցաշար |
| 12 | 17 նոյեմբերի 2019 | Սերբիա
|
2:2 |
|
ՈՒԵՖԱ-ի Եվրո-2020-ի ընտրական մրցաշար |
| 13 | 3 սեպտեմբերի 2020 |  Շվեյցարիա
|
2:1 | — | ՈՒԵՖԱ Ազգերի լիգա 2020/2021 |
| 14 | 6 սեպտեմբերի 2020 |  Իսպանիա
|
0:4 | — | ՈՒԵՖԱ Ազգերի լիգա 2020/21 |
| 15 | 7 հոկտեմբերի 2020 |  Ֆրանսիա
|
1:7 | — | Ընկերական խաղ |
| 16 | 10 հոկտեմբերի 2020 |  Գերմանիա
|
1:2 | — | ՈՒԵՖԱ Ազգերի լիգա 2020/21 |
| 17 | 13 հոկտեմբերի 2020 | Իսպանիա
|
1:0 | — | ՈՒԵՖԱ Ազգերի լիգա 2020/21 |
| 18 | 11 նոյեմբերի 2020 |  Լեհաստան
|
0:2 | — | Ընկերական խաղ |
| 19 | 14 նոյեմբերի 2020 | Գերմանիա
|
1:3 |
|
ՈՒԵՖԱ Ազգերի լիգա 2020/21 |
| 20 | 24 մարտի 2021 | Ֆրանսիա
|
1:1 | — | 2022 թվականի Աշխարհի առաջնության ընտրական խաղեր |
| 21 | 28 մարտի 2021 |  Ֆինլանդիա
|
1:1 | — | 2022 թվականի Աշխարհի առաջնության ընտրական խաղեր |
| 22 | 31 մարտի 2021 |  Ղազախստան
|
1:1 |
|
2022 թվականի Աշխարհի առաջնության ընտրական խաղեր |
| 23 | 3 հունիսի 2021 | .svg){kind=small} Հյուսիսային Իռլանդիա
|
1:0 | — | Ընկերական խաղ |
| 24 | 7 հունիսի 2021 |  Կիպրոս
|
4:0 |
|
Ընկերական խաղ |
| 25 | 13 հունիսի 2021 |  Նիդերլանդներ
|
2:3 |
|
2020 թվականի Եվրոպայի առաջնության ընտրական փուլ |
| 26 | 17 հունիսի 2021 |  Մակեդոնիա
|
2:1 |
|
2020 թվականի Եվրոպայի առաջնության ընտրական փուլ |
| 27 | 21 հունիսի 2021 |  Ավստրիա
|
0:1 | — | 2020 թվականի Եվրոպայի առաջնության ընտրական փուլ |
| 28 | 29 հունիսի 2021 |  Շվեդիա
|
2:1 | — | 2020 թվականի Եվրոպայի առաջնություն․ 1/8 եզրափակիչ |
| 29 | 3 հուլիսի 2021 |  Անգլիա
|
0:4 | — | 2020 թվականի Եվրոպայի առաջնություն․ 1/4 եզրափակիչ |
| 30 | 11 սեպտեմբերի 2021 | Ղազախստան
|
2:2 |
|
2022 թվականի Աշխարհի առաջնության ընտրական խաղեր |
| 31 | 12 հոկտեմբերի 2021 | Ֆրանսիա
|
1:1 | — | 2022 թվականի Աշխարհի առաջնության ընտրական խաղեր |
| 32 | 16 հոկտեմբերի 2021 | Չեխիա
|
1:1 | — | Ընկերական խաղ |
| 33 | 6 փետրվարի 2021 | Ֆինլանդիա
|
2:1 |
|
2022 թվականի Աշխարհի առաջնության ընտրական խաղեր |
| 34 | 12 հոկտեմբերի 2021 |  Բոսնիա և Հերցեգովինա
|
1:1 | — | 2022 թվականի Աշխարհի առաջնության ընտրական խաղեր |
| 35 | 11 նոյեմբերի 2021 |  Բուլղարիա
|
1:1 | — | Ընկերական խաղ |
| 36 | 16 նոյեմբերի 2021 | Բոսնիա և Հերցեգովինա
|
0:2 | — | 2022 թվականի Աշխարհի առաջնության ընտրական խաղեր |
| 37 | 1 հունիսի 2022 |  Շոտլանդիա
|
3:1 |
|
2022 թվականի Աշխարհի առաջնության ընտրական խաղեր |
| 38 | 5 հունիսի 2022 |  Ուելս
|
0:1 | — | 2022 թվականի Աշխարհի առաջնության ընտրական խաղեր |
Ընդհանուր՝ 38 խաղ / 13 գոլ․ 13 հաղթանակ, 14 ոչ-ոքի, 11 պարտություն։
Ելույթների վիճակագրություն[խմբագրել | խմբագրել կոդը]
Ակումբային վիճակագրություն[խմբագրել | խմբագրել կոդը]
- 24 հուլիսի 2022-ի դրությամբ
| Ակումբ | Մրցաշրջան | Լիգա | Գավաթներ | Եվրոգավաթներ | Ընդհանուր | ||||
|---|---|---|---|---|---|---|---|---|---|
| Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| «Դինամո-2» | 2013/14 | 19 | 3 | — | — | 19 | 3 | ||
| 2014/15 | 23 | 4 | 0 | — | 23 | 4 | |||
| Ընդամենը | 60 | 16 | — | — | 42 | 7 | |||
| «Դինամո» | 2015/16 | 0 | 0 | 1 | 0 | — | 1 | 0 | |
| 2016/17 | 9 | 0 | 1 | 0 | — | 10 | 0 | ||
| Ընդամենը | 9 | 0 | 2 | 0 | — | 11 | 0 | ||
| «Ալեքսանդրիա» | 2016/17 | 14 | 5 | 1 | 1 | 2 | 0 | 17 | 6 |
| «Գենտ» | 2017/18 | 32 | 9 | 2 | 0 | 34 | 9 | ||
| 2018/19 | 37 | 8 | 4 | 3 | 4 | 1 | 45 | 12 | |
| 2019/20 | 18 | 10 | 1 | 0 | 11 | 7 | 30 | 17 | |
| 2020/21 | 34 | 20 | 2 | 1 | 7 | 2 | 43 | 23 | |
| Ընդամենը | 121 | 47 | 9 | 4 | 22 | 10 | 152 | 61 | |
| «Բենֆիկա» | 2021/22 | 23 | 6 | 2 | 0 | 13 | 3 | 42 | 9 |
| Ընդամենը | 23 | 6 | 5 | 1 | 3 | 1 | 42 | 9 | |
| «Բրյուգգե» | 2020/21 | 0 | 0 | 0 | 0 | 0 | 0 | 0 | 0 |
| Ընդհանուր կարիերայի ընթացքում | 209 | 65 | 18 | 5 | 37 | 13 | 264 | 83 | |
Մրցանակներ[խմբագրել | խմբագրել կոդը]
Ակումբային[խմբագրել | խմբագրել կոդը]
«Գենտ»[խմբագրել | խմբագրել կոդը]
- Բելգիայի առաջնության արծաթե մեդալակիր․ 2019/20
«Բենֆիկա»[խմբագրել | խմբագրել կոդը]
- Պորտուգալիայի առաջնության բրոնզե մեդալակիր․ 2021/22
- Պորտուգալիայի Լիգայի Գավաթի եզրափակչի մասնակից. 2021/22
Անձնական[խմբագրել | խմբագրել կոդը]
- Ուկրաինայի Պրեմիեր Լիգայի ամսվա խաղացող. 2016 թվականի հոկտեմբեր[27]
- Ուկրաինայի առաջնությունում ամենաարագ գոլի հեղինակը (8-րդ վայրկյանին)[28]
- Եվրոպայի առաջնություններում գոլերի քանակով Ուկրաինայի հավաքականի ռեկորդակիր․ 3 գոլ
- Օլեգ Բլոխինի անվան ռմբարկուական ակումբի անդամ
Ծանոթագրություններ[խմբագրել | խմբագրել կոդը]
- ↑ 1,0 1,1 Transfermarkt.com(բազմ․) — 2000.
- ↑ «Ребров: «Александрия могла забить нам в первом тайме 3-4 мяча»». Արխիվացված օրիգինալից 2016 թ․ հոկտեմբերի 28-ին. Վերցված է 2016 թ․ հոկտեմբերի 7-ին.
- ↑ «Роман Яремчук виступатиме за Олександрію». Արխիվացված օրիգինալից 2016 թ․ օգոստոսի 18-ին. Վերցված է 2016 թ․ հոկտեմբերի 7-ին.
- ↑ ««Александрия» благодаря дублю Яремчука разгромила «Днепр»». Արխիվացված օրիգինալից 2016 թ․ հոկտեմբերի 9-ին. Վերցված է 2016 թ․ հոկտեմբերի 7-ին.
- ↑ «KAA Gent legt jonge spits Roman Yaremchuk onder contract» (հոլանդերեն). kaagent.be. Արխիվացված օրիգինալից 2017 թ․ օգոստոսի 16-ին. Վերցված է 2017 թ․ օգոստոսի 16-ին.
{{cite web}}: Italic or bold markup not allowed in:|publisher=(օգնություն) - ↑ «Екс-динамівець на останніх хвилинах втратив нагоду принести "Генту" перемогу над "Андерлехтом"». www.depo.ua (ուկրաիներեն). Արխիվացված օրիգինալից 2019 թ․ ապրիլի 16-ին. Վերցված է 2019 թ․ ապրիլի 16-ին.
- ↑ «Роман Яремчук». Արխիվացված օրիգինալից 2021 թ․ հոկտեմբերի 3-ին. Վերցված է 2021 թ․ հոկտեմբերի 3-ին.
- ↑ «Дубль Яремчука в матча Гент – Вольфсбург». Արխիվացված օրիգինալից 2021 թ․ հոկտեմբերի 3-ին. Վերցված է 2021 թ․ հոկտեմբերի 3-ին.
- ↑ «ВІДЕО. Шикарний перфоманс! Яремчук зробив хет-трик за Гент у Бельгії». Արխիվացված օրիգինալից 2020 թ․ նոյեմբերի 11-ին. Վերցված է 2021 թ․ օգոստոսի 11-ին.
- ↑ «Яремчук вошел в пятерку лучших бомбардиров Гента за последние 40 лет». Արխիվացված օրիգինալից 2021 թ․ օգոստոսի 19-ին. Վերցված է 2021 թ․ օգոստոսի 19-ին.
- ↑ «Роман Яремчук». Արխիվացված օրիգինալից 2021 թ․ հոկտեմբերի 3-ին. Վերցված է 2021 թ․ հոկտեմբերի 3-ին.
- ↑ «Топ-10 самых дорогих покупок Бенфики в истории». Արխիվացված օրիգինալից 2021 թ․ օգոստոսի 12-ին. Վերցված է 2021 թ․ օգոստոսի 12-ին.
- ↑ «Yaremchuk é do Benfica» (պորտուգալերեն). slbenfica.pt. Արխիվացված օրիգինալից 2021 թ․ հուլիսի 31-ին. Վերցված է 2021 թ․ հուլիսի 31-ին.
{{cite web}}: Italic or bold markup not allowed in:|publisher=(օգնություն) - ↑ «Гол Яремчука помог Бенфике пройти Спартак». Արխիվացված օրիգինալից 2021 թ․ օգոստոսի 11-ին. Վերցված է 2021 թ․ օգոստոսի 11-ին.
- ↑ «Яремчук дебютирует в старте Бенфики и чемпионате Португалии» (ռուսերեն). football.ua. Արխիվացված օրիգինալից 2021 թ․ օգոստոսի 14-ին. Վերցված է 2021 թ․ օգոստոսի 14-ին.
- ↑ «Дубль за 11 минут. Яремчук удачно сыграл за Бенфику». Արխիվացված օրիգինալից 2021 թ․ սեպտեմբերի 25-ին. Վերցված է 2021 թ․ սեպտեմբերի 25-ին.
- ↑ Дубль за 11 минут. Яремчук забил первый гол в Лиге чемпионов Արխիվացված է Դեկտեմբեր 8, 2021 Wayback Machine-ի միջոցով:
- ↑ ««Приятно забивать, но мне обидно покидать Лигу чемпионов»: Яремчук прокомментировал гол на легендарном стадионе». Արխիվացված օրիգինալից 2022 թ․ սեպտեմբերի 20-ին. Վերցված է 2022 թ․ սեպտեմբերի 18-ին.
- ↑ «Бенфика назвала сумму, за которую Яремчук перешел в Брюгге». Արխիվացված օրիգինալից 2022 թ․ սեպտեմբերի 13-ին. Վերցված է 2022 թ․ սեպտեմբերի 13-ին.
- ↑ «Украинец Яремчук отметился двумя голевыми передачами». Արխիվացված օրիգինալից 2022 թ․ սեպտեմբերի 13-ին. Վերցված է 2022 թ․ սեպտեմբերի 13-ին.
- ↑ «Нападающий сборной Украины Яремчук оформил хет-трик». Արխիվացված օրիգինալից 2023 թ․ օգոստոսի 18-ին. Վերցված է 2023 թ․ օգոստոսի 18-ին.
- ↑ «Роман Яремчук продовжить кар'єру у Валенсії». Արխիվացված օրիգինալից 2023 թ․ սեպտեմբերի 1-ին. Վերցված է 2023 թ․ սեպտեմբերի 1-ին.
- ↑ «Яремчук забив перший гол за Валенсію». Արխիվացված օրիգինալից 2023 թ․ դեկտեմբերի 5-ին. Վերցված է 2023 թ․ դեկտեմբերի 5-ին.
- ↑ «Яремчук отметился дебютным голом в испанской Примере». Արխիվացված օրիգինալից 2024 թ․ հունվարի 2-ին. Վերցված է 2024 թ․ հունվարի 2-ին.
- ↑ «ОФІЦІЙНО. АНДРІЙ ШЕВЧЕНКО ОГОЛОСИВ ЗАЯВКУ ЗБІРНОЇ УКРАЇНИ НА ЄВРО-2020». uaf.ua (ուկրաիներեն). Украинская ассоциация Դրոշа. 01.06.2021. Արխիվացված օրիգինալից 2021 թ․ հունիսի 3-ին. Վերցված է 2021 թ․ հունիսի 3-ին.
- ↑ Яремчук – Лев матча
- ↑ Роман Яремчук — найкращий гравець Ліги Парі-Матч у жовтні!
- ↑ «Топ-5 самых быстрых голов чемпионата Украины». Արխիվացված օրիգինալից 2021 թ․ օգոստոսի 11-ին. Վերցված է 2021 թ․ օգոստոսի 11-ին.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Ռոման Յարեմչուկ» հոդվածին։ |
| ||||||
| ||||||
- Նոյեմբերի 27 ծնունդներ
- 1995 ծնունդներ
- Ապրող անձինք
- Լվով քաղաքում ծնվածներ
- Անձինք այբբենական կարգով
- Ֆուտբոլիստներ այբբենական կարգով
- Բենֆիկայի ֆուտբոլիստներ
- Բրյուգգեի ֆուտբոլիստներ
- Գենտի ֆուտբոլիստներ
- Դինամո Կիևի ֆուտբոլիստներ
- Լա Լիգայի ֆուտբոլիստներ
- ՈՒԵՖԱ Եվրո 2020-ի ֆուտբոլիստներ
- ՈՒԵՖԱ Եվրո 2024-ի ֆուտբոլիստներ
- Ուկրաինայի հավաքականի ֆուտբոլիստներ
- Ուկրաինացի ֆուտբոլիստներ
- Վալենսիայի ֆուտբոլիստներ
- Ֆուտբոլի հարձակվողներ