Ջամալա

Ջամալա
Ի ծնե անուն	ուկրաիներեն՝ Сусана Алімівна Джамаладінова
Ծնվել է	օգոստոսի 27, 1983(1983-08-27) (39 տարեկան) Օշ, Ղրղզական ԽՍՀ, ԽՍՀՄ
Երկիր	Ուկրաինա
Ժանրեր	ջազ, սոուլ, Էլեկտրո, փոփ և ժամանակակից ժողովրդական երաժշտություն
Մասնագիտություն	երգչուհի, օպերային երգչուհի և երգերի հեղինակ
Երգչաձայն	սոպրանո
Գործիքներ	վոկալ
Լեյբլ	Moon Records Ukraine, Universal Music Group և Enjoy! Records?
Կրթություն	Ուկրաինայի Չայկովսկու անվան ազգային երաժշտական ակադեմիա
Պարգևներ	և
Կայք	jamalamusic.com jamalamusic.com jamalamusic.com
Jamala Վիքիպահեստում

Ջամալա (ուկրաիներեն` Джамала, Ղրիմի թաթարերեն՝ Camala, Джамала; իսկական անունը՝ Սուսանա Ջամալադինովա, ուկրաիներեն՝ Сусана Джамаладінова, Ղրիմի թաթարերեն՝ Susana Camaladinova, օգոստոսի 27, 1983(1983-08-27), Օշ, Ղրղզական ԽՍՀ, ԽՍՀՄ), կրիմսկոտատար ուկրաինական օպերային և ջազային երգչուհի (քնարական-դրամատիկական սոպրանո), ջազի, հեղինակային երաժշտության, սոուլի, Էթնիկական երաժշտության, ռիթմ-ն-բլյուզի և էլեկտրոնային երաժշտության կատարող։ Ջամալային լայն ճանաչում բերեց նրա ելույթը «Նոր Ալիք 2009» միջազգային երիտասարդ կատարողների մրցույթում, որտեղ նա ստացել է գրան-պրի։

2016 թվականի փետրվարի 21-ին հայտնի է դարձել, որ Ջամալան կներկայացնի Ուկրաինան Եվրատեսիլ 2016 մրցույթում՝ «1944» երգով։ Ճանաչվել է մրցույթի հաղթող։

Կենսագրություն

Ծնվել է Օշ կոչվող քաղաքում (ՂՍՍՀ, ԽՍՀՄ)։ Հայրը ղրիմի թաթար է, մայրը՝ հայուհի։ Մոր նախնիները Լեռնային Ղարաբաղից են. Նրա մանկությունն անցել է Ղրիմում, Մալորեչենսկոե գյուղում, Ալուշտոյի մոտ։ Ջամալան սկսել է զբաղվել երաժշտությամբ վաղ տարիքից։ Իր առաջին մասնագիտական ձայնագրությունը նա արել է 9 տարեկանում, կատարելով ստուդիայում 12 մանկական և ժողովրդական ղրիմաթաթարական երգեր։ Ավարտելով երաժշտական թիվ 1 դաշնամուրի դպրոցը Ալուշտա (քաղաք, Ուկրաինա) քաղաքում, նա ընդունվել է Պ. Ի. Չայկովսկու անվան երաժշտական դպրոց, իսկ հետո՝ Չայկովսկու անվան Ազգային Երաժշտական Ակադեմիա (Կիև)՝ օպերային դասական վոկալի բաժին, որն ավարտել է կարմիր դիպլոմով։ Լինելով լավագույն շրջանավարտներից, Ջամալան որոշել էր իրեն նվիրել դասական երաժշտությանը և աշխատել որպես մեներգչուհի՝ հռչակավոր Միլանյան Օպերայում, բայց լուրջ տարվածությունը ջազով, սոուլով, էքսպերինեմնտները՝ արևելյան երաժշտությամբ, փոխել են իր պլանները՝ որոշելով ուղղությունը հետագա կարիերայի համար։

Ջամալան տիրապետում է ուկրաիներեն, ռուսերեն, ղրիմա-թաթարերեն և անգլերեն լեզուներին։

Սինգլներ

• Կրկնելով պատմություն
• Դա ինձ, Ջամալա (ռադիո նախագիծ)
• Ծիծաղ
• Ես Սիրում Եմ Քեզ
• Սիրտը
• Կակտուս
• "Աշնան Քո Աչքերը

Սկավառակագրություն

• For Every Heart (2011) (iTunes)
• Live At Arena Concert Plaza (համերգային DVD, 2011)(iTunes)
• All or Nothing (2013) (iTunes)
• Thank You(2014)(https://itunes.apple.com/ua/album/thank-you-ep/id924830441)
• Подих (2015) (https://soundcloud.com/jamala/sets/podyh)