Պալատինյան կամուրջ

Պալատինյան կամուրջ Ponte Palatino
Անունով	Պալատին
Երկիր	Իտալիա
Տեղանք	Հռոմ
Տեսակ	ճանապարհային կամուրջ
Հատում է	Տիբեր
Ճարտարապետ	Անջելո Վեսկովալի
Երկարություն	155մ
Ժառանգության կարգավիճակ	Իտալիայի մշակութային ժառանգություն

Պալատինյան կամուրջ, հայտնի է նաև որպես Ponte Inglese (իտալ.՝ Ponte Palatino), կամուրջ Իտալիայի մայրաքաղաք Հռոմում։ Կապում է Ռիպա և Տրաստևերե շրջանները։

Նկարագրություն

Կամուրջը նախագծել է ճարտարապետ Անջելո Վեսկովալին, և այն կառուցվել է 1886-1890 թվականներին մասամբ ավերված Էմիլիոյի կամրջի (ներկայումս՝ Պոնտե Ռոտտո) տեղում։ Հին եռակամար կամրջի կամարներից մեկն ավերվել է 1598 թվականի ջրհեղեղի պատճառով։ Մյուս կամարը քանդվել է Վեսկովալիի կողմից 1887 թվականին, որպեսզի Պալատինյան կամրջի կառուցման համար բավարար տարածք լինի։ Նա Էմիլիոյի կամրջից թողնում է միայն մի կամար գետի կենտրոնում, որին կից կառուցվում է ներկայիս կամուրջը։

Պալատյան կամուրջն իր անվանումն ստացել է Պալատին բլրից, քանի որ կառուցված է նրա լանջերին։ Կամուրջը ձգվում է Forum Boarium անասնական շուկայից մինչև Պիացցա Կաստելլանի՝ Տիբերինա կղզու դիմաց։ Ponte Inglese (անգլիական) անվանումն ստացել է ձախակողմյան երթևեկության պատճառով, ինչն ընդունված է Միացյալ Թագավորությունում։

Կամրջի երկարությունը 155 մետր է։ Այն իրենից ներկայացնում է մետաղյա մակերես՝ հենված հինգ քարե պատնեշների վրա։

Արտաքին հղումներ

• Rendina, Claudio (2005). Enciclopedia di Roma. Rome: Newton Compton Editori. ISBN 88-541-0304-7.

Վիքիպահեստն ունի նյութեր, որոնք վերաբերում են «Պալատինյան կամուրջ» հոդվածին։