Պիետրո Նեննիի կամուրջ
 Ponte Pietro Nenni | |
|---|---|
 | |
| Անունով | Պիետրո Նեննի |
| Երկիր |  Իտալիա |
| Տեղանք | Հռոմ |
| Տեսակ | երթևեկելի, հետիոտն, |
| Նյութ | երկաթբետոն |
| Հատում է | Տիբեր |
| Ճարտարապետ | Լուիջի Մորետտի, Սիլվանո Ցորցի |
| Երկարություն | 121,6 մ |
| Լայնություն | 25,4 մ |
| Երթևեկելի գծերի քանակ | 2 |
| Շինարարության սկիզբ | 1969 |
| Բացման տարեթիվ | 1980 |
| Ժառանգության կարգավիճակ | Իտալիայի մշակութային ժառանգություն[1] |
 | |
 | |
Պիետրո Նեննիի կամուրջ (իտալ.՝ Ponte Pietro Nenni), կամուրջ Իտալիայի մայրաքաղաք Հռոմում։ Հատում է Տիբեր գետը։ Կապում է Առնալդո Բրեշիացու բուլվարը Ֆլամինիո շրջանում և Միքելանջելոյի բուլվարը Պրատի շրջանում[2]։
Նկարագրություն
[խմբագրել | խմբագրել կոդը]Կամուրջը նախագծել են ճարտարապետ Լուիջի Մորետտին և ինժեներ Սիլվանո Ցորցին։ Կառուցումը սկսվել է 1969 թվականին և ավարտվել 1972 թվականին։ Կամրջի պաշտոնական բացումը տեղի է ունեցել 1980 թվականին։ Կամուրջը կրում է պետական և քաղաքական գործիչ, Իտալիայի արտաքին գործերի նախարար Պիետրո Նեննիի անունը։ Վերջինս մահացել է 1980 թվականի հունվարի 1-ին։
Կամրջի վրայով անցնում է Հռոմի մետրոպոլիտենի A գծի Լեպանտո և Ֆլամինիո- Պիացցա դել Պոպոլո կայարանները։ Ըստ այդմ կամուրջը հաճախ անվանում են նաև Մետրոպոլիտենի կամուրջ (իտալ.՝ Ponte della Metropolitana)։
Պիետրո Նեննիի կամուրջն ունի երեք կամար։ Կառուցված է երկաթբետոնից։ Երկարությունը կազմում է 121 մետր, իսկ լայնությունը՝ 25,4 մետր, որից մետրոյի գիծը զբաղեցնում է 7,60 մետր, երթևեկելի ճանապարհը՝ 6,40 մետր, իսկ հետիոտն ճանապարհը՝ 2 մետր։
Երթուղի
[խմբագրել | խմբագրել կոդը]Պիետրո Նեննիի կամուրջը հասանելի է Հռոմի մետրոպոլիտենի A գծի «Ֆլամինիո» և «Լեպանտո» կայարաններից։
Ծանոթագրություններ
[խմբագրել | խմբագրել կոդը]- ↑ Վիկին սիրում է հուշարձաններ։ Իտալիա — 2012.
- ↑ Claudio Rendina. Enciclopedia di Roma. — Roma: Newton Compton Editori, 2005. — С. 785—786. — ISBN 88-541-0304-7.
Գրականություն
[խմբագրել | խմբագրել կոդը]- Tullia Iori, L'ultimo ponte sul Tevere, in "Casabella", anno LXX n. 1, numero 739/740 (dicembre 2005/gennaio 2006), pp. 20–25.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Պիետրո Նեննիի կամուրջ» հոդվածին։ |
| ||||||||||||||||||