Չեստիո կամուրջ

Վիքիպեդիայից՝ ազատ հանրագիտարանից
Picto infobox bridge1.png
Չեստիո կամուրջ
Ripa - ponte cestio 2 000205 12.jpg
Երկիր Flag of Italy.svg Իտալիա
Տեղանք Հռոմ
Տեսակ երթևեկելի կամարավոր կամուրջ և քարե կամուրջ
Նյութ քար
Հատում է Տիբեր
Կոորդինատներ: 41°53′23.964000099991″ հս․ լ. 12°28′38.100000099999″ ավ. ե. / 41.88999000002777251° հս․. լ. 12.47725000002777662° ավ. ե. / 41.88999000002777251; 12.47725000002777662
Չեստիո կամուրջը գտնվում է Իտալիաում
Չեստիո կամուրջ
Ponte Cestio (Rome) Վիքիպահեստում


Չեստիո կամ Սան Բարտոլոմեո (իտալ.՝ Ponte Cestio, Ponte San Bartolomeo, լատ.՝ Pons Cestius), կամուրջ Իտալիայի մայրաքաղաք Հռոմում։ Հատում է Տիբեր գետը Տիբերինա կղզու արևմտյան մասում։ Բնօրինակը կառուցվել է մոտավորապես Ք․ ա․ 1-ին դարում (Ք․ ա․ 62-27 թթ․ ընկած որևէ ժամանակահատվածում), Ֆաբրիչիո կամրջից հետո։ Վերջինս ևս միանում է Տիբերինա կղզուն։ Երկուսն էլ լավ են պահպանվել, հատկապես Ֆաբրիչիոն լիովին նույնն է մնացել և չի ձևափոխվել, իսկ Չեստիոն 19-րդ դարում մասամբ ապամոնտաժվել է, ու անտիկ կառույցից միայն մի մասն է մնացել։

Չեստիո կամուրջն առաջինն էր, որ Տիբերինա կղզուց հասնում էր մինչև Տիբերի աջ ափը։ Իսկ կղզին երկար ժամանակ միացած էր Տիբերի ձախ ափին և Հին Հռոմի կենտրոնին։ Մինչև Չեստիոյի կառուցվելը Տիբերի աջ ափը մնում էր անհասանելի։ Ք․ ա․ 1-ին դարից Չեստի ընտանիքի անդամներից մի քանիսն են հայտնի, սակայն անորոշ է, թե նրանցից ով է կառուցել այս կամուրջը[1]

Pons Cestius at night.jpg

4-րդ դարում կամուրջը վերակառուցվել է կայսրեր Վալենտինիանոսի I, Վաղեսի և Գրացիանոսի կողմից, և 370 թվականին այն կրում էր «Pons Gratiani» անունը։ Կամուրջը վերակառուցվել է՝ օգտագործվելով տուֆ և պեպերինո, իսկ արտաքինից պատված է տրավերտինով։ Շինարարական նյութը բերվել է մոտակա Մարցելլա թատրոնի քանդված կամարաշարքից[2]։

Էմիլիոյի կամրջի մնացուկները և Չեստիո կամուրջը հեռվում

1888-1892 թթ․ գետի ամբարտակների պատերը կառուցելու ժամանակ կամուրջը քանդվում է և վերանորոգվում, քանի որ արևմտյան հունը լայնացվում է 48-ից 76 մետր։ Անտիկ կամուրջն ուներ երկու փոքր կամար, որը պարզապես բավարար չէր։ Կառուցվում է նոր կամուրջ՝ երեք մեծ կամարներով, որի կենտրոնական կամարի կառուցման համար օգտագործվել է սկզբնական նյութի երկու երրորդ մասը։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Samuel Ball Platner. "Pons Cestius (from A Topographical Dictionary of Ancient Rome)".
  2. Claridge, Amanda (1998). Rome: An Oxford Archaeological Guide. Oxford: Oxford Univ. Press.

Աղբյուրներ[խմբագրել | խմբագրել կոդը]

  • O’Connor, Colin (1993). Roman Bridges. Cambridge University Press. pp. 66f. ISBN 0-521-39326-4.

Արտաքին հղումներ[խմբագրել | խմբագրել կոդը]