Նեմրա
| Նեմրա | |
|---|---|
 | |
| Հիմնական տվյալներ | |
| Երկիր | Երևան, Հայաստան |
| Ժանրեր | ալտերնատիվ ռոք և ինդի ռոք |
| Գործունեություն | 2012 - հիմա |
| Կայք | nemraband.com |
| Անդամներ | |
| Վան Եղիազարյան Վասպուր Եղիազարյան Մարիաննա Կարակեյան Մարեկ Զաբորսկի | |
 Nemra Վիքիպահեստում | |
Նեմրա, հայկական ռոք խումբ, որը կազմավորվել է 2012 թվականին Երևանում։ Հանդես է գալիս հեղինակային անգլերեն երգերով` ալտերնատիվ ռոք ժանրում և հայկական ժողովրդական երգերի սեփական մեկնաբանություններով։
Խմբի անդամներն են Վան Եղիազարյանը (վոկալ/կիթառ), Վասպուր Եղիազարյանը (բաս կիթառ/վոկալ), Մարիաննա Կարակեյանը (ստեղնաշարային գործիքներ/վոկալ), Մարեկ Զաբորսկին (հարվածային գործիքներ)։
«Նեմրա» անունն ընտրվել է խմբի հայկական ծագումն ընդգծելու նպատակով (Արմենիա, Արմեն)։
Իր գործունեության արդյունքում խումբը թողարկել է 2 ալբոմ `«Mubla»[1] ,«Hmm»[2], ինչպես նաև հայկական ժողովրդական երգերի սինգլներ։
Խումբն ունի 40-ից ավել հեղինակային երգեր, և բազմաթիվ տեսահոլովակներ։
Խումբը հանդես է եկել մենահամերգներով Հայաստանի բազմաթիվ քաղաքներում, ելույթ է ունեցել միջազգային փառատոններին (Ամերիկայի Միացյալ Նահանգներում, Վրաստանում, Ռուսաստանում, Լեհաստանում, Ուկրաինայում...)։
Նեմրային իրենց աջակցությունն են հայտնել բազմաթիվ նշանավոր երաժիշտներ, այդ թվում՝ Սերժ Թանկյանը (SOAD), Բրայան Մեյը (The Queen) և Ջեյմս Ուոլշը (Starsailors): 2022 թվականին Սթարմուս փառատոնում Նեմրայի ելույթից հետո լեգենդար կիթառահար Բրայան Մեյը խմբի անդամ Վանին նվիրեց իր վեցպենսանոց մեդիատորը՝ որպես հաջողության նշան։ Սերժ Թանկյանը նույնպես բարձր է գնահատել խմբի աշխատանքը՝ ֆեյսբուքյան իր էջում կիսվելով «She is beautiful» և «Daisy» տեսահոլովակներով։
2018 թվականը բեկումնային էր խմբի համար։ «Դեպի Եվրատեսիլ» ազգային նախընտրական մրցույթում խումբը գրավեց 2-րդ հորիզոնականը և արժանացավ հայ և արտասահմանյան լսարանի մեծ համակրանքին։
Նույն թվականին «NEMRA»-ն՝ մասնակցելով «Ծիծեռնակ 2018» ազգային երաժշտական մրցանակաբաշխությանը , արժանացավ «2017 թվականի Լավագույն ռոք խումբ» մրցանակին։
Մրցանակներից մեկն էր նաև Թբիլիսիում անցկացվող Caucasian Music Awards-ի «Phoenix» մրցանակը Վրաստանի հանրային ռադիոյի կողմից։
Պատմություն
[խմբագրել | խմբագրել կոդը]Խումբը ձևավորվել է Երևանում 2011 թվականի ամռանը։ Բուն գործունեություն ծավալել է 2012 թվականի փետրվարի 17-ից։
2014 թվականի մարտի 16-ին նկարահանվել է Նեմրայի առաջին տեսահոլովակը՝ «Sad Reality»-ն։
2014 թվականի հուլիսի 14-ին երկրորդը՝ «Dream»-ը։
2015 թվականի հուլիսին Նեմրան ներկայացրել է Հայաստանը ՌԴ-ում անցկացվող ամենամյա Voice of Nomands փառատոնին։
2016 թվականի հունվարի 20-ին երրորդ՝«Train Of Despair» տեսահոլովակը։
2016 թվականի մայիսի 7-ին խումբը ներկայացրել է իր առաջին ալբոմը` «Mubla»-ն, որն իր մեջ պարունակում է 11 երգ։
2018 թվականի գարնանը խումբը երկու մենահամերգ ունեցավ Երևանի Պետական Տիկնիկային թատրոնում, որի տոմսերը սպառվեցին 3 օրում։
2018 թվականի դեկտեմբերի 5-ին Նեմրան թողարկեց նոր երգ և նոր տեսահոլովակ՝ «Because», և կարճ ժամանակ անց՝ դեկտեմբերի 21-ին, թողարկվեց ևս մեկ երգ ՝ «The past has passed», որի տեսահոլովակը նկարահանվել է Ուկրաինայի Կիև քաղաքում։
2019
[խմբագրել | խմբագրել կոդը]
Հունիսի 22-ին Նեմրան ելույթ ունեցավ «Tbilisi Open Air 2019» փառատոնի շրջանակներում[3]։
.jpg)
Հուլիսի 16-ին Նեմրան թողարկեց իր երկրորդ ալբոմը՝ «Hmm»-ը։ Ալբոմի պրեզենտացիան ուղեկցվում էր Երևանի պետական տիկնիկային թատրոնում տեղի ունեցող մենահամերգով, որի ընթացքում խումբը կատարում էր երգեր առաջին և երկրորդ ալբոմից[4]։ Միջոցառման հատուկ հյուրը Բամբիռ ֆոլկ-ռոք խմբի անդամ Նարեկ Բարսն էր։
Հուլիսի 21-ին Նեմրան «Transkaukazja» փառատոնի շրջանակներում ելույթ ունեցավ Լեհաստանի մայրաքաղաք Վարշավայում[5]։
Օգոստոսի 10-ին Նեմրան «Երեւանյան ամառ» միջոցառման շրջանակներում բացօթյա համերգով ելույթ ունեցավ Շահումյանի հրապարակում[6]։
Օգոստոսի 22-ին ելույթ ունեցավ «One Caucasus» փառատոնի շրջանակներում (Վրաստան, Ծերաքվի)։
Սեպտեմբերի 21-ին Նեմրան Անկախության օրվա առթիվ կազմակերպված միջոցառումների շրջանակում ելույթ ունեցավ Գյումրիում։
Սեպտեմբերի 27-ին Նեմրան «Armenia in Rock» փառատոնի շրջանականերում ելույթ ունեցավ Ազատության հրապարակում։
Հոկտեմբերի 19-ին Նեմրան բացօթյա համերգներով ելույթ ունեցավ Aurora Forum-ի շրջանակներում անցկացվող «Ararat challenge» փառատոնին և Էրեբունի-Երևանի 2801-ամյակի տոնակատարությունների շրջանականերում կազմակերպված համերգին։
Նոյեմբերի 13-ին Նեմրան բացօթյա համերգով ելույթ ունեցավ Ռիո մոլի երկու ամյակի առթիվ կազմակերպված միջոցառումների շրջանակում։
Նոյեմբերի 16-ին Նեմրան Ուսանողության միջազգային օրվա առթիվ ելույթ ունեցավ Հայ-ռուսական համալսարանում։
Նոյեմբերի 23-ին Նեմրան Գրքի երևանյան փառատոնի շրջանակներում ելույթ ունեցավ AGBU Armenia-ում։
Խմբի անդամներ
[խմբագրել | խմբագրել կոդը]
- Վան Եղիազարյան - վոկալ/կիթառ։ Խմբի հիմնադիր անդամ։ Ծնվել է 1992 թվականի օգոստոսի 28-ին, Երևանում։ 8 տարեկանում ընդունվել է Սարաջևի անվան երաժշտական դպրոց։ Որպես առաջին մասնագիտություն՝ սովորել ջութակ, երկրորդ մասնագիտություն՝ դաշնամուր, երրորդ մասնագիտություն՝ ֆլեյտա։ Կիթառ սովորել է ինքնուրույն, 2010 թվականին։ 2010-2014 թթ․ սովորել է Հայաստանի Պետական Տնտեսագիտական համալսարանի «Մարքեթինգ և բիզնեսի կազմակերպում» բաժնում։
Մարիաննա Կարակեյան
.jpg)
.jpg)
- Մարիաննա Կարակեյան - ստեղնաշարային գործիքներ/վոկալ։ Խմբի հիմնադիր անդամ։ Ծնվել է 1988 թվականի Օգոստոսի 5-ին, Երևանում։ 1994-2004 թթ․ սովորել է Երևանի Չայկովսկու անվան միջնակարգ երաժշտական մասնագիտական դպրոցում։ 2004-2010 թվականներին՝ Երևանի Կոմիտասի Անվան Պետկոնսերվատորիայի դաշնամուրային բաժնում։ Ունի մագիստրոսի կոչում։
- Վասպուր Եղիազարյան - բաս կիթառ/վոկալ։ Խմբի հիմնադիր անդամ։ Ծնվել է 1993 թվականի դեկտեմբերի 4-ին։ 6 տարեկանում ընդունվել է Սարաջևի անվան երաժշտական դպրոց։ Որպես առաջին մասնագիտություն՝ սովորել ջութակ, երկրորդ մասնագիտություն՝ դաշնամուր, երրորդ մասնագիտություն՝ ֆլեյտա։ Կիթառ սովորել է ինքնուրույն, 2011 թվականին։ 2009-2013 թվականներին սովորել է Երևանի պետական համալսարանի «Ռադիոֆիզիկա» բաժնում։
- Մարեկ Զաբորսկի - հարվածային գործիքներ։
Մրցանակներ
[խմբագրել | խմբագրել կոդը]- 2014 - VMA (Van Music Awards)- «Sad Reality» երգի համար
- 2015 - VMA (Van Music Awards) - «Choice Number one» անվանակարգ
- 2016 - VMA (Van Music Awards) - «It's Nօt About The Cherries» երգի համար
- 2017 - VMA (Van Music Awards) - «Connection Lost» երգի համար
- 2018 - «Ծիծեռնակ 2018» ազգային երաժշտական մրցանակաբաշխություն - «Հայկական լավագույն ռոք խումբ» անվանակարգ
Ալբոմներ
[խմբագրել | խմբագրել կոդը]- 2016 - Mubla (11 երգ)
- 2019 - Hmm (11 երգ)
Տեսահոլովակներ
[խմբագրել | խմբագրել կոդը]| Ամսաթիվ | Վերնագիր | Ռեժիսոր |
|---|---|---|
| Մարտի 16, 2014 | «Sad Reality» | Կարեն Ամյան |
| Հուլիսի 14, 2014 | «Dream» | Մարիշա Կազարյան |
| Օգոստոսի 28, 2015 | «Last Chance To Love» (ոչ պաշտոնական տեսահոլովակ) | Արամ Կարախանյան |
| Հունվարի 20, 2016 | «Train Of Despair» | Ինա Աբրահամյան |
| Հունիսի 15, 2016 | «Feet In The River» | Արեգ Հովակիմյան |
| Հուլիսի 8, 2016 | «Leave Me Alone» | Մարիամ Գևորգյան |
| Դեկտեմբերի 16, 2016 | «Connection Lost» | Ինա Աբրահամյան |
| Դեկտեմբերի 3, 2017 | «Born in 94» | Արուս Տիգրանյան/Համբարձում Վարդանյան |
| Դեկտեմբերի 5, 2018 | «Because» | Արուս Տիգրանյան/Համբարձում Վարդանյան |
| Դեկտեմբերի 21, 2018 | «The past has passed» | Վասպուր Եղիազարյան |
| Փետրվարի 14, 2019 | «Room 11» | Ինա Աբրահամյան |
| Հունիսի 4, 2019 | «Why» | |
| Նոյեմբերի 3, 2019 | «Nare» | Մարիամ Գևորգյան |
| Հունիսի 1, 2020 | «Վանա ճուտիկ» (օրորոցային) | |
| Օգոստոսի 16, 2020 | «She's Beautiful» | Մարիամ Գևորգյան |
| Հուլիսի 25, 2021 | «Զիմ Խորոտիկ Յար» | Կարեն Ամյան |
| Սեպտեմբերի 11, 2021 | «Daisy» | Մարիամ Գևորգյան |
| Մարտի 6, 2022 | «Առնեմ Ելնեմ» | Մարիամ Գևորգյան |
| Հուլիսի 21,2022 | «Սև աչերով աղջիկ»[7] | Մարիամ Գևորգյան |
| Հունվարի 15, 2023 | «If you go» | Մարիամ Գևորգյան |
| Հուլիսի 2, 2023 | «Look at birds» | Արթուր Մանուկյան |
| Օգոստոսի 25, 2023 | «A Letter From Daisy» | Մարիամ Գևորգյան |
Ծանոթագրություններ
[խմբագրել | խմբագրել կոդը]- ↑ Mubla (անգլերեն)
- ↑ Hmm... (անգլերեն), Վերցված է 2019 թ․ հուլիսի 30-ին
- ↑ «Tbilisi Open Air 2019». tkt.ge.
- ↑ ««Նեմրայի» երկրորդ ալբոմի շնորհանդեսը, տարբերվող անվանումն ու համերգը». www.tert.am. Արխիվացված է օրիգինալից 2019 թ․ օգոստոսի 13-ին. Վերցված է 2019 թ․ հուլիսի 17-ին.
{{cite web}}: More than one of|archivedate=and|archive-date=specified (օգնություն); More than one of|archiveurl=and|archive-url=specified (օգնություն) - ↑ «Transkaukazja 2019 - line-up». Transkaukazja (լեհերեն).
- ↑ ««Նեմրա» և «Որդան կարմիր» ռոք խմբերի բացօթյա համերգը` Երևանում». www.yerevan.am.
- ↑ Nemra - Սև աչերով աղջիկ / Sev acherov aghchik (Official Video), Վերցված է 2022 թ․ օգոստոսի 11-ին
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Նեմրա» հոդվածին։ |
| ||||||||||
