Երևանի միջնակարգ մասնագիտական երաժշտական դպրոց

Երևանի Չայկովսկու անվան միջնակարգ մասնագիտական երաժշտական դպրոց;
Տեսակ	դպրոց
Հիմնադրված է	1938
Անվանված է	Պյոտր Չայկովսկի
Տնօրեն	Մարտուն Կոստանդյան
Աշակերտներ	մոտ 600
Երկիր	Հայաստան
Տեղագրություն	Երևան
Հասցե	Երևան, Կենտրոն վարչական շրջան, Եզնիկ Կողբացու փողոց 36

Երևանի միջնակարգ մասնագիտական երաժշտական դպրոց կամ Երևանի Չայկովսկու անվան երաժշտական դպրոց, հիմնադրվել է 1938 թվականին, Երևանի պետական կոնսերվատորիային կից՝ շնորհալի երեխաների խմբի բազայի վրա։

Պատմություն

Պյոտր Չայկովսկու անվամբ է կոչվում 1940 թվականից։ Մինչև 1975 թվականը տվել է 665 շրջանավարտ։ Դպրոցը մասնագիտացված հանրակրթական օջախն է, որտեղ 12-ամյա կրթություն է ստանում 600 աշակերտ, միաժամանակ ստանալով 2 ատեստատ՝ հանրակրթական և մասնագիտական^[1]։

1982 թվականին դպրոցի շենքի ճակատին տեղադրվել է Չայկովսկու բարձրաքանդակը (քանդակագործ՝ Երվանդ Գոջաբաշյան, ճարտարապետ՝ Ջիմ Թորոսյան)։

Դպրոցը հիմնանորոգվել է Հայաստան համահայկական հիմնադրամի ԱՄՆ արևելյան ափի տեղական մարմնի հովանավորությամբ։ Կենտրոնական մասնաշենքն ամբողջությամբ արդիականացվել է և համալրվել ճեմասրահներով, վերակառուցվել է մարզադահլիճը, համերգային դահլիճն ունի բեմահարթակ, հարմարավետ պայմաններ են ստեղծվել թե’ երաժիշտ կատարողների, թե’ հանդիսատեսի համար։ Դպրոցում գործող սիմֆոնիկ, փողային նվագախմբերի, ջութակահարների անսամբլի, երգչախմբի ու ջազ-բենդի համար կառուցվել են մասնագիտական սենյակներ^[2]։

Բաժիններ

Ունի դաշնամուրի, ջութակի, թավջութակի, ալտի, կոնտրաբասի, տավիղի, փողային գործիքների և երաժշտության տեսության, հանրակրթական բաժիններ, մանկական երգչախումբ, սիմֆոնիկ նվագախումբ, ջութակահարների և կամերային անսամբլներ^[3]։

Հայտնի շրջանավարտներ

Ծանոթագրություններ

↑ Չայկովսկու անվան երաժշտական դպրոցը 75 տարեկան է
↑ «Չայկովսկու անվան երաժշտական դպրոցում հիմնանորոգումից հետո ստեղծված են որակյալ ուսման բոլոր պայմանները». armenpress.am. Վերցված է 2018 թ․ հունվարի 13-ին.
↑ Երևանի Չայկովսկու անվան երաժշտական դպրոցը տոնում է 75-ամյա հոբելյանը

Արտաքին հղումներ

Չայկովսկու անվան երաժշտական դպրոցը վերակառուցվել է

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Երևանի միջնակարգ մասնագիտական երաժշտական դպրոց կատեգորիայում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 570)։

[1] Չայկովսկու անվան երաժշտական դպրոցը 75 տարեկան է

[2] «Չայկովսկու անվան երաժշտական դպրոցում հիմնանորոգումից հետո ստեղծված են որակյալ ուսման բոլոր պայմանները». armenpress.am. Վերցված է 2018 թ․ հունվարի 13-ին.

[3] Երևանի Չայկովսկու անվան երաժշտական դպրոցը տոնում է 75-ամյա հոբելյանը

[1]

[2]

[3]