Սթարմուս փառատոն

Սթարմուս փառատոն;
Տեսակ	փառատոն
Երկիր	Իսպանիա
Առաջինը	2011
Հիմնադիր	Գարիկ Իսրայելյան
	starmus.com
	Starmus Festival Վիքիպահեստում

Starmus միջազգային փառատոն, միջազգային համաժողով, որը կենտրոնացած է աստղագիտության, տիեզերական ուսումնասիրությունների, երաժշտության, արվեստի ներկայացման, ինչպես նաև հարակից այնպիսի գիտությունների վրա, ինչպիսիք են կենսաբանությունն ու քիմիան։ Այն հիմնադրել է Գարիկ Իսրայելյանը, ով աստղաֆիզիկոս է Կանարյան կղզիների աստղաֆիզիկայի ինստիտուտում (Տեներիֆե, Իսպանիա)։

Փառատոնին, ի թիվս այլոց, մասնակցել են Բազ Օլդրինը, Նիլ Արմսթրոնգը, Ռիչարդ Դոքինզը, Սթիվեն Հոքինգը, Ալեքսեյ Լեոնովը, Ջեյմս Լովելը, Բրայան Մեյը, Ջիլ Թարթերը, Քիպ Թորնը և Ռիկ Ուեյկեմանը ։

Պատմություն[խմբագրել | խմբագրել կոդը]

Սթիվեն Հոքինգը, Բրայան Մեյը և Ալեքսեյ Լեոնովը

2007 թվականին Բրայան Մեյը՝ Քուին ռոք-խմբի հիմնադիր կիթառահարը, ավարտեց իր դոկտորական դիսերտացիան, որն անավարտ էր մնացել 1974 թվականին, երբ Քուինը սկսեց զգալի հաջողությունների հասնել։ Մեյի աշխատանքը կենտրոնացած էր արեգակնային համակարգի կենդանակերպի փոշու վրա։ Նա ավելի վաղ սովորել էր Տեներիֆեում Լոնդոնի Իմպերիալ քոլեջի միջոցով և վերսկսել էր աշխատանքն այնտեղ ավելի քան 30 տարի անց։ 2007 թվականին նրա նոր խորհրդականը Գարիկ Իսրաելյանն էր։ Սա էլ հենց խթանեց նրանց ընկերությանը։ Ի դեպ, Իսրայելյանը նաև երաժիշտ է։ Սա հանգեցրեց «Սթարմուս» փառատոնի հիմնադրմանը (նվիրված աստղերին և երաժշտությանը), որը տեղի պիտի ունենար չորս տարի անց։

Տիգրան Համասյանի տրիոն Սթարմուս IV փառատոնի նախաբացման համերգին

Հայեցակարգ[խմբագրել | խմբագրել կոդը]

Հայտարարվեց Starmus V փառատոնը:^[1]

Փառատոնը տեղի է ունեցել 2011, 2014 և 2016 թվականներին Տեներիֆե քաղաքում։ Չորրորդ Սթարմուս փառատոնը անցկացվեց Նորվեգիայի Տրոնդհեյմ քաղաքում, 2017 թվականի հունիսի 18-ից 23-ը, «Կյանքն ու տիեզերքը» խորագրի ներքո^[2]^[3]։

Փառատոնը նկարագրվում է որպես մի իրադարձություն, որտեղ «տիեզերքի ուսումնասիրության, աստղագիտության, տիեզերագիտության և մոլորակային գիտությունների մեծագույն միտքը միասին հավաքվում են մեկ շաբաթով՝ աներևակայելի բանակցությունների, տեղեկատվության փոխանակման և մեր տարածության և տիեզերքի վերաբերյալ գիտելիքների գնահատման միջոցով»^[4]։