Գարիկ Իսրայելյան

Վիքիպեդիայից՝ ազատ հանրագիտարանից
Jump to navigation Jump to search
Գարիկ Իսրայելյան
Garik Israelian.jpg
Ծնվել է1963
Երևան, Հայկական ԽՍՀ, ԽՍՀՄ
ՔաղաքացիությունFlag of Spain.svg Իսպանիա
Ազգությունհայ
Մասնագիտությունֆիզիկոս և աստղաֆիզիկոս
Ալմա մատերԵՊՀ ֆիզիկայի ֆակուլտետ և Երևանի պետական համալսարան
Garik Israelian Վիքիպահեստում

Գարիկ Իսրայելյան (1963, Երևան, Հայկական ԽՍՀ, ԽՍՀՄ), հայ աստղաֆիզիկոս, Instituto de Astrofisica de Canarias (IAC)` Կանարյան կղզիների Աստղաֆիզիկայի ինստիտուտի աշխատակից, ֆիզիկամաթեմատիկական գիտությունների դոկտոր:

Գործունեություն[խմբագրել | խմբագրել կոդը]

Starmus.jpg

Գարիկ Իսրայելյանը ծնվել է 1963 թվականին Երևանում: Մայրը եղել է հայոց լեզվի և գրականության ուսուցչուհի, հայրը մասնակցել է Հայրենական մեծ պատերազմին, իսկ պատերազմից հետո ավարտել է Մոսկվայի կուսակցական դպրոցը և իրեն նվիրել կուսակցական աշխատանքներին:

Գարիկ Իսրայելյանը 1987 թվականին ավարտել է Երևանի պետական համալսարանի ֆիզիկայի ֆակուլտետը: Սովորել և աշխատել է Հայաստանում, Նիդերլանդներում, Ավստրալիայում, Բելգիայում, իսկ այնուհետև աշխատանքը շարունակել է Կանարյան կղզիների Աստղաֆիզիկայի կենտրոնում:

2011 թվականին Գարիկ Իսրայելյանի նախաձեռնությամբ Կանարյան կղզիներում կայացել է «STARMUS» միջազգային առաջին փառատոնը, որը նվիրված է եղել Յուրի Գագարինի՝ տիեզերք կատարած թռիչքի 50-ամյակին։ Փառատոնին մասնակցել են տիեզերագնացներ Ալեքսեյ Լեոնովը, Վալենտինա Տերեշկովան, Վիկտոր Գորբատկոն, Սերգեյ Կրիկալյովը, Նիլ Արմսթրոնգը, Բազզ Օլդրինը և այլ հայտնի մարդիկ։ «STARMUS» միջազգային երկրորդ փառատոնը կայացել 2014 թվականին և կրել «Սկիզբը. ժամանակակից տիեզերքի ձևավորումը» խորագրով։ «STARMUS» միջազգային երրորդ փառատոնը տեղի է ունեցել 2016 թվականի հունիսի 27-ից հուլիսի 2-ը։ Այս անգամ փառատոնը նվիրված էր բրիտանացի ֆիզիկոս-տեսաբան, տիեզերագետ Սթիվեն Հոքինգին։ Փառատոնի ժամանակ Գարիկ Իսրայելյանի անունով աստերոիդ է կոչվել։ Փառատոնին մասնակցել են երաժիշտներ Բրայան Մեյը, Սառա Բրայթմանը, Բրայան Ինոն, «Անաթեմա» ռոք խումբը և ուրիշներ։

Մրցանակներ[խմբագրել | խմբագրել կոդը]

Աղբյուրներ[խմբագրել | խմբագրել կոդը]