Վան Եղիազարյան
- Վիքիպեդիայում կան հոդվածներ Եղիազարյան ազգանունով այլ մարդկանց մասին։
| Վան Եղիազարյան | |
|---|---|
 | |
| Հիմնական տվյալներ | |
| Նաև հայտնի է որպես | Վան Նեմրա |
| Ծնվել է | օգոստոսի 28, 1992 (31 տարեկան) Երևան, Հայաստան |
| Երկիր |  Հայաստան |
| Ժանրեր | ալտերնատիվ ռոք և ինդի ռոք |
| Մասնագիտություն | հեղինակ-կատարող |
| Գործիքներ | վոկալ, ջութակ, դաշնամուր, ֆլեյտա, կիթառ |
| Կրթություն | Հայաստանի պետական տնտեսագիտական համալսարան |
| Կապված | Նեմրա |
| Կայք | nemraband.com |
Վան Եղիազարյան (օգոստոսի 28, 1992, Երևան, Հայաստան, նաև հայտնի է որպես Վան Նեմրա), հայ երաժիշտ։ Հայկական Նեմրա ալտերնատիվ ռոք խմբի հիմնադիր անդամն է, առաջատար վոկալիստը, կիթառահարը և երգահանը[1][2]։
Վաղ կյանք[խմբագրել | խմբագրել կոդը]
Վան Եղիազարյանը ծնվել է 1992 թվականի օգոստոսի 28-ին, Երևանում։ Սովորել է Երևանի Վ.Դավթյանի անվան թիվ 149 միջնակարգ դպրոցում և յոթնամյա կրթություն ստացել Կոստանտին Սարաջևի անվան երաժշտական դպրոցի ջութակի բաժնում։ Բարձրագույն ուսումը շարունակել է Հայաստանի Պետական Տնտեսագիտական համալսարանի «Մարքեթինգ և բիզնեսի կազմակերպում» բաժնում։ Դեռ համալսարանի տարիներին հետաքրքրվել է ռոք երաժշտությամբ։ Առաջին անգամ ձեռքը կիթառ է վերցրել 17 տարեկան հասակում, կոտրված ակուստիկ կիթառով սկսել է ինքնուրույն սովորել կիթառ նվագել, չնայած, որ այդ գործիքով նվագելիս բազմաթիվ վնասվածքներ է ստացել։ Հենց այդ տարիներին են ստեղծվել երգչի (հետագայում արդեն Նեմրա խմբի) առաջին երգերը։ Հետագայում ձեռք է բերել էլեկտրակիթառ, որից հետո որոշել է հիմնել խումբ։
2011 թվականին եղբոր՝ Վասպուր Եղիազարյանի և ստեղնաշարահար Մարիաննա Կարակեյանի հետ համատեղ հիմնել է երաժշտական խումբ, որը 2012 թվականին պաշտոնապես անվանվել է Նեմրա։
Ծանոթագրություններ[խմբագրել | խմբագրել կոդը]
- ↑ ««Ես դեմ եմ ցանկացած տեսակի սահմանափակումների, հատկապես՝ արվեստի մեջ». NEMRA խմբի մեներգիչ Վան Եղիազարյան». ImYerevan.com. Արխիվացված է օրիգինալից 2019 թ․ հուլիսի 17-ին. Վերցված է 2019 թ․ հուլիսի 17-ին.
- ↑ «AV Production - Վան Եղիազարյան». avproduction.am. Արխիվացված է օրիգինալից 2018 թ․ հունիսի 12-ին. Վերցված է 2019 թ․ հուլիսի 17-ին.
Արտաքին հղումներ[խմբագրել | խմբագրել կոդը]
- Երգեցի, քանի որ հասկացա՝ ոչ ոք ինձնից լավ չէր կարող զգալ իմ գրած երգերը. Վան Նեմրա
- Վան Եղիազարյանի Ֆեյսբուքյան պաշտոնական էջը։
- Վան Եղիազարյանի Ինստագրամյան պաշտոնական էջը։