Ինստագրամ

Վիքիպեդիայից՝ ազատ հանրագիտարանից
Ինստագրամ
Instagram icon.png
instagram.com
Տեսակ բջջային հավելված, սոցիալական ցանց, կայք, image hosting service և video hosting service
Շտաբ կայան Սան Ֆրանցիսկո
Սեփականատեր Facebook Inc.
Մայրական ընկերություն Facebook Inc.
Հեղինակ Kevin Systrom և Mike Krieger
Բացված 2010
Փակված հոկտեմբերի 6, 2010
Instagram Վիքիպահեստում

Ինստագրամ (անգլ.՝ Instagram), լուսանկարների և տեսագրությունների փոխանակման անվճար ծրագիր, որի միջոցով օգտվողները կարող են լուսանկարել և տեսագրել, ֆիլտրեր օգտագործել, ինչպես նաև տարածել դրանք իրենց ծառայությունով կամ այլ սոցիալական ցանցերով[1]։ Ինստագրամում լուսանկարները արվում են քառակուսի ձևաչափով, ինչպես Kodak Instamatic և Polaroid տեսախցիկներում, նաև 6х6 յուրաքանչյուր միջին ֆորմատի տեսախցիկներում, իսկ բջջային լուսանկարչական ծրագրերի մեծամասնությունում օգտագործվում է կողմերի 3։2 հարաբերությունը։

Ինստագրամը համատեղելի է iPhone, iPad և iPod Touch-ի հետ iOS 4.3-ով և ավելի բարձր, ինչպես նաև OpenGL ES 2-ով Անդրոիդ 2.2 և բարձր հեռախոսների հետ։ Տարածվում է App Store-ի և Google Play-ի միջոցով[2]։

Ինստագրամի հիմնադիրներն են Քևին Սիսթրոմը և Մայք Քրիգերը։ 2012 թվականի ապրիլին Ֆեյսբուքը գնել է Ինստագրամը։ Գնումի արժեքը կազմել է 1 միլիարդ ԱՄՆ դոլար[3]։

Պատմություն[խմբագրել | խմբագրել կոդը]

2010-2012 թվականներ[խմբագրել | խմբագրել կոդը]

Ինստագրամի մշակումը սկսվել է Սան Ֆրանցիսկոյում, երբ Քևին Սիստոմը և Մայք Կրիգերը որոշեցին իրենց Burbn ծրագիրը ուղղորդել բջջային լուսանկարների համար[4][5]: Հավելվածը Էփլ 6 ընկերության App Store ծրագրերում հայտնվել է 2010 թվականի հոկտեմբերի 6-ին[6]:

Թողարկումից կարճ ժամանակ անց խմբին միացավ Ջոշ Ռիդելը՝ որպես ընկերության մենեջեր: 2010 թվականի նոյեմբերին խմբին միացավ նաև Շեյն Սուինին՝ որպես ինժեներ, իսկ 2011 թվականի օգոստոսին՝ Ջեսիկա Զոլմանը` որպես ընկերության ՏՏ տարածող[7][8][9]:

2011 թվականի հունվարին ծրագրում միացվեց հեշթեգ նրա համար, որ հեշտ գտնեն օգտատերերին և լուսանկարները[10]:

2011 թվականի սեպտեմբերին արդեն հասանելի էր ծրագրի 2.0 տարբերակը, որտեղ արդեն հայտնվել էին կենդանի ֆիլտրեր, թեքության ակնթարթային փոփոխում, չորս նոր ֆիլտրեր, մեծ ծավալով լուսանկարների թույլատրում, կամային սահմաններ, մեկ սեղմումով շրջելը և նկարի թարմեցումը[11]:

2012 թվականի ապրիլին ծրագիրը թողարկվել է Android հարթակի համար[12], որը մեկ օրում ներբեռնվեց ավելի քան մեկ միլիոն անգամ[13]:

2012 թվականի ապրիլի 9-ին Ֆեյսբուքը հայտարարեց Ինստագրամի բջջային ֆոտոծրագրի $1 մլրդով գնման մասին: Ֆեյսբուքի ֆոտոսպասարկամ սեփականատիրոջը փոխանցվեց 300 մլն դոլլար և բաժնետոմսերի մոտ 23 մլն: Բացի այդ՝ սոցիալական ցանցը Ինստագրամին պարտադրեց գործարքը չկատարելու դեպքում 200 մլն դոլլար տուգանք նշանակել[14]: Գնման հետ կապված՝ հունիսի 5-ին դուրս եկավ 2.5.0 տարբերակը, ինչը հանգեցրեց Ինստագրամի և Ֆեյսբուքի միջև ավելի միավորմանը:

2012 թվի օգոստոսին ամեն վայրկյան Ինստագրամում լինում էր 576 հավանում և ավելացվում էր 81 մեկնաբանություն: Ինստագրամի օգտատերերը մեկ ամսվա ընթացքում կայքում ծախսում է միջինը 257 րոպե, ինչը կես ժամ ավել էր Թվիթերից[15]:

2012 թվականի վերջին Ինստագրամը հայտարարեց համաձայնագրի կանոնների փոփոխության մասին: Նորությունների շարքում պետք է լինի այն կետը, որ Ինստագրամը իրավունք է ստանում օգտվել իր օգտատերերի բեռնած լուսանկարներ, այդ թվում գովազդային նպատակներով[16]: Այն հրահրեց հասարակության կտրուկ քննադատությունը, ինչպես Ինստագրամի մասնակիցների, այնպես էլ հեղինակային իրավունքների իրավաշատպանների: Մասնակիցներից շատերը հեռացրին իրենց Ինստագրամի հաշիվները: Ըստ AppData վերլուծական ծառայության տվյալների՝ Ինստագրամը հավանաբար կորցրել է օգտատերերի 25 %, իսկ ամենօրյա հաճախումները նվազել են 16 մլնից մինչև 12 մլն[17]: Հանդիպելով բողոքների՝ ծառայությունը վերաձևակերպեց համաձայնագրի վիճաբանական կետը՝ հայտարարելով, որ մտադրությունները ճիշտ չեն հասկացվել[18]:

2013-2015[խմբագրել | խմբագրել կոդը]

2013 թվականի ապրիլին Ինստագրամը հայտարարեց նոր արմատական մշակում սկսելու մասին, ինչը թույլ կտար օգտատերերին նշել իրենց, ընկերներին լուսանկարներում, տեսարժան վայրերում, ինչպես նաև հայտնի ապրանքանիշեր: Նաև հնարավորություն էր տրվում կարգավորել նշումներ անելու նոր համակարգը և այդ թվում դարձնել այն անձնական[19]:

2013 թվականի հունիսին Ինստագրամը հայտարարեց 15 վայրկյան տևողությամբ տեսանյութերի տեղադրման հնարավորության մասին:

2013 թվականի օգոստոսի 8-ին կապեր հաստատվեցին ՎԿոնտակատ սոցիալական ցանցի հետ[20]:

2013 թվականի նոյեմբերի 21-ին թողարկվեց Ինստագրամի տարբերակը Windows Phone 8-ի համար:

2015 թվականի մարտին Ինստագրամը հայտարարեց բրենդների՝ լուսանկարների ալբոմներ ստեղծելու և օգտատերերին իրենց կայքն ուղարկելու հնարավորության մասին՝ օգտագործելով «Իմանալ ավելին» կոճակը[21]: Ներկայումս ընկերությունը բրենդների համար ցուցադրել է նոր ֆունկցիաներ՝ «Գնել հիմա» և «Տեղադրել հիմա» կոճակները[22]:

2015 թվականի հուլիսին Ինստագրամում բեռնված լուսանկարներիի չափերը դարձավ ավելի լավ որակի՝ 1080x1080 փիքսել (640x640 փիքսելի փոխարեն)[23]:

2015 թվականի օգոստոսին Ինստագրամը ավելացրեց լուսանկերների ավանդական քառակուսային ձևաչափ և ալբոմային ու դիմանկարային տեսանյութերի ալբոմներ[24]:

2015 թվականի սեպտեմբերի 30-ին Ինսագրամում հայտնվեց գովազդային գրառումներ, որոնք պարունակում էին մինչև 30 վայրկյանանոց տեսանյութեր[25]: Միևնույն ժամանակ գովազդային վաճառքն սկիզբ առավ նաև Ռուսաստանում[26]:

2016-ից մեր օրեր[խմբագրել | խմբագրել կոդը]

Լուսանկարների մշակման 16 տարբերակներ Ինստագրամում

2016 թվականի փետրվարի 8-ից սկսած՝ Ինստագրամի տարբեր էջերի սեփականատերերը կարող էին գտնվել այնտեղ միաժամանակ։ IOS (7.15) սարքերի և Android-ի սեփականատերերը հնարավորություն ստացան միաժամանակ օգտագործել բազմակի հաշիվներ՝ առանց որևէ մեկից դուրս գալու: Որպեսզի այս տարբերակն սկսեր աշխատել, անհրաժեշտ էր պրոֆիլի կարգավորումներում ավելացնել լրացուցիչ հաշիվ և սեղմել օգտագործողի անունին[27]:

2016 թվականի մարտի 16-ին Ինստագրամը իր բաժանորդներին տեղեկացրեց լրահոսում ծանուցումների բանաձևի փոփոխությամն մասին։ Այժմ այն չի ձևավորվելու ժամանակագրական հիմունքներում և հիմնվում էր օգտագործողի հետաքրքությունների վրա: Ինչպես տեղեկացնում էին խմբի պաշտոնական կայքի օրագրում, սկզբում նախատեսվում էր թողնել օգտատիրոջ բոլոր հրապարակումները, փոփոխվելու էր միայն դրանց հերթականությունը: Նորամուծությունները կատարվելու էին ոչ անմիջապես, այլ աստիճանաբար, մի քանի ամսվա ընթացքում[28]:

2016 թվականի մարտին հայտարարվեց ևս մեկ նորամուծության մասին՝ բեռնված տեսանյութի տևողության փոփոխության մասին: Տեսանյութի տևողությունը արդեն ավելանում էր չորս անգամ՝ 15-ից դառնալով մինչև 60 վայրկյան: Այդ որոշումը հիմնավորվում էր ձևաչափի նկատմամբ օգտատերերի հետաքրքրասիրության կտրուկ աճով և վերջին շրջանում հրապարակված տեսանյութերի քանակով[29]:

2016 թվականի մայիսին Ինստագրամը տեղեկացրեց դիզայնի փոփոխությունների մասին, որը դարձել էր ավելի միագույն և հակիրճ: Այլ տեսք ունեին պատկերը և մակագրությունները. սև գույնի դիզայնը փոխվել էր կապույտի: Լոգոն ձեռք էր բերել գրադիենտ տեսք[30]:

2016 թվականի օգոստոսին դուրս եկավ ծրագրի վերափոխված տարբերակը Instagram Stories անվամբ, որտեղ թույլատրվում էր ստեղծել լուսանկար և 10 վայրկյանանոց տեսանյութ, որի վրա կարելի էր գրել տեքստ, էմոձի ու այլ ձեռագրային նշաններ: Այս գրառումների առանձնահատկություններն այն էր, որ ի տարբերություն ժապավենում սովորական հրապարակումների, դրանք ուղիղ 24 ժամ հետո ջնջվում էին:

Չափագծեր[խմբագրել | խմբագրել կոդը]

2010 թվականի դեկտեմբերին Ինստագրամում կային մեկը միլիոն գրանցված օգտատերեր[31]: 2011 թվականի հունիսին նրանք արդեն հինգ միլիոն էին[32]: Սեպտեմբերին այդ ցուցանիշը կրկնապատկվեց[33], իսկ 2012 թվականի մարտին օգտատերերի ցուցանիշը հասել էր գրեթե 30 միլիոնի[34]: 2013 թվականի փետրվարի վերջին Ինստագրամը տեղեկացրեց 100 միլիոն ակտիվ օգտատերերի մասին[35]: Իսկ 2014 թվականի մարտի վերջին Մարկ Ցուկերբերգը հայտարարեց 200 միլիոն օգտատերերի գրանցման մասին[36]:

2011 թվականի հուլիսին Ինստագրամը հայտարարեց 100 միլիոն բեռնված լուսանկարների մասին: Նույն թվականի օգոստոսին ցուցանիշը հասավ 150 միլիոնի[37]: 2013 թվականի նոյեմբերին օգտատերերը վերբեռնել էին արդեն 16 միլիոն նկարներ[38]: 2016 թվականին ամենահայտնի օգտատերը եղել է երգչուհի Սելենա Գոմեսն է՝ ունենալով 113 միլիոն բաժանորդ[39]:

Ֆինանսավորում[խմբագրել | խմբագրել կոդը]

2010 թվականի մարտի 5-ին Burbn ծրագրի վրա աշխատելիս Սիսթրոմը փակեց փուլը Baseline Ventures-ի և Andreessen Horowitz-ից 500 000 դոլար ֆինանսավորմամբ[40]:

2011 թվականի փետրվարի 2-ին տեղեկացվեց, որ Ինստագրամը ձեռք է բերել 7 միլիոն դոլար զանազան ներդրողներից, այդ թվում Benchmark Capital-ից, Ջեկա Դորսիից, Քրիսա Սակայից (LOWERCASE Capital ֆոնդի միջոցով) և Ադամա Դ’Անջելոյից[41].:

Մրցանակներ[խմբագրել | խմբագրել կոդը]

  • 2011 թվականի հունվարին Ինստագրամը զբաղեցրեց երկրորդ տեղ 2010 TechCrunch Crunchies-ի մրցույթի «Լավագույն հեռախոսային ծրագիր» անվանակարգում [42]:
  • 2011 թվականի մայիսին Fast Company ամսագրում CEO Քևին Սիստրոմը զբաղեցրեց 66-րդ տեղը գրավեց «2011 թվականի 100 ամենաստեղծագործ գործարար մարդիկ» ցուցակում[43]:
  • 2011 թվականի հունիսին Inc. ամսագիրը ներառեց համահիմնադիրներ Սիսթրոմին և Քրիգերին «Այն 30-յակը, որոնք չկան 30»[44]:
  • 2011 թվականի սեպտեմբերին Ինստագրամը հաղթեց SF Weekly Web Awards մրցույթի «Լավագույն տեղական ծրագիր» անվանակարգում[45]:
  • 2011 թվականին Սիսթրոմը և Քրիգերը հայտնվեցին 7x7 ամսագրի սեպտեմբերի թողարկման շապիկին[46]:
  • 2011 թվականի դեկտեմբերին Apple-ում Ինստագրամը դարձավ «iPhone-ի տարվա ծրագիր» անվանակարգի հաղթող[47]:

Ինստագրամի կազմակերում և ծառայություններ[խմբագրել | խմբագրել կոդը]

Ծրագրերի հայտնիությունը ի հայտ բերեց բազմաթիվ մշակումներ, որոնք հետ այս կամ այն կերպ կապված էին Ինստագրամի հետ: Նման մշակումների տարբեր ուղղություններից կարելի է առանձնացնել տարբեր սարքերի նախագծերը, որոնք նախատեսված էին Ինստագրամի աշխատանքի համար:

Առաջին կարգավորումներից էր Instagram Socialmatic Camera-ը՝ տեսախցիկ, որի դիզայնը լրացված է Ինստագրամի պատկերի ոճով: Տեսախցիկը թույլ է տալիս միանգամից մշակել լուսանկարը և բեռնել Ինստագրամ, ինչպես և ցանկացած պահի վայրկենապես տպագրել լուսանկարը: Դրանով մշակողները ցանկանում են Ինստագրամը տեղափոխել իրական աշխարհ՝ առաջարկելով օգտատերերին լուսանկարներ անել ոչ միայն սոցիալական ցանցի համար, այլև կյանքի[48]: ADR ստուդիայի և Polaroid-ի առաջին մոդելները պետք է ունենային երկու օբյեկտիվ, սենսորային էկրան, 4 քատրիջանոց փոքր պրինտեր, օպտիկական խոշորացում, 3G մոդուլ, ինչպես նաև WiFi և Bluetooth սարքավորում[49]:

Երկրորդ սարքը Instacube միայն թվային լուսանկարային շրջանակն է, որը նույնպես լրացված է Ինստագրամի ոճով և կարող է իր էկրանին ցույց տալ Ինստագրամի հաշվից ընտրված լրահոսի ընտրված լուսանկարներ։

2014 թվականի ապրիլին Մոսկվայում տեղադրվեց Boft ապրանքանիշի առաջին վաճառքային ավտոմատը, որը թույլ էր տալիս տպել Ինստագրամի լուսանկարները[50]: 2014 թվականի հունիսի 23-ին այն ստացավ արտոնագիր:

Նաև ի հայտ եկան ծառայություններ, որոնք թույլ էին տալիս օգտատիրոջը տպել տարբեր առարկաների լուսանկարներ Ինստագրամից՝ մագնիսներ, բարձիկներ, սպորտային համազգեստներ, կտավներ և այլն: Քանի որ Ինստագրամը չունի վիճակագրական տվյալներ հաշիվների վերաբերյալ, 2015 թվականի վերջին սկսեցին հայտնվել ծառայություններ[51]՝ ընձեռնելով այդպիսի հնարավորություններ: Դրանց օգնությամբ կարելի է համեմատել և վերլուծել հաշիվների հիմնական ցուցանիշները:

Ծանոթագրություններ[խմբագրել | խմբագրել կոդը]

  1. Frommer Dan (2010-10-01)։ «Here's How To Use Instagram»։ Business Insider։ Արխիվացված օրիգինալից-ից 2012-08-25-ին։ Վերցված է 2011 թ․ մայիսի 20 (անգլ.)
  2. «Instagram comes to Android, available to download now»։ 2012-04-03։ Արխիվացված օրիգինալից-ից 2012-08-25-ին։ Վերցված է 2012 թ․ ապրիլի 8 (անգլ.)
  3. Protalinski Emil (23-04-2012)։ «Facebook buying Instagram for $300 million, 23 million shares»։ ZDNet։ CBS Interactive։ Արխիվացված օրիգինալից-ից 2012-10-27-ին։ Վերցված է 08-09-2012 
  4. Systrom Kevin (Oct 7, 2010)։ «What is the history of Instagram»։ Quora։ Արխիվացված օրիգինալից-ից 2012-08-25-ին։ Վերցված է 2011-09-02 (անգլ.)
  5. Успех Instagram. Самый полный материал с комментариями от первых пользователей
  6. «Welcome to Instagram»։ Instagram։ 2010-10-06։ Արխիվացված օրիգինալից-ից 2012-08-25-ին։ Վերցված է 2011-10-04 (անգլ.)
  7. Siegler MG (2010-11-17)։ «Instakarma: Instagram Expands Team And Moves Into Twitter's Original Office»։ TechCrunch։ Արխիվացված օրիգինալից-ից 2012-08-25-ին։ Վերցված է 2011-09-02 (անգլ.)
  8. Beltrone Gabriel (2011-07-29)։ «Instagram Surprises With Fifth Employee Small-staffed photo startup hires an early adopter to evangelize»։ AdWeek։ Արխիվացված օրիգինալից-ից 2012-08-25-ին։ Վերցված է 2011-09-02 (անգլ.)
  9. «Welcome to the Instagram Team, Oli Ryan»։ Instagram Blog։ 2011-08-31։ Արխիվացված օրիգինալից-ից 2011-09-26-ին։ Վերցված է 2011-09-02  (անգլ.)
  10. «Introducing Hashtags on Instagram»։ 2011-01-27։ Արխիվացված օրիգինալից-ից 2012-08-25-ին։ Վերցված է 2011-10-04 (անգլ.)
  11. «Introducing Instagram v2.0»։ Instagram։ 2011-09-20։ Արխիվացված օրիգինալից-ից 2012-08-25-ին։ Վերցված է 2011-10-04 (անգլ.)
  12. «Приложение Instagram стало доступно владельцам Android-смартфонов»։ Вести։ 2012-04-04։ Վերցված է 2012-04-08 
  13. «Приложение Instagram для Android менее чем за сутки скачано 1 млн раз»։ РИА Новости։ 2012-04-05։ Վերցված է 2012-04-08 
  14. Facebook раскрыл подробности сделки по покупке Instagram
  15. Instagram в СоцКаталоге
  16. Pepitone Julianne (2012-12-18)։ «Instagram can now sell your photos for ads»։ CNN Money։ CNN։ Արխիվացված օրիգինալից-ից 2013-01-12-ին։ Վերցված է 2012-12-18 
  17. Слухи об отказе пользователей от Instagram ударили по акциям Facebook
  18. McCullagh Declan, Donna Tam (2012-12-18)։ «Instagram apologizes to users: We won't sell your photos»։ Cnet։ Վերցված է 2012-12-19 
  19. Instagram предоставил своим пользователям новые возможности
  20. Город в прямом эфире
  21. Instagram добавит кнопку «Купить сейчас» для страниц компаний
  22. Instagram Beefs Up Ads With App Install And Buy Buttons, Interest Targeting, API TechCrunch
  23. «Instagram позволил загружать более качественные снимки»։ Лента.Ру։ 07.07.2015։ Վերցված է 2015-09-02 
  24. «Instagram предложил альтернативу квадратным фотографиям»։ Лента.Ру։ 28.08.2015։ Վերցված է 2015-09-02 
  25. «В Instagram появятся 30-секундные рекламные ролики»։ Бумага։ 2015-09-09։ Վերցված է 2015-09-30 
  26. «Соцсеть Instagram начинает прямые продажи рекламы в России»։ РИА Новости։ 2015-09-30։ Վերցված է 2015-09-30 
  27. В Instagram можно будет переключаться между несколькими аккаунтами | РИА Новости
  28. Ъ-Новости — Instagram изменит порядок появления записей в ленте
  29. Instagram увеличил длительность видео — Газета. Ru | Новости
  30. Instagram обновил дизайн — Газета. Ru | Новости
  31. «The Instagram Community - One Million and Counting»։ Instagram։ 2010-12-21։ Արխիվացված օրիգինալից-ից 2012-08-25-ին։ Վերցված է 2011-10-04 (անգլ.)
  32. Siegler MG (2011-06-13)։ «At 5 Million Users, It's Hard Not To View Instagram Through A Rose-Colored Filter»։ TechCrunch։ Արխիվացված օրիգինալից-ից 2012-08-25-ին։ Վերցված է 2011-10-04 (անգլ.)
  33. «The Instagram Community - Ten Million and Counting»։ Instagram։ 2011-09-26։ Արխիվացված օրիգինալից-ից 2012-08-25-ին։ Վերցված է 2011-10-04 (անգլ.)
  34. Светлана Чистякова (2012-04-05)։ «Почти фотограф. Instagram заработал на Android»։ Lenta.ru։ Արխիվացված օրիգինալից-ից 2012-08-25-ին։ Վերցված է 2012-04-05 
  35. «Instagram начнет показывать рекламу для жителей США»։ БФМ.РУ։ 2013-10-04։ Վերցված է 2014-01-29 
  36. «Глобальная аудитория Instagram превысила 200 миллионов пользователей»։ РИА Новости։ 2014-03-26։ Վերցված է 2014-03-27 
  37. Sarah Perez (8 декабря 2011)։ «Apple Picks Instagram As The “iPhone App Of The Year”»։ TechCrunch (անգլերեն)։ Արխիվացված օրիգինալից-ից 2012-08-25-ին։ Վերցված է 2011-12-08 (անգլ.)
  38. Вадим Елистратов (2013-11-30)։ «В День благодарения в Instagram загрузили рекордное количество контента»։ TJournal։ Վերցված է 2014-01-29 
  39. Назван самый популярный Instagram-аккаунт в мире
  40. Siegler MG (2010-03-05)։ «Burbn's Funding Goes Down Smooth. Baseline, Andreessen Back Stealthy Location Startup.»։ TechCrunch։ Արխիվացված օրիգինալից-ից 2012-08-25-ին։ Վերցված է 2011-10-04 (անգլ.)
  41. Siegler MG (2011-02-02)։ «Instagram Filters Through Suitors To Capture $7 Million In Funding Led By Benchmark»։ TechCrunch։ Արխիվացված օրիգինալից-ից 2012-08-25-ին։ Վերցված է 2011-10-04 (անգլ.)
  42. «Congratulations Crunchies Winners!»։ TechCrunch: The Crunchies Awards։ Jan 25, 2011։ Արխիվացված օրիգինալից-ից 2012-08-25-ին։ Վերցված է Oct 4, 2011 (անգլ.)
  43. «The 100 Most Creative People in Business in 2011»։ FastCompany։ May 2011։ Արխիվացված օրիգինալից-ից 2012-08-25-ին։ Վերցված է Oct 4, 2011 (անգլ.)
  44. Lagorio Christine (June 27, 2011)։ «Kevin Systrom and Mike Krieger, Founders of Instagram»։ INC։ Արխիվացված օրիգինալից-ից 2012-08-25-ին։ Վերցված է Oct 4, 2011 (անգլ.)
  45. Swearingen Jake (Sept 2, 2011)։ «SF Weekly Web Awards 2011: We Have Some Winners!»։ Արխիվացված օրիգինալից-ից 2012-08-25-ին։ Վերցված է Oct 4, 2011 (անգլ.)
  46. «The Hot 20 2011»։ 7x7 Magazine։ Sept 23, 2011։ Արխիվացված օրիգինալից-ից 2012-08-25-ին։ Վերցված է Oct 4, 2011 
  47. Sarah Perez (8 декабря 2011)։ «Apple Picks Instagram As The “iPhone App Of The Year”»։ TechCrunch (անգլերեն)։ Արխիվացված օրիգինալից-ից 2012-08-25-ին։ Վերցված է 2011-12-08 (անգլ.)
  48. «Instagram Socialmatic Camera - новая эра социальной фотографии!»։ Instagrama.ru։ Sept 18, 2012։ Արխիվացված օրիգինալից-ից 2012-12-25-ին։ Վերցված է Dec 18, 2012 
  49. Instagram Socialmatic Camera Polaroid | Business-all.com
  50. «Полезная модель №147575»։ www1.fips.ru։ Վերցված է 2015-09-05 
  51. Как посмотреть статистику Instagram аккаунта

Գրականություն[խմբագրել | խմբագրել կոդը]

  • Артем А. Сенаторов Бизнес в Instagram: От регистрации до первых денег. — М.: Альпина Паблишер, 2015. — 156 с. — ISBN 978-5-9614-5143-6