Կիրիլ Նաբաբկին

Վիքիպեդիայից՝ ազատ հանրագիտարանից
(Վերահղված է Նաբաբկին Կիրիլից)
Կիրիլ Նաբաբկին
ռուս.՝ Кирилл Набабкин
Կիրիլ Նաբաբկինը ԲԿՄԱ–«Սպարտակ» խաղի ժամանակ
Անձնական տվյալներ
Ամբողջական անուն Կիրիլ Անատոլևիչ Նաբաբկին
Ազգությունը Ռուսաստան Ռուսաստան
Քաղաքացիությունը Ռուսաստան Ռուսաստան
Ծննդյան ամսաթիվ սեպտեմբերի 8, 1986(1986-09-08)[1][2] (37 տարեկան)
Ծննդավայր Մոսկվա, ԽՍՀՄ
Հասակ 184 սմ
Քաշ 74 կգ
Դիրք պաշտպան
Ակումբային տեղեկություններ
Ներկա ակումբ Ռուսաստան ԲԿՄԱ
Համար 14
Պատանեկան կարիերա
1993-1995 Ռուսաստան Սպարտակ (Մոսկվա)
1996-1997 Ռուսաստան Նեֆտնյակ-Կապոտնյա
1997-2004 Ռուսաստան Տորպեդո-ԶԻԼ
Մասնագիտական կարիերա*
Տարի Ակումբ Խաղ (Գոլ)
2004-2009 Ռուսաստան Մոսկվա 64 (0)
2010-մ.հ. Ռուսաստան ԲԿՄԱ (Մոսկվա) 120 (3)
Ազգային հավաքական
2005-2008 Ռուսաստան Ռուսաստան (երիտ.) 16 (2)
2011 Ռուսաստան Ռուսաստան-2 1 (0)
2012-2013 Ռուսաստան Ռուսաստան 2 (0)
* Մասնագիտական կարիերայում ընդգրկված են միայն առաջնության խաղերը և գոլերը 
ըստ 2016 թվականի դեկտեմբերի 3-ի:

Կիրիլ Անատոլևիչ Նաբաբկին (ռուս.՝ Кириилл Анатольевич Набабкин, սեպտեմբերի 8, 1986(1986-09-08)[1][2], Մոսկվա, ԽՍՀՄ), ռուս ֆուտբոլիստ, մոսկովյան ԲԿՄԱ ֆուտբոլային ակումբի եզրային պաշտպան։ Հանդես է եկել Ռուսաստանի երիտասարդական, երկրորդ և ազգային հավաքականների կազմում։

Կիրիլը սկսել է իր կարիերան «Մոսկվա» ակումբում, իսկ 2009 թվականին տեղափոխվել է ԲԿՄԱ, որի կազմում հանդես է գալիս մինչ օրս։ Ռուսաստանի հավաքականի կազմում մասնակցել է երկու հանդիպման, նաև եղել է հայտավորված հավաքականի կազմում 2012 թվականի Եվրոպայի առաջնության ժամանակ։ Համարվում է Ռուսաստանի եռակի չեմպիոն (2012-2013 թթ., 2013-2014 թթ., 2015-2016 թթ.), երկակի արծաթե մեդալակիր (2010 թ., 2014-2015 թթ.), բրոնզե մեդալակիր (2011-2012 թթ.), Ռուսաստանի գավաթի (2011 թ., 2013 թ.) և սուպերգավաթի (2013, 2014 թթ.) երկակի դափնեկիր։ 2009 թվականին որպես աջ պաշտպան ընդգրկվել է Ռուսաստանի առաջնության լավագույն 33 ֆուտբոլիստների ցուցակում՝ զբաղեցնելով 3-րդ հորիզոնականը։

Ակումբային կարիերա[խմբագրել | խմբագրել կոդը]

Վաղ տարիներ[խմբագրել | խմբագրել կոդը]

Նաբաբկինը «Մոսկվա» ՖԱ-ի կազմում

Նաբաբկինը ծնվել է 1986 թվականի սեպտեմբերի 8-ին։ 1993 թվականին ապագա ֆուտբոլիստը ընդունվում է «Սպարտակի» մանկապատանեկան սպորտային դպրոց։ Նրա առաջին մարզիչն է դառնում Նիկոլայ Պարշինը[3]։ Նաբաբկինը սկզբում խաղում էր՝ որպես կիսապաշտպան, սակայն հետո նա վերաորակավորվում է որպես պաշտպան[4], չնայած նրան, որ իր խոսքերով մանուկ ժամանակվանից սկսած միշտ երազել էր խաղալ հարձակման գծում[5]։ Շուրջ չորս տարի Կիրիլը մարզվում է «Սպարտակի» այդ դպրոցում, իսկ 1996 թվականին կնքելով վարձավճարային պայմանագիր համալրում է «Նեֆտնյակ» ակումբի կազմը։ Վարձավճարային տեղափոխման ժամկետի լրանալուց հետո Նաբաբկինը դառնում է «Տորպեդո-ԶԻԼ» ակումբի ֆուտբոլիստը։ Այստեղ նրա մարզիչն է դառնում Նիկոլայ Վիկտորովիչ Վասիլևը։ Առաջին պրոֆեսիոնալ պայմանագիրը «Մոսկվայի» (այսպես է վերանվանվել «Տորպեդո-ԶԻԼ» ակումբը) հետ ֆուտբոլիստը կնքել է 16 տարեկան հասակում։ 2004 թվականին Կիրիլը ակումբի հետ միասին հաղթանակ է տանում բարձրագույն լիգայում հանդես եկող ակումբների երկրորդ կազմերի առաջնությունում[6]։

«Մոսկվա»[խմբագրել | խմբագրել կոդը]

Վալերի Պերտակովը՝ «Մոսկվայի» գլխավոր մարզիչը, սկսում է ներգրավել երիտասարդ պաշտպանին ակումբի հիմնական կազմի մարզումներին դեռևս 2004 թվականից, իսկ ակումբի հաջորդ մարզիչ Լեոնիդ Սլուցկին վերջնականապես տեղափոխում է Կիրիլին ակումբի հիմնական կազմ։ «Մոսկվայի» հիմնական կազմում Նաբաբկինը իր առաջին խաղն անցկացրել է 2005 թվականի հուլիսի 13-ին Ռուսաստանի գավաթի խաղարկության 1/16 փուլի շրջանակներում կայացած Մախաչկալայի «Դինամոյի» դեմ[7]։ Իսկ Պրեմիեր Լիգայում նա նշում է իր նորամուտը 2005 թվականի օգոստոսի 3-ին կայացած ԲԿՄԱ-ի դեմ խաղում։ Այդ խաղում նա արժանանում է դեղին քարտի[8]։ 2005 թվականի հոկտեմբերի 16-ին կայացած «Կռիլյա Սովետով» ակումբի դեմ խաղում Կիրիլն արժանանում է արդեն կարմիր քարտի[9]։ Ընդհանուր հաշվարկով հեռանկարային ֆուտբոլիստը իր առաջին պրոֆեսիոնալ մրցաշրջանում մասնակցում է 10 հանդիպման (7-ը առաջնությունում, իսկ 3-ը՝ գավաթի շրջանակներում)։ 2006 թվականի ապրիլին կրկին «Կռիլյայի» դեմ կայացած խաղում Նաբաբկինը վաստակում է պաշտոնական հանդիպումներում արդեն իր երկրորդ կարմիր քարտը։ Իր ամբողջ կարիերայի ընթացքից պարզվում է, որ ֆուտբոլիստը սամարայական ակումբի դեմ կայացած խաղերում չի բավարարվում միայն այդ երկու կարմիր քարտերով[10]։ Մի քանի օր հետո մարզման ժամանակ նա ստանում է ոտնաթաթի կոտրվածք[11], որի պատճառով բաց է թողնում երկու ամիս։ 2008 թվականի օգոստոսի 15-ին Նաբաբկինը նշում է իր նորամուտը Եվրոպայի ակումբային մրցաշարերում. ֆուտբոլիստը մասնակցություն է ունենում ՈՒԵՖԱ Գավաթի երկրորդ որակավորման փուլի շրջանակներում կայացած Վարշավայի «Լեգիայի» դեմ խաղին[12]։ Միոդրագ Բոժովիչի ակումբի գլխավոր մարզիչ նշանակվելուց հետո՝ 2009 թվականին Կիրիլը դառնում է ակումբի հիմնական կազմի մշտական ֆուտբոլիստ[13] և ակումբի կազմում իր վերջին մրցաշրջանում մասնակցում է 30 հանդիպման։ Այդ մրցաշրջանի ընթացքում նա առաջնությունում բաց է թողնում ընդամենը մեկ հանդիպում և դա էլ կրկին «Կռիլյայի» դեմ խաղում ստացած կարմիր քարտի պատճառով[14]։ 2009 թվականի մրցաշրջանի արդյունքներով Նաբաբկինը ընդգրկվում է Ռուսաստանի առաջնության լավագույն 33 ֆուտբոլիստների ցուցակ[15]։

ԲԿՄԱ[խմբագրել | խմբագրել կոդը]

Նաբաբկինը «Վոլֆսբուրգի» դեմ խաղում

2009 թվականի Ռուսաստանի առաջնությունից հետո Նաբաբկինը համալրում է ԲԿՄԱ-ի կազմը։ Քանի որ «Մոսկվան» կազմացրվել էր պարտքերի պատճառով, Կիրիլը դառնում է «բանակայինների» կազմի ֆուտբոլիստ՝ ազատ գործակալի կարգավիճակով[16]։ Տեղափոխությունից հետո Կիրիլը ասում է. «Այստեղ լուրջ մրցակցություն է ընթանում յուրաքանչյուր դիրքի համար։ Սակայն դա լավ է։ Կապացուցեմ իմ արժանությունը կապված հիմնական կազմում խաղալու հետ»[17]։ Այսպիսի արձագանքը պայմանավորված էր այն բանի հետ, որ նրա տեղափոխման պահին ԲԿՄԱ-ում հիմնական կազմի աջ պաշտպանի դիրքում խաղում էին Չիդի Օդիան և Ալեքսեյ Բերեզուցկին[18]։ Նաբաբկինը անցկանցում է իր առաջին հանդիպումը նոր ակումբի կազմում 2010 թվականի մարտի 27-ին առաջնության երրորդ տուրի շրջանակներում կայացած «Անժիի» դեմ խաղում։ Ինչպես և «Մոսկվայում», այնպես էլ այստեղ, նա իր նորամուտային խաղում արժանանում է դեղին քարտի[19]։ Եվրոպայի ակումբային մրցաշարերում Կիրիլը նոր թիմի կազմում մասնակցում է իր առաջին խաղին օգոստոսի 19-ին՝ ընդդեմ Կիպրոսի «Անորտոսիսի»[20]։ Առաջնության 29-րդ տուրում կայացած «Սպարտակի» դեմ դերբիում Կիրիլը Անտոն Խոդիրևի հետ բախման արդյունքում ստանում է դեմքի ոսկորի կոտրվածք[21]։ ԲԿՄԱ-ի կազմում իր առաջին մրցաշրջանում Կիրիլը ընդհանուր հաշվարկով մասնակցում է 16 հանդիպման։ Չնայած այն բանին, որ մրցաշրջանի սկզբում նա գնահատվում էր, որպես պահեստային թիմի ֆուտբոլիստ՝ մրցաշրջանի վերջում Կիրիլը սկսում է մշտապես ընդգրկվել թիմի հիմնական կազմ[18]։ Որոշ լրագրողներ և անձամբ ֆուտբոլիստը նշում են, որ Լեոնիդ Սլուցկին կարողանում է ամբողջությամբ բացահայտել Նաբաբկինին[3][22]։

Նաբաբկինը թիմի հիմնական կազմի հետ միասին դուրս է գալիս խաղադաշտ 2011 թվականի Ռուսաստանի գավաթի խաղարկության եզրափակչին և մասնակցում է ամբողջ խաղին։ «Բանակայինների» մրցակիցն էր այդ խաղում վլադիկավկազյան «Ալանիյան»[23]։ Խաղը ավարտվում է «բանակայինների» 2-1 հաշվով հաղթանակով, իսկ Նաբաբկինը վաստակում է իր առաջին ակումբային տիտղոսը։ Սեպտեմբերի 14-ին Կիրիլը մասնակցություն է ունենում Չեմպիոնների Լիգայի խմբային փուլի առաջին տուրի շրջանակներում կայացած «Լիլի» դեմ խաղին։ Շնորհիվ Սեյդու Դումբիայի դուբլի ԲԿՄԱ-ն «մազապուրծ» է լինում պարտությունից[24]։ 2011-12 մրցաշրջանում Նաբաբկինը շարունակում է հայտավորվել ԲԿՄԱ-ի հիմնական կազմ և ներքին հարթակում մասնակցում է 36 հանդիպման, իսկ արտաքին հարթակում՝ 4[25]:

2012 թվականին Մարիո Ֆեռնանդեսին գնելուց հետո Նաբաբկինը սկսում է ավելի քիչ հայտնվել ԲԿՄԱ-ի հիմնական կազմում[26]։ Համեմատության համար 2012-13 մրցաշրջանում նա մասնակցում է 24 խաղի, իսկ 2013-14-ում՝ ընդամենը 18 խաղի[27]։

2015 թվականի մարտի 14-ին Նաբաբկինը հեղինակում է իր առաջին գնդակը ակումբային կարիերայում. նրա «զոհն» է դառնում Ռուսաստանի առաջնության 19-րդ տուրի շրջանակներում ԲԿՄԱ-ի մրցակիցը դարձած «Մորդովիան» (4-0)[28]։ Նույն թվականի մայիսի 4-ին Նաբաբկինը մասնակցում է ԲԿՄԱ-ի կազմում ունեցած՝ Ռուսաստանի առաջնության շրջանակներում իր 100-րդ խաղին[29]։ Շենիկովի վնասվածքի հետևանքով Կիրիլը ավելի շատ խաղային ժամանակ է ստանում և առաջնության գարնանային մասը հիմնական կազմում խաղում է հենց նա։ Մրցաշրջանի ավարտից հետո Սլուցկին Նաբաբկինի խաղին տալիս է դրական գնահատական[30]։

2015 թվականի օգոստոսի 30-ին Նաբաբկինը աչքի է ընկնում «Կուբանի» դեմ հանդիպման վերջին րոպեներին խփած իր գոլով, որը դառնում է այդ խաղում հաղթական[31] և «բանակայինների» պատմության մեջ արտագնա հանդիպումներում հեղինակված 500-րդ-ը[32]։ Նոյեմբերի 29-ին Կիրիլը «Անժիի» դեմ հանդիպման 10-րդ րոպեին դառնում է գոլի հեղինակ, սակայն երկրորդ խաղակեսում մախաչկալացիները Իլիա Մակսիմովի ջանքերի շնորհիվ առաջ են անցում հաշվում[33]։ 2015-2016 մրցաշրջանի ընդհանուր հաշվարկով Նաբաբկինը մասնակցում 17 հանդիպման և դառնում երկու գոլի հեղինակ։

Կարիերան հավաքականում[խմբագրել | խմբագրել կոդը]

Երիտասարդական կազմ և երկրորդ հավաքական[խմբագրել | խմբագրել կոդը]

2005 թվականի սեպտեմբերին Նաբաբկինը նշում է իր նորամուտը Ռուսաստանի ֆուտբոլի երիտասարդական կազմում՝ ընդդեմ Պորտուգալիայի երիտասարդական հավաքականի։ Այդ խաղում նա աչքի է ընկնում գլխով կատարած հարվածով, որը դատարկ դարպասից մի կերպ դուրս է հանում դարպասապահ Վալդիրը[34]։ Նոյեմբերի 12-ին կայանում է Դանիայի երիտասարդական հավաքականի դեմ խաղը, որում Կիրիլը, չնայած իր մարտական բնավորությանը, դառնում է այն քիչ ֆուտբոլիստներից մեկը, որը չի ստանում որևէ զգուշացում քարտի տեսքով[3][35]։ Երիտասարդական հավաքականի կազմում Կիրիլը հեղինակում է իր առաջին գոլը 2006 թվականի հոկտեմբերի 6-ին ընդդեմ Պորտուգալիայի հավաքականի[36]։ 2007 թվականի սեպտեմբերի 12-ին Նաբաբկինը Թուրքիայի հավաքականի դեմ խաղին ներկայանում է որպես հավաքականի թիմի ավագ։ Այդ խաղի միակ գնդակը հեղինակվում է թուրքերի կողմից՝ 11 մետրանոց նշանակետից կատարած հարվածով. 11 մետրանոց հարվածի նշանակման պատճառն այն էր, որ Կիրիլի մոտ սեփական տուգանային հրապարակի մատույցներում ձեռքով խաղ էր նկատվել[37]։ Երիտասարդական հավաքականի կազմում իր վերջին՝ Վրաստանի հավաքականի դեմ խաղում Կիրիլը գոլի հեղինակ է դառնում, իսկ Ռուսաստանի հավաքականը հաղթում է 4-0 հաշվով[38]։ Ընդհանուր հաշվարկով Նաբաբկինը Ռուսաստանի երիտասարդական հավաքականի կազմում մասնակցում է 16 խաղի և դառնում է երկու գոլի հեղինակ։

2011 թվականի օգոստոսին Յուրի Կրասնոժանը ընդգրկում է Նաբաբկինին Ռուսաստանի երկրորդ հավաքականի կազմ՝ Ռուսաստանի երիտասարդական հավաքականի դեմ խաղին մասնակցություն ունենալու նպատակով[39]։ Կիրիլը դուրս է գալիս խաղադաշտ՝ երկրորդ խաղակեսում փոխարինելով Կամիլ Ագալարովին։ Երկրորդ հավաքականն այդ խաղում տանում է 2:1 հաշվով հաղթանակ[40]։

Ազգային հավաքական[խմբագրել | խմբագրել կոդը]

2012 թվականի մայիսի 15-ին, Ուրուգվայի ազգային հավաքականի դեմ խաղից հետո, Ռուսաստանի հավաքականի գլխավոր մարզիչ Դիկ Ադվոկատը նշում է, որ վնասվածք ստացած Ռոման Շիշկինի փոխարեն Եվրո-2012-ում մասնակցություն ունենալու նպատակով հավաքականի կազմ կհայտավորվի՝ Կիրիլ Նաբաբկինը։ Շիշկինը հավաքականում Ալեքսանդր Անյուկովի առաջին փոխարինողն էր, սակայն վնասվածքի պատճառով նրա դերը ստանում է Նաբաբկինը[41]։ 2012 թվականի հունիսի 1-ին Նաբաբկինը կատարում է իր նորամուտը ազգային հավաքականի կազմում։ Հավաքականի կազմում նրա առաջին մրցակիցներն են դառնում իտալացիները, որոնց դեմ ընկերական խաղին նա մասնակցում է առանց փոխարինվելու[42][43]։ Եվրոպայի առաջնությունում Նաբաբկինը ոչ մի խաղի չի մասնակցում։ Փետրվարի 6-ին Ֆաբիո Կապելոն հրավիրում է Կիրիլին Իսլանդիայի ազգային հավաքականի դեմ կայանալիք հանդիպմանը մասնակցելու[44]։ Այդ խաղում Կիրիլը մասնակցում է ընդամենը 15-րոպեի՝ հանդիպման 75-րդ րոպեին Վլադիմիր Բիստրովին փոխարինելով։ 2014 թվականի աշխարի առաջնությունից հետո Նաբաբկինը հայտավորվում է ազգային հավաքականի կազմ Ադրբեջանի և Եվրո-2016-ի որակավորման փուլում Լիխտենշտայնի ազգային հավաքականների դեմ խաղերին մասնակցելու համար[45], սակայն այդ խաղերում նա մասնակցություն չի ունենում։

Խաղաոճ[խմբագրել | խմբագրել կոդը]

Նաբաբկինը համարվում է ունիվերսալ պաշտպան. նա ընդունակ է խաղալ պաշտպանության երկու եզրերում, ինչպես նաև կենտրոնում[6][46]։ Ֆուտբոլիստի դրական որակները նշելիս «Սովետական սպորտ» թերթի լրագրող Վլադիսլավ Ուսաչևը առանձնացրել է Նաբաբկինի «կառչելիությունը», արագությունը և կոշտությունը[47], իսկ «Sports.ru»-ի խմբագիր Դենիս Ռոմանցովը խոսել է նրա բնավորության մարտական և անզիջող գծերի և առաջատարական որակների մասին։ Կիրիլը հաճախ քննադատությունների է արժանացել կոշտ խաղի և մեծաքանակ զգուշացումների համար, սակայն համեմատած մյուս աջ պաշտպանների հետ Նաբաբկինը գործում է ավելի վստահ[41]։ Ֆուտբոլիստը սիրում է միանալ գրոհներին, սակայն որոշ լրագրողների կարծիքով՝ նա դա վատ է անում[48][49]։ Ալեքսանդր Բուբնովի (նախկին ֆուտբոլիստ և ներկայում ֆուտբոլային մարզիչ) կարծիքով ֆուտբոլիստի թերություններից գլխավորը գնդակի հետ աշխատելու տեխնիկայի ոչ զարգացվածությունն է, ինչը կրկին Բուբնովի կարծիքով՝ բնորոշ է պաշտպանական ուղղվածություն ունեցող ֆուտբոլիստներին[50]։

Անձնական կյանք[խմբագրել | խմբագրել կոդը]

Կիրիլ Նաբաբկինը արմատներով Մոսկվայից է։ Ամուսնացած չէ, սակայն իր սեփական խոսքերով՝ ցանկանում է ամուսնանալ և երեխաներ ունենալ[51]։ Զբաղվում է բարեգործական գործունեությամբ. իր ընկեր Ալեքսանդր Ռյազանցևի հետ, ով «Զենիթի» ֆուտբոլիստներից մեկն է, օգնում է տարբեր մանկապարտեզների, ինչպես նաև անցկացրել է բարեգործական հանդիպում՝ «Տորպեդո-ԶԻԼ» ֆուտբոլային դպրոցի պատանիների հետ[52]։ Կիրիլը փրկել է մի քանի անտուն շների հրազենով մահից, ինչից հետո նրանց համար ապաստարան է գտել։ Պահում է մի քանի շներ[53]։ Սիրում է հոկեյ, ինչպես նաև երբեմն բասկետբոլային խաղեր դիտելու է գնում[54]։ Ունի բավականաչափ փակ բնավորություն[53]։

Ֆուտբոլիստի սիրելի խաղային համարը 14-ն է, որի ներքո նա հանդես է եկել «Մոսկվայում», Ռուսաստանի ազգային հավաքականում և հանդես է գալիս ԲԿՄԱ-ում[52]։

Վիճակագրություն[խմբագրել | խմբագրել կոդը]

Ակումբային[խմբագրել | խմբագրել կոդը]

2016 թվականի դեկտեմբերի 3-ի դրությամբ
Ակումբ Մրցաշրջան Առաջնություն Գավաթ Սուպերգավաթ Եվրագավաթ Ընդհանուր
Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Ռուսաստան Մոսկվա 2005 7 0 2 0 0 0 0 0 9 0
2006 6 0 1 0 0 0 0 0 7 0
2007 8 0 4 0 0 0 0 0 12 0
2008 15 0 1 0 0 0 4 0 20 0
2009 28 0 4 0 0 0 0 0 32 0
Ընդհանուր 64 0 12 0 0 0 4 0 84 0
Ռուսաստան ԲԿՄԱ 2010 13 0 4 0 0 0 8 0 25 0
2011-12 34 0 0 0 1 0 5 0 40 0
2012-13 19 0 5 0 0 0 2 0 26 0
2013-14 17 0 0 0 1 0 5 0 23 0
2014-15 21 1 3 0 0 0 2 0 26 1
2015-16 13 2 4 0 0 0 6 0 23 2
2016-17 3 0 1 0 0 0 1 0 5 0
Ընդհանուր 120 3 17 0 2 0 29 0 168 3
Ընդհանուրը կարիերայում 184 3 29 0 2 0 33 0 252 3

Հավաքականում[խմբագրել | խմբագրել կոդը]

Երկրորդ հավաքական[խմբագրել | խմբագրել կոդը]

Կիրիլ Նաբաբկինը խաղերի և գոլերի վիճակագրությունը Ռուսաստանի երկրորդ հավաքականի կազմում
№ Ամսաթիվ Մրցակից Հաշիվ Գոլեր Մրցաշար
1 օգոստոսի 10, 2011 թվական Ռուսաստան Ռուսաստան (երիտ.) 2:1 - Ընկերական խաղ

Ազգային հավաքական[խմբագրել | խմբագրել կոդը]

Կիրիլ Նաբաբկինի խաղերի և գոլերի վիճակագրությունը Ռուսաստանի ազգային հավաքականի կազմում
№ Ամսաթիվ Մրցակից Հաշիվ Գոլեր Մրցաշար
1 հունիսի 1, 2012 թվական Իտալիա Իտալիա 3:0 - Ընկերական խաղ
1 փետրվարի 6, 2013 թվական Իսլանդիա Իսլանդիա 2:0 - Ընկերական խաղ

Նվաճումներ[խմբագրել | խմբագրել կոդը]

Ակումբի կազմում[խմբագրել | խմբագրել կոդը]

Ռուսաստան ԲԿՄԱ

Անձնական[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 As (իսպ.) — Madrid: Grupo Prisa, 1967. — ISSN 1888-6671
  3. ↑ 3,0 3,1 3,2 Денис Романцов. (2012 թ․ մայիսի 26). «8 историй о новичке сборной России». Sports.ru. Վերցված է 2016 թ․ օգոստոսի 13-ին.
  4. ↑ «Кирилл Набабкин. Биография». cska-md.com. 2010 թ․ հունվարի 13. Արխիվացված է օրիգինալից 2017 թ․ դեկտեմբերի 4-ին. Վերցված է 2016 թ․ օգոստոսի 13-ին.
  5. ↑ Владислав Усачев. (2015 թ․ սեպտեմբերի 8). «Кирилл Набабкин: Как и все мечтал играть нападающим». «Советский спорт». Արխիվացված է օրիգինալից 2016 թ․ սեպտեմբերի 23-ին. Վերցված է 2016 թ․ օգոստոսի 16-ին.
  6. ↑ 6,0 6,1 Михаил Гончаров. (2014 թ․ սեպտեմբերի 8). «Армейский антибомбардир. Семь фактов из карьеры Набабкина». «Спорт-Экспресс». Վերցված է 2016 թ․ օգոստոսի 16-ին.
  7. ↑ Сергей Дерябкин. (2005 թ․ հուլիսի 15). «Неожиданный ход «Москвы»: Вместо Петракова — дублёр». «Спорт-Экспресс». Վերցված է 2016 թ․ օգոստոսի 13-ին.
  8. ↑ «Два очка в топку «Локомотива»». «Спорт-Экспресс». 2005 թ․ օգոստոսի 4. Վերցված է 2016 թ․ օգոստոսի 14-ին.
  9. ↑ Арнольд Эпштейн. (2005 թ․ հոկտեմբերի 17). «Вчера Самара имела право поехидничать». «Спорт-Экспресс». Վերցված է 2016 թ․ օգոստոսի 14-ին.
  10. ↑ Евгений Егоров. Набабкин напомнил прошлогодний самарский матч. Топич — нет // «Самарский Футбол» : газета. —Самара, 2006.
  11. ↑ «Набабкин пропустит около двух месяцев». «Спорт-Экспресс». 2006 թ․ հունիսի 5. Վերցված է 2016 թ․ օգոստոսի 14-ին.
  12. ↑ Александр Мартанов. (2008 թ․ օգոստոսի 15). «В начале — скука, в конце — рубка». «Спорт-Экспресс». Վերցված է 2016 թ․ օգոստոսի 15-ին.
  13. ↑ Андрей Бодров. (2009 թ․ դեկտեմբերի 1). «Рыбалка на ерша. Кирилл Набабкин, один из самых колючих футболистов, может перейти в ЦСКА». «Советский спорт». Արխիվացված է օրիգինալից 2016 թ․ սեպտեմբերի 23-ին. Վերցված է 2016 թ․ օգոստոսի 15-ին.
  14. ↑ «Отчёт о матче «Москва» — «Крылья Советов»». Sportoboz.ru. 2009 թ․ հոկտեմբերի 18. Վերցված է 2016 թ․ օգոստոսի 15-ին.
  15. ↑ «Названы 33 лучших футболиста чемпионата России 2009-го года». Amic.ru. 2009 թ․ նոյեմբերի 25. Վերցված է 2016 թ․ օգոստոսի 15-ին.
  16. ↑ Андрей Бодров. (2009 թ․ դեկտեմբերի 1). «Набабкин перешёл в ЦСКА». «Советский спорт». Արխիվացված է օրիգինալից 2016 թ․ սեպտեմբերի 23-ին. Վերցված է 2016 թ․ օգոստոսի 15-ին.
  17. ↑ Максим Максимов. (2010 թ․ մարտի 5). «Кирилл Набабкин: «К конкуренции готов!»». «Спорт-Экспресс». Վերցված է 2016 թ․ օգոստոսի 16-ին.
  18. ↑ 18,0 18,1 Дмитрий Смирнов. (2010 թ․ նոյեմբերի 13). «Кирилл Набабкин: «Переход в ЦСКА — правильный выбор»». «Спорт-Экспресс». Վերցված է 2016 թ․ օգոստոսի 16-ին.
  19. ↑ Борис Левин. (2010 թ․ մարտի 27). «Почувствуйте себя Палопом». «Спорт-Экспресс». Վերցված է 2016 թ․ օգոստոսի 15-ին.
  20. ↑ Борис Левин. (2010 թ․ օգոստոսի 20). «Милош Красич: «За „Юве" против ЦСКА — только в страшном сне»». «Спорт-Экспресс». Վերցված է 2016 թ․ օգոստոսի 15-ին.
  21. ↑ «У Набабкина перелом лицевой кости». «Спорт-Экспресс». 2010 թ․ նոյեմբերի 20. Վերցված է 2016 թ․ օգոստոսի 16-ին.
  22. ↑ Василий Богданов. (2013 թ․ մայիսի 21). «Кирилл Набабкин: «Слуцкий научил меня всему»». Sportbox.ru. Վերցված է 2016 թ․ օգոստոսի 16-ին.
  23. ↑ Артём Потапов (2011 թ․ մայիսի 22). «Кубок Слуцкого». «Спорт-Экспресс». Վերցված է 2016 թ․ օգոստոսի 15-ին.
  24. ↑ Борис Левин. (2011 թ․ սեպտեմբերի 15). «Ход слоном». «Спорт-Экспресс». Վերցված է 2016 թ․ օգոստոսի 15-ին.
  25. ↑ «Игроки / Набабкин Кирилл». Euro-Football.ru. Վերցված է 2016 թ․ օգոստոսի 15-ին.
  26. ↑ Данила Игнатов. (2016 թ․ հուլիսի 14). «Почему натурализация Марио Фернандеса — это хорошо». Чемпионат.com. Արխիվացված է օրիգինալից 2016 թ․ օգոստոսի 18-ին. Վերցված է 2016 թ․ օգոստոսի 15-ին.
  27. ↑ Ֆուտբոլիստի էջը Ռուսաստանի Պրեմիեր-լիգայի պաշտոնական կայքում (ռուս.)
  28. ↑ «ЦСКА – «Мордовия». Набабкин забил первый гол в карьере». Sports.ru. 2015 թ․ մարտի 14. Վերցված է 2016 թ․ օգոստոսի 15-ին.
  29. ↑ «Кирилл Набабкин провёл 100-й матч в РФПЛ за ПФК ЦСКА». Официальный сайт ПФК ЦСКА. 2015 թ․ մայիսի 4. Վերցված է 2016 թ․ օգոստոսի 16-ին.
  30. ↑ «Интервью с Леонидом Слуцким». Официальный сайт ПФК ЦСКА. 2015 թ․ հունիսի 2. Վերցված է 2016 թ․ հոկտեմբերի 10-ին. {{cite web}}: Invalid |url-status=404 (օգնություն)(չաշխատող հղում)
  31. ↑ Олег Пирожков (2015 թ․ օգոստոսի 31). «Набабкин — бомбардир! Акинфеев — чудотворец!». «Спорт-Экспресс». Վերցված է 2016 թ․ օգոստոսի 15-ին.
  32. ↑ Михаил Борзыкин (2015 թ․ օգոստոսի 30). «Гол Набабкина стал 500-м, забитым ЦСКА в гостях». «Советский спорт». Արխիվացված է օրիգինալից 2016 թ․ սեպտեմբերի 23-ին. Վերցված է 2016 թ․ օգոստոսի 16-ին.
  33. ↑ «ЦСКА сыграл вничью с «Анжи» в Махачкале». «Спорт-Экспресс». 2015 թ․ նոյեմբերի 29. Վերցված է 2016 թ․ օգոստոսի 15-ին.
  34. ↑ Павел Новиков. (2005 թ․ սեպտեմբերի 7). «Чернышов подарил Португалии победу». «Спорт-Экспресс». Վերցված է 2016 թ․ օգոստոսի 14-ին.
  35. ↑ «Дания (молодёжная) — Россия (молодёжная). Протокол матча». FootballFacts. 2005 թ․ նոյեմբերի 16. Վերցված է 2016 թ․ հոկտեմբերի 15-ին.
  36. ↑ «Эта молодёжка нам нужна!». RussiaTeam.ru. Արխիվացված է օրիգինալից 2018 թ․ հունվարի 20-ին. Վերցված է 2016 թ․ օգոստոսի 16-ին.
  37. ↑ Павел Краснов. (2007 թ․ սեպտեմբերի 12). «Слон разгадал турецкий гамбит». Газета.Ru. Վերցված է 2016 թ․ օգոստոսի 16-ին.
  38. ↑ Никита Камышев. (2008 թ․ սեպտեմբերի 5). «Молодёжная сборная России разгромила Грузию». «Советский спорт». Արխիվացված է օրիգինալից 2016 թ․ սեպտեմբերի 23-ին. Վերցված է 2016 թ․ օգոստոսի 16-ին.
  39. ↑ «10 игроков ЦСКА получили вызовы в свои национальные команды». «Спорт-Экспресс». 2011 թ․ օգոստոսի 1. Վերցված է 2016 թ․ հոկտեմբերի 14-ին.
  40. ↑ «Вторая сборная России обыграла молод`жную сборную России в товарищеском матче». Российский футбольный союз. 2011 թ․ օգոստոսի 11. Վերցված է 2016 թ․ հոկտեմբերի 14-ին.
  41. ↑ 41,0 41,1 Михаил Фридман. «Не ждали». RussiaTeam.ru. Արխիվացված է օրիգինալից 2016 թ․ ապրիլի 18-ին. Վերցված է 2016 թ․ օգոստոսի 15-ին.
  42. ↑ Сергей Егоров. (2012 թ․ հունիսի 1). «Набабкин и Малафеев выйдут в стартовом составе в матче с Италией». «Советский спорт». Արխիվացված է օրիգինալից 2016 թ․ սեպտեմբերի 23-ին. Վերցված է 2016 թ․ օգոստոսի 15-ին.
  43. ↑ «Италия — Россия. Протокол матча». Чемпионат.com. 2012 թ․ հունիսի 1. Արխիվացված է օրիգինալից 2016 թ․ հոկտեմբերի 18-ին. Վերցված է 2016 թ․ հոկտեմբերի 14-ին.
  44. ↑ «Капелло вызвал Набабкина». cskamoskva.ru. 2013 թ․ հունվարի 18. Վերցված է 2016 թ․ օգոստոսի 16-ին.
  45. ↑ Дмитрий Симонов, Егор Чернов (2014 թ․ օգոստոսի 30). «Дзюба + Капелло = ?». «Спорт-Экспресс». Վերցված է 2016 թ․ օգոստոսի 16-ին.
  46. ↑ «Кришито, Денисов, Набиуллин — пора в Европу?». Спорт «День за днём». Վերցված է 2016 թ․ օգոստոսի 15-ին.
  47. ↑ Владислав Усачев. (2015 թ․ մարտի 17). ««Ерёменко — лучший плеймейкер в России»». «Советский спорт». Արխիվացված է օրիգինալից 2016 թ․ սեպտեմբերի 23-ին. Վերցված է 2016 թ․ օգոստոսի 16-ին.
  48. ↑ Михаил Борзыкин. (2012 թ․ մայիսի 24). «Кто заменит Шишкина в сборной?». «Советский Спорт». Արխիվացված է օրիգինալից 2016 թ․ հոկտեմբերի 19-ին. Վերցված է 2016 թ․ հոկտեմբերի 14-ին.
  49. ↑ Павел Пучков. (2011 թ․ օգոստոսի 13). «Когда ничья сродни победе». Sport.ru. Վերցված է 2016 թ․ օգոստոսի 15-ին.
  50. ↑ Михаил Потапов. (2014 թ․ օգոստոսի 17). «Александр Бубнов: «От Набабкина мяч, как от дерева отскочил»». «Советский спорт». Արխիվացված է օրիգինալից 2016 թ․ սեպտեմբերի 23-ին. Վերցված է 2016 թ․ օգոստոսի 16-ին.
  51. ↑ «Кирилл Набабкин: «Вряд ли смог бы пойти на охоту и застрелить зверя»». 2015 թ․ սեպտեմբերի 8. Վերցված է 2016 թ․ հոկտեմբերի 14-ին.
  52. ↑ 52,0 52,1 «Биография Кирилла Набабкина». Официальный сайт ПФК ЦСКА. Վերցված է 2016 թ․ հոկտեմբերի 10-ին.
  53. ↑ 53,0 53,1 Александр Кружков. (2013 թ․ ապրիլի 23). «Почему я болею за Набабкина». «Спорт-Экспресс». Վերցված է 2016 թ․ հոկտեմբերի 10-ին.
  54. ↑ Илья Столяров (2015 թ․ սեպտեմբերի 8). «Кирилл Набабкин: «Постоянно хожу на хоккейные матчи. Бываю периодически на баскетболе»». «Советский спорт». Արխիվացված է օրիգինալից 2016 թ․ սեպտեմբերի 23-ին. Վերցված է 2017 թ․ փետրվարի 14-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Կիրիլ Նաբաբկին» հոդվածին։
 ⛭ 
  Թեմատիկ կայքեր
✯
 Այս հոդվածն ընտրվել է Հայերեն Վիքիպեդիայի օրվա հոդված:
Ստացված է «https://hy.wikipedia.org/w/index.php?title=Կիրիլ_Նաբաբկին&oldid=9781973» էջից