Միքայել Թավրիզյան

Միքայել Թավրիզյան
Հիմնական տվյալներ
Ծնվել է	մայիսի 27 (հունիսի 9), 1907; Բաքու, Ռուսական կայսրություն
Երկիր	ԽՍՀՄ
Մահացել է	հոկտեմբերի 17, 1957 (50 տարեկան); Երևան, Հայկական ԽՍՀ, ԽՍՀՄ
Մասնագիտություն	դիրիժոր և քաղաքական գործիչ
Գործիքներ	ալտ
Աշխատավայր	Ալեքսանդր Սպենդիարյանի անվան օպերայի և բալետի ազգային ակադեմիական թատրոն
Կրթություն	Բաքվի երաժշտական ակադեմիա (1926) և Սանկտ Պետերբուրգի կոնսերվատորիա (1934)
Պարգևներ	, , , ; , , , և

Միքայել Արսենի Թավրիզյան (մայիսի 27 (հունիսի 9), 1907, Բաքու, Ռուսական կայսրություն^[1] - հոկտեմբերի 17, 1957(1957-10-17)^[1], Երևան, Հայկական ԽՍՀ, ԽՍՀՄ^[1]), հայ դիրիժոր, ԽՍՀՄ ժողովրդական արտիստ (1956)։ ԽՍՀՄ պետական մրցանակակիր (1946, 1951)։

Կենսագրություն[խմբագրել | խմբագրել կոդը]

1923-1926 թվականներին սովորել է Բաքվի կոնսերվատորիայում, 1932 թվականին ավարտել Լենինգրադի կոնսերվատորիայի ալտի, 1934 թվականին՝ դիրիժորական բաժինները։ 1935 թվականից եղել է Երևանի օպերայի և բալետի թատրոնի դիրիժոր, 1938 թվականից՝ գլխավոր դիրիժոր, 1946 թվականից՝ գեղարվեստական ղեկավար։

Միքայել Թավրիզյանի հուշատախտակը Երևանում

Ղեկավարել է Միխայիլ Գլինկայի «Իվան Սուսանին», Նիկոլայ Ռիմսկի-Կորսակովի «Թագավորի հարսնացուն», Պյոտր Չայկովսկու «Պիկովայա դամա», «Իոլանտա», Ջուզեպպե Վերդիի «Տրավիատա», «Ռիգոլետտո», «Աիդա», «Օթելլո», Մեյերբերի «Հուգենոտներ» և այլն, իրականացրել, Արմեն Տիգրանյանի «Անուշ», «Դավիթ Բեկ», Տիգրան Չուխաճյանի «Արշակ Բ», Հարո Ստեփանյանի «Լուսաբացին», Արտեմի Այվազյանի «Թափառնիկոս», Անդրեյ Բաբաևի «Արծվաբերդ» օպերաների առաջին բեմադրությունները։

1948 թվականին հանդես է եկել Մոսկվայի Մեծ թատրոնում («Ռիգոլետտո», «Իոլանտա»)։

Թավրիզյանի կատարմանը բնորոշ էին ռոմանտիկական ոգեշնչվածությունը, մեղեդիական ճկունությունը և ռիթմի սուր զգացողությունը։ Հանդես է եկել նաև որպես սիմֆոնիկ դիրիժոր։ ԽՍՀՄ (1954-1958), ՀԽՍՀ (1947-1955) Գերագույն խորհրդի պատգամավոր։

Թավրիզյանի անունով կոչվել է երաժշտական դպրոց Երևանում^[2]։

Թավրիզյանի անունով կա նաև փողոց Երևանի Արաբկիր վարչական շրջանում։

Մրցանակներ, պարգևներ[խմբագրել | խմբագրել կոդը]

Ստալինյան մրցանակ
Լենինի շքանշան
ԽՍՀՄ ժողովրդական արտիստ
Հայկական ԽՍՀ արվեստի վաստակավոր գործիչ
ՀԽՍՀ ժողովրդական արտիստ
Աշխատանքային Կարմիր դրոշի շքանշան
«Պատվո նշան» շքանշան

Գրականություն[խմբագրել | խմբագրել կոդը]

Հ. Խանջյան, Միքայել Թավրիզյան, Երևան, 1957։

Աղբյուրներ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Тавризиан Михаил Арсеньевич // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
↑ Ով ով է. Կենսագրական հանրագիտարան. Հայեր, հատոր 1, Երևան, 2005, էջ 423-424։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 144)։

[_223cbcf7b598abad-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Тавризиан Михаил Арсеньевич // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[2] Ով ով է. Կենսագրական հանրագիտարան. Հայեր, հատոր 1, Երևան, 2005, էջ 423-424։

[1]

[2]