Միշել Սուլեյման
Գեներալ Միշել Սուլեյման, ինչպես նաև հանդիպում է ֆրանսերեն տարբերակը Սլեյման (ֆր.՝ Michel Sleiman, արաբ․՝ ميشال سليمان նոյեմբերի 21, 1948[1][2], Համշիտ, Ջբեյլի շրջան, Լեռնային Լիբանան, Լիբանան), լիբանանցի պետական և ռազմական գործիչ, Լիբանանի նախագահ 2008 թվականի մայիսի 25-ից մինչև 2014 թվականի մայիսի 25-ը։
Կենսագրություն[խմբագրել | խմբագրել կոդը]
Կրթություն[խմբագրել | խմբագրել կոդը]
1980 թվականին ավարտել է Լիբանանի համալսարանը՝ քաղաքական և վարչական գիտությունների ակադեմիկոսի դիպլոմով։
Նա անցել է զինվորական պատրաստություն Բելգիայում (1971 թվական), Ֆրանսիայում (1981 թվական) և ԱՄՆ-ում (1995 թվական)։
Խոսում է արաբերեն, անգլերեն և ֆրանսերեն։
Ռազմական կարիերա[խմբագրել | խմբագրել կոդը]
1970 թվականին ավարտել է ռազմական ակադեմիան՝ 2-րդ լեյտենանտի կոչումով։
1990-ական թվականներին Սուլեյմանը ղեկավարել է հետևակային զորամիավորումը, որը մասնակցում էր Հարավային Լիբանանում[4]. իսրայելական բանակի հետ բռնկված ռազմական բախումներին։ 1988 թվականից, նախագահական պաշտոնում Էմիլ Լահուդի ընտրվելուց հետո, զբաղեցրել է լիբանանյան բանակի գլխավոր հրամանատարի պարտականությունը։
Լիբանանի նախագահի պաշտոնում[խմբագրել | խմբագրել կոդը]
2008 թվականի մայիսի 25-ից Լիբանանի նախագահն է։ Ընտրվել է խորհրդարանի կողմից, որպես միակ թեկնածու, հավաքելով ավելի քան 90 % քվե, Լիբանանի խոշոր քաղաքական կուսակցությունների միջև համաձայնությամբ, այն քաղաքական ճգնաժամի լուծմամբ, որը սկսվել էր 2007 թվականի նոյեմբերի 23-ին՝ Էմիլ Լահուդի նախագահական լիազորությունների ավարտից հետո։
Պարգևներ[խմբագրել | խմբագրել կոդը]
Լիբանանի պարգևներ[խմբագրել | խմբագրել կոդը]
- «Արժանիքների համար» հատուկ կարգի շքանշան (2008 թվական)
- «Արժանիքների համար» 1-ին կարգի շքանշան (1998 թվական)
- «Արժանիքների համար» 2-րդ կարգի շքանշան (1993 թվական)
- «Արժանիքների համար» 3-րդ կարգի շքանշան (1985 թվական)
- Կեդրի Ազգային շքանշան Մեծ ժապավեն (1999 թվական)
- Կեդրի Ազգային Ասպետի շքանշան (1993 թվական)
- Պատերազմի մեդալ (1992 թվական)
- Ազգային միասնության մեդալ(1993 թվական)
- Հարավային լուսաբացի մեդալ (1993 թվական)
- «Ռազմական արժանիքների համար» բրոնզե մեդալ (1994 թվական)
- Ազգային անվտանգության մեդալ (2001 թվական)
- Պետական անվտանգության մեդալ (2001 թվական)
- Ընդհանուր անվտանգության մեդալ (2001 թվական)
- Ռազմական մեդալ (2003 թվական)
Օտարերկրյա պարգևներ[խմբագրել | խմբագրել կոդը]
- Թագավոր Աբդել Ազիզի շքանշանի շղթա (Սաուդյան Արաբիա, 2008 թվական)
- Մեծ խաչ շքանշանի շղթայի վրա «Իտալիայի Հանրապետության մատուցած ծառայության համար» (Իտալիա, 2008 թվական)
- Մուբարաք Մեծի շքանշանի շղթա (Քուվեյթ, 2009 թվական)
- Խալիֆայական շքանշանի շղթա (Բահրեյն, 2009 թվական)
- Զաիդի շքանշանի շղթա (ԱՄԷ, 2009 թվական)
- Օմանի ռազմական շքանշանի շղթա (Օման, 2009 թվական)
- Պատվո լեգեոնի մեծ խաչ (Ֆրանսիա, 2009 թվական)
- Ռումինիայի Աստղի շքանշանի շղթա (Ռումինիա, 2009 թվական)
- Իզաբելլա կաթոլիկի շքանշանի շղթա (Իսպանիա, 2009 թվական)
- Արժանապատիվ արժանիքների pro Merito Melitensi շքանշանի շղթա (Մալթայի շքանշան, 2009 թվական)
- Մակարիոս III-ի շքանշանի մեծ շղթա (Կիպրոս, 2010 թվական)
- Հարավային Խաչի շքանշանի մեծ շղթա (Բրազիլիա, 2010 թվական)
- «Արժանիքների համար» Մեծ խաչի շքանշան (Սիրիա, 2006 թվական)
- Իշխան Յարոսլավ Իմաստունի IV աստիճանի շքանշան (Ուկրաինա, 2002 թվական)
- Պատվո շքանշան (Հայաստան, 2011 թվական)
- «Մարտական համագործակցության ամրապնդման համար» մեդալ (Ռուսաստանի պաշտպանության նախարարություն, 2007 թվական)
- Այլ մեդալներ
Պատվավոր գիտական աստիճաններ[խմբագրել | խմբագրել կոդը]
- Մոսկվայի միջազգային հարաբերությունների պետական ինստիտուտի (Համալսարան) պատվավոր դոկտոր (Ռուսաստան, 2010 թվական)
Ընտանիք[խմբագրել | խմբագրել կոդը]
Կինը՝ Վաֆա Սուլեյմանն է[5]։
Ամուսիններն ունեցել են երեք երեխա՝
- Ռիտան ատամնաբույժ է, ամուսնացած է ինժեներ Վիսսամ Բարուդիի հետ, ունեն երեք երեխա։
- Լարան ինժեներ-ճարտարապետ է, ամուսնացած է ինժեներ Նաբիլ Նավաթի հետ, ունեն մեկ երեխա։
- Շարբելը ուսանող բժիշկ է։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- Награды Президента Ливана Archived 2011-02-20 at the Wayback Machine.(ֆր.)
- Биография Президента Ливана Archived 2010-06-15 at the Wayback Machine.
| ||||||
