Հերմիոնա Գրեյնջեր

Հարի Փոթերի աշխարհի կերպար
Հերմիոնա Գրեյնջեր
Սեռ	իգական
Մազերի գույն	շագանակագույն
Ֆակուլտետ	Գրիֆինդոր
Արյունի մաքրություն	Մագլածնունդ
Կողմ	Փյունիկի օրդեն, Դամբլդորի խումբ
Պատրոնուս	ջրասամույր
Առաջին հայտնվելը	«Փիլիսոփայական քար»
Դեր ֆիլմերում	Էմմա Ուոթսոն

Հերմիոնա Ջին Գրեյնջերը (անգլ.՝ Hermióne Jéan Gránger , ծն. 1979 սեպտեմբեր 19 Հարի Փոթեր վիպաշարի գլխավոր հերոսուհիներից մեկն է, Հարի Փոթերի ընկերուհին, Ռոն Ուիզլիի ապագա կինը։

Տասնմեկ տարեկանում աղջիկը պարզեց, որ կախարդուհի է ու գրանցված է Հոգվարդսում։ Դպրոցում Տեսակավորող գլխարկը ուղարկում է նրան Գրիֆֆինդոր ֆակուլտետ, որտեղ սովորում էին նաև Հարի Փոթերը և Ռոն Ուիզլին՝ նրա ամենալավ ընկերները։

Կախարդական փայտիկ

Հերմիոնայի փայտիկը խաղողի վազից է, միջուկը՝ վիշապաջիլ, 12 դյույմ, 24 գրամ։ Այս փայտիկը ծառայել է Հերմիոնային մինչև 1998 թվականի մարտի վերջը։ Երբ Հերմիոնան, Հարրին և Ռոնը հայտնվում են Մալֆոյների տանը, Բելլատրիսա Լետրեյնջը նրանց իրերի նեջ նկատում է Գրիֆֆինդորի սուրը և սկսում է տանջել Հերմիոնային, փորձելով պարզել, թե ինչպես է սուրը նրանց մոտ հայտնվել։ Այդ ժամանակ նա տղաներին ուղարկում է նկուղ։ Նրանց հաջողվում է դուրս գալ այդտեղից և խլել Բելլատրիսա Լեստրեյնջի և Դրագո Մալֆոյի փայտիկները։ Էնման վերցնում է Բելլատրիսայի փայտիկը, քանի որ իր փայտիկը կոտրել էին։ Երկրորդ կախարդական պատերազմից հետո Հերմիոնան վերցնում է ուրիշ փայտիկ, որի մասին գրքում ոչինչ չի ասվում։

Ընդհանուր նկարագրում

Հերմիոնան ունի շագանակագույն աչքեր և մազեր։ Տեսքը «Հարի Փոթերը և փիլիսոփայական քարը» գրքում նկարագրված է այսպես. «աղջիկ հաստ շագանակագույն մազերով... նրա առջևի ատամները քիչ երկար էին»։ Ունի կատու, որին գնել է ծննդայան օրը ծնողներից ստացած գումարով։

Հերմիոնան շատ է սիրում սովորել և ուսմանը հատկացնում է շատ ժամանակ։ Երբեմն շատ բարձր կարծիքի է իր մասին և հպարտանում է ուսման մեջ հաջողություններով։ Դասերի ընթացքում միշտ փորձում է պատասխանել առաջինը և կիսվել գիտելիքներով։ Շատերը նրան համարում են ամենագետ։

Առաջին տպավորությունը նրա մասին սխալ է. ճիշտ է, ուսումը նրա համար շատ բան է նշանակում, բայց նա ունի ավելի կարևոր հատկություններ։

Հերմիոնան ուսման մեջ շատ է օգնում Հարրիին և Ռոնին և նույնիսկ թույլ է տալիս արտագրել տնային հանձնարարությունները։ Նրանք հաճախ են խոստովանում, որ առանց Հերմիոնայի շատ դժվար կլիներ սովորելը, և նրա օգնությունը շատ կարևոր է նրանց համար։

«Հարի Փոթերը և փյունիկյան միաբանությունը» գրքում Հերմիոնան խոստովանում է, որ Տեսակավորող գլխարկը առաջարկել է նրան ընտրել Կոտգևրան ֆակուլտետը, որտեղ սովորում են ամենախելացիները։

Հերմիոնան խիզախ և խելացի աղջիկ է, ով միշտ պատրաստ է օգնության հասնել ընկերներին։ Հերմիոնայի ծմողները մագլեր են, և Հարմոնիան մագլածնունդ կախարդուհի է։

Դերը գրքերում

Առաջին գիրք. Ռոնը և Հարրին գնում են Հոգվարդս և գնացքում հանդիպում են Հերմիոնային։ Նրանք ընդունում են Հերմիոնային որպես խելացի և ամենագետ աղջիկ։ Հոգվարդսում նրանք խախտում են կանոնները և պատժվում են մութ անտառում։

Երկրորդ գիրք. Գրքում Հերմիոնան հայտնվում է երրորդ գլխում, երբ Հարրին այցելում է Ուիզլիների ընտանիքին։ Հոգվարդսում ընկերները բացահայտում են գաղտնիքների սենյակի գաղտնիքը։

Երրորդ գիրք. Արձակուրդներին Հերմիոնան ծնողների հետ մեկնում է Ֆրանսիա և Հարրիին ծննդյան օրվա կապակցությամբ նվեր է ուղարկում։ Հոգվարդսում Հերմիոնեն պրեֆեսոր ՄաքԳոնագալից ստանում է ժամանակի պտուտակ, որի շնորհիվ կարող է լինել միանգամից երկու տեղում։ Ժամանակի պտուտակի շնորհիվ Հերմիոնան բաց չի թողնում իր սիրելի դասաժամերը։

Չորրորդ գիրք. Հարրին մասնակցում է Երեք Հրաշագործներ մրցույթում, և Հերմիոնան օգնում է նրան։ Ռոնը և Հարրին վիճում են։ Շուտով Հերմիոնան էլ է վիճում Ռոնի հետ։ Պարահանդես Հերմիոնեն գնում է Վիկտոր Կրամի հետ։

Հինգերորդ գիրք. Հերմիոնան առաջարկում է Հարրիին ստեղծել գաղտնի խումբ և աշակերտներին կախարդություն սովորեցնել։ Նրանց բացահայտում են և նախարարությունը որոշում է կայացնում Աուգուստ Դամբլդորին տանել Ազկաբան։

Վեցերորդ գիրք. Հարրին պատահմամբ ձեռք է բերում Խառնածին արքայազնի դասագիրքը և փորձում է բացահայտել, թե ում է իրականում պատկանում գիրքը։ Հերմիոնեն սկսում է հետաքրքրվել Ռոնով, սակայն Ռոնը, չնկատելով դա, սկսում է հանդիպել Լավանդա Բրաունի հետ։

Յոթերորդ գիրք. Հերմիոնան մեծ դեր է կատարում վերջին՝ յոթերորդ գլխում։ Նա օգնում է գտնել Վոլան դե Մորթի հորկրուքսները և վերացնել դրանք։ Փրկում է Հարրիի կյանքը Նագիննա օձից։

Հերմիոնան ամուսնանում է Ռոն Ուիզլիի հետ։ Ունենում են երկու երեխա-դուստր Ռոզան և որդի Հյուգոն։

Անունը

Հերմիոնա անունը կապված է հունական աստված Հերմեսի անվան հետ։ Ռոուլինգը այս անունը վերցրել է հունական առասպելից, որտեղ Հերմիոնա անունը թագուհի է կրում։ Ռոուլինգը հատուկ է վերցրել այս քիչ հանդիպող անունը, որպեսզի դպրոցներում գրքի հերոսի անունը կրող մարդկանց չծաղրեն։