Եռափեղկ փականի անբավարարություն

Վիքիպեդիայից՝ ազատ հանրագիտարանից
Jump to navigation Jump to search
Եռափեղկ փականի անբավարարություն
Severe tricuspid regurgitation E00572 (CardioNetworks ECHOpedia).jpg
Եռափեղկ փականի ծանր անբավարարության էխոկարդիոգրաֆիկ պատկեր
Տեսակdisease (class)?
ՊատճառԲարձր զարկերակային ճնշում, այլ սրտային խնդիրներ[1]
Հիվանդության ախտանշաններՍրտային անբավարարություն[2]
Բժշկական մասնագիտությունՍրտաբանություն
ՀՄԴ-9397.0
ՀՄԴ-10I07.1 և I36.1
ՀոմանիշներԵռափեղկ անբավարարություն, եռափեղկ ռեգուրգիտացիա, տրիկուսպիդ հետհոսք
ԱխտորոշումԷխոկարդիոգրաֆիա[1]
ԲուժումՄիզամուղներ, վիրահատություն[1]
Commons-logo.svg Tricuspid valve insufficiency Վիքիպահեստում

Եռափեղկ փականի անբավարարություն, կոչվում է նաև տրիկուսպիդալ անբավարարություն, սրտի փականային հիվանդության տեսակ է, որի դեպքում աջ նախասրտի և աջ փորոքի միջև տեղակայված փականը չի կարողանում ամբողջությամբ փակվել սիստոլայի ընթացքում։ Այդ դեպքում արյունը հետ է հոսում աջ փորոքից դեպի աջ նախասիրտ, ինչի արդյունքում աջ նախասրտում և աջ փորոքում ճնշումը մեծանում է[1]։ Արդյունքում մեծանում է կենտրոնական երակային ճնշումը։

Եռափեղկ փականի անբավարարության պատճառները բաժանվում են երկու խմբի՝ ժառանգական և ձեռքբերովի։ Եռափեղկ փականի առաջնային անբավարարությունը առաջանում է, երբ եռափեղկ փականը ախտահարվում է ինֆեկցիոն էնդոկարդիտի դեպքում։ Երկրորդային ախտահարումը առաջանում է այլ հիվանդության արդյունքում, օրինակ՝ ձախ փորոքային անբավարարություն կամ թոքային հիպերտենզիա։

Եռափեղկ փականի անբավարարության պատճառն է փականի հիմքի լայնացումը աջ փորոքի լայնացման ժամանակ, որի դեպքում փականի թերթիկները իրարից հեռանում են։ Անբավարարություն զարգանում է նաև փականների ախտահարման ժամանակ[3]։

Նշաններ և ախտանիշներ[խմբագրել | խմբագրել կոդը]

Եռափեղկ փականի անբավարարության ախտանիշները կախված են անբավարարության ծանրությունից։ Ծանր անբավարարությունը առաջացնում է աջ սրտի անբավարարություն, ինչի արդյունքում կարող է զարգանալ ասցիտ և ծայրամասային այտուցներ[3]։

Աուսկուլտացիայով կարող է լսվել պանսիստոլիկ աղմուկ։ Աղմուկը ցածր հաճախականության է և ամենալավը լսվում է կրծոսկրի ստորին ձախ սահմանին։ Այն ուժեղանում է ներշնչման ժամանակ և թուլանում է արտաշնչման ժամանակ։ Այդ փոփոխությունը հայտնի է որպես Կարվալլոյի նշան։ Այնուամենայնիվ, աղմուկները կարող են չլսվել՝ սրտի աջ կողմում ցածր ճնշումների պատճառով։ Լսվում է սրտի երրորդ տոնը՝ ստորին կրծոսկրային սահմանին։ Այդ տոնը ուժեղանում է ներշնչման ժամանակ[4][5]։

Պարանոցի հետազոտման ժամանակ հայտնաբերվում են գիգանտ C-V ալիքներ՝ լծային անոթազարկում[6]։ Ծանր անբավարարության ժամանակ հայտնաբերվում է մեծացած լյարդ՝ որովայնի վերին աջ քառանկյունում։ Շոշափման ժամանակ կարելի է հայտնաբերել լյարդի պոիւլսացիան։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 MedlinePlus|MedlinePlus Encyclopedia Tricuspid regurgitation
  2. Disease Ontology — 2016.
  3. 3,0 3,1 Regurgitation 158484, բաժին Tricuspid Regurgitation(անգլ.) EMedicine կայքում
  4. «Tricuspid Valve Disease & Tricuspid regurgitation (TR) | Patient»։ Patient (en-GB)։ Վերցված է 2015-12-14 
  5. Berg Dale, Worzala Katherine (2006-01-01)։ Atlas of Adult Physical Diagnosis։ Lippincott Williams & Wilkins։ էջ 90։ ISBN 9780781741903 
  6. Rehman Habib Ur (2013)։ «Giant C-V Waves of Tricuspid Regurgitation»։ New England Journal of Medicine 369 (20): e27։ PMID 24224640։ doi:10.1056/NEJMicm1103312 

Արտաքին հղումներ[խմբագրել | խմբագրել կոդը]