Աննեմարի Հենրիխ
Աննեմարի Հենրիխ գերմ.՝ Annemarie Heinrich | |
---|---|
Ծնվել է | հունվարի 9, 1912[1][2] |
Ծննդավայր | Դարմշտադտ, Գերմանական միություն[3] |
Մահացել է | սեպտեմբերի 22, 2005[2] (93 տարեկան) |
Մահվան վայր | Բուենոս Այրես, Արգենտինա[3] |
Գերեզման | Լա Չակարիտա գերեզմանատուն |
Քաղաքացիություն | Արգենտինա և Գերմանիա[4] |
Մասնագիտություն | լուսանկարիչ |
Պարգևներ և մրցանակներ | |
Annemarie Heinrich Վիքիպահեստում |
Աննեմարի Հենրիխ (գերմ.՝ Annemarie Heinrich[5]), հունվարի 9, 1912[1][2], Դարմշտադտ, Գերմանական միություն[3] - սեպտեմբերի 22, 2005[2], Բուենոս Այրես, Արգենտինա[3]), գերմանական ծագումով արգենտինացի կին լուսանկարիչ, որը հիմնականում մասնագիտացած է դիմանկարների և մերկ բնօրինակ անձանց պատկերման ոլորտում[5][6]։
Հենրիխն առավել հայտնի է արգենտինական կինոյի տարբեր հայտնիների իր լուսանկարչական դիմանկարներով, ինչպիսիք են Տիտա Մերելյոն, Կարմեն Միրանդան, Սուլի Մորենոն և Միրտա Լեգրանը, ինչպես նաև այլ մշակութային գործիչներ, ինչպիսիք են Խորխե Լուիս Բորխեսը, Պաբլո Ներուդան և Էվա Պերոնը[5][7][8]։ Լուսանկարել է նաև բնական և քաղաքային բնապատկերներ, կենդանիներ և աբստրակցիաներ[9]։ Հատկապես կարևոր են նրա այն լուսանկարները, որոնք նվիրված են Հարավային Ամերիկայի ազգագրությանը և արտացոլում են այդ մայրցամաքում տեղի ունեցած փոփոխությունները 20-րդ դարի ընթացքում[10]։
Վաղ կենսագրություն[խմբագրել | խմբագրել կոդը]
Աննեմարի Հենրիխը ծնվել է գերմանական Դարմշտադտ քաղաքում։ Մինչև 1926 թվական դպրոց է հաճախել Բեռլինում, նախքան նրանց ընտանիքը տեղափոխվել է Լարոկ (Արգենտինայի Էնտրե Ռիոս նահանգ)։ Հայրը վիրավորվել է Առաջին համաշխարհային պատերազմի ժամանակ։ Հենրիխը սովորել է պար, երաժշտություն և բեմանկարչություն, ինչը հետագայում օգնել է նրա յուրահատուկ լուսանկարչական ոճի և լուսավորության դրամատիկ կիրառման ձևավորմանը[11]։
Հենրիխը լուսանկարչություն է սովորել եվրոպայից արտագաղթած լուսանկարիչների, այդ թվում ավստրիացի լուսանկարիչ Մելիտա Լանգի մոտ[12]։
Կարիերա[խմբագրել | խմբագրել կոդը]
1930 թվականին Հենրիխը բացել է իր առաջին լուսանկարչական ստուդիան Բուենոս Այրեսի արվարձաններից մեկում՝ Վիլլա Բալեստերում[13]։ Նույն տարում ամուսնացել է գրող Ռիկարդո Սանգվինետիի հետ, ով հանդես է եկել Ալվարո Սոլ կեղծանունով[14]։ Երկու տարի անց տեղափոխվել է ավելի մեծ ստուդիա և սկսել լուսանկարել Կոլոն թատրոնի դերասաններին[6][7]։
Հենրիխը եղել է Արգենտինայի լուսանկարչական ակումբի (իսպ.՝ Foto Club Argentino) համահիմնադիրը, ինչպես նաև Արգենտինայի լուսանկարչության խորհրդի (իսպ.՝ Consejo Argentino de Fotografía) և Լատինական Ամերիկայի լուսանկարչության խորհրդի (իսպ.՝ Consejo Latinoamericano de Fotografía) հիմնադիր անդամ[14]։ Նրա աշխատանքները 40 տարի զարդարել են այնպիսի ամսագրերի շապիկներ, ինչպիսիք են El Hogar, Sintonía, Alta Sociedad, Radiolandia և Antena[5][6]:
Երկրորդ համաշխարհային պատերազմի ժամանակ Հենրիխը եղել է հակապատերազմական «Արգենտինական խորհուրդ հանուն խաղաղության» շարժման անդամ (իսպ.՝ Consejo Argentino por la Paz)։ Եղել է նաև Հաղթանակի խորհրդի անդամ (իսպ.՝ Junta de la Victoria) կանանց միավորում, որը դեմ էր ֆաշիզմին և հանդես էր գալիս դաշնակիցների օգտին[14]։ Համաշխարհային պատերազմի ավարտից հետո Հենրիխը ճանապարհորդել է ամբողջ Եվրոպայում՝ ցուցադրելով իր աշխատանքները Հռոմում, Միլանում, Փարիզում և Ցյուրիխում[14]։ 1950-ականներին Հենրիխը եղել է «Տասնյակների խմբի» անդամ (իսպ.՝ Carpeta de los diez), որը միավորել է մոդեռնիստ լուսանկարիչներին[15]։
1991 թվականին Հենրիխը դատարանի առաջ է կանգնել Ավենիդա Կալյաոյի ստուդիայի պատուհանում իր մերկ լուսանկարներից մեկի ցուցադրման համար։ Նրա աջակցության համար ազգային և միջազգային ընդվզումը, ինչպես նաև լուսանկարի գեղագիտական արժեքի ճանաչումը հանգեցրել են նրան, որ գործը կարճվել է[16]։
2015 թվականին Բուենոս Այրեսի Լատինական Ամերիկայի արվեստի թանգարանը կազմակերպել է նրա ստեղծագործությունների հետահայաց ցուցադրությունը[13]: Հենրիխի աշխատանքներն առաջին անգամ ցուցադրվել են Նյու Յորքում, 2016 թվականին, Նաիլի Ալեքսանդեր պատկերասրահում՝ «Աննեմարի Հենրիխ՝ գլամուրը և արդիականությունը Բուենոս Այրեսում» (անգլ.՝ Annemarie Heinrich: Glamour and Modernity in Buenos Aires) Aires ցուցահանդեսի շրջանակներում[17]։
2016 թվականին Հենրիխի աշխատանքների արխիվը թվայնացվել էր վտանգված արխիվների պահպանման ծրագրի շրջանակներում, որն իրականացվել էր Բրիտանական գրադարանի և Ազգային համալսարանի Արվեստի և մշակութային հետազոտությունների ինստիտուտի կողմից փետրվարի 3-ին[10]։
Աննեմարի Հենրիխը եղել է Բուենոս Այրես քաղաքի պատվավոր քաղաքացի[18]։
Պատկերասրահ[խմբագրել | խմբագրել կոդը]
-
Էվա Պերոն, 1939
-
«Աղավնի» (իսպ.՝ La Paloma), 1945
-
Միրտա Լեգրան, մոտ. 1955
-
«Պինկի», 1964
Ծանոթագրություններ[խմբագրել | խմբագրել կոդը]
- ↑ 1,0 1,1 RKDartists (նիդերլ.)
- ↑ 2,0 2,1 2,2 2,3 2,4 Discogs — 2000.
- ↑ 3,0 3,1 3,2 3,3 3,4 3,5 Deutsche Nationalbibliothek Record #139581065 // Gemeinsame Normdatei (գերմ.) — 2012—2016.
- ↑ Ժամանակակից արվեստի թանգարանի առցանց հավաքածու
- ↑ 5,0 5,1 5,2 5,3 «Murió Annemarie Heinrich, la fotógrafa mayor de la Argentina». Clarín. 2005 թ․ սեպտեմբերի 23. Արխիվացված օրիգինալից 2016 թ․ մարտի 3-ին. Վերցված է 2021 թ․ օգոստոսի 11-ին.
- ↑ 6,0 6,1 6,2 «Annemarie Heinrich, maestra de la luz». La Nación. 2005 թ․ սեպտեմբերի 23. Արխիվացված օրիգինալից 2016 թ․ հունիսի 1-ին. Վերցված է 2021 թ․ օգոստոսի 11-ին.
- ↑ 7,0 7,1 «El poder de una mirada». Government of Буэнос-Айрес. Արխիվացված օրիգինալից 2019 թ․ հունվարի 22-ին. Վերցված է 2021 թ․ օգոստոսի 11-ին.
- ↑ Carmen María Ramos (2004 թ․ հոկտեմբերի 31). «Annemarie Heinrich: lo bello y lo profundo». La Nación. Արխիվացված օրիգինալից 2019 թ․ հունվարի 23-ին. Վերցված է 2021 թ․ օգոստոսի 11-ին.
- ↑ Miles, Robert (2015 թ․ նոյեմբերի 26). «EAP755: Annemarie Heinrich Photograph Collection». Endangered Archives Programme. Արխիվացված օրիգինալից 2018 թ․ հունիսի 15-ին. Վերցված է 2021 թ․ օգոստոսի 11-ին.
- ↑ 10,0 10,1 «A modern gaze on old cultural practices in Argentina: relocation and preservation of the 'Heinrich Sanguinetti Archive' (1930-1956) (EAP755)». British Library Endangered Archives Programme. Արխիվացված օրիգինալից 2021 թ․ օգոստոսի 15-ին. Վերցված է 2021 թ․ օգոստոսի 11-ին.
- ↑ Foster, David William (2014). «Annemarie Heinrich: Photography, Women's Bodies, and Semiotic Excess». Argentine, Mexican, and Guatemalan Photography: Feminist, Queer, and Post-Masculinist Perspectives. University of Texas Press. էջ 23.
- ↑ Niedermaier, Alejandra (2008). La mujer y la fotografía : una imagen espejada de autoconstrucción y construcción de la historia (իսպաներեն). Buenos Aires: Leviatán. էջեր 110–111.
- ↑ Facio, Sara. «Comentario sobre Desnudo». Museo Nacional de Bellas Artes (իսպաներեն). Արխիվացված օրիգինալից 2021 թ․ մայիսի 13-ին. Վերցված է 2021 թ․ օգոստոսի 11-ին.
- ↑ 14,0 14,1 14,2 14,3 «Annemarie Heinrich». Nailya Alexander Gallery. Արխիվացված օրիգինալից 2021 թ․ մայիսի 12-ին. Վերցված է 2021 թ․ օգոստոսի 11-ին.
- ↑ Phaidon Editors (2019). Great women artists. Phaidon Press. էջ 180. ISBN 0714878774.
{{cite book}}
:|last1=
has generic name (օգնություն) - ↑ Facio, Sara. «Comentario sobre Desnudo». Museo Nacional de Bellas Artes (իսպաներեն). Արխիվացված օրիգինալից 2021 թ․ մայիսի 13-ին. Վերցված է 2021 թ․ օգոստոսի 11-ին.
- ↑ «Annemarie Heinrich: Glamour and Modernity in Buenos Aires». Nailya Alexander Gallery. 2016 թ․ հունվարի 7. Արխիվացված է օրիգինալից 2016 թ․ փետրվարի 12-ին. Վերցված է 2021 թ․ օգոստոսի 11-ին.
- ↑ «Buenos Aires». proa.org (իսպաներեն). Արխիվացված օրիգինալից 2021 թ․ օգոստոսի 10-ին. Վերցված է 2021 թ․ օգոստոսի 11-ին.
Արտաքին հղումներ[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Աննեմարի Հենրիխ» հոդվածին։ |
|