Ադոլֆ ֆոն Հիլդեբրանդ

Վիքիպեդիայից՝ ազատ հանրագիտարանից
Jump to navigation Jump to search
Ադոլֆ ֆոն Հիլդեբրանդ
գերմ.՝ Adolf Hildebrand
Billdnis (1870).jpg
Ծնվել էհոկտեմբերի 6, 1847(1847-10-06)[1][2][3][…]
ԾննդավայրՄարբուրգ, Giessen Government Region, Հեսսեն, Գերմանիա
Մահացել էհունվարի 18, 1921(1921-01-18)[1][2][4][…] (73 տարեկան)
Վախճանի վայրըՄյունխեն, Վայմարյան Հանրապետություն[5]
ՔաղաքացիությունFlag of Germany (3-2 aspect ratio).svg Գերմանիա
ԿրթությունՆյուրնբերգի գեղարվեստի ակադեմիա
Ժանրդիմապատկեր
Մասնագիտությունքանդակագործ, համալսարանի դասախոս և ճարտարապետ
ԱշխատավայրՎրոցլավի համալսարան, Ենայի համալսարան և Մյունխենի գեղարվեստի ակադեմիա
Ծնողներհայր՝ Բրունո Հիլդեբրանդ
Պարգևներ և
մրցանակներ
Գիտության և արվեստի Բաբարիական Մաքսիմիլիանի շքանշան և Արվեստի և գիտության ոլորտում ունեցած վաստակի շքանշան
ԱնդամությունԲեռլինի սեցեսիոն[6]
ԵրեխաներDietrich von Hildebrand?
Commons-logo.svg Adolf von Hildebrand Վիքիպահեստում

Ադոլֆ ֆոն Հիլդեբրանդ (հոկտեմբերի 6, 1847(1847-10-06)[1][2][3][…], Մարբուրգ, Giessen Government Region, Հեսսեն, Գերմանիա - հունվարի 18, 1921(1921-01-18)[1][2][4][…], Մյունխեն, Վայմարյան Հանրապետություն[5]), գերմանացի քանդակագործ, գեղանկարիչ, գծանկարիչ, մանկավարժ և արվեստի տեսաբան։ Փիլիսոփա Դիտրիխ ֆոն Հիլդեբրանդի հայրն է։

Կենսագրություն[խմբագրել | խմբագրել կոդը]

Ծնվել է Մարբուրգում, տնտեսագետ Բրունո Հիլդեբրանդի ընտանիքում։ Ուսանել է Նյուրնբերգի (1864—66), ապա՝ Մյունխենի գեղարվեստի դպրոցում (1866—67):

Նրա վրա մեծ ազդեցություն է գործել 1867 թվականին Իտալիայում կատարած ճամփորդությունն ու ծանոթությունը անտիկ և Վերածննդի դարաշրջանների արվեստի գործերին, որոնց խորաքնին ուսումնասիրության հիման վրա մշակել է իր ինքնատիպ ստեղծագործական մեթոդը, դարձել գերմանացի նկարիչների «Հռոմեական խմբակի» հիմնադիրներից մեկը։

Հիլդեբրանդն ստեղծագործել է եվրոպական մի շարք քաղաքներում, այդ թվում՝ Բեռլինում, Մյունխենում, Վիեննայում, Փարիզում՝ իր ուժերը փորձելով կերպարվեստի տարբեր տեսակներում (քանդակագործություն, գեղանկարչություն, գծանկարչություն...): 1873 թվականից բնակություն է հաստատել Ֆլորենցիայում։ 1889 թվականին սկսել է աշխատել իր գլուխործոցներից մեկի՝ Մյունխենի Վիտելսբախյան շատրվանի արձանախմբի ստեղծման վրա, որը հետագայում՝ Երկրորդ համաշխարհային պատերազմի տարիներին ավերվել է ռմբակոծության հետևանքով։ Ստեղծագործելու հետ մեկտեղ՝ Ադոլֆ Հիլդեբրանդն արվեստի հմուտ ու խորագիտակ տեսաբանի համբավ է ձեռք բերել և, բացի այդ, զբաղվել է մանկավարժական աշխատանքով. դասախոսել է Վրոցլավի (Բրեսլաուի), Ենայի, Մարբուրգի համալսարաններում։

1891 թվականին պարգևատրվել է պրուսական Pour le Mérite շքանշանով։ 1904 թվականին Բավարիայի արքան նրան ասպետական տիտղոս ու պատիվներ է շնորհել։

Ադոլֆ ֆոն Հիլդեբրանդը մահացել է 74 տարեկան հասակում, Մյունխենում։

Գործունեությունը[խմբագրել | խմբագրել կոդը]

Կրել է գեղանկարիչ Հ. ֆոն Մարեի և իդեալիստ գեղագետ Կ. Ֆիդլերի ազդեցությունը։ Նրա արվեստին բնորոշ է ներքին ինքնամփոփություն, կերպարների որոշ սառնություն, պլաստիկություն, ձևերի ստատիկություն և կոմպոզիցիայի արխիտեկտոնիկ հստակություն («Ադամ», 1878, Կերպարվեստի թանգարան, Լայպցիգ, «Գունդ խաղացողը» («Պատանի»), 1884, Ազգային պատկերասրահ, Բեռլին, երկուսն էլ՝ մարմար)։ Արվեստում ձևերի և տարածական պատկերացումների փոխներգործության հիմնական օրինաչափությունները բացարձակացնող Հիլդեբրանդի իդեալիստական կոնցեպցիաները զարգացրել են 19-րդ դարի վերջի և 20-րդ դարի սկզբի արվեստաբաններ Հ. Վյոլֆլինը, Ա. Ռիգլը և ուրիշներ։ Հայտնի է Հիլդեբրանդիի «Ձևի պրոբլեմը կերպարվեստում» (1893) աշխատությունը։

Երկեր[խմբագրել | խմբագրել կոդը]

  • Das Problem der Form in der Bildenden Kunst. Straßburg 1893.
  • Henning Bock (Kunsthistoriker)|Henning Bock (Hrsg.): Gesammelte Schriften zur Kunst. Köln/Opladen 1969.

Գրականություն[խմբագրել | խմբագրել կոդը]

Պատկերասրահ[խմբագրել | խմբագրել կոդը]

  • Դիոնիս, 1890/1900

    Դիոնիս, 1890/1900

  • Կոնրադ Ֆիդլեր, 1890

    Կոնրադ Ֆիդլեր, 1890

  • Քնած փոքրիկ հովիվը, 1871/73

    Քնած փոքրիկ հովիվը, 1871/73

  • Ֆիլոկտետ, 1886

    Ֆիլոկտետ, 1886

  • Vater-Rhein-Brunnen, Մյունխեն

    Vater-Rhein-Brunnen, Մյունխեն

  • Իշխան Լուիտպոլդ

    Իշխան Լուիտպոլդ

  • Յոհանես Բրամս

    Յոհանես Բրամս

  • Բիսմարկ, 1910

    Բիսմարկ, 1910

  • Վերներ ֆոն Սիմենս

    Վերներ ֆոն Սիմենս

  • Վիտելսբախյան շատրվանը

    Վիտելսբախյան շատրվանը

  • Վիտելսբախյան շատրվանը (դրվագ)

    Վիտելսբախյան շատրվանը (դրվագ)

  • Վիտելսբախյան շատրվանը (դրվագ)

    Վիտելսբախյան շատրվանը (դրվագ)

  • Ջուր խմող պատանին

    Ջուր խմող պատանին

  • Կանգնած պատանի

    Կանգնած պատանի

Ծանոթագրություններ[խմբագրել | խմբագրել կոդը]

  1. ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
  2. ↑ 2,0 2,1 2,2 2,3 2,4 Adolf von Hildebrand (նիդերլ.)
  3. ↑ 3,0 3,1 Encyclopædia Britannica
  4. ↑ 4,0 4,1 4,2 Czech National Authority Database
  5. ↑ 5,0 5,1 5,2 German National Library, Berlin State Library, Bavarian State Library, Austrian National Library Record #118550934 // Gemeinsame Normdatei — 2012—2016.
  6. ↑ https://sammlung.staedelmuseum.de/de/person/berliner-secession

Արտաքին հղումներ[խմբագրել | խմբագրել կոդը]

Commons-logo.svg
 Adolf von Hildebrand
էջը Վիքիպահեստում
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 404)։ CC BY-SA icon 80x15.png
 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Ադոլֆ_ֆոն_Հիլդեբրանդ&oldid=8280892» էջից