Նյուրնբերգի գեղարվեստի ակադեմիա

Վիքիպեդիայից՝ ազատ հանրագիտարանից
Նյուրնբերգի գեղարվեստի ակադեմիա
Изображение логотипа
Տեսակգեղարվեստի ակադեմիա և հասարակական համալսարան
Հիմնադրված է1662
Ընդհանուր անձնակազմ59 մարդ
ԱնդամակցությունԳերմանացի ռեկտորների կոնֆերանս[1]
Երկիր Գերմանիա[2]
ՏեղագրությունՆյուրնբերգ[2]
ՀասցեBingstraße 60
Կայքadbk-nuernberg.de
Նյուրնբերգի գեղարվեստի ակադեմիա (Գերմանիա)##
Նյուրնբերգի գեղարվեստի ակադեմիա (Գերմանիա)
Նյուրնբերգի գեղարվեստի ակադեմիա, Գերմանիա
 Akademie der Bildenden Künste Nürnberg Վիքիպահեստում

Նյուրնբերգի գեղարվեստի ակադեմիա (գերմ.՝ Akademie der Bildenden Künste Nürnberg), Կենտրոնական Եվրոպայի գերմանախոս հատվածի ամենահին գեղարվեստի ակադեմիան, որը հիմնադրվել է 1662 թվականին։

Պատմություն[խմբագրել | խմբագրել կոդը]

Ակադեմիան գտնվում է Նյուրնբերգում։ Հիմնադրվել է 1662 թվականին քաղաքային խորհրդի անդամ Յոհմ Նյուտցել ֆոն Յունդերբյուլի, կոմս Յակոբ ֆոն Սանդրարտի և ճարտարապետ Գադելերոյի կողմից։

Նորաստեղծ գեղարվեստի դպրոցի առաջին դասերն անցել են ֆոն Զանդրատայի տանը։ 1674 թվականին ակադեմիան տեղափոխվել է ֆրանսիական մենաստանի նախկին շենք, 1699 թվականին՝ Սուրբ Կատարինայի մենաստանի շենք։ Նույն թվականին որոշում է կայացվել ակադեմիան ֆինանսավորել քաղաքային բյուջեի հաշիվներից։

1716 թվականին ակադեմիայի տնօրեն Յոհան Պրեյսլերն արհեստավորների երեխաների համար ստեղծում է գեղարվեստի անվճար դպրոց, որը երկու տարի անց դառնում է ակադեմիայի մաս։ 19-րդ դարի սկզբին ակադեմիան անցնում է Բավարիայի Թագավորության պետական խնամակալության ներքո և 1820 թվականին անվանափոխվում է որպես «Գեղարվեստի թագավորական դպրոց»։

1818 թվականին ակադեմիայի շենքը տեղափոխվել է Նյուրնբերգ ամրոցի տարածք, 1835 թվականից տեղակայվել է տասներկու եղբայրների Լանդաուերյան տանը, 1897 թվականին՝ տեղափոխվել հատուկ ակադեմիայի համար կառուցված Ֆլաշենհոֆշտրաս շենք։ 1833 թվականին Լյուդվիգ I-ը ակադեմիային տվել է «արհեստների դպրոցի» կարգավիճակ։ Բավարիայի գեղանկարչության, քանդակագործության և ճարտարապետության գլխավոր կենտրոն է դառնում Մյունխենի գեղարվեստի ակադեմիան։

1940 թվականին վերականգնվել է ակադեմիայի նախկին կարգավիճակը։ 1943 թվականին Ֆլաշենհոֆշտրաս շենքի ավերման պատճառով ակադեմիան տեղափոխվել է Էլինգենի պալատական շենք։ Հետպատերազմյա շրջանից մինչև 1954 թվական ակադեմիան գործել է Էլինգենում, այնուհետև տեղափոխվել Նյուրնբերգի՝ գերմանացի ճարտարապետ Սեպ Ռուֆի նախագծով կառուցված շենք։ 1985 թվականից ակադեմիան օգտագործում է նաև Պեգնիցի Լաուֆի ամրոցի տարածքներից[3]։

Դասընթացներ[խմբագրել | խմբագրել կոդը]

Դասերը ներառում են կերպարվեստի, քանդակի, վիզուալ արվեստի, նկարչության, գեղարվեստական կրթության, ոսկեգործության, արծաթագործության, գրաֆիկական դիզայնի ուսումնասիրություններ։ Կազմակերպվում են վարպետության դասընթացներ ճարտարապետությունից, քաղաքաշինությունից, արվեստից և հանրային տարածքների կառավարումից։

Դասընթացները կազմակերպվում են Սեպ Ռուֆի նախագծով ստեղծված թափանցիկ տաղավարներում, իսկ շենքը ճանաչվել է պատմամշակութային արժեք։ Համալսարանական շենքը գտնվում է քաղաքի ծայրում։ Ակադեմիայի ցուցասրահում կազմակերպվում են երիտասարդ արվեստագետների աշխատանքների ցուցադրություններ։

Ակադեմիան համագործակցում է Արևելյան և Արևմտյան Եվրոպայի արվեստի այլ համալսարանների հետ՝ Հունգարիայի գեղարվեստի ակադեմիա, Հելսինկիի գեղարվեստի ակադեմիա, Կրակովի գեղարվեստի ակադեմիայի, Վիեննայի կիրառական արվեստի ակադեմիա։

Ծանոթագրություններ[խմբագրել | խմբագրել կոդը]

  1. https://www.hrk.de/mitglieder/mitgliedshochschulen/kunst-und-musikhochschulen/
  2. 2,0 2,1 archINFORM (գերմ.) — 1994.
  3. «AdBK Nuernberg». Արխիվացված է օրիգինալից 2016 թ․ մարտի 4-ին. Վերցված է 2016 թ․ փետրվարի 20-ին.

Արտաքին հղումներ[խմբագրել | խմբագրել կոդը]