Մասնակից:Էդմոնդ Խաչատրյան/Ավազարկղ

Վիքիպեդիայում կան հոդվածներ Ջանիբեկյան ազգանունով այլ մարդկանց մասին։

Արթուր Օթարիի Ջանիբեկյան
Ծնվել է	փետրվարի 29, 1976 (48 տարեկան)
Ծննդավայր	Երևան
Քաղաքացիություն	Հայաստան
Գործունեություն	Պրոդյուսեր,Ռուսական հեռուստատեսության ակադեմիայի անդամ, Ռուսական երաժշտության ակադեմիայի անդամ, «Էմմի» միջազգային հեռուստատեսային արվեստի ակադեմիայի անդամ
Ծնողներ	Հայր` Օթարի Ջանիբեկի Հակոբյան Մայր` Էլլա Էդուարդի Հակոբյան
Հարազատներ	քույր՝ Լիլիթ Օթարիի Հակոբյան
Երեխաներ	Երեք որդի` Նարեկ, Արամ, Արեգ մեկ դուստր՝ Էվա

Արթուր Օթարիի Ջանիբեկյան (), հեռուստատեսային պրոդյուսեր, մեդիա մենեջեր։ Հեռուստատեսային արվեստի միջազգային ակադեմիայի` Emmy International-ի անդամ։ Comedy Club Production-ի հիմնադիր և գլխավոր պրոդյուսեր։

Կենսագրություն

Ծնվել է 1976 թվականի փետրվարի 29-ին Երևանում։

Ավարտել է Երևանի պետական համալսարանին առընթեր Արտաշես Շահինյանի անվան ֆիզիկամաթեմատիկական հատուկ դպրոցը։ Ստացել է բարձրագույն կրթություն Երևանի պետական համալսարանում (Տնտեսագիտական կիբեռնետիկայի ֆակուլտետ)։

1997-98 թվականներին ծառայել է ՀՀ Զինված Ուժերում։

Կարիերա

• 1993-1996 թթ․ — «Շարմ» ընկերություն, պոստերների փակցնող, ադմինիստրատոր, նախագծի համակարգող, նկարահանող խմբի տնօրեն
• 1994 թ․ ի վեր. — ՈւՀԱ-ի «Նոր հայեր» թիմի տնօրենն ու հիմնադիրներից մեկը ( 1997 թվականի Բարձրագույն լիգայի հաղթող, 1998 թվականի սուպեր չեմպիոն)։
• 2000-2005 թթ․ — «Ռուսական ռադիո»-ում «Նոր հայկական ռադիո» հաղորդման պրյոդուսեր
• 2001-2002 թթ․ — «Բարի երեկո Իգոր Ուգոլնիկովի հետ» հեռուստածրագրի պրոդյուսեր, որը հեռարձակվում էր СТС հեռուստաալիքով

2003 թվականին ՈՒՀԱ-ի թիմի իր ընկերների հետ հիմնադրել է Comedy Club ակումբային շոուն, որն իրենից ներկայացնում էր նոր՝ stand-up comedy ժանր ռուսական հեռուստատեսության մեջ։ 2005 թվականից շոուն սկսեց հեռարձակվել ТНТ հեռուստաալիքով։

Ըստ 2006 թվականի Ֆորբս ամսագրի տվյալների՝ Comedy Club նախագիծը մտել է ռուսական ամենահաջողված կոմերցիոն նախագծերի առաջին տասնյակը՝ զբաղեցնելով 9-րդ հորիզոնականը՝ 3.5 միլիոն ԱՄՆ դոլլարով։

2007 թվականին hիմնադրել է Comedy Club Production ընկերությունը, որը բազմապրոֆիլ պրոդյուսերական կենտրոն է։ Եղել է ընկերության հիմնադիրը, սեփականատերն և գլխավոր պրոդյուսերը։

Նույն թվականին, ըստ GQ ամսագրի, ճանաչվել է «Տարվա մարդ»՝ «Տարվա պրոդյուսեր» անվանակարգում։

Մեկ տարի անց՝ 2008 թվականին հիմնադրել է Comedy TV շուրջօրյա հումորային հեռուստաալիքը, իսկ 2009 թվականին՝ Comedy Cafe թեմատիկ ռեստորանների ցանցը։ Հանդիսացել է «7 Art» ընկերության հիմնադիր և համասեփականատեր. այն ТНТ հեռուստաալիքով արտադրում էր «Универ», «Интерны» սիտկոմները, որը հետագայում համալրել է Comedy Club Production-ը։

2011 թվականին Comedy Club Production պրոդյուսերական կենտրոնի վերահսկիչ փաթեթը վաճառել է ТНТ հեռուստաալիքին։ Գործարքի գումարը կազմել է 350 մլն. ԱՄՆ դոլար, որը ռեկորդային բարձր է համարվում ռուսական հեռուստատեսության պատմության համար։

2012 թվականին դարձել է «Ռուսաստանի մեդիամենեջեր-2012» մրցանակի դափնեկիր և պարգևատրվել է «Ապրանքանիշների և հեռուստատեսային ապրանքների արտադրության գործում բացառիկ վաստակի, ինչպես նաև հեռուստատեսության ոլորտում խոշորագույն գործարքի համար» անվանակարգում։

2013 թվականի Ֆորբս-ի տվյալներով Comedy Club Production-ը զբաղեցնում է երկրորդ տեղը որպես հեռուստատեսությունների համար ամենաշատ բովանդակություն արտադրող ընկերություն։

2013 թվականին լույս տեսած «Գիրքը» (ռեժիսոր՝ Վ. Մանսկի) վավերագրական ֆիլմի պրոդյուսերն է։ 2014 թվականին ֆիլմը Մոսկովյան 36-րդ միջազգային կինոփառատոնի շրջանակներում մասնակցել է «Ազատ միտք» (ռուս.՝ Свободная мысль) վավերագրական ֆիլմերի պաշտոնական ծրագրին։

2015 թվականի մարտի 30-ին Արթուր Ջանիբեկյանը գլխավորեց չորս հեռուստաալիքների ՝ ТНТ, ТВ-3, «Пятница» և «2х2», ինչպես նաև երկու հեռուստաարտադրության՝ Comedy Club Production և «А плюс продакшн» (նախկինում՝ Good story media) միավորումը։

2015 թվականին «1000 լավագույն ռուս մենեջերներ» ամենամյա վարկանիշային դասակարգումը, որը ձևավորվում է Ռուսաստանի մենեջերների միության (AMP) փորձագիտական քվերակության արդյունքում, մեդիաբիզնեսի ոլորտում բարձրաստիճան մենեջերների լավագույն հնգյակում ներառեց նաև Արթուր Ջանիբեկյանին։ Վարկանիշային դասակարգումը ամեն տարի հրապարակվում է «Կոմերիսանտ» բիզնես-օրաթերթում։ 2016 թվականի հունվարի 1-ին գործարվկեց «ТНТ 4» նոր հեռուստաալիքը, որի հեռարձակման ցանցը կազմեցին «ТНТ» հեռուստաընկերության առաջին հեռարձակումից ի վեր լավագույն գրադարանային նախագծերը։ 2016 թվականի հունիսին Արթուր Ջանիբեկյանը նաև գլխավորեց «ТНТ» հեռուստաընկերությունը գլխավոր տնօրենի պաշտոնում։ Նույն թվականի հուլիսի 7-ին նա արժանացավ «2016 թվականի Ռուսաստանի մեդիա մենեջեր» մասնագիտական պատվավոր մրցանակին։

2016 թվականին երկու հեռուստաալիքների նախագծեր ստացան ռուսաստանյան հեռուստատեսային «ТЭФИ» խոշարագույն մրցանակաբաշխության 7 արձանիկներ` «Ցերեկային եթեր» և «Երեկոյան փրայմ» անվանակարգերում։

2017 թվականի հունվարին ТНТ4 հեռուստաալիքը, մտնելով Արթուր Ջանիբեկյանի ղեկավարության ներքո գտնվող ГПМ РТВ սուբհոլդինգ, դարձավ ռուսական առաջին դաշնային ալիքը, որ մեկ տարվա ընթացքում ընդլայնել է հեռարձակման սահմանները երկրից դուրս։ 2017 թվականի մայիսին «Пятница!» հեռուստաալիքը հեռարձակվեց միջազգային եթեր։

2017 թվականի հուլիսի 6-ին Արթուր Ջանիբեկյանը երրորդ անգամ արժանացավ «Ռուսաստանի մեդիա-մենեջեր – 2017» 17-րդ ազգային մրցանակաբաշխության դափնեկրի կոչմանը։ Մրցանակը տրվեց ժամանցային և հումորային բովանդակության ստեղծման, զարգացման և արդյունավետ կառավարման գործում ակնառու նվաճումների համար»։

2017 թվականի հոկտեմբերին Արթուր ջանիբեկյանի ղեկավարության ներքո ТНТ-ն դարձավ Ռուսաստանում առաջին հեռուստաալիքը, որ սկսեց գովազդ վաճառել Big TV վարկանշային համակարգում։ Այս համակաևգը գովազդատուներին հնարավորություն է տալիս տեղադրել հոլովակներ միառժամանակ և՛ եթերում և՛ ալիքի թվային հարթակներում։ ТНТ-ն դարձավ առաջին ալիքը, որ հասանելի դարձրեց իր ինֆորմացիոն ռեսուրսները ողջ շուկայի համար։

2018 թվականի հուլիսի 5-ին Մոսկվայում տեղի ունեցավ «Ռուսաստանի մեդիա մենեջեր» ազգային մրցանակի դափնեկիրների պարգեւատրման XVIII արարողությունը, Գրան պրին շնորհվեց Արթուր Ջանիբեկյանին։

Երեք տարվա ընթացքում՝ 2016-ից 2018 թթ․, ТНТ-ի նախագծերը, «Пятницы!»-ը, Comedy Club Production-ը и Good Story media-ն արժանացել են ТЭФИ մրցանակաբաշխության 4 արձանիկի՝ «Ցերեկային եթեր» և «Երեկոյան փրայմ» անվանակարգերում։

Գոգոլ։ Սկիզբ (ֆիլմ)

2017 թվականին Վալերի Ֆեդորովիչի և Եվգենի Նիկիշովի հետ Արթուր Ջանիբեկյանը հանդես եկավ բացառիկ նախագծով՝ «Гоголь. Начало», առաջին հեռուստասերիալն աշխարհում, որ դուրս եկավ լայն կինովարձույթի։ Ֆիլմը վերադարձրեց ծախսված գումարը վարձակալության հենց սկզբում և գրանցեց մի քանի ռեկորդ։ Կինոնկարը մտավ 2017 թ-ի ամենաբարձր վարձատրվող ռուսաստանյան կինոդիտումների ֆիլմերի տասնյակ։ Բացի Ռուսաստանից և ԱՊՀ երկրներից «Гоголь. Начало» ֆիլմը ռուսերեն լեզվով ցուցադրվեց ԱՄՆ-ում, Մեծ Բրիտանիայում, Գերմանիայում, Իսպանիայում, Ավստրիայում եւ Կիպրոսում։ Ֆիլմի պրոմոընկերությունը արժանացավ մի շարք մասնագիտական պարգևենրի և դիպլոմների և շարժեց պրոֆեսիոնալ համայնքի հետաքրքրությունը Կաննում MIPCOM-ում։

Տնային կալանք (սերիալ)

2018 թվականին Արթուր Ջանիբեկյանը Սեմյոն Սլեպակովի և Ալեքսանդր Դուլերայնի հետ հանդես եկավ որպես «Տնային կալանք» սերիալի պրոդյուսեր, այն «Кинопоиск» կայքի վարկածով գլխավորեց 2018 թվականի լավագույն սերիալների ցանկը ։ «Տնային կալանք»-ը «Кинократия»-ի վարկածով զբաղեցրեց առաջին հորիզոնականը նաև ռուսական հեռուստասերիալների Թոփ-5-ում , դարձավ կինոյի և հեռուստատեսության արտադրողների ասոցիացիայի 7-րդ մրցանակաբաշխության ութակի դափնեկիր։ Սերիալն արժանացել է նաև «Նիկա» 32-րդ մրցանակաբաշխության հատուկ մրցանակին «Հեռուստատեսային կինոյի արվեստում ստեղծագործական նվաճումներ» անվանակարգում։ «Տնային կալանք»-ը նաև դարձավ «ТЭФИ – համագործակցություն» իններորդ միջազգայն հեռուստատեսային փառատոնի հաղթողը։

2019 թվականին Արթուրը Ջանիբեկյանը դարձավ «Էմմի» միջազգային հեռուստատեսային արվեստի ակադեմիայի անդամ։

2022 թ-ին ստորագրելով ТНТ հեռուստաալիքի համար հեռուստատեսային նախագծերի արտադրման մասին բացառիկ պայմանագիր, Արթուր Ջանիբեկյանը սկսեց ակտիվ զբաղվել ռուսական և համաշխարհային թվային մեդիաների և հարթակների համար նոր ունիկալ թվային բովանդակության արտադրությունով։

Հասարակական գործունեություն

«Ստարտափ Արմենիա» գիտակրթական հիմնադրամ

Ստարտափ Արմենիա հիմնադրամը հիմնադրվել է 2016թ.-ին Արթուր Ջանիբեկյանի կողմից։ Այն հաջողությամբ իրագործել և շարունակում է իրականացնել մի շարք նախագծեր, որոնք միտված են տարածաշրջանում զարգացնել նորարարական ուղղությունները և ստարտափ ոլորտը։ Հայտնի ծրագրերից են «Coworking Armenia»-ն՝ Հայաստանում առաջին աշխատանքային տարածքը՝ նախատեսված ֆրիլանսերների և սկսնակ գործարարների համար, «Startup Club»-ը՝ Հայաստանի ծայրամասային մարզերի դպրոցահասակ երեխաներին ձեռներեցության հիմունքները սովորեցնելու մարզային կենտրոններ, «Startup School»-ը՝ հատուկ մշակված ծրագրով բիզնես դպրոց ավագ դպրոցի աշակերտների համար, «Drone Edu Lab»-ը՝ դռոնների և ռոբոտների ծրագրավորման դպրոց դպրոցականների համար։ Արթուր Ջանիբեկյանը Ստարտափ դպրոցի հիմնադիրներից է։ Այն հիմնադրվել է Հայաստանում դպրոցահասակ երեխաների մոտ բիզնես մտածողությունը զարգացնելու և խթանելու նպատակով։ 2021 թվականի հուլիս-օգոստոս ամիսներին նա հովանավորել է նախագծերի մասնակիցների համար միջոցառումների և բիզնես-քոուչների ելույթների կազմակերպումը։ 2021 թվականի դեկտեմբերին նա մասնակցել է SSSholidays ամենամյա միջազգային ստարտափ համաժողովին Արաբական Միացյալ Էմիրություններում և Հնդկաստանում։

Նա նաև Triple S (3S) վենչուրային ընկերության համահիմնադիրն ու ներդրողն է։ Triple S (3S)-ը ստեղծվել է Seaside Startup Summit-ի կողմից Ամերիկայի Միացյալ Նահանգներում։ Այս հիմնադրամի հիմնական նպատակն է զարգացնել և աջակցել նորարարական տեխնոլոգիական ոլորտներին՝ արհեստական բանականություն, անվտանգություն և այլն։

Seaside Startup Summit

2016 թվականին Արթուր Ջանիբեկյանը դարձավ տարածաշրջանում խոշորագույն ստարտափ ֆորումի՝ «Սևան Ստարտափ Սամմիթ»-ի համահիմնադիրը։ 2018 թվականին ծրագիրը դուրս եկավ միջազգային հարթակ և անցկացվեց ԱՄԷ-ում և Հնդկաստանում Seaside Startup Summit անվան ներքո։ 2019 թվականին Արթուր Ջանիբեկյանը դարձավ Seaside Startup Holdings ներդրումային ֆոնդի համահիմնադիր, որը կատարում է ներդրումներ սամմիթներին մասնակցող առավել հաջողված ստարտափ նախագծերում։ 2019 թվականից Արթուր Ջանիբեկյանը, համաժողովի բանախոսն է։

Վերածնունդ Մշակութային և Ինտելեկտուալ Հիմնադրամ

Հիմնական հոդված՝ Վերածնունդ Մշակութային և Ինտելեկտուալ Հիմնադրամ

«Վերածնունդ Մշակութային և Ինտելեկտուալ» հիմնադրամի հիմնադիրն է, որը է 2013 թվականին։ Հիմնադրամը զբաղվում է հայկական ինտելեկտուալ և մշակութային ժառանգության պահպանմամբ, զարգացմամբ և տարածմամբ։

Հիմնադրամի նոր սկսած՝«Հայկական ազգային երաժշտական գանձարան» նախագիծը զբաղվում է հայկական ժողովրդական երաժշտական ստեղծագործությունների ձայնագրություններով, ապահովում է դրանց միջազգային մակարդակի ներկայանալիությունը։

«Հայկական ազգային երաժշտական գանձարան»

«Հայկական ազգային երաժշտական գանձարան» նախագծի նպատակն է՝

• ձայնագրել և վերաձայնագրել հայ ժողովրդական, գործիքային և եկեղեցական երաժշտությունը
• պահպանել և սերունդներին փոխանցել մշակութային ժառանգությունը
• ստեղծել միջազգային չափանիշներին համապատասխան հայ ժողովրդական և հոգևոր երգերի ժամանակակակից թվային ձայնադարան
• վերականգնել ազգային երգը, ծեսն ու ավանդույթը
• վերականգնել նոտային գրականությունը և տեխնիկապես հասանելի դարձնել հայ մշակութային ժառանգությունը
• ստեղծել հայ ազգային երաժշտության համաշխարհային պորտալ, ունենալ ուսումնական նյութերի պատրաստման աղբյուր համայն հայության համար
• նպաստել ֆիլմերում հայ երաժշտության օգտագործմանը, այդպիսով կինոարտադրության միջոցով ազգայինը ճանաչելի դարձնել բոլորի համար

Հիմնադրամի աջակցությամբ իրականացվել է աննախադեպ աշխատանք՝ ուղղված հայկական ժողովրդական և ազգային երգերի վերականգմանն ու ձայնագրմանը, երաժշտության թվայնացված գրադարանի ստեղծմանը, ինչպես նաև գործածության մեջ է դրվել հայկական ազգային-ժողովրդական և հոգևոր երաժշտության կայքը։ Կայքում տեղադրված է թվային ձայնադարան, որն ներառում է հայկական ժողովրդական երգեր, հայ միջնադարյան երգարվեստի, գործիքային մեղեդիների և աշուղական երգերի մոտ 600 նմուշներ։

Առաջին հրատարակությունից 120 տարի անց, Երևանում թողարկվեց հայկական հոգևոր երաժշտության ամենակարևոր գոհարներից մեկը՝ Մակար Եկմալյանի «Սրբազան պատարագը»։ «Մշակութային վերածնունդ» հիմնադրամի և անձամբ նրա հիմնադիր Արթուր Ջանիբեկյանի նախաձեռնության շնորհիվ հայկական հոգևոր երաժշտության դասական պատարագը վերաթողարկվեց նոր ծանոթագրություններով ու լրացումներով։

«Վերածնունդ Մշակութային և Ինտելեկտուալ» հիմնադրամն աջակցել է «Վիքիմեդիա Հայաստան» գիտակրթական հասարակական կազմակերպության գործունեությանը։

Սարոյան Հաուս

Հիմնական հոդված՝ Վիլյամ Սարոյանի տուն-թանգարան

Վ.Սարոյանի Տուն-թանգարանը Ֆրեզնոյում

Որպես «Վերածնունդ Մշակութային և Ինտելեկտուալ» հիմնադրամի հիմնադիր՝ Արթուր Ջանիբեկյանը ստեղծեց «Սարոյան Հաուս» նախագիծը, որի շրջանակներում ամերիկահայ գրող և դրամատուրգ Վիլյամ Սարոյանի տունը՝ տեղակայված Ֆրեզնո քաղաքում, պետք է վերածվի գրողի տուն-թանգարանի։ Տուն-թանգարանը իր դռները բացեց այցելուների համար 2018 թվականի օգոստոսին՝ մեծն գրողի ծննդյան 110 ամյակին։

Գրիգոր Նարեկացի

Կողմնակիցն ու կրողն է հայ պոետ, փիլիսոփա եւ աստվածաբան Սբ. Գրիգոր Նարեկացու գաղափարների, կազմակերպում եւ ֆինանսավորում է Հայաստանում վերջինիս վերաբերող բոլոր միջոցառումները։ Որպես եկեղեցին և իր ազգը սիրող հայ՝ Արթուր Ջանիբեկյանի անունը անմահացված է Մոսկվայի հայկական տաճարային համալրի Սբ. Պայծառակերպություն անունը կրող Հայ Առաքելական եկեղեցու խորաքանդակի վրա։

2017 թվականի հունվարին Արթուր Ջանիբեկյանը տաճարային համալիրին է նվիրաբերել Սուրբ Գրիգոր Լուսավորիչի մասունքների մի մասը, որը ձեռք էր բերվել Փարիզում կայացած աճուրդի ժամանակ, որտեղ ներկայացված էին հայկական մշակույթի ու եկեղեցական սպասքի եզակի նմուշներ։

Արթուր Ջանիբեկյանի բարերարությամբ Գրիգոր Նարեկացու արձանը Վատիկանի պարտեզում կանգնեցվել է 2018 թվականի մարտի 21-ին։

Արձանի բացման արարողությունը տեղի է ունեցել 2018 թվականի ապրիլի 5-ին։ Բացմանը մասնակցել է ՀՀ նախագահ Սերժ Սարգսյանը, Ն.Ս.Օ.Տ.Տ. Գարեգին Բ կաթողիկոսը, Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսը, Հայ Կաթողիկե Եկեղեցու Պատրիարք Ամենապատիվ Գրիգոր-Պետրոս Ի Կապրոյանը։ Արձանը պատրաստված է երկու օրինակից, երկրորդ օրինակը կտեղադրվի Էջմիածնում։

Հանրային ռադիոյի «Ոսկե ֆոնդ»

Արթուր Ջանիբեկյանի կողմից հիմնադրված «Վերածնունդ» մշակութային և ինտելեկտուալ հիմնադրամի աջակցությամբ Հայաստանի հանրային ռադիոն թվայնացրել է ավելի քան 100 000 ձայնագրություն պարունակող ամենամեծ հայկական աուդիո-արխիվը։ Նախագիծն իրականացվել է ամենաժամանակակից տեխնոլոգիաների կիրառմամբ, ինչը թույլ է տվել զգալիորեն բարելավել ձայնագրությունների որակը, ապահովել դրանց երկարատև պահպանումը, հրապարակումը և ունկնդիրների ազատ մուտքը։ 2019 թվականից ի վեր Հայաստանի հանրային ռադիոյի «Ոսկե ֆոնդը» հասանելի է armradioarchive.am կայքում։

Այլ

Հանդիսանում է սրճարանների և հյուրանոցների ցանցի համասեփականատեր Հայաստանում և ունի տարբեր հետաքրքրություններ horeca ոլորտում։

«Սնոբ» բանավեճի ակումբի անդամ է, Մոսկվայի Սկոլկովո կառավարման դպրոցի MBA ծրագրի ուսանողների համար վարում է վարպետության դասեր։

«ԱՅԲ կրթական համալիրի» աջակիցներից մեկը, որը համարվում է առաջին հայկական նորարարական կրթական կենտրոնը Համալիրը կազմված է դպրոցից, եկեղեցուց, համայնքային կենտրոնից և մանկապարտեզից` ներառելով ինչպես հայկական կրթական լավագույն ավանդույթները, այնպես էլ ուսուցման նորագույն համաշխարհային տեխնոլոգիաները։

2013 թվականի նոյեմբերի 9-ին դասախոսություն է կարդացել Կոլումբիայի համալսարանի (Columbia University) Միջազգային հարաբերություններ ֆակուլտետի ուսանողների համար «Ռուսական մեդիայի միտումները» թեմայով։

2013 թվականին հանդիսացավ պրոդյուսերն ու հովանավորը «Книга» վավերագրական ֆիլմի (ռեժիսոր Վ․ Մանսկի)․ 2014 թվականին Մոսկվայի 36-րդ միջազգային կինոփառատոնի շրջանակում ֆիլմը մասնակցել է «Ազատ միտք» փաստավավերագրական ֆիլմի պաշտոնական ծրագրին։

2016 թվականին IDeA հիմնադրամի նախաձեռնությամբ The New York Times և «Հայաստանի Հանրապետություն» թերթերում հրապարակվել է բաց նամակ՝ «Հայ ժողովրդի ապագան որոշվում է հիմա» վերնագրով՝ նվիրված Հայկական Բարեգործական Ընդհանուր Միության (AGBU) 110 ամյակին։ Նամակը կոչ է անում անհատներին, կազմակերպություններին, պետական և հասարակական կառույցներին վերաիմաստավորել ապագան, միավորել ուժերը՝ հայ ժողորդի զարգացման համար։ Նամակը ստորագրել են տարբեր երկրներում ապրող հայտնի հայերը՝ Ռուբեն Վարդանյանը, Նուբար Աֆեյանը, Վարդան Գրեգորյանը, Շառլ Ազնավուրը, Լորդ Արա Դարզին, Սամվել Կարապետյանը, Արթուր Ջանիբեկյանը և այլն։

Հանդես է գալիս կրթական ոլորտի վարպետության դասերով։

Արձաններ

Երևանում տեղադրված երկու քանդակների՝ Դավիթ Երևանցու «Վարք հավերժության» և Դավիթ Մինասյանի «Տղամարդիկ» արձանախմբի, ինչպես նաև Վատիկանում կանգնեցված Գրիգոր Նարեկացու հուշարձանի նախաձեռնողն ու հովանավորն է։

Տղամարդիկ (արձանախումբ)

Հիմնական հոդված՝ Տղամարդիկ (արձանախումբ, Երևան)

«Տղամարդիկ» արձանը Երևանում

Դավիթ Մինասյանի «Տղամարդիկ» քանդակը՝ ոգեշնչված Էդմոնդ Քյոսայանի նույնանուն ֆիլմից։ Արձանախումբը գտնվում է Երևանի կենտրոնում՝ Ստեփան Զորյան փողոցում, Մարտիրոս Սարյանի հուշարձանի հետնամասում։ Պատկերում է Էդմոնդ Քեոսայանի 1972 թվականին նկարահանած նույնանուն կինոնկարի հերոսներին՝ Սուրենին (դերասան՝ Մհեր Մկրտչյան), Վազգենին (Ազատ Շերենց), Արամին (Ավետիք Գևորգյան) և Սաքոյին (Արմեն Այվազյան), տեղադրվել է 2007-ին։ Հուշարձանը կառուցված է բրոնզից, բարձրությունը 1,97 մետր է։ Կինոժապավենի տեսքով պատրաստված պատվանդանին ռուսերեն գրված են կինոնկարի ստեղծագործական խմբի անդամների անունները։

Վարք հավերժության

Հիմնական հոդված՝ Վարք հավերժության (քանդակ, Երևան)

«Վարք հավերժության» քանդակը Երևանում

Քանդակը գտնվում է Երևանի կենտրոնում՝ Օղակաձև զբոսայգում, Մոսկովյան ու Տերյան փողոցների խաչմերուկին հարակից տարածքում, տեղադրվել է 2012 թվականի ապրիլի 23-ին։

Քանդակը կառուցված է բրոնզից, բարձրությունը 3 մետր է։

Քանդակը խորհրդանշում է Մատենադարանի ամենամեծ ձեռագիրը` «Մշո ճառընտիրը» փրկելու պատմությունը։ Քանդակը պատկերում է այն երկու կանանց, ովքեր հայերեն ամենամեծ մագաղաթյա գիրքը՝ «Մշո ճառընտիրը», երկու մասի են բաժանել և փրկել թուրքական յաթաղանից։ «Մշո ճառընտիրն» ունի 660 էջ, ընդհանուր կշռում է 28 կիլոգրամ, և պատրաստված է հորթի կաշվից)։

Գրիգոր Նարեկացու հուշարձան

Հիմնական հոդված՝ Գրիգոր Նարեկացու հուշարձան (Վատիկան)

Արթուր Ջանիբեկյանի բարերարությամբ Գրիգոր Նարեկացու արձանը Վատիկանի պարտեզում կանգնեցվել է 2018 թվականի մարտի 21-ին։

Արձանի բացման արարողությունը տեղի է ունեցել 2018 թվականի ապրիլի 5-ին։ Բացմանը մասնակցել է ՀՀ նախագահ Սերժ Սարգսյանը, Ն.Ս.Օ.Տ.Տ. Գարեգին Բ կաթողիկոսը, Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսը, Հայ Կաթողիկե Եկեղեցու Պատրիարք Ամենապատիվ Գրիգոր-Պետրոս Ի Կապրոյանը։ Արձանը պատրաստված է երկու օրինակից, երկրորդ օրինակը կտեղադրվի Էջմիածնում։

Պարգևներ

• 2007 թվականին Ռուսաստանում արժանացել է «Տարվա մարդ» կոչմանը ըստ GQ ամսագրի՝ որպես «Տարվա լավագույն պրոդյուսեր»։
• 2012 թվականին «Ռուսաստանի մեդիա մենեջեր 2012»-ի շրջանակներում պարգևատրվել է «ապրանքանիշների և հեռուստապրոդուկտների ստեղծման գործում արժանիքների, ինչպես նաև հեռուստատեսային ոլորտում իրականացված ամենախոշոր գործարքի համար»։
• 2013 թվականինՀայ Առաքելական եկեղեցու կողմից արժանացել է Սուրբ Գրիգոր Լուսավորչի պարգևին։
• 2016 թվականին հունիսի 7-ին դարձել հեղինակավոր մասնագիտական մրցանակի՝ «Ռուսաստանի Մեդիա-մենեջեր 2016» դափնեկիր։
• 2016 թվականին ՀՀ-ում պարգեւատրվել է մեդալով՝ «Հայրենիքին մատուցած ծառայությունների համար» I աստիճանի շքանշանով։
• 2018 թվականի հուլիսի 5-ին «Ռուսաստանի մեդիա մենեջեր» ազգային մրցանակի դափնեկիրների պարգեւատրման XVIII արարողության ժամանակ, Գրան պրին շնորհվեց Արթուր Ջանիբեկյանին։

Նախագծեր

Հեռուստածրագրեր

Հեռուստածրագրերի պրոդյուսեր՝

• «Comedy Club» (2005, ТНТ)
• «Наша Russia» (2006 ТНТ)
• «Աստղերը կարաոկեի դեմ» (Звезды против караоке)» (2006 ТНТ)
• «Бешенл Джеографик» (2007, ТНТ)
• «Смех без правил» (2007, ТНТ)
• «Убойная лига» (2007, ТНТ)
• «Убойной ночи» (2008, ТНТ)
• «Comedy Woman» (2008, ТНТ)
• «Универ» (2008 ТНТ)
• «Шоу Ньюs» (2008, ТНТ)
• «Дом-2» (2009, ТНТ)
• «Убойный вечер» (2009, ТНТ)
• «Два Антона» (2009, ТНТ)
• «Разрушители пословиц» (2010, ДТВ)
• «Идеальный мужчина» (2010, СТС)
• «Comedy Баттл» (2010, ТНТ)
• «Незлобин и Гудков» (2010, MTV)
• «Интерны» (2010 ТНТ)
• «Универ. Новая общага» (2011 ТНТ)
• «ComedyClub в Юрмале» (2013, 2014 ТНТ)
• «САШАТАНЯ» (2013 ТНТ)
• «ХБ» (2013 ТНТ)
• «Неzлоб» (2013 ТНТ)
• «Stand Up» (2013 ТНТ)
• «Не спать!» (2014 ТНТ)
• «Вот такое утро» (2014 ТНТ)
• «Танцы» (2014 ТНТ)
• «Однажды в России» (2014 ТНТ)
• «Озабоченные, или Любовь зла» (2015 ТНТ)
• «Где логика?» (2015 ТНТ)
• «Импровизация» (2016 ТНТ)
• «Бородач. Понять и простить» (2016 ТНТ)
• «Открытый микрофон» (2017 ТНТ)
• Love is… (2017, ТНТ)
• «Студия Союз» (2017, ТНТ)
• «Деньги или позор» (2017, ТНТ4)
• «Песни» (2018)
• «Большой завтрак» (2018)
• «Комик в городе» (2018)
• «Замуж за Бузову» (2018)
• «Прожарка» (2018)
• «Домашний Арест» (2018)
• «Год Культуры» (2018)
• «Знания и эмоции» (2018, ТВ-3)
• «Всё, кроме обычного» (2018, ТВ-3)
• «Жуки» (2019)
• «План Б» (2019)
• «Триада» (2019)
• «Две девицы на мели» (2019, Пятница!)
• «22 комика» (2019, ТНТ4)
• “Окаянные дни” (2020)
• “Пой без правил” (2020)
• “Двое на миллион” (2020)
• “Секрет” (2020)
• TALK (2020)
• “Ты как я” (2020)
• “Импровизация КОМАНДЫ” (2020)
• “Гусар” (2020)
• “Женский Стендап” (2020)
• “Новое утро” (2020)
• “Бой с Герлз” (2020, Пятница!)
• “Нам надо серьезно поговорить” (2020)
• «Закрытый мир» (2020)
• «Музыкальная интуиция» (2021)
• «Девушки с Макаровым» (2021)
• «Холостяк» 8 сезон (2021)
• «Я тебе не верю» (2021)
• «Новые танцы» (2021)
• «Шоу большой стран» (2021, Россиия 1)
• «ИГРА» (2021)
• Lab с Антоном Беляевым (2021)
• «Универ. 10 лет спустя» (2021)
• «Триада» 2 сезон (2021)
• «Яжотец» (2021)
• «Света с того света 2» (2021)
• «Стас» (2022)
• «Девушки с Макаровым 2» (2022)
• «Холостяк» 9 сезон (2022)
• «Год Культуры 2» (2022)
• «Сеструха» (2022, Пятница!)
• «Семья» (2022)
• «Развод» (2022)
• «Неличная жизнь» (2022)
• «Концерты» (2022)
• «Женский клуб» (2022)

Կինոնախագծեր

Կինոնախագծերի պրոդյուսեր՝

• «Самый лучший фильм» (2008)
• «Самый лучший фильм 2» (2009)
• «Наша Russia. Яйца судьбы» (2010)
• «Самый лучший фильм 3-ДЭ» (2011)
• «Попугай Club» (2014)
• «Книга» (2014)
• «Гоголь. Начало» (2017)
• «Zомбоящик» (2017)

Ընտանիք և անձնական կյանք

Հայրը՝ Օթարի Ջանիբեկի Հակոբյանը, Խորհրդային Հայաստանում զբաղեցրել է կուսակցական բարձր պաշտոններ։
Մայրը՝ Էլլա Էդուարդի Հակոբյանը, ատամնաբույժ է։
Քույրը՝ Լիլիթ Օթարի Հակոբյան։
Ամուսնացած է, ունի չորս երեխա։ Կինը՝ Էլինա Լևոնի Ջանիբեկյան
Երեխաները՝ Նարեկ, Արամ, Էվա, Արեգ։

Արտաքին հղումներ

• "Ամենալավ ֆիլմը" (Самый лучший фильм) հավաքեց ռեկորդային քանակությամբ եկամուտ - «КоммерсантЪ» օրաթերթ, 30.01.2008 (Արխիվացված օրիգինալից 24.07.2014) Արխիվացված 2014-08-12 Wayback Machine
• Արթուր Ջանիբեկյան - E-xecutive.ru - «Comedy Club-ը դատապարտված է հավերժության», 08.04.2009 Արխիվացված 2014-08-08 Wayback Machine
• Comedy-ն հայտարարել է ծիծաղի գինը- «КоммерсантЪ» օրաթերթ, 26.03.2010 (Արխիվացված օրիգինալից 24.07.2014) Արխիվացված 2014-08-13 Wayback Machine
• Կոնվեյերային հումոր (Юмор конвейерной сборки) - «КоммерсантЪ» օրաթերթ, 29.03.2010 (Արխիվացված օրիգինալից 24.07.2014) Արխիվացված 2014-08-13 Wayback Machine
• Արթուր Ջանիբեկյան - «КоммерсантЪ» օրաթերթ - «Ժամանցային հեռուստատեսություն Ռուսաստանում` առավելագույն ազատամիտ արարք», 08.04.2010 Արխիվացված 2014-08-08 Wayback Machine
• Նոր "Комеди Клаб" կհեռարձակվի ТНТ հեռուստաալիքով ապրիլի 23 - РИА Новости, 08.04.2010 (Արխիվացված օրիգինալից 24.07.2014) Արխիվացված 2014-08-13 Wayback Machine
• Արթուր Ջանիբեկյան - «КоммерсантЪ» օրաթերթ - «Բիզնեսում առավել արդյունավետ է լինել Կարաբաս-Բարաբաս», 12.04.2010 (Արխիվացված օրիգինալից 23.07.2014) Արխիվացված 2014-08-13 Wayback Machine
• 2010թ. ֆիլմերի վարձույթում աչքի են ընկել ընդամենը վեց ռուսական ֆիլմ («Наша Russia: Яйца судьбы».) – «РБК daily» օրաթերթ, 29.12.2010 (Արխիվացված օրիգինալից 24.07.2014) Արխիվացված 2014-08-13 Wayback Machine
• "Доме-2"-ում կատակերգություն են խաղում- Газета «КоммерсантЪ»: 14.01.2011 (Արխիվացված օրիգինալից 24.07.2014) Արխիվացված 2014-08-13 Wayback Machine
• Արթուր Ջանիբեկյան —«Аэрофлот» ամսագիր - «Յոթնապատիկ հնարք ականջներով» (Семикратный финт ушами), մայիս 2013
• Արթուր Ջանիբեկյան — «Аэрофлот Премиум» ամսագիր - «Ազգային առանձնահատկությունների, արևի էներգիայի և իրաան հումորի մասին», մայիս 2013
• Արթուր Ջանիբեկյան ` ԱՅԲ կրթական համալիրի հովանավոր. ԱՅԲ կրթական համալիրի մասին (Արխիվացված օրիգինալից. 07.2014) Արխիվացված 2014-08-13 Wayback Machine

Կատեգորիա:1976 ծնունդներ Կատեգորիա:Փետրվարի 29 ծնունդներ Կատեգորիա:Հայ պրոդյուսերներ Կատեգորիա:Երևան քաղաքում ծնվածներ